2026 жылғы 1 қаңтардан бастап қосылған құн салығының (ҚҚС) мөлшерлемесі тауарлар мен көрсетілетін қызметтердің айналымына, сондай-ақ импортқа қатысты 16% мөлшерінде белгіленеді.Медицина саласында:ҚҚС-тың төмендетілген мөлшерлемесі енгізіледі:– 2026 жылдан бастап – 5%– 2027 жылдан бастап – 10%Бұл мөлшерлеме келесіге қолданылады:медициналық қызметтерге,дәрілік заттарға,медициналық бұйымдарға,ҚҚС-тан босатылған қызметтер мен тауарлардан басқа.Үкіметпен келесі тізбелер бекітілетін болады:дәрілік заттар;медициналық бұйымдар;медициналық бұйымдардың құрамдас бөліктері;техникалық көмекші (компенсаторлық) құралдар.Құрылыс және тұрғын үйді іске асыру саласында:2026 жылғы 1 қаңтардан бастап тұрғын үйді (пәтерді) өткізу немесе жалға беру кезінде ҚҚС-тан босату күші жойылады.Алайда келесі жағдайларда ҚҚС-тан босату қолданылады:Тұрғын үйді (пәтерді) өткізу кезінде, егер оның құрылысы басталғанжәне/немесе пайдалануға қабылдау 2026 жылғы 1 қаңтарға дейін жүзеге асырылған болса. Бұл жеңілдік тек құрылыс жүргізуші тұлғаға қатысты қолданылады.2026 жылғы 1 қаңтарға дейін жасалған тұрғын үйді ұзақ мерзімдіжалға беру шарты бойынша (сатып алу құқығымен) тұрғын үй ғимаратын (немесе оның бөлігін) жалға берген жағдайда.Ақпарат көзі : https://www.gov.kz/memleket/entities/kgd-vko/press/news/details/1094528?lang=kk

Өскемен қалалық мәслихатының кезектен тыс сессиясында кәмелетке толмағандардың істері және олардың құқықтарын қорғау жөніндегі ведомствоаралық комиссияның, сондай-ақ төтенше жағдайлардың алдын алу және жою жөніндегі қалалық комиссияның құрамына өзгерістер енгізілді.Сессияда қабылданған шешімдер ведомствоаралық комиссиялар жұмысының тиімділігін арттыруға және кадрлық өзгерістерге сәйкес олардың қызметін қамтамасыз етуге бағытталған. Ақпарат көзі : https://www.gov.kz/memleket/entities/ukmaslihat/press/news/details/1094532?lang=kk

Қостанай қаласында екінші деңгейлі банк өкілдері мен қаладағы ПҚШК бастамашыл тобының қатысуымен жұмыс кеңесі өтті.Кеңес Қазақстан Республикасының банктік шоттарды ашу және жүргізу тәртібін реттейтін заңнамасына енгізілген өзгерістерге байланысты ұйымдастырылды.Кездесу барысында қатысушылар жаңартылған талаптардың негізгі тұстарын, олардың тәжірибеде қолданылу тәртібін, сондай-ақ ПҚШК төрағалары мен бухгалтерлерінде туындайтын өзекті мәселелерді талқылады.Сонымен қатар, кеңесте қаржылық операциялардың ашықтығын қамтамасыз ету және кооператив мүшелерінің қаржылық сауаттылығын арттыру мәселелеріне ерекше назар аударылды. Ақпарат көзі : https://www.gov.kz/memleket/entities/kostanai-kalasy-akimat/press/news/details/1094536?lang=kk

Облыстық мәслихаттың шешіміне сәйкес қалаға облыстық бюджеттен трансферттер ұлғайтылды. Қосымша қаражат автобус тасымалын субсидиялауға, сондай-ақ Комсомольский кентінде (Лесхоз кенті) сумен жабдықтау желілерін қайта жаңарту жобасын аяқтауға бағытталды.Бұдан басқа, қайта бөлу есебінен қалалық бюджетті нақтылау, мемлекеттік сатып алу қорытындылары бойынша үнемдеу және қалалық бюджеттің кіріс бөлігін ұлғайту шеңберінде мынадай іс-шараларды іске асыруға арналған шығыстар көзделген:- мүгедектерді гигиеналық және компенсаторлық құралдармен қамтамасыз ету;- ауылдық елді мекендерде жұмыс істейтін мамандарға әлеуметтік көмек көрсету;- қаланы абаттандыру және қысқы кезеңде саябақтарды күтіп ұстау.Аталған шараларды іске асыру қала тұрғындарының өмір сүру сапасын арттыруға, инфрақұрылымды дамытуға және қала тұрғындары мен қонақтары үшін қолайлы жағдай жасауға бағытталған.Ақпарат көзі : https://www.gov.kz/memleket/entities/ukmaslihat/press/news/details/1094542?lang=kk

Экспорт бойынша операциялар:Үшінші елдерге экспорт жасалғанда айналымның жасалу күні ретінде ЕАЭО кеден шекарасын нақты өткен күні есептеледі.Айналымды нөлдік мөлшерлемемен есепке алуды жеңілдету мақсатында тауарларға декларацияны тіркеу күні де айналым жасау күні ретінде мойындалады.Нерезиденттен алынған қызметтер мен жұмыстар бойынша ЭСФ:2026 жылғы 1 қаңтардан бастап Қазақстан Республикасында орналасқан мүлікке қатысты нерезиденттен алынған жұмыстар мен қызметтер бойынша ҚҚС төлеуші міндетті түрде электронды счет-фактура (ЭСФ) рәсімдеуі тиіс.Бұл шара әкімшілендіруді жеңілдетеді және болашақта ҚҚС декларацияларын автоматты толтыруға көшуге мүмкіндік береді.ҚҚС-ты есепке алу (зачет) мәселелері:ҚҚС ставкасының 12%-дан 16%-ға көтерілуіне байланысты, сондай-ақ ауыл шаруашылығын қолдау мақсатында (өндірушілер, өңдеушілер, ауылшаруашылық кооперативтері) есепке алынатын қосымша соманың мөлшері 70%-дан 80%-ға дейін ұлғайтылды.2026 жылдан бастап ҚҚС есепке алу мерзімі – тауарлар, жұмыстар, қызметтерді алған күнмен бірдей болады.ҚҚС төлеуші ЭСФ ақпараттық жүйесінде (ИС ЭСФ) осы қабылдауды декларацияны тапсырудан бұрын белгілейді.ҚҚС декларациясын тапсыру мерзімі:ҚҚС декларациясын тапсыру мерзімі шектеледі:декларацияны беру мерзімі календарлық тоқсаннан кейінгі айдың 15-інен ерте басталмайды,декларацияны беру мерзімі календарлық тоқсаннан кейінгі екінші айдың 15-інен кешіктірілмейді.Ақпарат көзі : https://www.gov.kz/memleket/entities/kgd-vko/press/news/details/1094549?lang=kk

Қабылданған шешімге сәйкес, арнайы салық режимін қолдану кезінде корпоративтік табыс салығы немесе жеке табыс салығы (төлем көзінен ұсталатын салықтарды қоспағанда) ставкасының мөлшері 2026 жылғы 1 қаңтардан бастап 4% - дан 2% - ға дейін төмендетілетін болады.Салық ставкасын төмендету бизнесті жүргізу үшін қолайлы орта құрудың негізгі шараларының бірі болып табылады. Төмендетілген мөлшерлеме-бұл кәсіпкерлер үшін жаңа кәсіпорындар ашуға, жұмыс істеп тұрғандарын кеңейтуге және қаланың экономикалық өміріне белсенді қатысуға ынталандыру. Ұзақ мерзімді перспективада бұл жұмыспен қамтудың өсуіне, жергілікті бюджеттің нығаюына және салық базасының ұлғаюына ықпал етеді.Ақпарат көзі : https://www.gov.kz/memleket/entities/ukmaslihat/press/news/details/1094550?lang=kk

Іс-шараға басқарма және мемлекеттік мекемелер қызметкерлері, студенттер мен белсенді экоеріктелер қатысты. Табиғатты қорғау - әрқайсысымыздың ортақ міндетіміз!Ақпарат көзі : https://www.gov.kz/memleket/entities/zhambyl-tabigat/press/news/details/1094476?lang=kk

2025 жылдың 28 қазанындаі Қостанай облысы Әділет департаменті «Бизнес Оптима» компаниясымен бірлесіп, Colgate-Palmolive Company және IWI AG (SPLAT сауда белгісінің иесі) компанияларының мүддесінде «Зияткерлік меншікті қорғау және контрафактілік өніммен күрес» тақырыбында онлайн-тренинг өткізді.Іс-шараға Қостанай облысының Полиция департаментінің, экономикалық қылмыстармен күрес, мемлекеттік кірістер және сауда салаларының өкілдері қатысты.Тренингтің мақсаты - зияткерлік меншік саласында жұмыс істейтін қызметкерлердің контрафактілік тауарларды анықтау бойынша біліктілігін арттыру. Іс-шара барысында құқық иеленуші компаниялардың тіркелген сауда белгілері және түпнұсқа өнімді контрафактілік өнімнен ажырату белгілері жөнінде ақпарат берілді. Қостанай облысыӘділет департаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/1094489?lang=kk

Шығыс Қазақстан облысы бойынша Мемлекеттік кірістер департаменті 2026 жылғы 1 қаңтардан бастап жаңа Салық кодексі күшіне енетінін хабарлайды.Өзгерістер қосылған құн салығы (ҚҚС) бойынша тіркеу есебі мәселелерін қамтиды:ҚҚС төлеуші ретінде тіркеу мынадай түрде жүзеге асырылады:ҚҚС төлеуші ретінде ерікті түрде тіркеу (ҚҚС бойынша тіркеуге жатпайтындардан басқа);Міндетті түрде тіркеу – күнтізбелік жыл ішінде айналым шегінен асып кеткен жағдайда (сондай-ақ сенім білдірілген басқарушы үшін де қолданылады);Шартты түрде тіркеу – шетелдік компаниялар үшін.Айналымның шекті мөлшері – 10 000 АЕК.ҚҚС төлеуші ретінде тіркеуге жатпайтындар:мемлекеттік мекеме;резидент заңды тұлғаның құрылымдық бөлімшесі;жеке практикамен айналысатын тұлға;арнаулы салық режимін қолданатын салық төлеуші;жеке тұлға.Міндетті тіркеу үшін өтініш – айналым шегінен асқан сәттен бастап 5 жұмыс күнінен кешіктірілмей берілуі тиіс.Егер ірі мәміле айналым шегінен асып кететін болса, салық төлеуші мәміле жасалғанға дейін өтініш беруі қажет.Тіркеусіз кезеңде жасалған айналым (шекті мөлшерден асқан) тиісті кезең үшін салық салынатын айналым болып саналады және салық жауапкершілігі қарастырылады.ҚҚС төлеуші ретінде тіркеуден шығару келесі жағдайларда жүргізіледі:жалпыға бірдей белгіленген салық салу тәртібінен арнаулы салық режиміне өткен кезде;қызметін тоқтатқанда немесе заңды тұлға таратылғанда.Айналымның шекті мөлшеріне жетпеген жағдайда тіркеуден шығару көзделмеген.Ақпарат көзі : https://www.gov.kz/memleket/entities/kgd-vko/press/news/details/1094497?lang=kk

Құрметті салық төлеушілер! ҚР Қаржы министрінің "Бақылау-кассалық машиналарды қолданудың кейбір мәселелері туралы" №208 бұйрығына сәйкес бақылау-кассалық машиналардың (БКМ) барлық пайдаланушылары 2.0.3 нұсқасының деректерді беру хаттамасына көшуге міндетті. Не өзгереді?Жаңа 2.0.3 хаттамасында:- Тауарлардың ұлттық каталогына БКМ-ның автоматты түрде қосылуы;- БКМ-ның нақты орналасқан орнын анықтайтын БКМ геолокациясын автоматты түрде анықтау. Ауысу мерзімі:2025 жылдың 17 қарашасынан бастап 2.0.2 нұсқасындағы құрылғылар ажыратылатын болады.Аппараттық-бағдарламалықкешендердіпайдаланатын салық төлеушілерүшінБКМ қайта бағдарламалау автоматты түрде жүргізіледі және 2025жылғы15қазанғадейінаяқталатын болады.Деректердібекітужәне(немесе)беруфункциясыбарэлектрондыққұрылғылардыпайдаланатын салық төлеушілерүшін ("теміркассалар"депаталады) қайта бағдарламалау2025жылдың15қарашасынадейін жүргізілуі керек. БКМ қайта бағдарламалауүшінБКМтехникалыққызмет көрсету орталықтарынажүгінуқажет. Маңызды:Өтуді кешіктірмеңіз! Уақтылы жаңартпау фискалдық деректердің бұғатталуына әкеледі.Құрылғыңыз көрсетілген мерзімге дейін 2.0.3 протоколына сәйкес келетініне көз жеткізу үшін FDD-ге хабарласыңыз. Павлодар облысы бойынша МКД түсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1099258?lang=kk

Жамбыл облысы әкімдігінің табиғи ресурстар және табиғат пайдалануды реттеу басқармасы Қазақстан Республикасы Ауыл шаруашылығы министрінің 2015 жылғы 19 наурыздағы № 18-04/245 бұйрығымен бекітілген аңшылық алқаптар мен балық шаруашылығы су айдындарын және (немесе) учаскелерін бекітіп беру жөніндегі конкурс өткізу қағидаларына және конкурсқа қатысушыларға қойылатын біліктілік талаптарына сәйкес төмендегідей аңшылық алқаптар бойынша конкурс өткізілетіндігін хабарлайды:«Үлкен Бурылтау» «Балқаш» «Сарыкемер» «Бүгүлкөл» «Темірбек» «Тәтті»Конкурс электрондық форматта e-qazyna.kzвеб-порталында өткізіледі. Құжаттарды қабылдау мерзімі — 2025 жылғы 23 қазанға дейін.Толық ақпарат, қатысу тәртібі және біліктілік талаптары аталған веб-порталда орналастырылған.Ақпарат көзі : https://www.gov.kz/memleket/entities/zhambyl-tabigat/press/news/details/1094444?lang=kk

Исламабад, 2025 жылғы 26 қазан – Черат қаласында «Достарым-V» Пәкістан-Қазақстан терроризмге қарсы бірлескен оқу-жаттығуның жабылу салтанаты өтті. Маневрлер 2025 жылдың 14 қазанынан бастап өтті. Оларға Пәкістан армиясының арнайы қызметтер тобының және Қазақстандық арнайы жасақтардың командалары қатысты.Жабылу салтанатына Қазақстанның Пәкістандағы Елшісі Е.Кыстафин, ҚР ҚМ әскери атташесі және ПИР Қарулы күштерінің арнайы операциялар мектебінің қолбасшысы қатысты.Оқу жаттығудың мақсаты арнайы міндеттерді бірлесіп пысықтау арқылы терроризмге қарсы күрес әдістері мен тәсілдерін жетілдіру, сондай-ақ елдер арасындағы әскери ынтымақтастықты нығайту болды. Оқу-жаттығу барысында екі елдің әскери қызметшілері кәсіби шеберліктің жоғары деңгейін көрсетті.Ақпарат көзі : https://www.gov.kz/memleket/entities/mfa-islamabad/press/news/details/1094447?lang=kk

Мемлекеттік қызмет көрсету тәртібіМемлекеттік қызметті «Шелек ауылдық округі әкімінің аппараты» ММ-сі көрсетеді (көрсетілетін қызметті беруші).Мемлекеттік қызметті алу үшін жеке және заңды тұлғалар (көрсетілетін қызметті алушы) портал арқылы көрсетілетін қызметті берушіге мыналарды жолдайды:      1 кезең:      1) нысан бойынша көрсетілетін қызметті алушының ЭЦҚ-мен куәландырылған электрондық құжат нысанындағы жер учаскесіне құқық алуға арналған өтініш;      2) сұралып отырған жер учаскесінің схемасы (жоспар);      2 кезең: бекітілген жерге орналастыру жобасы. Көрсетілетін қызметті беруші мемлекеттік қызметті екі кезеңде көрсетеді.      1 кезең: сұралып отырған жер учаскесін мәлімделген нысаналы мақсаты бойынша пайдалану мүмкіндігін айқындау, жер учаскесін таңдау актісін дайындау, жер комиссиясының қорытындысын беру – 12 (он екі) жұмыс күні ішінде:      2 кезең: жер учаскесіне құқық беру туралы шешім шығару –бекітілген жерге орналастыру жобасы келіп түскен сәттен бастап 3 (үш) жұмыс күні ішінде: Мемлекеттік қызметті көрсетуден бас тартуға мыналар негіз болып табылады:      1) көрсетілетін қызметті алушының мемлекеттік көрсетілетін қызметті алу үшін ұсынған құжаттарының және (немесе) олардағы деректердің (мәліметтердің) дұрыс еместігінің анықталуы;       2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, деректердің және мәліметтердің Кодекстің 24-бабының                       1-тармағының екінші бөлігінде және 6-тармағында, 49-2-бабының 6-тармағының екінші бөлігінде, 50-бабының 2, 2-1 және 4-тармақтарында белгіленген талаптарға сәйкес келмеуі.  Шелек ауылдық округі әкімінің аппараты Еңбекшіқазақ ауданыШелек ауылы, Жібек жолы көшесі, 40Телефон: 87277620155Ақпарат көзі : https://www.gov.kz/memleket/entities/enbekshikazakh-shelek/press/news/details/1094450?lang=kk

Баяндамалармен келесі тұлғалар сөз сөйледі:Хамитов Р.Ш., экономика және бюджеттік жоспарлау бөлімінің басшысы – 2024 жылғы 25 желтоқсандағы № 24/2-VIII «2025–2027 жылдарға арналған Алтай ауданының бюджеті туралы» Алтай ауданы мәслихатының шешіміне өзгерістер енгізу мәселесі бойынша;Шидыч Т.Ю., жұмыспен қамту және әлеуметтік бағдарламалар бөлімінің басшысы – 2024 жылғы 6 наурыздағы № 12/4-VIII «Алтай ауданында тұрғын үй көмегінің мөлшерін және оны көрсету тәртібін айқындау туралы» шешіміне өзгерістер енгізу және әлеуметтік осал топтар мен өмірлік қиын жағдайға тап болған азаматтардың өмір сүру сапасын арттыру жөніндегі әлеуметтік қолдау шаралары мәселелері бойынша;Гаврилов Ю.А., сәулет, қала құрылысы және құрылыс бөлімі басшысы – мемлекеттік қызметтер көрсету және Алтай қаласының сәулеттік келбетін жақсарту саласындағы бөлім жұмысы туралы мәселе бойынша.Отырыс барысында депутаттар аудандық бюджетке және Алтай қаласының сәулеттік келбетін жетілдіруге қатысты сұрақтар қойып, тұрғын үй-коммуналдық және әлеуметтік сала мәселелерін талқылады.Отырыс қорытындысы бойынша ұсыныстар әзірленіп, тиісті қаулылар қабылданды.Ақпарат көзі : https://www.gov.kz/memleket/entities/altay-maslihat/press/news/details/1094459?lang=kk

 2025 жылғы 24 қазанда Алтай ауданы мәслихатының кезекті XXXIII сессиясы өтті. Сессия жұмысына 10 депутат, Шығыс Қазақстан облыстық мәслихатының депутаттары, аудан әкімі, қала, кент және ауылдық округтердің әкімдері, басқармалар мен дербес бөлімдердің басшылары, Алтай ауданы бойынша сыбайлас жемқорлық көріністеріне қарсы іс-қимыл мәселелері жөніндегі комиссия мен Қоғамдық кеңестің мүшелері, сондай-ақ бұқаралық ақпарат құралдарының өкілдері қатысты.Депутаттар ауданның әлеуметтік-экономикалық дамуына қатысты бірқатар өзекті мәселелерді қарастырды:2024 жылғы 25 желтоқсандағы № 24/2-VIII «2025–2027 жылдарға арналған Алтай ауданының бюджеті туралы» Алтай ауданы мәслихатының шешіміне өзгерістер енгізу туралы. Баяндамашы: Хамитов Рафаэль Шариполлинович – «Алтай ауданының экономика және бюджеттік жоспарлау бөлімі» мемлекеттік мекемесінің басшысы.Алтай ауданы әкіміне жүктелген функциялар мен міндеттердің орындалуы туралы есеп. Баяндамашы: Курмамбаев Ренат Тлеуханович – Алтай ауданының әкімі.Алтай ауданының тұрғын үй-коммуналдық қызметтерінің, тіршілікті қамтамасыз ету нысандары мен тұрғын үй қорының 2025–2026 жылдардағы жылыту маусымына дайындығы туралы. Баяндамашы: Жуанғанов Қуат Айдынұлы – «Алтай ауданының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» мемлекеттік мекемесінің басшысы.Алтай ауданындағы жалпы білім беретін мектептердің аттестация нәтижелері туралы. Баяндамашы: Канафина Бақытгүл Қалибекқызы – «Алтай ауданының білім бөлімі» мемлекеттік мекемесінің басшысы.2024 жылғы 6 наурыздағы № 12/4-VIII «Алтай ауданында тұрғын үй көмегінің мөлшерін және оны көрсету тәртібін айқындау туралы» Алтай ауданы мәслихатының шешіміне өзгерістер мен толықтырулар енгізу туралы. Баяндамашы: Шидыч Татьяна Юрьевна – «Алтай ауданының жұмыспен қамту және әлеуметтік бағдарламалар бөлімі» мемлекеттік мекемесінің басшысы.2023 жылғы 26 желтоқсандағы № 9/4–VIII «Аудандық аумақтық және учаскелік сайлау комиссияларын сайлау туралы» шешіміне өзгерістер енгізу туралы.Отырыс барысында депутаттар баяндамашыларға сұрақтар қойып, әрбір мәселе бойынша ұсыныстар мен сындарлы ескертпелер енгізді.Қабылданған шешімдер ауданның одан әрі дамуына, коммуналдық меншікті басқару жүйесін жетілдіруге және жергілікті өзін-өзі басқару органдары қызметінің ашықтығын қамтамасыз етуге бағытталатын болады.Барлық шешімдер талқылаудан кейін бірауыздан қабылданды.Ақпарат көзі : https://www.gov.kz/memleket/entities/altay-maslihat/press/news/details/1094465?lang=kk

Мемлекет басшысы Финляндия Президенті Александр Стуббпен келіссөз жүргізді2025 жылғы 28 қазанМемлекет басшысы Қазақстанға бірінші рет ресми сапармен келген Финляндия Президенті Александр Стуббқа сый-құрмет көрсетті.Жоғары деңгейдегі келіссөздерге дейін Ақорда резиденциясында Финляндия Президентін салтанатты қарсы алу рәсімі өтті. Протокол тәртібіне сәйкес, Қасым-Жомарт Тоқаев пен Александр Стубб бір-біріне ресми делегация мүшелерін таныстырды. Құрмет қарауылының бастығы мемлекеттер басшыларына рапорт берді. Екі елдің әнұрандары орындалғаннан кейін президенттер шағын құрамда кездесу өткізді.– Сіздің сапарыңыз – екіжақты ынтымақтастықты дамытуға тың серпін беру тұрғысынан өте маңызды. Қазақстан мен Финляндия арасында достыққа әрі өзара түсіністікке негізделген ықпалдастық орнаған. Екі елдің ортасында шешімін таппаған мәселе жоқ. Дегенмен инвестиция және сауда салаларында бірқатар мүмкіндік бар. Сіздің бастамаңызбен өтіп жатқан бизнес-форумның орны ерекше. Бүгін аталған жиынға қатысамын. Бұл кәсіпкерлеріміздің іскерлік байланыстарды өрістетуіне зор септігін тигізеді деп ойлаймын. Бұдан бөлек, гуманитарлық ынтымақтастыққа айрықша мән береміз. Қазақстандықтар Финляндияны, сіздердің салт-дәстүрлеріңіз бен мәдениеттеріңізді құрметтейді. Көптеген отандасымыз Сіздің елге турист ретінде жиі барады. Сапарыңыз мемлекеттер арасындағы серіктестікті нығайту үшін жаңа мүмкіндіктерге жол ашатынына сенімдімін, – деді Мемлекет басшысы. Өз кезегінде Александр Стубб қонақжайлық танытқаны үшін Қасым-Жомарт Тоқаевқа ризашылығын білдіріп, бұл сапарды асыға күткенін айтты.– Бұл менің Қазақстанға үшінші мәрте келуім. Алғаш рет 2008 жылы мен Сыртқы істер министрі, ал сіз Сенат спикері лауазымын атқарған кезде жүздескен едік. Бұл жолы екі бағытқа баса назар аударамыз деп ойлаймын. Бірінші – өзара қарым-қатынас және іскерлік байланыстар. Бүгін Финляндиядан үлкен делегация келді. Оның құрамында 20-дан астам ірі компанияның өкілдері бар. Астана көшелерінен Isku және Honkarakenne сияқты танымал фин брендтерін көрдім. Бұл бізді қуантады. Келіссөздің екінші бағыты – сыртқы саясат және қауіпсіздік. Біршама мәселе бойынша ұстанымдарымыз ортақ, күрделі халықаралық жағдайлардың шешімін табуға бірлесе ұмтыламыз, – деді Финляндия Президенті.Бұдан кейін Қазақстан мен Финляндия президенттерінің келіссөзі екі ел делегацияларының қатысуымен одан әрі жалғасты.Президенттің айтуынша, Финляндия Қазақстанның Солтүстік Еуропа мен Еуропа Одағындағы басты сауда серіктесі саналады.Мемлекет басшысы Финляндияның таза энергетика, технология, цифрлық инновация, экологиялық жауапкершілік, басқару, білім беру және адам капиталы бағыттарындағы жоғары стандарттары әлемдік деңгейде мойындалғанын атап өтті.Аталған салалардағы Финляндияның жетістіктері көптеген елге, соның ішінде Қазақстанға да үлгі.– Сіздің басшылығыңызбен Финляндия Еуропада, сондай-ақ әлемде сындарлы рөл атқарады. Мемлекеттік ұстанымыңыз бен құндылықтарға беріктігіңіз Финляндияны дүние жүзіне үлгілі ел ретінде танытып отыр. Біз мұны жоғары бағалаймыз. Қазақстан Финляндиямен достық қарым-қатынасқа баса мән береді. Бұған дейін қол жеткізілген уағдаластықтарды іске асыруға, ынтымақтастықтың жаңа бағыттарын дамытуға әзірміз, – деді Қасым-Жомарт Тоқаев.Мемлекет басшысының пікірінше, сауда-экономикалық ынтымақтастықты одан әрі дамытуға мол мүмкіндік бар. Бұл ретте Үкіметаралық комиссиясының жұмысы маңызды рөл атқарады.Президент фин делегациясының құрамында бизнес өкілдерінің болуы Хельсинкидің өзара серіктестікті тереңдетуге шынайы мүдделі екенін көрсетеді деп санайды.Еліміз Финляндия компанияларымен бірлескен жобалардың жүзеге асырылуына жан-жақты қолдау көрсетуге дайын. Қасым-Жомарт Тоқаев фин бизнесмендерін Орталық Азияның кең нарығына шығу үшін Қазақстанда шетел инвесторларына жасалатын қолайлы жағдайды пайдалануға шақырды.Александр Стубб фин компаниялары Қазақстан нарығындағы қызметін кеңейтуге мүдделі екенін жеткізді– Бүгінгі кездесулерге дайындық барысында делегациядағы кәсіпкерлердің бірі «Қазақстандағы өзгерістің бәрі жедел жүріп жатқанын түсіну керек. Сондықтан баяу қимылдап, бюрократияға жол беруге болмайды» деді. Бұл дамудың даңғылына түскен елдеріміз үшін қуанарлық жағдай, – деді Финляндия Президенті.Сондай-ақ тараптар өңірлік және халықаралық күн тәртібінің өзекті мәселелері жөнінде пікір алмасты.Келіссөз қорытындысы бойынша Қасым-Жомарт Тоқаев пен Александр Стубб Бірлескен мәлімдеме қабылдады.Құжатта тараптардың ортақ ұстанымдары мен бүгінгі келіссөз барысында айтылған бастамалары көрініс тапты.Александр Стуббтың елімізге ресми сапары аясында 15 құжатқа қол қойылды.Олардың арасында:Қазақстан Республикасының Атом энергиясы жөніндегі агенттігі мен Финляндия Республикасының Радиациялық және ядролық қауіпсіздік басқармасы (STUK) арасындағы ядролық энергияны бейбіт мақсаттарға пайдалану бағытындағы ынтымақтастық бойынша өзара түсіністік туралы меморандум;Қазақстан Республикасының Су ресурстары және ирригация министрлігі мен Финляндия Республикасының Ауыл және орман шаруашылығы министрлігі арасындағы су ресурстарын басқару мәселелері бойынша өзара түсіністік туралы меморандум;Қазақстан Республикасының Ғылым және жоғары білім министрлігі, Фин су форумы (Finnish Water Forum) және Қазақ ұлттық су шаруашылығы және ирригация университеті арасындағы су ресурстарын цифрландыру және басқару бағытындағы зерттеушілік және білім беру әлеуетін қалыптастыру жөніндегі өзара түсіністік туралы меморандум;«Бурабай» курортында туризмді дамыту жөніндегі ынтымақтастық туралы меморандум;Қазақстанда экологиялық ауылды дамыту жобасы жөніндегі өзара түсіністік туралы меморандум;«Теңіз жасағы» АҚ мен «Lamor Corporation Plc» компаниясы арасындағы мұнайдың апаттық төгілуін жою және теңіз операцияларын қолдау саласындағы ынтымақтастық туралы меморандум секілді басқа да келісімдер бар. Ақпарат көзі : https://www.gov.kz/memleket/entities/mfa-tel-aviv/press/news/details/1095114?lang=kk

Сіздерді кәсіби мерекелеріңіз – Орман шаруашылығы қызметкерлері күнімен шын жүректен құттықтаймыз!Орман – табиғаттың баға жетпес байлығы, ел экологиясының тірегі және келешек ұрпаққа қалатын асыл мұра. Осы байлықты қорғау, көбейту және ұқыпты пайдалану жолындағы еңбектеріңіз зор құрметке лайық.Табиғатты аялап, орман алқаптарын сақтап, ел игілігі үшін аянбай еңбек етіп жүрген барша сала мамандарына зор денсаулық, отбасылық амандық, еңбектеріңізге табыс пен жаңа жетістіктер тілейміз!Еліміздің орман қоры молайып, жасыл желегі жайқала берсін!Құрметпен, Жамбыл облысы әкімдігінің Табиғи ресурстар және табиғат пайдалануды реттеу басқармасының ұжымы!Ақпарат көзі : https://www.gov.kz/memleket/entities/zhambyl-tabigat/press/news/details/1094436?lang=kk

АҚПАРАТТЫҚ ХАБАРЛАМА Отандастарымыздың зейнетақы жинақтары 25,73 трлн теңгеден асты 2025 жылғы 1 қазандағы жағдай бойынша қазақстандықтардың зейнетақы жинақтарының көлемі  25,73 трлн теңгеден асты. 12 айда 4,56 трлн теңгеге немесе 21,5%-ға артты.2025 жылдың 1 қазанында міндетті зейнетақы жарналары (МЗЖ) есебінен қалыптасқан зейнетақы жинақтарының көлемі 24,40 трлн теңге. 12 айдағы өсімі – 19,8%. Міндетті кәсіптік зейнетақы жарналары (МКЗЖ) бойынша зейнетақы жинақтары – 726,94 млрд теңге, 12 айдағы өсім – 15,6%.Бір жыл ішіндегі ең үлкен өсім – 32,8% ерікті зейнетақы жарналары (ЕЗЖ) бойынша жинақтар көрсетті, олардың көлемі – 9,47 млрд теңге.Салымшылардың (алушылардың) зейнетақы шоттарына 2024 жылғы 1 қаңтардан бастап түсе бастаған жұмыс берушінің міндетті зейнетақы жарналары (ЖМЗЖ) 2025 жылдың 1 қазанына 596,18 млрд теңге болды.ТүсімдерЗейнетақы жинақтарының көлемі зейнетақы жарналары мен инвестициялық кіріс түріндегі кіріс ағындары есебінен ұлғаяды.2025 жылдың 9 айында салымшылардың шоттарына 2,37 трлн теңге мөлшерінде зейнетақы жарналары түсті (өткен жылдың сәйкес кезеңіндегі көрсеткіштен 17,8%-ға немесе 356,75 млрд теңгеге артық.МЗЖ есебі жүргізілетін жеке зейнетақы шоттарына (ЖЗШ) 2025 жылдың басынан бастап 1 қазанына дейін 1 937,66 млрд теңге (өткен жылдың сәйкес кезеңімен салыстырғанда МЗЖ көлемі 9,97%-ға ұлғайды), МКЗЖ – 100,69 млрд теңге (өсім – 19,1%), ЕЗЖ – 1,82 млрд теңге түсті. 2025 жылдың 9 айында ЖМЗЖ 326,02 млрд теңгені құрады. Төлемдер мен аударымдар2025 жылдың 9 айында БЖЗҚ-дан жарналардың барлық түрлері бойынша жасалған төлемдер мен сақтандыру ұйымдарына аударымдар 1 368,27 млрд теңгені құрады. Бұл былтыр жасалған төлемдер көлемінен 1,6 есе немесе 508,31 млрд теңгеге көп.Төлемдердің басым бөлігі тұрғын үй жағдайларын жақсартуға және емделуге арналған біржолғы зейнетақы төлемдерінің (БЗТ) еншісінде – 823,82 млрд теңге.Зейнет жасына толуына байланысты төлемдер 12 айда 23,43% ұлғайып, 01.10.2025ж. 181,81 млрд теңгеге жетті. БЖЗҚ-дан зейнет жасына толуына байланысты кесте бойынша берілетін орташа айлық төлем – 35 691 теңге.   Жыл басынан бері 01.10.2025ж. дейін мұрагерлік бойынша 50,49 млрд теңге, ҚР-дан тыс жерге тұрақты тұруға кетуге байланысты 32,60 млрд теңге, мүгедектігі бар адамдарға – 2,33 млрд теңге, жерлеуге – 8,03 млрд теңге көлемінде төлем жасалды. Сақтандыру ұйымдарына 269,19 млрд теңге аударылды. Жеке зейнетақы шоттарының (ЖЗШ) саны2025 жылдың 1 қазанындағы жағдай бойынша БЖЗҚ-дағы зейнетақы шоттарының жалпы саны – 17,97 млн. бірлік (12 айдағы өсім – 1,17 млн бірлік немесе 7,0%). Бұл ретте салымшылардың (алушылардың) БЖЗҚ-дағы ЖЗШ саны 2025 жылдың 1 қазанына 12,66 млн бірлік болды. Оның ішінде: 11,25 млн - МЗЖ бойынша, 752,27 мыңы - МКЗЖ бойынша, 460,13 мыңы – ЕЗЖ есептелетін шоттар. Халықаралық тәжірибеге сәйкес, бір жыл ішінде кемінде бір рет болса да жарна түскен ЖЗШ белсенді шот болып есептеледі. 2025 жылдың 9 айында МЗЖ 6,91 млн ЖЗШ-ға түсті, бұл осы жарналар енгізілуі мүмкін 10,04 млн ЖЗШ-ның 68,8% құрайды. Бұған сондай-ақ 2025 жылдың 1 қаңтарына дейін ашылған шоттар мен есепті кезең ішінде ашылған жаңа шоттар кіреді. Бұл санға елден тыс жерлерге тұрақты тұруға кеткен, бірақ жинағын алу туралы өтінішпен жүгінбеген алушылардың, мұрагерлері зейнетақы жинақтарына мұрагерлік ресімдемеген қайтыс болған салымшылардың, 2017 жылдан бастап толық мемлекеттік зейнетақымен қамсыздандыруға аударылған әскери қызметшілердің және шоттарына қазақстандық заңнамаға сәйкес жарналар түспеуі керек басқа да санаттағы салымшылардың (алушылардың) шоттары кірмейді.Ал БЖЗҚ-дағы ЖМЗЖ туралы мәліметтер ескерілетін шартты зейнетақы шоттарының саны -  5,32 млн бірлік.  Зейнетақы активтеріне қатысты барлық өзекті ақпарат enpf.kz сайтындағы «Статистика және аналитика» бөлімінде орналастырылған. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).   Ақпарат көзі : https://www.gov.kz/memleket/entities/vko-altai/press/news/details/1095699?lang=kk

Бішкек қаласында ТҮРКСОЙ халықаралық түркі мәдениеті ұйымының ұйымдастыруымен өткен Түркі әлемінің II Жастар форумы өтті. Форумға Қазақстан, Әзербайжан, Қырғызстан, Өзбекстан, Түркия елдерінің жастары мен түрлі түркі ұйымдарының өкілдері қатысты.Ашылу рәсіміне дипломаттар, ғалымдар, мемлекеттік мекемелердің өкілдері және жастар делегациялары жиналды.Форум «Болашақ – сенсің» деген үндеумен өтті. Жиын барысында панельдік сессиялар, шеберлік сабақтары және мәдени іс-шаралар ұйымдастырылды.Форум аясында алғаш рет ТҮРКСОЙ Тұрақты кеңесінің симуляциялық сессиясы өтті. Қатысушылар өз елдерінің атынан сөз сөйлеп, өзекті мәдени мәселелерді талқылап, дипломатия мен шешім қабылдаудың негізін меңгерді.Форумның басты мақсаты – жас өкілдер бірлік, ынтымақ және ортақ мәдени болмыс идеясын дәріптеп, түркі дүниесі жастары арасындағы өзара байланыстарды нығайтуға ықпал ету. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1094442?lang=kk

2025 жылғы 23 қазан күні түнгі сағат 02:15 шамасында Мамандандырылған «Сапсан» жедел қызметінің инспекторлары рейд барысында мотоцикл мінген азаматты ұстады. Тексеру кезінде оның көлігінен Қазақстан Республикасының Қызыл кітабына енгізілген бір дана Қарақұйрыққа ұқсас жануардың ұшасы табылды.Аталған дерек бойынша Мойынқұм ауданының полиция бөлімімен ҚР Қылмыстық кодексінің 337-бабының 4-бөлігімен қылмыстық іс қозғалды.⠀🌿 Табиғатты қорғау – ортақ міндет!Ақпарат көзі : https://www.gov.kz/memleket/entities/zhambyl-tabigat/press/news/details/1094407?lang=kk