Іле ауданында заманауи қойма кешені іске қосылды. Бұл нысан тек жергілікті экономиканың дамуына ғана емес, бүкіл Алматы облысының өнеркәсіптік әлеуетін арттыруға да ықпал етпек.Damu Logistics аумағында, Байсерке ауылында салынған нысанның салтанатты ашылуына аудан әкімі Қайыржан Жақсымбетов қатысты.— Халықаралық стандарттарға сәйкес салынған «А» санатындағы жаңа кешеннің жалпы аумағы 13 мың шаршы метрді құрайды. Оның жұмысы жаңа жұмыс орындарын ашуға, өндірістік қуаттылықты ұлғайтуға және өңірдің инвестициялық тартымдылығын арттыруға мүмкіндік береді, — деді аудан әкімі.Қойма автокөлік қосалқы бөлшектерін Қазақстан мен Орталық Азия елдеріне жеткізумен айналысатын East Motors компаниясына тиесілі. Жаңа нысанның іске қосылуы компанияға Еуропа, Ресей және Таяу Шығыс елдеріне экспорт көлемін арттыруға жол ашады.— Мұндай инфрақұрылымдық нысандардың пайда болуы Іле ауданының әлеуметтік-экономикалық дамуына зор серпін беріп, кәсіпкерлік әлеуеттің тұрақты өсіп келе жатқанын айқын көрсетеді, — деп атап өтті Қайыржан Жақсымбетов.Ақпарат көзі : https://www.gov.kz/memleket/entities/almobl/press/news/details/1079577?lang=kk

Алматы облысы студенттері «ASTAUfest-2025» халықаралық гастрономиялық фестивалінде Гран-при иеленді VI Халықаралық гастрономиялық «ASTAUfest-2025» фестивалінде отандық студенттер жоғары жетістікке жетті.Алматы экономикалық колледжі мен Алматы облысының қызмет көрсету және тамақтандыру саласындағы инновациялық технологиялар колледжінің студенттері «Бас аспаз», «Mastic Show» және «Slow Food» номинациялары бойынша Гран-при мен жүлделі орындарға ие болды. Жарыс нәтижесінде қазақстандық жастардың кәсіби шеберлігі халықаралық деңгейде мойындалып, ұлттық гастрономиялық өнерді дамытуға қосқан үлесі атап өтілді.Фестивальге әлемнің түрлі елдерінен келген қатысушылар бақ сынап, кулинария саласындағы жаңа үрдістер мен инновациялар ұсынылды.Ақпарат көзі : https://www.gov.kz/memleket/entities/almobl/press/news/details/1079593?lang=kk

Қонаев қаласында көпқабатты тұрғын үйлердің құрылысы белсенді түрде жүзеге асырылуда. Олардың басым бөлігі жеке компаниялардың қаржысына салынуда.Қала әкімі Асхат Бердіханов кезекті рет нысандарды аралап, құрылыс барысымен танысты. Алғашқы нысан – «Самұрық» тұрғын үй кешені. Жоба 11,6 гектар аумақта жүзеге асырылуда. Құрылыс 2029 жылға дейін жалғасады, тартылған инвестиция көлемі – 65 млрд теңге. Қазіргі таңда жобаның бірінші кезеңі орындалуда, оның аясында 160 мың шаршы метрден астам тұрғын үй бой көтереді.Келесі нысан – 10-шы шағынауданда орналасқан «NNS City» тұрғын үй кешені. Тапсырыс беруші – «Али-Нұр транс» ЖШС. Мұнда 21 көпқабатты үй салу көзделген. Қазіргі уақытта төрт үйдің құрылысы аяқталған, алдағы уақытта аула аумағын абаттандыру жұмыстары басталып, одан соң нысандар қолданысқа берілмек.«Инженерлік желілерді уақытылы тарту қажет. Тұрғындар арасында сапаға қатысты шағым болмауы тиіс. Әкімдікпен бірлесе, әрбір қадамды келісіп жұмыс жасаңыздар. Үй салу – жақсы іс, алайда оның сапалы болуы одан да маңызды», – деді Асхат Бердіханов.Бұдан кейін әкім 8–10 шағынаудандардағы күрделі жөндеуден өтіп жатқан жолдарды қарап шықты. Бұл жерде көше жарығын орнату мәселесі талқыланды. Жолаушылар тасымалы және автомобиль жолдары бөлімінің басшысы Бағдат Алиевтің айтуынша, жоба 2026 жылға өтпелі болады. Әкім көше жарығы тұрғындарға барынша ыңғайлы болуы қажеттігін атап өтті. Бүгінде бірқатар жұмыстар аяқталған: тротуар бордюрлары, аялдамалар орнатылып, жолдың кейбір бөлігіне асфальт төселген. Барлық жұмыс қаланың Бас жоспарына сәйкес жүргізілуде.Айта кетейік, биыл Шеңгелді ауылдық округіндегі елдімекендерде жолдарға ағымдағы жөндеу жұмыстары жүргізілуде. Сондай-ақ «Көшпенділер қалашығына» жаңа жол салынуда, ал «Қарлығаш» ықшамауданында күрделі жөндеу жұмыстары атқарылуда.Жалпы, жыл басынан бері 18 843 шаршы метр тұрғын үй қолданысқа берілді. Құрылыс жұмыстарының жалпы көлемі 9,7 млрд теңгені құрады.Ақпарат көзі : https://www.gov.kz/memleket/entities/almobl/press/news/details/1079603?lang=kk

Жастар сарайында облыстыңбарлықөңірлерінен келген мың шақтыпедагог кәсіби мерекемен құттықтауларды ерекше толқыныспен қабыл алды.Мұғалімдерге,тәрбиешілерге,колледжоқытушылары мен шеберлеріне, арнайы және қосымша білім педагогтерінежылысөздерменшынайытілектер айтылды.Қостанай облысының әкімі Құмар Ақсақалов мұғалім мамандығының маңыздылығын атап өтті. «Білім саласының дамуына мемлекет тарапынан айрықша мән берілуде. Соңғы үш жылда өңірімізде 23 білім беру объектісі салынды, сондай-ақ материалдық-техникалық базаны нығайту үшін5,5 млрд теңге бөлінді. Жыл сайын мектептерімізде заманауи пән кабинеттері мен STEM-зертханалары ашылып, оқушылардың қабілетін дамытуға, ғылымға, оның ішінде жасанды интеллектке деген қызығушылығын арттыруға толық жағдай жасалуда», - деді ол.Мұғалім үшін ең қымбат сыйлық - оқушының жетістікке жеткені. Облыс қоржынында халықаралық зияткерлік жарыстарда иеленген9 жүлделі орын бар. Біздің оқушылар ауыл мектептеріне арналған республикалық олимпиадада 26 медаль жеңіп алып, үшінші командалық орынға ие болды.Жас зерттеушілеріміз де үздік нәтиже көрсетіп, ғылыми жобалар байқауында 16 жүлделі орын, ал халықаралық ғылыми жарыстарда 4 медаль жеңіп алды.Облыс әкімі педагогтерді Жұмысшы мамандықтары жылы аясында биылдан бастап алғаш рет 2 қазанда тойланатын Техникалық және кәсіптік білім беру қызметкерлерінің күнімен құттықтады.Алғысқа толы жылы құттықтаулар педагогикалық еңбек ардагерлеріне де арналды, зал оларға орындарынан тұрып қошемет көрсетті.ҚұмарАқсақаловөзініңкәсібишеберлігіндеелеулінәтижелерге қол жеткізгеноблыспедагогтарынмарапаттады.15 педагог «Ы.Алтынсарин» төсбелгісіне,5 педагог «ҚРБілім беру ісінің құрметтіқызметкері»белгісіне ие болды,5педагогқа«Еңбекардагері» медальдарытабысталды.Тағы20педагогоблысәкімініңграмотасымен марапатталды.Облыс әкімі Қостанай қаласының № 17 жалпы білім беретін мектебінің қазақ тілі мен әдебиет пәнінің мұғалімі Айгүл Данкеноваға Ыбырай Алтынсарин төсбелгісін табыстады. «Мұғалім болу – қастерлі міндет. Еңбегімнің осылай жоғары бағалануы мені болашақта жаңа жеңістерге жетуге шабыттандырады», - деп қуанышымен бөлісті. - «Мен отбасыма, әріптестеріме және оқушыларыма алғысымды білдіремін, олар әрдайым маған алға қарай ұмтылуға, тоқтамауға күш береді», - деді марапат иесі.Жалпыоблыстамерекеқарсаңында 49 педагогмедальдарменжәнетөсбелгілерменмарапатталды,тағы194 педагогқа республикалық және облыстық деңгейдегіграмоталарменалғысхаттар табысталды.Облыстың үздік әртістері мен ұжымдарының мерекелік концерті көрермендерге қуанышты сәттер мен жағымды эмоциялар сыйлады.Ақпарат көзі : https://www.gov.kz/memleket/entities/kostanay/press/news/details/1079278?lang=kk

2025 жылғы 30 қыркүйек – 1 қазан күндері Алматы қаласы мен Алматы облысында «Белсенді ұзақ өмір сүру: тәжірибе және даму келешегі» атты TEDx халықаралық форумы ұйымдастырылды. Іс-шара Қарттар күніне орайластырылып, елімізде 1 қазанда басталған айлық аясындағы маңызды оқиғалардың бірі болды. Форумды Алматы қаласы мен Алматы облысының жұмыспен қамтуды үйлестіру және әлеуметтік бағдарламалар басқармалары ұйымдастырды.Форумға Қазақстаннан, Франциядан, Испаниядан, Ресейден, Словакиядан, Болгариядан, Әзербайжаннан, Қырғызстаннан және Өзбекстаннан келген сарапшылар, сондай-ақ мемлекеттік органдардың, үкіметтік емес ұйымдардың, әлеуметтік қызметтердің, ғылыми және медициналық қауымдастықтың өкілдері қатысты. Форумның негізгі мақсаты – халықаралық тәжірибе мен ұлттық ерекшеліктерді ескере отырып, белсенді ұзақ өмір сүру саясатын тиімді дамыту жолдарын айқындау.Форумның ерекшелігі – Белсенді ұзақ өмір сүру орталықтарының жұмысы ардагерлер кеңесімен, аналар кеңесімен және отбасы қолдау орталықтарымен үйлестіріліп, кешенді тәсіл қалыптастыруында. Мұндай формат Қазақстанда алғаш рет жергілікті атқарушы органдардың бастамасымен жүзеге асырылды.Әл-Фараби атындағы Қазақ ұлттық университетінің базасында белсенді ұзақ өмір сүру орталықтарының қатысушыларының ғылыми, шығармашылық және қолданбалы еңбектерінің көрмесі өтті. Бағдарлама аясында Алматы қаласы жұмыспен қамтуды үйлестіру және әлеуметтік бағдарламалар басқармасының басшысы Б.Ж. Жаубасовтың модераторлығымен пленарлық отырыс өтті. Оған қалалық мәслихат хатшысы М.Б. Отыншиев, депутаттар, «Аманат» партиясының әйелдер қанатының өкілдері, сондай-ақ отандық және шетелдік сарапшылар онлайн және офлайн форматта қатысты.Қолөнер бұйымдары көрмесі, «Күміс университет» және «Агрокраудсорсинг» жобаларының тұсаукесері ұйымдастырылды. Сонымен қатар, салауатты өмір салты, әлеуметтік тәжірибелер мен ұрпақаралық ынтымақтастық тақырыптарында пікірталас алаңдары мен нетворкинг-сессиялар өткізілді.Форум қатысушылары Есік мемлекеттік тарихи-мәдени қорық-музейіне және «Алтын адам» музейіне барып, сондай-ақ Белсенді ұзақ өмір сүру орталығына арнайы экскурсия жасады. Мұнда қолданбалы өнер көрмелері, шеберлік сабақтары және флешмобтар ұйымдастырылды.Форумның екінші күні Алматы облысы жұмыспен қамтуды үйлестіру және әлеуметтік бағдарламалар басқармасының басшысы А.М. Ахметованың модераторлығымен пленарлық отырыс жалғасты. Жиында ҚР Еңбек және халықты әлеуметтік қорғау министрлігі Әлеуметтік көмек департаментінің директоры А.А. Аймағамбетов, гериатр-профессор А. Ешманова, Ұлттық кооперативтер қауымдастығының президенті К. Шайха, сондай-ақ халықаралық және отандық сарапшылар, соның ішінде онлайн режимде Г. Колосова баяндама жасады. Өзбекстан мен Қырғызстаннан келген мамандар Алматы қаласы мен облысының Белсенді ұзақ өмір сүру орталықтарының жұмысын жоғары бағалап, тәжірибесін өз елдерінде енгізудің маңыздылығын атап өтті.Форумның қорытындысында белсенді ұзақ өмір сүру саясатын дамытуға қатысты негізгі ұсынымдар қамтылған резолюция қабылданды. Сондай-ақ алғыс хаттар табысталып, естелік фотосессия ұйымдастырылды.TEDx «Белсенді ұзақ өмір сүру» халықаралық форумы қариялардың өмір сапасын жақсартуға және белсенді ұзақ өмір сүру мәдениетін дамытуға бағытталған тәжірибе алмасудың маңызды алаңы болды.Ақпарат көзі : https://www.gov.kz/memleket/entities/almobl/press/news/details/1078991?lang=kk

Астана, 2025 жылғы 30 қыркүйек – Қазақстан Республикасы Сыртқы істер министрлігі Инвестициялар комитетінің төрағасы Ғабидолла Оспанқұлов және «Kazakh Invest» ҰК» АҚ басқарма төрағасының орынбасары Мадияр Султанбек «POWERCHINA» корпорациясының вице-президенті Чэнь Гуаньфу бастаған делегациямен кездесу өткізді.Келіссөздер барысында тараптар корпорацияның Қазақстанда энергетика және су шаруашылығы салаларындағы инвестициялық жобаларды жүзеге асыруға қатысуын кеңейту мүмкіндіктерін талқылады. Олардың қатарында гидроаккумуляциялық электр станцияларын, жаңартылатын энергия нысандарын және тазарту құрылыстарын салу бар. Сондай-ақ цифрлық технологияларды қолдану перспективаларына, электр энергетикалық жабдықтарды өндіруді жергіліктендіру және инженер кадрларды даярлау мәселелеріне ерекше назар аударылды.Ғ.Оспанқұлов компаниямен ынтымақтастық озық технологияларды енгізуге және Қазақстанның энергетикалық қауіпсіздігін нығайтуға, орнықты дамуына ықпал ететін ауқымды инфрақұрылымдық жобаларды іске асыруға жаңа мүмкіндіктер ашатынын атап өтті: «Біз «POWERCHINA»-ның қатысуымен жобаларды Қазақстан энергетика секторын жаңғыртуға қосатын маңызды үлес деп қарастырамыз. Корпорация ірі инфрақұрылымдық шешімдерді жүзеге асырудағы бай тәжірибеге және жоғары біліктілікке ие, ал біз мұндай бастамаларды елімізде табысты жүзеге асыру үшін жан-жақты қолдау көрсетуге дайынбыз».Өз кезегінде Чэнь Гуаньфу компанияның ұзақ мерзімді серіктестікке дайын екенін атап өтіп, Қазақстанды Орталық Азиядағы жобаларды дамыту үшін стратегиялық бағыт ретінде қарастыратынын жеткізді. Ол «POWERCHINA» Қазақстанда жаңартылатын энергетика және су ресурстарын басқару саласында толық шешімдер циклін құру мүмкіндігін қарастырып отырғанын да айтты.POWERCHINA – әлемнің 130 елінде жобаларды жүзеге асырып жатқан Қытайдың ең ірі энергетикалық және құрылыс корпорацияларының бірі. Компания гидро және жылу электр станцияларының, жаңартылатын энергия нысандарының, көлік және қалалық инфрақұрылымның, сондай-ақ су шаруашылығы саласының құрылысы бойынша жетекші орынға ие.Ақпарат көзі : https://www.gov.kz/memleket/entities/mfa/press/news/details/1078848?lang=kk

Минскіде өтіп жатқан «ИННОПРОМ.Беларусь» халықаралық өнеркәсіп көрмесінде қазақстандық компаниялар өндірісті цифрландыру мен жасанды интеллектіні енгізу бағытындағы жетістіктерін таныстырды.Ұлттық павильон алаңында өндірістік үдерістердің қауіпсіздігін арттыруға және автоматтандыруға арналған шешімдер көрсетілді. Экспонаттар қатарында – роботтандырылған жүйелер мен «ақылды» құрылғылар бар. Бұл жобалар Мемлекет басшысының барлық салаларға жасанды интеллектіні енгізу жөніндегі тапсырмалары аясында іске асырылуда.Оның нақты үлгісі – ауылшаруашылық техникасы мен қосалқы бөлшектер шығаратын «Қазақстан агроинновациялық корпорациясы». Компания сандық бағдарламамен басқарылатын станоктарға көшті: инженерлер 3D-модель жасайды, ал «ақылды» жабдық металлдан дәлдікпен бөлшек дайындайды. Мұндай тәсіл бұрын шетелден сатып алынған күрделі компоненттерді отандық өндірісте шығаруға мүмкіндік беріп, локализация деңгейін 86%-ға жеткізді.Жаңа техника жаһандық сервистік желілерге қосылған, бұл қашықтан диагностика мен баптауды қамтамасыз етеді.«Біз өндірісте роботтандырылған кешендерді енгізіп, жасанды интеллектіні күнделікті жұмысқа қолданып келеміз. Бұл сапаны, жылдамдықты және тиімділікті арттырады. Президент еңбек өнімділігін екі есеге арттыру міндетін қойды, мұны техникалық қуатты жаңартусыз орындау мүмкін емес. Мемлекет машина-трактор паркін жаңартуға қомақты қаражат бөліп отыр. Ал біздің міндетіміз – нарықтағы сұранысты толық қанағаттандыру», – деді корпорация директоры Олег Балыбин.Көрмеде сондай-ақ Орталық Азиядағы жалғыз толық жиынтық рельс бекітпелерін шығаратын роботтандырылған өндіріс ұсынылды. Бұл жобаны «Бент» өнеркәсіптік компаниялар тобы іске асырған. Жаңа өндіріс Қазақстанның теміржол саласын стратегиялық маңызы бар бөлшектермен толық қамтамасыз етіп, бұрынғы импорттық тәуелділікті жойды. Қосалқы бөлшектер Қазақстанда ғана емес, Қырғызстан, Өзбекстан және Ресейде қолданысқа енген, ал қазір Түрікменстан мен Иранмен келіссөздер жүріп жатыр.«Біз рельс бекітпесінің барлық бес элементін өндіреміз. Бұл үшін роботтандырылған желіні іске қостық. Өндіріс ашылған соң үш айдың ішінде толық қуатқа шықтық», – деді компания директоры Дінмұхаммед Құзиев.Энергия үнемдеу бағытында қазақстандық «Electrologic» контроллері ерекше назар аудартты. Ол металлургия және энергетика саласындағы әлемдік алты үздік «жасыл» жобаның қатарына енді. NU базасында әзірленген бұл шешім 600 өтінімнің ішінен таңдалып, 5,8 млн еуро көлемінде грант алуға үмітті.Бастапқыда технология электрдоғалы пештерді басқаруға қолданылды. Сербия мен Қытайдағы зауыттарда оны енгізу балқыту уақытын екі есеге дейін қысқартып, энергия мен материал шығынын азайтты әрі өнімділікті арттырды. Кейін жүйе электр желілеріндегі шығындарды азайтуға бейімделді. Енді контроллер өнеркәсіп пен коммуналдық секторда да қолданылып, «жасыл» экономикаға көшу құралына айналды.«Біздің регуляторлар металлургияда балқыту уақытын қысқартады: Сербияда – 45 минуттан 26 минутқа, Қытайда – 120 минуттан 65 минутқа дейін. Бұл электр қуаты мен шығынды азайтып, өнімнің өзіндік құнын төмендетеді», – деді жобаның жетекшісі Жанат Жүсіпов.Көрмеде білім беру саласындағы қазақстандық жоба да көрсетілді. Artisan Education компаниясы робототехника мен бағдарламалауды оқытуға арналған бірыңғай білім беру платформасын әзірледі. NU базасында жасалған бұл шешім ауыл мектептеріндегі білікті маман тапшылығы мен материалдық-техникалық қиындықтарды азайтуға бағытталған. LMS-платформа кез келген оқушыға бірдей деңгейде білім алуға мүмкіндік береді: мұғалім кеңесші рөлін атқарады, ал оқушылар интерактивті курстарды меңгеріп, ІІ көмекшінің қолдауымен кодтағы қателерін түзете алады.«Біздің басты мақсатымыз – оқушылар тек теория мен практиканы үйреніп қана қоймай, өз жобасын жасап, оны қорғауға дейін жеткізу. Платформа мектептермен қатар колледждерде де қолданылады. Болашақта университеттерге енгізіп, жас инженерлерді үздіксіз сүйемелдеуді жоспарлап отырмыз», – деді жоба жетекшісі Абай Қакимбек.Сонымен қатар, көрмеде қазақстандық стартап теміржол вагондарын жасанды интеллект арқылы басқаруға арналған цифрлық платформасын таныстырды. Бұл шешім логистиканың тиімділігін арттырып, шығындарды азайтады. Платформа оператор компаниялардың барлық бизнес-үдерістерін біріктіріп, есепті автоматтандырады және деректерді талдайды. Қазір жүйе Қазақстан, Өзбекстан, Әзербайжан және Ресейде қолданыста, 100 мыңнан астам вагон осы бағдарламамен басқарылады.«Біз клиенттерге бос жүрісті 10%-ға қысқартуға көмектестік. Бұл айтарлықтай көрсеткіш. Жасанды интеллект деректерді талдап, вагондарды өтінімдерге өзі бөледі. Соның арқасында әр вагоннан айына қосымша 20 доллар табыс алуға мүмкіндік бар», – деді компания өкілі Ануар Сарсимбинов.Осылайша, «ИННОПРОМ.Беларусь» көрмесінде ұсынылған қазақстандық жобалар елдің цифрландыру, жасанды интеллектіні енгізу, «жасыл» технологияларды дамыту және жаңа буын инженерлерін даярлау бағытында нақты қадам жасап отырғанын көрсетті.Ақпарат көзі : https://www.gov.kz/memleket/entities/almobl/press/news/details/1078490?lang=kk

Рияд, 2025 жылғы 30 қыркүйек – Қазақстан Республикасының Сауд Арабиясы Корольдігіндегі Төтенше және Өкілетті Елшісі Мадияр Меңілбеков Сауд Арабиясы Корольдігінің тақ мұрагері, Премьер-министрі ханзада Мұхаммед бен Салман Әл Саудқа сенім грамоталарын табыс етті.Салтанатты рәсім барысында Елші Қазақстан Президенті Қасым-Жомарт Тоқаевтың сәлемі мен ізгі тілектерін жеткізіп, Қазақстанның Сауд Арабиясымен жан-жақты әрі өзара тиімді ынтымақтастықты одан әрі нығайтуға дайын екендігін атап өтті.Өз кезегінде Корольдіктің тақ мұрагері Қазақстанға және Мемлекет басшысына деген құрметі ерекше екенін атап өтіп, екіжақты байланыстарды жаңа деңгейге көтеруге мүдделілік танытты және Қазақстан Президентіне өз сәлемін жеткізді. Сондай-ақ ханзада Мұхаммед бен Салман сауда-экономикалық, инвестициялық, энергетикалық және мәдени-гуманитарлық салалардағы өзара іс-қимылды кеңейтуге мүдделілігін атап өтті. Ақпарат көзі : https://www.gov.kz/memleket/entities/mfa/press/news/details/1078587?lang=kk

Алматы облысы ағымдағы жылдың сегіз айын экономиканың негізгі бағыттарының басым бөлігінде тұрақты оң серпінмен аяқтады.Негізгі жетекші рөл өнеркәсіпке тиесілі: өнім көлемі 1,6 трлн теңгеден асып, өткен жылмен салыстырғанда 8,2%-ға өсті. Бұл өңірдің ірі индустриалды орталық ретіндегі мәртебесін растап, дамудың жүйелі сипатқа ие екенін көрсетеді. Кәсіпорындар өндірісті тұрақты ұлғайтып, жаңа қуаттарды іске қосуда, индустриалды аймақтар қарқынды игерілуде.Ауыл шаруашылығы да өсім көрсетуде. Жалпы өнім көлемі 385,4 млрд теңгені құрап, нақты көлем индексі 102%-ға жетті. Өсу қарқыны бірқалыпты болғанымен, аграрлық сектор өңір үшін маңызды сала болып қалып, ауылдық аумақтардың тұрақтылығын қамтамасыз етуде.Құрылыста айтарлықтай серпіліс байқалды. Орындаған жұмыстардың көлемі 219 млрд теңгеден асып, өсім 22,3%-ды құрады. 820 мың шаршы метр тұрғын үй пайдалануға берілді, бұл өткен жылмен салыстырғанда 20%-ға артық. Бұл тұрғын үй қорын жаңартуға қосылған қомақты үлес әрі демографиялық өсім мен урбанизацияға дер кезінде берілген жауап.Инвестициялар саласында да айтарлықтай нәтижелер бар. Қаңтар–тамыз айларында 620 млрд теңгеге жуық негізгі капиталға инвестиция тартылып, өсім 17%-ды көрсетті. Бұл инвесторлардың сенімін және өңірдің, соның ішінде нақты сектордың дамуына деген қызығушылығын айқындайды.Сауда да жоғары өсімге қол жеткізді — нақты көлем индексі 120%. Бұған логистикалық инфрақұрылымның кеңеюі және әсіресе Ресей мен Қытаймен сыртқы экономикалық байланыстардың жандана түсуі ықпал етті. Көлік қызметтері көлемі 9%-ға өсіп, 328 млрд теңгеге жетті, ал байланыс қызметтері 11,8%-ға артты. Бұл цифрлық технологияларға деген сұраныстың арта түскенін көрсетеді.Сонымен қатар инфляцияға бақылау сақталуда. Тұтыну бағаларының индексі 108,4%-ды құрап, орташа республикалық деңгейден (108,8%) сәл төмен болды. Ең жоғары өсім ақылы қызметтерде байқалды (+11%), алайда азық-түлікке жатпайтын тауарлар бағасының бірқалыпты көтерілуі жалпы жағдайды бақылауда ұстауға мүмкіндік берді.Қаржылық тәртіп жоғары деңгейде қалуда. Мемлекеттік бюджет кірістері 743,4 млрд теңге жоспарында 99,1%-ға орындалып, 736,6 млрд теңгені құрады. Жергілікті бюджет кірістері жоспардан асыра орындалды (103%), шығыстар 587 млрд теңгеге жетіп, 94%-дан астамы игерілді.Ерекше назарға еңбек нарығы лайық. Сегіз айда 44,3 мың жаңа жұмыс орны ашылды, оның 32 мыңнан астамы — тұрақты. Экономикалық өсім өңір тұрғындарының әл-ауқатына тікелей әсер етіп, тұрақты табыс пен әлеуметтік тұрақтылықты қамтамасыз етуде.Сегіз айдың қорытындылары көрсеткендей: Алматы облысы теңгерімді әрі қарқынды дамып келеді. Өнеркәсіп пен құрылыс өсімнің негізін қаласа, ауыл шаруашылығы тұрақтылықты қамтамасыз етуде, сауда мен қызмет көрсету саласы жедел қарқын алуда, ал инвестициялар өңірдің бизнес үшін тартымдылығын растап отыр. Ең бастысы — жаңа экономикалық жетістіктер жұмыс орындарына және халықтың лайықты өмір сүру деңгейіне айналуда. Ақпарат көзі : https://www.gov.kz/memleket/entities/almobl/press/news/details/1077860?lang=kk

Қонаев қаласында, Alatau Hub-та 29 қыркүйек пен 2 қазан аралығында жасанды интеллект технологияларына арналған AI WEEK апталығы ұйымдастырылады. Іс-шара өңірдегі IT-мамандарды, кәсіпкерлерді, студенттерді және жаңа технологияларға қызығатын қауымды бір арнаға тоғыстырып, практикалық білім мен тәжірибе алмасуға жағдай жасайды.Апталықтың басты мақсаты - жасанды интеллект құралдарын жергілікті бизнеске, білім беру және креативті индустрияларға барынша жақындату, олардың цифрлық трансформациясын жеделдету, аймақтық технологиялық экожүйені нығайту.  AI Week бағдарламасы әр түрлі форматтағы, практикалық құндылығы жоғары іс-шаралардан тұрады:AI Workshop - жасанды интеллект фаундерлердің күнделікті жұмысын қалай жеңілдететінін көрсететін, нақты кейстерге негізделген тәжірибелік кездесу;AI Bootcamp - генеративті жасанды интеллектінің қыр-сырын ашатын үш күндік қарқынды оқу форматы. Қатысушылар ЖИ негіздерін меңгеріп, нейрондық желілерді өз жұмыстарында (мәтін жазу, сурет жасау, процестерді автоматтандыру) тиімді қолдануды үйренеді;AI Pizza Pitch - еркін форматтағы стартап идеялардың таныстырылымы, пайдалы пікірлер мен жаңа байланыстарға жол ашатын кездесу;AI Speaker Talk - жетекші сарапшылардың қатысуымен өтетін ашық әңгіме алаңы. Мұнда қатысушылар жасанды интеллекттің бүгінгі трендтерімен танысып, нақты кейстерді талқылап, тікелей сұрақ қоя алады.AI Week- бұл өңірлік технологиялық экожүйені дамытуға бағытталған маңызды стратегиялық қадам.Іс-шара жасанды интеллектке қызығатын жастар мен кәсіпкерлер үшін бірегей мүмкіндік береді. Олар тек терең білім алып қана қоймай, саланың үздік мамандарымен тікелей байланыс орнатып, инновациялық қауымдастықтың белсенді бөлігі болуға мүмкіндік алады. Ақпарат көзі : https://www.gov.kz/memleket/entities/almobl/press/news/details/1077317?lang=kk

2025 жылғы 1 қыркүйектегі жағдай бойынша облыста 69 222 шағын және орта кәсіпкерлік (бұдан әрі - ШОК) субъектілері әрекет етеді, бұл 2024 жылдың деңгейіне 105,9% құрайды (2024 ж. 1 қыркүйек – 65 379 бір.), оның ішінде 9 568 – шағын кәсіпкерліктегі заңды тұлғалар, 148 – орта кәсіпкерліктегі заңды тұлғалар, 53 211 жеке кәсіпкерлер және 6 295 – шаруа қожалықтары.2025 жылдың 1-тоқсанның қорытындысы бойынша ШОК-та жұмыспен қамтылғандар саны 164 277 адамды құрайды (2024 ж. 1-тоқсанның қорытындысы – 159 195 адам), оның ішінде шағын кәсіпкерліктегі заңды тұлғаларда 50 082 адам, орта кәсіпкерліктегі заңды тұлғаларда – 25 341 адам, жеке кәсіпкерлікте – 77 089 адам, шаруа қожалықтарында – 11 765 адам жұмыспен қамтылған (статистикалық деректер есепті кезеңнен кейінгі тоқсанға кешіктіріліп, тоқсандық негізде қалыптастырылады).ШОБ субъектілерінің өнім шығаруы номиналды түрде 15,5%-ға ұлғайып, 515 962 млн. теңгені құрады (2024 жылғы 1-тоқсанның қорытындысы бойынша- 446 680 млн. теңге), оның ішінде шағын кәсіпкерліктің заңды тұлғалары 182 230 млн. теңге сомасына өнім шығарды, орта кәсіпкерліктің заңды тұлғалары – 133 525 млн. теңге, жеке кәсіпкерлер – 199 174 млн. теңге, шаруа қожалықтары – 1 033 млн. теңге. Бұл ретте өнім шығарудың НКИ 16,2% пайыздық тармаққа ұлғайып 106,4% құрады (2024 жылдың 1-тоқсанның қорытындысы бойынша – 94,7%), өнім шығарудың жалпы қосылған құны 11,1% ұлғайып 321 322,4 млн. теңгені құрады (2024 жылдың 1-тоқсанның қорытындысы бойынша – 289 308,3 млн.теңге). ЖӨӨ-дегі шағын және орта бизнестің үлесі 30,2% құрайды (2024 жылдың 1-тоқсанның қорытындысы бойынша– 29,7%, төмендеу-0,5%) (статистикалық деректер есепті тоқсаннан кейінгі тоқсанға кешігіп тоқсандық негізде қалыптастырылады).Ақпарат көзі : https://www.gov.kz/memleket/entities/kostanay/press/news/details/1077321?lang=kk

Облыстағы 492 ауылдық елді мекеннің (АЕМ) 372-сінде байланыс сапасы жоғары – 4G желісі жұмыс істейді.Байланыс мәселелерін шешу және жұмысты оңтайландыру мақсатында, 2023 жылы облыс әкімдігі екі ірі телеком-оператормен – «Қазақтелеком» АҚ (Kcell) және Beeline Қазақстан («КаР-Тел» ЖШС) – ауылдық елді мекендердегі байланыстың сапасын арттыру жөнінде меморандумдарға қол қойды.Сонымен қатар, облыс әкімдігі жыл сайын шамамен 50 антенна тұрғызуды жоспарлап отыр. Солардың негізінде байланыс операторлары базалық станциялар орнатады.Қол қойылған меморандумдар аясында 2024 жылы 44 ауылдық елді мекенде антенна-мачталық нысандардың құрылысы аяқталды. Бүгінгі күні олардың 42-сінде базалық станциялар іске қосылды. Қалған станцияларды ресми іске қосу осы жылдың төртінші тоқсанына жоспарланған.Халықты кемінде 100 Мбит/с жылдамдықпен кеңжолақты интернетпен қамтамасыз ету үшін Қазақстан Республикасы Үкіметі «Қолжетімді интернет» ұлттық жобасын бекітті.Жобаның негізгі бағыты – ауылдық жерлерде талшықты-оптикалық байланыс желісін кеңейту. Бұл желі арқылы денсаулық сақтау, білім беру, мемлекеттік мекемелер және басқа да нысандар интернетке қосылады.Осылайша, «Қолжетімді интернет» ұлттық жобасы аясында 2027 жылға дейін облыстағы 301 ауылдық елді мекен интернетпен қамтылмақ.Сонымен бірге, рельефі күрделі 34 ауылдық елді мекенге төмен орбиталы спутниктік жүйелер арқылы интернет жеткізу көзделген.Меморандумдар мен ұлттық жобаны жүзеге асыру нәтижесінде барлық ауылдық елді мекендер, соның ішінде шағын ауылдар да, әртүрлі технологиялар (талшықты-оптика, спутник, 4G) арқылы интернетпен қамтамасыз етіледі.Ақпараттандыру басқармасы тұрғындардан түскен интернет сапасына қатысты шағымдарға жедел әрекет етіп, оларды шешу үшін кешенді шаралар қабылдауда. Жергілікті халықтан келіп түскен ақпарат талданып, байланыс операторларына ауылдардағы қамту аймағын және интернет тұрақтылығын жақсарту бойынша сұраулар жолданады.Барлық байланыс операторлары проблемалық мәселелерді шешу және облыс аумағында телекоммуникациялық қызметтердің сапасын жақсарту бағытында жұмыстар атқарып келеді.Ақпарат көзі : https://www.gov.kz/memleket/entities/kostanay/press/news/details/1076301?lang=kk

Қаскелең қаласында халықаралық мәдени-білім беру ынтымақтастығы саласында маңызды оқиға өтті – Орталық Азиядағы әлемге әйгілі америкалық кино мектебінің алғашқы филиалы – New York Film Academy Kazakhstan салтанатты түрде ашылды. Жаңа кампус Energo University мен Dala Edge креативті паркі базасында құрылды.Іс-шараға New York Film Academy президенті және бас атқарушы директоры Майкл Янг, ҚР Ғылым және жоғары білім министрі Саясат Нұрбек, Алматы облысының әкімі Марат Сұлтанғазиев, АҚШ-тың ресми өкілдері, сондай-ақ кино және медиа индустриясының қайраткерлері қатысты.Ашылу рәсімінің атмосферасы кинематографиялық стильде ұйымдастырылды: қонақтарды ерекше «дубль түсіру» қойылымы қарсы алды. Салтанат барысында студенттер өнер көрсетіп, АҚШ-тың Алматыдағы Бас консулы Мишель Еркин жаңа оқу орнының мәдени және шығармашылық мәнін атап өтті. Қонақтарға кампустың инфрақұрылымы – кітапхана, дәріс залдары, дыбыс жазу және монтаждау студиялары, сондай-ақ Dala Edge креативті паркі көрсетілді.Студенттер мен қатысушылар үшін халықаралық мамандардың шеберлік сабақтары өткізілді: NYFA режиссері әрі оқытушысы Роб Пьетри, актер және импровизация шебері Марк Мочаби, AR және ойын технологиялары саласының маманы Кевин Кейтон, продюсер әрі режиссер Майкл Хсюэ, клипмейкер және кинорежиссер Ладо Кватания, қазақстандық кинопродюсер Қуаныш Бейсек, Голливуд сценарисі Гүлжан Токтогұл, режиссер және Unreal Engine маманы Болат Ақназаров, визуалды эффектілер бойынша сарапшы Денис Вежновец, сценаристер Санат Шапашов пен Сергей Литовченко, сондай-ақ NYFA актері әрі оқытушысы Тодд Бруно дәріс оқыды.Күн соңында «CIS MEDIA MARKET TOMORROW: CHALLENGES, FOCUS, COMMUNITY» атты панельдік талқылау өтіп, онда аймақтық медианарықтың даму болашағы сөз болды.NYFA президенті Майкл Янг өз сөзінде былай деді:«Біз New York Film Academy-дің Қазақстанда ашылғанына мақтан етеміз. Бұл жай ғана білім беру жобасы емес, аймақ таланттарын біріктіріп, оларды әлемдік кино индустриясына алып шығатын алаң».Алматы облысының әкімі Марат Сұлтанғазиев өз сөзінде атап өтті: «Жаңа білім ордасы – Мемлекет басшысының елімізде жетекші әлемдік университеттердің филиалдарын ашу жөніндегі тапсырмасына сәйкес жүзеге асырылып отырған жоба. Бұл – білім беру мен креативті индустрияның дамуына қуатты серпін беретін, шығармашыл жастарға жаңа мүмкіндіктер ашатын маңызды қадам. Алматы облысы табиғат сұлулығымен ғана емес, бай мәдени мұрасымен де ерекшеленеді.Бұл – жастарға шабыт пен идея беретін сарқылмас қайнар көз. Академияның ашылуы өңірді мәдени әрі технологиялық орталыққа айналдырып, Қазақстаннан ғана емес, шетелден де дарынды студенттерді тартуға ықпал етеді. Бүгінде облыста 2 миллионнан астам тұрғын бар, олардың 30 пайыздан астамын жастар құрайды. Бұл – жаңа білім беру жобалары мен шығармашылық алаңдарға жоғары сұраныс бар екенін көрсетеді.New York Film Academy Kazakhstan кино, медиа және креативті индустрия саласында білікті мамандарды даярлайтын ірі білім ордасына айналып, аймақ пен елдің өркендеуіне зор ықпал етеді деп сенемін.Ақпарат көзі : https://www.gov.kz/memleket/entities/almobl/press/news/details/1076340?lang=kk

Кең даланы дүбірге бөлеген айтулы дода мәресіне жетті. 20 қыркүйек күні салтанатты түрде Тобыл-Торғай даласынан бастау алған, өткенге тағзым, бүгінге рух, болашаққа аманат ретінде көрнекті ағартушы, Алаш қайраткері Міржақып Дулатұлының 140 жылдығының құрметіне және Қазақстан Халқы Ассамблеясының 30 жылдығына арнайы ұйымдастырылған Халықаралық «Ұлы дала жорығы» марафон-бәйгесінің жеңімпаздары марапатталды.«Ұлы дала жорығы» марафон-бәйгесі ұлттық ат спортының тарихы мен мәдениетін дәріптейді. Бұл тек жарыс емес, халықтың дәстүрі. Батырлық пен ерлікті насихаттайтын ерекше сынақ.Қазақтың дархан даласын дүбірлеткен тұлпарлар бәйгесі 2022 жылдан бері өткізіліп келеді.Биылғы марафонға барлығы 3 мемлекеттен 18 команда қатысты. Марапаттау рәсімінде Қырғызстан, Кабардин-Балқар елінен келген спортшыларға қошемет көрсетілді. Еліміздің намысын қорғау үшін Маңғыстау, Алматы, Жетісу, Қостанай, Шығыс Қазақстан, Абай, Ақтөбе, Атырау, Батыс Қазақстан, Ұлытау сияқты он облыстан, Астана, Алматы қалаларынан және Қазақстан Халқы Ассамблеясының «Бірлік» командасы қатысты.Елеулі сәтте «Ұлы дала жорығы» марафон-бәйгесіне қолдау көрсеткен және ұйымдастыруға ұйтқы болып жүрген ұлт руханиятының және ұлттық спорт жанашырлары зор құрметпен сахна төріне шақырылды. Олар: Қостанай облысының әкімі Құмар Ақсақалов, «AMANAT» партиясының атқарушы хатшысы Дәулет Кәрібек, ҚР Премьер-министрінің кеңесшісі, «Жорық» ат спорты федерациясы «Қамқоршылар кеңесінің» төрағасы Ералы Тоғжанов, Мемлекет және қоғам қайраткерлері Дүйсен Қасейінов, Абай Тасболат және «Жорық» ат спорты федерациясының президенті Бақытжан Тұрлыбеков.Алғашқы болып Қостанай облысының әкімі Құмар Ақсақалов құттықтау сөз сөйледі.«Бүгін біз ерекше қуаныш пен толқынысқа толы сәттің куәсі болып отырмыз. Торғай өңірінде бастау алған «Ұлы дала жорығы» марафон-бәйгесі өзінің мәресіне Арқалық қаласына жетті. Бұл бәйге тек спорттық дода емес, бұл халқымыздың тарихын дәріптейтін, ұлттық рухымызды жаңғыртатын, елдігімізді айқындайтын тағылымды шара болды», – деп атап өтті облыс әкімі Құмар Ақсақалов.«AMANAT» партиясының атқарушы хатшысы Дәулет Кәрібек «Ұлы дала жорығы» марафон-бәйгесінің осыдан үш жыл бұрын тікелей Мемлекет басшысы Қасым-Жомарт Тоқаевтың қолдауымен басталғанын, Торғай елі алтыншы мәрте өткізіп отырғанын, осы уақыт ішінде марафон-бәйге әлемге танымал халықаралық жарыс деңгейіне көтерілгенін тілге тиек етті.«Үш жылдың айналасында бұл бәйге алтыншы мәрте өткізіліп жатыр. Осы уақыт ішінде марафон-бәйге әлемге танымал халықаралық жарыс деңгейіне көтеріліп келеді. Осының бәрі Президентіміздің ұлттық спортты дамытуға жасап отырған қамқорлығының, қолдауының арқасы екенін баса айтуға тиіспіз. Бүгінде Ұлттық спорт халқымыздың ұлттық төлқұжатына, мақтанышына, тіпті өмір салтына айналды десе болады», – деді Дәулет Кәрібек.ҚР Премьер-министрдің кеңесшісі Ералы Тоғжанов Тобыл-Торғай өңірінің Ыбырай Алтынсарин, Ахмет Байтұрсынұлы, Міржақып Дулатұлы сынды ұлы тұлғаларды дүниеге әкелген құтты мекен екенін, ел зиялылары аңсаған Тәуелсіздікке ұрпақтары қол жеткізіп отырғанын, бүгінде қазақ елін әлем танып, дүние жүзіне мәшҺүр болғанын лебізіне арқау етті.«Дүние жүзінде қазақтың туы желбіреп, рухы асқақтап тұр. Оның бәрі елдің бірлікте болғанының арқасында. «Бірлік» командасы бірінші рет қатысып отыр. Оны Ассамблеяның 30 жылдығымен байланыстырып отырмыз. Тәуелсіздіктің тұғыры – бірлік. Бірлігі бар ел ғана тұрақты дамиды. Тұрақтылық бар жерге ғана халық сенім артады. Сенім болса, инвестиция келеді, халық тұрақтайды. Осындай бірлігі жарасқан елде үлкен тойдың куәсі болып жатырмыз», – деді Ералы Тоғжанов.Жарыс нәтижесіне тоқталар болсақ, бірінші орынды Қырғызстан командасы жеңіп алды. Екінші орын Ақтөбе облысының еншісінде. Үшінші орынды Қостанай облысының командасы қанжығалады. Төртінші, бесінші орын алған командаларға да сый-сияпат көрсетілді. Облыс әкімі Құмар Ақсақалов жүлдегерлерді құттықтап, келер жылы Арқалық қаласының 70 жылдық мерейтойының құрметіне жарысты жалғастыруды ұсынды.Ақпарат көзі : https://www.gov.kz/memleket/entities/kostanay/press/news/details/1076354?lang=kk

Алматы облысында 2022 жылдан бастап жерді мемлекет меншігіне қайтару бағытында жоспарлы жұмыс жүргізіліп келеді. Осы уақыт аралығында жалпы аумағы 483,6 мың гектарды құрайтын 1 488 жер телімі мемлекетке қайтарылды.Қайтарылған жерлердің игерілуі:•165,6 мың гектар конкурс арқылы ауыл шаруашылығы айналымына енгізілді;•142,3 мың гектар ауылдық округтерге бекітіліп, тұрғындарды жайылыммен қамтамасыз етуге бағытталды;•18,6 мың гектар инвестициялық жобаларды жүзеге асыруға берілді.2022–2025 жылдары аудан және қала әкімдіктері ҚР Жер кодексінің 92, 94 және 147-баптарына сәйкес жалпы аумағы 195,6 мың гектарды құрайтын 930 пайдаланылмай жатқан жер учаскесіне қатысты материалдарды Жер ресурстарын басқару департаментіне (ЖРБД) жолдады.2025 жылдың басынан бері Қонаев қаласының әкімдігі де бұл бағыттағы жұмыстарды күшейтіп, ЖРБД-ға 55 жер учаскесі бойынша (42-сі – коммерциялық, 13-і – ауыл шаруашылығы мақсатындағы) құжаттарды жолдады. Аталған жерлер Капшагай су қоймасы мен Іле өзенінің маңында орналасқан. Сонымен қатар, жер пайдаланушыларға 61 ескерту-хат жіберілді.🔹 Бұрынғы лауазымды тұлғаларға тиесілі болған кейбір жерлерге қатысты деректер де қарастырылуда:•2006 жылы Іле ауданы әкімдігінің қаулысымен «Монтажник» шаруашылығына 13 883,9 га жер бөлінген;•2005–2007 жылдары «DALA INVEST GROUP» ЖШС-не 2 952,07 га жер берілген;•2022 жылы «AL-AGRO GROUP» ЖШС-не 44,93 га жер нотариалдық келісім негізінде өткен;•Алатау қаласында 28,7 га жер телімі тіркелген;•2013–2025 жылдары «Billboards Empire» ЖШС Іле ауданында, Қонаев және Алатау қалаларында жарнамалық билбордтарға арналған 38 жер учаскесін рәсімдеген.Барлық шешімдер қолданыстағы заңнамаға сәйкес қабылдануда. ҚР Жер кодексінің 147-бабына сәйкес, жерді бөлу және пайдалану заңдылығын тексеру құзыреті Жер ресурстарын басқару департаментіне тиесілі. Қажетті шаралар қабылданғаннан кейін қосымша ақпарат ресми түрде жарияланатын болады.Ақпарат көзі : https://www.gov.kz/memleket/entities/almobl/press/news/details/1076366?lang=kk

Алматы облысында Еңбек күнін атап өту дәстүрге айналды. Бұл күн тек өңірдің емес, тұтас елдің дамуына үлес қосқан еңбек адамдарын ұлықтау мерекесі.Биыл аймақтағы белсенді бағдарлама 19 қыркүйекте Талғар аудандық Мәдениет үйінде басталды. Мұнда «Еңбек жолы», «Парыз» конкурстарының жеңімпаздары және облыстың барлық аудандарынан келген жұмысшы мамандық иелері марапатталды. Көптеген азаматтарға облыс әкімі атынан дипломдар, алғыс хаттар және ақшалай сертификаттар табысталды.Кейін еңбек ардагерлеріне, жұмысшы мамандық иелеріне, әлеуметтік сала қызметкерлеріне және басқа да мамандарға арналған концерттік бағдарлама өтті. Ал Мәдениет үйінің алдындағы алаңда «Керуен» жобасы мен бос жұмыс орындары жәрмеңкесі басталды.Айта кету керек, «Керуен» – жұмысшы мамандықтарын насихаттауға, еңбек беделін арттыруға, халықты мемлекеттік қолдау шаралары, кәсіптік оқыту, жұмыспен қамту және кәсіпкерлікті дамыту мүмкіндіктері туралы ақпараттандыруға бағытталған жоба. Бағдарлама облыстың барлық аудан-қалаларында өткізіліп, жастармен, ауыл тұрғындарымен, колледж студенттерімен және жұмыссыз азаматтармен кездесулер түрінде ұйымдастырылады. «Керуеннің» жұмысына аудан әкімдіктері, жұмыспен қамту, білім беру, кәсіпкерлік, жастар саясаты, мәдениет басқармаларының өкілдері, мансап орталықтары, колледждер, кәсіпкерлер секторы және кәсіби бағдар беру мамандары қатысады.Негізгі назар жастарды техникалық және кәсіптік білім беру жүйесіне тартуға, сұранысқа ие жұмысшы мамандықтарын таныстыруға, білім беру бағдарламаларын, «Бастау Бизнес», «Enbek Skills» жобаларын, микрокредиттерді, әлеуметтік гранттарды және басқа да бастамаларды түсіндіруге аударылады.Алайда мереке мұнымен аяқталған жоқ. Еңбек күнін апталық форматта атап өту Есік қаласында жалғасты. Мұнда белсенді ұзақ өмір сүру орталығында TED форматындағы облыстық конференция басталды. Оған еңбек ардагерлері, әлеуметтік сала қызметкерлері қатысты. Сонымен қатар Талғар ауданында «Жұмысшы мамандықтар жылы» аясында мансап орталығында ашық есік күні өтті. Облыс орталығы – Қонаев қаласы да тыс қалмады. Мұнда да мансап орталығында ашық есік күні ұйымдастырылып, жұмыс берушілермен кездесу өтті. Акцияға Жамбыл және Еңбекшіқазақ аудандары қосылды. Бұл аудандарда бос жұмыс орындары жәрмеңкелері өтті, ал кейін мансап орталығында әлеуметтік салаға қосқан үлесі үшін қызметкерлер марапатталды.Сонымен қатар жастарға кәсіби бағдар беруге бағытталған «Менің мамандығым – менің болашағым» флешмобы өтті. Бұдан бөлек, студенттер қолөнер, тағам өндірісі, электротехника, дәнекерлеу ісі, ІТ-технологиялар және тігін өндірісі бойынша көрмелер мен шеберлік сыныптарын өткізді.Айта кетейік, жыл басынан бері Алматы облысында жастарды жұмысшы мамандықтарына тарту және оларды жұмыспен қамту бағытында ауқымды жұмыс жүргізіліп келеді. Атап айтқанда, 33 бос жұмыс орындары жәрмеңкесі және 37 ашық есік күні ұйымдастырылды. Бұл іс-шараларға 508 жұмыс беруші, 3008 жұмыс іздеуші, сондай-ақ 761 оқушы мен 727 студент қатысты.«Еңбек жолы» және «Парыз» конкурстары Алматы облысында өттіСоңғы жылдары аймақта тұрақты түрде өткізіліп келе жатқан конкурстар жаңа есімдерді ашып, аудан ғана емес, бүкіл облыс үшін мақтаныш символына айналды. Олар адал еңбек пен өзара көмек, мамандықтарды насихаттау Алматы облысының дамуына зор үлес қосатынын дәлелдеді.Ұйымдастырушылардың айтуынша, мұндай конкурстардың басты мақсаты – еңбектің қоғамдық маңызын арттыру және түрлі сала қызметкерлерін дәріптеу. Сондай-ақ адал еңбек, еңбек әулеттері мен жас мамандардың құндылықтарын насихаттау ерекше маңызды. Ал өңірлік кезең жеңімпаздарын марапаттау – жергілікті тұрғындар үшін үлкен демеу.Акция аясында өңірдің үздік мамандары атап өтіліп, марапатталды. Құрметті қонақтар – еңбек ардагерлері мен кәсіподақ өкілдері олардың еңбегін ғана емес, облыстың, ауданның және ауылдардың дамуына қосқан үлесін де атап өтті. Шарада облыстық мәслихат төрағасы ерекше сөз сөйледі.– Бүгін біз осы маңызды мерекені атап өту үшін жиналдық. Еңбек күні – барлық буын мен мамандықтарды біріктіретін мереке. Бұл – қарапайым адамның адал еңбегіне, шыдамдылығы мен табандылығына құрмет көрсету күні. Қадірлі еңбек адамдары, сіздер біздің отбасыларымыздың, аудандарымыздың және тұтас Алматы облысының игілігінің негізін қалайсыздар. Біз үшін үлкен мақтаныш – «Еңбек жолы» мен «Парыз» конкурстарының өңірлік кезеңінің жеңімпаздарын, сондай-ақ аудандардан келген жұмысшы мамандық иелерін марапаттау. Бұл азаматтар өз еңбексүйгіштігімен, жауапкершілігімен және ісіне адалдығымен үлгі көрсетіп, өңіріміздің дамуына зор үлес қосуда, – деді ол.Сонымен қатар аудандарда да Еңбек күніне арналған іс-шаралар өтті. Қатысушылар үшін бос жұмыс орындары жәрмеңкесі, жұмысшы мамандықтарына маманданған оқу орындарының таныстырылымы, мемлекеттік гранттар мен микрокредит иелерінің өнімдері қойылған көрмелер ұйымдастырылды.Алматы облысында бірқатар еңбек адамдары марапатталдыМемлекет басшысы Қасым-Жомарт Тоқаев 2025 жылды «Жұмысшы мамандықтар жылы» деп жариялаған болатын. Бұл бастама еңбек адамының мәртебесін көтеруге және қарапайым еңбекті дәріптеуге бағытталған маңызды шешім болды.Осыған орай, 2025 жылғы 19 қыркүйекте Алматы облысында Еңбек күніне арналған салтанатты шара өтті. Талғар ауданында «Еңбек жолы», «Парыз – 2025» конкурстарының жеңімпаздары және облыстың үздік жұмысшы мамандары марапатталды. Оларға облыс әкімі атынан алғыс хаттар, дипломдар және ақшалай сертификаттар табысталды.«Еңбек жолы» конкурсы үш номинация бойынша өтті: «Үздік еңбек әулеті», «Жұмысшы жастардың үздік тәлімгері», «Өндірістің үздік жас маманы». Бұған қоса, «Парыз – 2025» облыстық кезеңінің жеңімпаздары марапатталды. Еңбек ардагерлері мен өндіріс озаттарының еңбегі ерекше атап өтіліп, 11 адамға құрметті марапат берілді.Талғар ауданы әкімінің орынбасары Айбек Бидаев салтанатты рәсімде сөз сөйлеп, еңбеккерлерге жылы лебізін білдірді.– Бүгін марапатқа ие болғандар – өз еңбегімен өңірдің дамуына үлкен үлес қосқан жандар. Сіздердің еңбектеріңіз – өскелең ұрпаққа үлгі, ал жетістіктеріңіз – қоғамның өркендеуіне жол ашатын құндылық, – деді ол.Шарада үздік еңбек әулеттері – Абдрахмановтар, Сайбировтар, Бакеновтар марапатталды. Жастарға тәлімгерлік еткендер қатарынан Райымбек ауданынан Жанат Керімбаев, Кеген ауданынан Ернат Инсебаев және Қарасай ауданынан Айман Байсеитова үздік деп танылды. «Өндірістің үздік жас маманы» атағына Іле ауданынан Дильфуза Бақытжанова, Кеген ауданынан Ермахан Бекмұрат және Алатау қаласынан Дархан Жақаев ие болды. «Парыз – 2025» байқауында Ұйғыр ауданынан Юлдаш Семятов, Еңбекшіқазақ ауданынан Уларым Тұрсын және Қонаев қаласынан Ләззат Салықова жеңімпаз атанды.Сонымен бірге кабельшілер, бас инженерлер, ораушылар, желі операторлары, инженерлер, тракторшылар, электромонтерлер, су арнасы шеберлері, жүргізушілер, етікшілер және басқа да жұмысшылар түрлі марапаттарға ие болды.Айта кетейік, жыл басынан бері облыста жастарды жұмысшы мамандықтарына тартуға және оларды жұмыспен қамтуға бағытталған бірқатар шаралар өткізілді. Атап айтқанда, 33 бос жұмыс орындары жәрмеңкесі және 37 ашық есік күні ұйымдастырылды. Бұл іс-шараларға 508 жұмыс беруші, 3008 жұмыс іздеуші (оның ішінде 1333 жас маман), 761 оқушы және 727 студент қатысты.Адал еңбек – ұрпаққа өнегеМерекеде үздік еңбек әулеттері марапатталды. Солардың бірі – Іле ауданындағы «Алель Агро» АҚ-да еңбек ететін Абдрахмановтар отбасы.– Еңбек – біздің отбасымыздың басты құндылығы. Әкелеріміз бен аталарымыз еңбекқорлықты өмірлік қағида етіп, бізге үлгі көрсетті. Біз сол жолды жалғастырып келеміз. Мұндай марапатты тек өз отбасымыздың емес, барша еңбек адамдарының құрметі деп білемін, – деді Абдрахмановтар әулетінің үлкені.Бұл сөздер еңбек әулеттерінің ұрпақ сабақтастығын сақтап, адал еңбекті дәріптеп келе жатқанын дәлелдейді.Қоғам үшін ортақ құндылықМереке аясында «Керуен» жобасы, бос жұмыс орындары жәрмеңкесі, студенттік флешмоб және кәсіби шеберлік сабақтары ұйымдастырылды. Мемлекеттік грант иелері өздерінің бизнес-жобаларын ұсынып, еңбек нарығының дамуына жаңа серпін берді. Барлығы 400-ден астам адам қатысқан шарада 500-ге жуық бос жұмыс орны ұсынылды.Бұл бастамалар еңбек адамдарын қоғамдағы мәртебесін арттырып қана қоймай, жастарға жаңа мүмкіндіктер ашты, кәсіби бағдар берді және еңбек нарығындағы сұраныс пен ұсынысты үйлестіруге нақты үлес қосты.Еңбек күні – ең алдымен еңбек адамының мерекесі. Бұл күн әрбір тынбай еңбек еткен жанның қоғам дамуына қосқан үлесін бағалайды. Өз еңбегімен елге үлгі болып жүрген азаматтар – мемлекеттің нағыз тірегі.Ақпарат көзі : https://www.gov.kz/memleket/entities/almobl/press/news/details/1076383?lang=kk

Баршаңызды Еңбек күнімен құттықтаймын!Осы айтулы күні адал еңбегімен қоғамның игілігі және оның өркендеуіне елеулі үлес қосып жүрген барша жандарға шын жүректен алғысымды білдіремін. Еңбек адамы - кез-келген өндірістің тірегі, тұрақтылық пен өсудің қайнар көзі.Мемлекет Басшысы Қасым-Жомарт Тоқаев өз сөзінде еңбек адамының ел дамуына қосқан үлесін ерекше атап өткен болатын. Биылғы жылдың «Жұмысшы мамандықтар жылы» деп жариялануы да осыны дәлелдей түседі.Тобыл-Торғай өңірі қашанда еңбегімен елге үлгі болған қасиетті өлке. Даламызды дүбірлеткен диханымыз да, өнеркәсіп пен өндірістің алдыңғы шебінде жүрген жұмысшыларымыз да – барлығы туған жердің өркендеуіне үлес қосып келеді.Еңбек – береке бастауы. Әр күнімізді абыройлы іспен өрнектеп жүрген жерлестеріміздің қажырлы еңбегі біз үшін үлкен мақтаныш. Біз әрқашан еңбек әулеттерін, өз ісінің майталмандары мен жасампаздық жолын таңдаған жас мамандарды мақтан тұтамыз! Осы мереке күні сіздерге зор денсаулық, амандық, толағай табыс пен игілікті істеріңізге сәттілік тілеймін. Еңбектеріңіз лайықты бағаланып, қуаныш пен береке әкелсін!Қостанай облысының әкімі Қ. АқсақаловАқпарат көзі : https://www.gov.kz/memleket/entities/kostanay/press/news/details/1076384?lang=kk

Алматы облысының Талғар ауданы Панфилово ауылында табиғи әрі экологиялық таза өнім өндіруге маманданған еліміздегі бірегей кәсіпорындардың бірі – «GREEN ECO» жылыжай кешені табысты жұмыс істеп келеді.Кешен 2016 жылы іске қосылып, 5-ші буынның заманауи жылыжай технологиясымен жабдықталған. Бұл өңірдің аграрлық саласын жаңа сапалық деңгейге көтеруге мүмкіндік берді. Өндіріс үдерісі толық автоматтандырылған гидропоника жүйесі бойынша жүргізіледі, бұл жыл бойы өнім алуға жағдай жасайды.Кәсіпорынның басты ерекшелігі – химиялық тыңайтқыштар, пестицидтер мен генетикалық түрлендірілген өнімдерді (ГМО) мүлде қолданбауында. Өндірісте халықаралық стандарттарға сәйкес келетін органикалық қоректік заттар мен табиғи шымтезек пайдаланылады.Кешеннің өнім түрлері 30-дан аса атауды қамтиды, олардың ішінде:құмырадағы жасыл салаттар,микрожасылдар,салат қоспалары,жеуге жарамды гүлдер.Жылыжай ай сайын 60 тоннадан астам өнім өндіреді, бұл жылына шамамен 5 миллион құмыра жасыл дақылдарға тең. Өндірістік процесс толық автоматтандырылған, ал сапа бақылауы Дания, Германия және Италиядан жеткізілген құрал-жабдықтардың көмегімен жүзеге асырылады.Жылыжай кешенінің директоры Роман Шнайдерманның айтуынша, кәсіпорынның басты мақсаты – тұтынушыларды халықаралық стандарттарға сай экологиялық таза өніммен қамтамасыз ету.Кешенде қоршаған ортаны қорғауға және табиғи ресурстарды ұтымды пайдалануға айрықша көңіл бөлінеді. Мұнда энергия үнемдеу технологиялары енгізілген, ал өсімдіктерді суару үшін тереңдігі 250 метрден алынатын артезиан суы қолданылады.Жылыжайда тұрақты түрде шамамен 150 адам еңбек етеді, олардың көпшілігі – Панфилово ауылының тұрғындары. Бұл ауылдағы жұмыссыздық деңгейін төмендетуге және халықтың әл-ауқатын арттыруға ықпал етіп отыр.Талғар ауданы әкімдігі өкілінің айтуынша, «GREEN ECO» сияқты кәсіпорындар ауыл шаруашылығы өнімдерінің сапасын арттырумен қатар жаңа жұмыс орындарын құруға, азық-түлік қауіпсіздігін нығайтуға және өңірдің әлеуметтік-экономикалық дамуына елеулі үлес қосуда.Қазіргі уақытта кәсіпорын жобаның екінші кезеңін жүзеге асыруға дайындық жүргізуде – қосымша жылыжай алаңы іске қосылады деп жоспарлануда. Жобаның жалпы құны 2,1 млрд теңгені құрайды, оның ішінде 1,5 млрд теңге қосымша қаржыландыруға сұратылған. Жоба «Аграрлық несие корпорациясы» АҚ тарапынан мақұлданып, қаржыландыруды күту кезеңінде тұр.Ақпарат көзі : https://www.gov.kz/memleket/entities/almobl/press/news/details/1076169?lang=kk

Бүгін Шарын мемлекеттік ұлттық табиғи паркінде «Жетісу Вольфрамы» ЖШС-мен бірлесіп жүзеге асырылған маңызды инфрақұрылымдық жоба – туристік бағытқа су құбыры тарту жұмыстарының ашылу салтанаты өтті.Салтанатты шараға аудан әкімі Бота Елеусізова қатысып, құттықтау сөз сөйледі. Өз сөзінде ол су құбырының тартылуы табиғатты қорғау ісінде, туризмді дамытуда және демалушыларға қолайлы жағдай жасауда ерекше мәнге ие екенін атап өтті.- «Тіршілік нәрі – су. Бүгінгі жоба тек туристерге ғана емес, жалпы өңірдің туристік әлеуетін арттыруға бағытталған маңызды қадам. Бұл – табиғатты аялау мен экологиялық туризмді өркендетуге қосылған зор үлес», – деді аудан әкімі.Жаңа су құбырының іске қосылуы Шарын шатқалына келушілерге қолайлы жағдай жасап қана қоймай, ұлттық парктің экологиялық тұрақтылығын сақтауға да ықпал етеді. Жоба мемлекет пен бизнес арасындағы тиімді әріптестіктің нақты нәтижесі болып отыр.Ашылу рәсімінде қатысушылар табиғатты қорғау және туризмді дамытуға бағытталған осындай бірлескен бастамалардың өңір үшін стратегиялық маңыздылығын атап өтті.Бұл игі іс-шара Жетісу өңіріндегі экологиялық туризмнің дамуына жаңа серпін беріп, ұлттық парк қонақтарына жайлы жағдай жасаудың жарқын үлгісіне айналмақ.Ақпарат көзі : https://www.gov.kz/memleket/entities/almobl/press/news/details/1076236?lang=kk

Жамбыл ауданындағы Теміржол ауылдық округінде «Қазыбек бек» индустриялық аймағының ашылуы өтті.Салтанатты іс-шараға іскерлік орта өкілдері, инвесторлар, жергілікті атқарушы органдар мен өңір тұрғындары қатысты. Индустриялық аймақтың жалпы аумағы 900 гектарды құрайды. Негізгі бағыттары – металлургия және металл өңдеу, құрылыс материалдарын шығару, машина жасау және өнеркәсіптік жабдық өндірісі, сондай-ақ жүк сақтау қызметтері. Жобаны іске асыру мерзімі 2027–2029 жылдарға жоспарланған.Ашылу рәсімінде сөз сөйлеген Алматы облысының әкімі Марат Сұлтанғазиев индустриялық аймақтың құрылуы өңір мен тұтас ел экономикасын дамытудағы маңызды қадам екенін атап өтті.«Қазақстан Республикасының Президенті Қасым-Жомарт Кемелұлы Тоқаев 2025 жылғы 8 қыркүйектегі Қазақстан халқына Жолдауында: «Өңдеуші өнеркәсіптің дамуына жаңа серпін беретін уақыт келді», – деп атап өткен болатын. Мемлекет басшысы Алматы, Қостанай, Қарағанды және Атырау облыстарында іске қосылған ірі машина жасау және металлургия кәсіпорындарын мысалға келтірді. Сонымен бірге, бұл жұмыстар жеткіліксіз екенін айтып, экономиканы әртараптандыруды жеделдетудің маңыздылығын ерекше атап өтті. Осы тұрғыда негізгі басымдық – ішкі және сыртқы нарықтарда бәсекеге қабілетті, терең өңделген өнім өндіру. Бүгін ашылған «Қазыбек бек» индустриялық аймағы – осы міндеттердің нақты жүзеге асуының көрінісі және өңір экономикасының жаңа серпініне айналарына сенімдімін», – деді облыс әкімі.Марат Сұлтанғазиев, сондай-ақ, аталған бастаманы алғашқылардың бірі болып қолдаған инвесторлар мен серіктестерге алғыс білдіріп, алдағы уақытта облыс әкімдігі кәсіпкерлерге жан-жақты қолдау көрсетіп, инфрақұрылымды дамытып, бизнес жүргізу үшін қолайлы жағдай жасайтынын атап өтті. Оның айтуынша, заманауи индустриялық аймақ жаңа инвестициялар тартуға, өндірістік секторды кеңейтуге, жаңа жұмыс орындарын ашуға, инновациялық жобаларды енгізуге, бәсекеге қабілетті өнім шығаруға және экспорттық әлеуетті арттыруға жол ашады.Бүгінгі таңда «Қазыбек бек» индустриялық аймағына жалпы құны 454 млрд теңгені құрайтын 11 қатысушы тартылған. Бұл жобаларды жүзеге асыру нәтижесінде 2495 жаңа жұмыс орны ашылады.Инвесторлардың бірі – «KAZAKZSTANYULIN IRRIGATION EQUIPMENT» ЖШС жобасының жетекшісі әрі бас директордың орынбасары Серікжан Болатұлы Нұрсейітов өндіріс орнын ашуға қолдау көрсеткен облыс әкімдігіне алғысын білдіріп, жобаның болашағына сенімді екенін жеткізді.«Бізге жер телімін бөліп бергені үшін Алматы облысының әкімдігіне алғыс айтамыз. Біздің жобамыз – ауыл шаруашылығы техникасының кең спектрін шығаратын заманауи зауыт құру. Мұнда өсімдік шаруашылығына арналған машиналар, жаңбырлатып суару қондырғылары, мал шаруашылығы техникасы, сұйық және қатты тыңайтқыш енгізуге арналған жабдықтар, сондай-ақ жоңышқаны ұнтақтайтын арнайы машиналар және басқа да техника өндіріледі. Зауыт заманауи технологиялармен жабдықталады, жылдық қуаттылығы – 500 дана ауыл шаруашылығы техникасы. Өнімдерді енгізу шаруалардың импортқа тәуелділігін азайтып, өнімділікті арттыруға мүмкіндік береді. Бұл жоба өңір индустриясының дамуына серпін беріп, еліміздің азық-түлік қауіпсіздігін қамтамасыз етуге зор үлес қосады деп сенеміз», – деді Серікжан Болатұлы.Қазіргі таңда Алматы облысының инвестициялық портфелінде жалпы құны 6,3 трлн теңгені құрайтын 229 жоба бар. 2025 жылы 302,7 млрд теңге көлеміндегі 35 жобаны іске қосу жоспарланған. Олар өнеркәсіп, ауыл шаруашылығы, туризм және инфрақұрылым салаларын қамтиды және өңірдің әлеуметтік-экономикалық дамуына айтарлықтай үлес қосуда.Айта кетейік, Алматы облысы – Қазақстандағы ең серпінді дамып келе жатқан өңірлердің бірі. Қытай және Қырғызстанмен шектесетін қолайлы географиялық орналасуы, дамыған көлік-логистикалық инфрақұрылымы мен инвестициялық ахуалы тұрақты өсімге мүмкіндік беріп отыр.Ақпарат көзі : https://www.gov.kz/memleket/entities/almobl/press/news/details/1075899?lang=kk