Телеграмм КС - https://t.me/consot_kz Конституциялық Сот апелляциялық шешіммен келіспеген азаматтың өтінішін қарады. 2022 жылы 10 жылға бас бостандығынан айырылған сотталған адам 2025 жылы заң деңгейінде қабылданған өзгерістерге сілтеме жасай отырып, жаза мерзімін қысқартуды және қылмысты неғұрлым жеңіл санатқа қайта саралауды сұрады. Бірінші сатыдағы сот оның өтінішін қанағаттандырып, жаза мерзімін 7 жылға дейін қысқартты.Кейіннен облыстық сот бұл шешімнің күшін жойып, үкімді өзгеріссіз қалдырды. Сонымен қатар сотталған адамға қабылданған апелляциялық қаулының кассациялық тәртіпте қайта қаралмайтыны түсіндірілді. Азамат мұны өзінің шағымдану құқығын шектеу деп бағалады.Алдын ала қарау қорытындысы бойынша Конституциялық Сот Конституция сот арқылы қорғалу құқығына кепілдік беретінін, алайда оны жүзеге асырудың нақты тәртібін айқындамайтынын атап өтті. Бұл мәселе заң деңгейінде реттеледі, соған сәйкес кассация процестің міндетті кезеңі емес, қосымша кепілдік болып табылады.Өтініште келтірілген уәждер негізінен апелляциялық соттың қорытындыларымен келіспеуге келіп тіреледі, ал Конституциялық Сот істерді мәні бойынша қайта қарамайды, сондықтан мұндай уәждер конституциялық іс жүргізуге негіз бола алмайды.Ақпарат көзі : https://www.gov.kz/memleket/entities/ksrk/press/news/details/1201035?lang=kk

Исламабад, 2026 жылғы 14 сәуір – Қазақстанның Пәкістандағы Елшісі Ержан Қыстафин Пәкістанның Федералдық су ресурстары министрі Миан Мухаммад Муин Ватту және су ресурстары мәселелері жөніндегі Пәкістанның арнайы өкілі Сайед Мухаммад Мехар Али Шахпен кездесу өткізді.Кездесу барысында тараптар су ресурстарын басқару саласындағы Қазақстан-Пәкістан ынтымақтастығын кеңейту перспективаларын талқылады. Су ресурстарын ұтымды пайдалану бағытында практикалық өзара іс-қимылды нығайтуға, тәжірибе алмасуға және бірлескен бастамаларды іске асыруға өзара қызығушылық бар екені атап өтілді.Е.Қыстафин Пәкістан тарапын ағымдағы жылдың 3-4 ақпанында ҚР  Президенті Қ.Тоқаевтың Пәкістанға жасаған мемлекеттік сапарының қорытындылары туралы хабардар етіп, стратегиялық әріптестік орнату туралы Бірлескен декларацияға, сондай-ақ 70-тен астам екіжақты келісімдер мен меморандумдарға қол қойылғанын ерекше атап өтті.Сондай-ақ Елші пәкістан тарапына 2026 жылғы 22-24 сәуір аралығында Астана қаласында өтетін Өңірлік экологиялық саммитке қатысуға шақыруды жеткізді. Е.Қыстафин сұхбаттасушыларды Қазақстан Президенті Қ.Тоқаевтың су қауіпсіздігі саласындағы жаһандық ынтымақтастықты нығайтуға, су ресурстарын тұрақты басқаруды ілгерілетуге және климаттың өзгеруі мен су тапшылығының артуы жағдайында мемлекеттердің күш-жігерін үйлестіруге бағытталған Халықаралық су ұйымын құру бастамасы туралы хабардар етті.Федералдық министр аталған бастамаға үлкен қызығушылық пен қолдау білдіріп, су саласындағы өзара іс-қимыл мәселелері бойынша диалогты жалғастыруға дайын екенін және Астанада өтетін саммитке онлайн форматта қатысатынын растады.Кездесу қорытындысы бойынша тараптар екіжақты ынтымақтастықты жандандыруға және бейінді ведомстволар желісі бойынша тұрақты байланыстар орнатуға уағдаласты.Ақпарат көзі : https://www.gov.kz/memleket/entities/mfa-islamabad/press/news/details/1200962?lang=kk

2026 жылы 14 сәуір күні Шығыс Қазақстан облысы білім басқармасының «Örken» білім беруді ақпараттандыру және дамыту өңірлік ғылыми-әдістемелік орталығы Өскемен қалаласының, Глубокое және Ұлан аудандарының, ағылшын тілі пәні мұғалімдеріне арналған өңірлік семинар өткізді.Іс-шара педагогтердің кәсіби құзыреттілігін арттыруға және тәжірибе алмасуды дамытуға бағытталды. Семинарды ұйымдастыруға «Макмиллан» баспасы қолдау көрсетіп, «Beyond the Book: Defining and Teaching Functional Literacy in the 21st» тақырыбын ұсынды.Семинар барысында қатысушыларға әдістемелік қолдау көрсетіліп, ағылшын тілін оқытуға арналған оқулықтармен таныстырылды, сондай-ақ білім беру үдерісінде тиімді қолдануға болатын практикалық тәсілдер ұсынылды.Негізгі спикер ретінде Евгения Верба лекция оқып, теория мен практиканы ұштастыруға бағытталған заманауи білім беру әдістерін таныстырып және озық педагогикалық тәжірибесімен бөлісті.Семинар барысында интерактивті оқыту форматтарына, цифрлық платформалар мен құралдарды тиімді пайдалануға ерекше назар аударылды.Іс-шара қорытындысында кері байланыс өткізіліп, қатысушыларға сертификаттар мен ұйымдастырушылар тарапынан естелік сыйлықтар табысталды.Семинар педагогтер тарапынан жоғары бағаланып, өңір мұғалімдерінің кәсіби дамуына ықпал ететін тиімді алаң екендігін көрсетті.Семинарға барлығы 100 педагог қатысты.Ақпарат көзі : https://www.gov.kz/memleket/entities/vko-bilim/press/news/details/1200978?lang=kk

2026 жылғы 14 сәуірде Орталық Азия халықаралық институтында Аралды құтқару халықаралық қоры құрылтайшы мемлекеттері басшыларының саммиті қарсаңында «Климаттың өзгеруі жағдайында Орталық Азиядағы су қауіпсіздігін қамтамасыз ету» тақырыбында дөңгелек үстел өтті.Іс-шараға Өзбекстанның жетекші сараптамалық орталықтарының өкілдері, халықаралық ұйымдар мен бейінді мемлекеттік органдар, сондай-ақ дипломатиялық корпус пен бұқаралық ақпарат құралдарының өкілдері қатысты.Конференция барысында Аралды құтқару халықаралық қоры қызметінің тиімділігін арттыру, өңірлік өзара іс-қимылдың басымдықтарын айқындау, сондай-ақ Орталық Азиядағы су күн тәртібінің өзекті мәселелері бойынша мазмұнды пікір алмасу өтті.Қазақстанның Өзбекстандағы Елшісі Бейбіт Атамқұлов өңір мемлекеттерінің су ресурстары саласындағы ынтымақтастығын дамытуға арналған сессияда сөз сөйледі.Өз сөзінде дипломатиялық миссия басшысы Қазақстан Республикасының Президенті Қасым-Жомарт Тоқаевтың БҰҰ аясында Халықаралық су ұйымын құру жөніндегі бастамасын таныстырды. Аталған бастама су саласындағы қолданыстағы халықаралық тетіктерді біріктіруге бағытталған.Б.Атамқұлов бұл құрылымды құру жаһандық деңгейде су ресурстарын басқару тиімділігін арттыруға, сондай-ақ су мәселелерімен бетпе-бет келген мемлекеттер үшін нақты практикалық нәтиже беруге мүмкіндік беретінін атап өтті.Сондай-ақ, өңірдің су стратегияларын үйлестіру және оларды Орталық Азиядағы су пайдалануға қатысты Негіздемелік конвенцияға кезең-кезеңімен енгізу мәселелеріне ерекше назар аударылды. Бұл бастама Қазақстан Президентімен өткен жылдың қараша айында Ташкент қаласында өткен Орталық Азия мемлекеттері басшыларының Жетінші консультативтік кездесуінде ұсынылған болатын.Талқылау қорытындысы бойынша қатысушылар белсенді пікір алмасып, су саласындағы ынтымақтастық перспективаларына қатысты түрлі көзқарастарын білдірді, сондай-ақ өңірлік өзара іс-қимыл тетіктерін жетілдіруге бағытталған нақты ұсыныстар қарастырылды.Ақпарат көзі : https://www.gov.kz/memleket/entities/mfa-tashkent/press/news/details/1200986?lang=kk

2026 жылғы 14 сәуірде Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы «Örken» «Ауыл мектебі – сапа алаңы» жобасы аясында «Тірек мектептердің әлеуетін арттыру – ауыл мектептерін дамытудың серпіні» тақырыбында облыстық семинар-практикум өткізді.Семинар-практикумнің негізгі мақсаты - білім беру үдерісінде жасанды интеллект пен цифрлық технологиялардың мүмкіндіктерін таныстыру, оларды жаратылыстану пәндерінде тиімді қолдану жолдарын көрсету және педагогтердің цифрлық құзыреттілігін арттыру.«Х.Мұстафина атындағы мектеп-лицейі» КММ  тірек мектебі және оған бекітілген шағын жинақты мектептер жаратылыстану-математикалық цикл пәндері, ағылшын тілі бойынша онлайн сабақтар Google Meet видео конфереция арқылы өткізіп, тиімді педагогикалық тәжірибелерін ұсынды.Білім беру үдерісінде жасанды интеллектті қолдану мәселесіне ерекше назар аударылды, ал педагогтер заманауи цифрлық құралдарды пайдалану арқылы сабақтарды интерактивті ұйымдастыруға дайын екендіктерін дәлелдеді.Семинарға облыстың 170 жуық педагогі қатысты.Ақпарат көзі : https://www.gov.kz/memleket/entities/vko-bilim/press/news/details/1200991?lang=kk

Облыс прокуроры Марат Әбішевтің төрағалығымен ағымдағы жылдың 1-тоқсанының қорытындысы бойынша қадағалау қызметінің нәтижелеріне арналған жедел кеңес өткізілді.Облыс прокурорының орынбасарлары мен құрылымдық бөлімшелердің басшылары тыңдалды.Атап айтқанда, қылмысқа қарсы іс-қимыл, әлеуметтік-экономикалық саладағы заңнаманы қолдану, жобалық тәсілді кеңінен енгізу және цифрлық шешімдерді пайдалану мәселелері талқыланды.Өңірде қылмыс деңгейі 9%-ға төмендегені атап өтілді — есірткі қылмыстары, тонау, бопсалау, ұрлық, мал ұрлығы, алаяқтық, бұзақылық, сондай-ақ тұрмыстық құқық бұзушылықтар, көшедегі және жасөспірімдер қылмысы азайған.Криминогендік ахуалдың жақсаруы прокуратураның «Айқын нәтиже», «Қауіпсіз балалық шақ» және «Ақтөбе — алаяқтықсыз аумақ» жобаларын іске асырудың нәтижесі болып табылады.Сондай-ақ, есірткі бизнесіне және алаяқтыққа қарсы іс-қимыл саласындағы жұмыс оң бағаланды. Ағымдағы жылы прокуратураның үйлестіруімен ҰҚКД Алматы облысында кезекті есірткі зертханасын жойды.Арнайы прокурорлар тергеген қылмыстық іс бойынша «Қымыз шоп» есірткі дүкенінің ұйымдастырушылары, бухгалтерлері мен операторлары болып табылатын 7 адам ұзақ мерзімге бас бостандығынан айыруға сотталды.Сонымен қатар, облыстың Экономикалық тергеп-тексеру департаменті прокуратурамен бірлесіп, қылмыстық айналымы 3,5 млрд теңгеден асатын ірі алаяқтар мен дропперлер тобын әшкереледі.Сыбайлас жемқорлыққа қарсы іс-қимыл мәселелеріне ерекше назар аударылды.Мемлекеттік айыптаушы прокурорлық тексеру барысында әшкереленген алаяқтық схема бойынша аудандық мәслихат депутаттарының сотталуына қол жеткізді.Сондай-ақ, жазаның бұлтартпастығы қағидатын дәйекті түрде қамтамасыз ете отырып, кассациялық наразылық нәтижесінде Ақтөбе қаласы әкімдігі аппаратының бұрынғы басшысына қатысты заңсыз сыйақы алғаны үшін шығарылған ақтау үкімі күшін жойды.Жеке тәртіпте прокуратура қызметкерінің сыбайлас жемқорлыққа күдікпен жақында болған резонансты ұсталу фактісі қаралды.Қылмыстық іс қылмыс құрамының болмауына байланысты тоқтатылды.Өз кезегінде облыс прокуроры конституциялық құқықтардың бұзылуына жол берген қылмыстық қудалау органдары қызметкерлеріне қатысты шаралар қабылдауды тапсырды.Қоғамдық мүдделерді қорғау бағыты бойынша жұмыс нәтижелері де тыңдалды.Осылайша, бюджетке 608 млн теңге түсуі қамтамасыз етілді, 1,8 млрд теңгенің мүлкі қайтарылды, сондай-ақ 4,2 млрд теңге бюджет шығынының алдын алынды.Сонымен бірге, прокурорлық қадағалау актілері мен талаптарын орындау шеңберінде уәкілетті органдар өңірдің ірі жер қойнауын пайдаланушыларына қосымша 16 млрд теңге есептеп шығарды және қазіргі уақытта оларды бюджетке өндіру бойынша шаралар қабылдануда.Кеңес қорытындысында Марат Әбішев бірқатар тапсырмалар беріп, бағынысты прокурорлардан заң үстемдігін қамтамасыз ету, азаматтардың конституциялық құқықтарын, мемлекет мүдделерін қорғау, сондай-ақ адал бизнес пен инвесторларды қолдау бағытындағы жұмысты күшейтуді талап етті.Ақпарат көзі : https://www.gov.kz/memleket/entities/prokuratura-aktobe/press/news/details/1201024?lang=kk

Бүгін аудан әкімдігінің мәжіліс залында аудан әкімінің міндетін атқарушы Шыңғыс Сыдықовтың төрағалығымен кезекті жиналыс өтті.Жиында 2026 жылғы қаңтар-наурыз айындағы әлеуметтік-экономикалық даму және республикалық бюджеттің атқарылу қорытындылары талқыланды.Осыған байланысты жауапты бөлімдерге бірқатар шаралар қабылдап, макроэкономикалық көрсеткіштерді жақсарту тапсырылды.Сонымен қатар аудан бюджетінің игерілу деңгейі де қаралып, қаржының толық әрі уақытылы игерілуі қатаң бақылауға алынатыны ескертілді. Бюджет қаражатын тиімді пайдалану – басты міндеттердің бірі екені айтылып, жауапты тұлғаларға тиісті тапсырмалар берілді.Жиын қорытындысында Шыңғыс Әбділәмитұлы барлық көтерілген мәселелер тұрақты бақылауда болатынын айтып, бірқатар міндеттер жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1200951?lang=kk

2025 жылғы мамыр айынан бастап ЕАЭО мен Иран арасындағы еркін сауда туралы келісім қолданысқа енгізілді. Бұл Қазақстан Республикасы үшін сауда жүргізудің неғұрлым тиімді шарттарын және кедендік жүктеменің төмендеуін білдіреді.Көптеген тауарлар бойынша әкелу баждары төмендетілді немесе толық жойылды, бұл шығындарды азайтуға және экспорт-импорт операцияларын кеңейтуге мүмкіндік береді.Сонымен қатар, Келісім сауда жүргізудің түсінікті ережелерін белгілейді және кедендік рәсімдерді жеңілдетуді көздейді.Назар аударамыз, жеңілдіктерді қолдану тек екі негізгі шарт сақталған жағдайда мүмкін:белгіленген нысандағы тауардың шығу тегі туралы сертификаттың болуы;тауардың Келісім тараптары арасында тікелей жеткізілуі.Келісімге сәйкес кедендік әкелу баждарының ставкалары қолданылатын жекелеген тауарлардың тізімі Еуразия экономикалық комиссия Алқасының 2025 жылғы 14 қаңтардағы № 1 шешімімен бекітілген.Жалпы, Келісім Иранмен сауданы жеңілдетеді және бизнеске шығындарды азайтуға мүмкіндік береді.2019 жылдан бастап ЕАЭО-ның Иранмен тауарлардың шектеулі саны бойынша еркін сауда аймағын құруға алып келетін уақытша келісімі қолданылды. 2023 жылдың 25 желтоқсанында барлық тауар номенклатурасының 90% - % қатысты Тараптар арасында бажсыз режимді белгілейтін толық метражды еркін сауда келісіміне қол қойылды.Ақпарат көзі : https://www.gov.kz/memleket/entities/kgd-vko/press/news/details/1200941?lang=kk

Нейпьидо, 2026 жылғы 10 сәуір - Мемлекет басшысының тапсырмасы бойынша Қазақстанның Таиландтағы Елшісі Марғұлан Баймұхан Мьянма Одағы Республикасының Президенті У Мин Аун Хлайнның қызметіне кірісуіне арналған ресми салтанатты рәсімге қатысты. Іс-шара аясында сондай-ақ елдің вице-президенттері мен Үкіметтің жаңа құрамы ант қабылдады.Аталған оқиға Мьянма үшін жаңа тарихи кезеңнің басталуын білдіреді. Өз сөзінде У Мин Аун Хлайн Парламент мүшелері арқылы бүкіл халықтың атынан Президент болып сайланғанын атап өтіп, халықтың еркіне құрметпен қарауға, мемлекеттік міндеттерді адал әрі жауапкершілікпен, терең мақтаныш пен абырой сезімімен атқаруға ниетті екенін білдірді. Жаңа Үкімет жалпыұлттық бірлікті сақтау, көппартиялы демократиялық және федеративтік жүйені нығайту, сондай-ақ азаматтардың экономикалық және әлеуметтік әл-ауқатын арттыру бағытындағы жұмысты жалғастырады. Президент басым бағыттар ретінде білім беру мен денсаулық сақтау салаларын дамыту, шағын және орта бизнесті қолдау, ауыл шаруашылығын дамыту және жаңартылатын энергия көздерінен электр энергиясын өндіруді кеңейтуді белгіледі.Халықаралық қатынастарда Президент Үкіметтің теңгерімді саясат ұстанып, көршілес мемлекеттермен және өңірлік серіктестермен достық қарым-қатынасты нығайтатынын мәлімдеді.Ресми тұлғалармен өткен кездесулер барысында екіжақты қатынастардың қазіргі жай-күйі мен оларды кеңейту перспективалары, атап айтқанда, екі ел арасындағы шарттық-құқықтық базаны дамыту мәселелері талқыланды. Тараптар көлік, логистика және цифрландыру салаларындағы екіжақты консультациялар аясында қол жеткізілген ілгерілеуді атап өтіп, 2026 жылғы мамыр–маусым айларына жоспарланған Янгон қаласына қазақстандық бизнес-миссияны ұйымдастыру барысын талқылады.Анықтама:Мьянма Одағы Республикасы - Оңтүстік-Шығыс Азиядағы халқы 51 миллионнан асатын мемлекет. Елде 100-ден астам этникалық топ тұрады. Мьянма АСЕАН ұйымының мүшесі болып табылады, сирек жер және бағалы металдарға бай, сондай-ақ күріштің 70-тен астам түрін өсіреді.Ақпарат көзі : https://www.gov.kz/memleket/entities/mfa-thailand/press/news/details/1200929?lang=kk

Шара «Тараз – қолөнершілер қаласы. Дәстүр мен заманауи қолөнер» ғылыми-тәжірибелік конференция, қолөнер бұйымдарының көрмесі, шеберлік сабақтары, жас қолөнершілер мен суретшілердің «Менің әлемім: қиял және шынайылық» көрмесін қамтитын бай және тартымды бағдарламаны қамтиды. Сонымен бірге, фестиваль аясында ұлттық мәнер мен заманауи үрдістер үйлесім тапқан «ASPARA FASHION WEEK» халықаралық сән апталығы өтеді. «Гиннес» рекордтар кітабына енген киіз бұйымының жанында өтетін «Dombyra Party» музыкалық бағдарламасы қонақтарға жанды дәстүрлі музыка атмосферасын сыйлайды. Фестиваль қонақтары шеберліктің сырын біліп, ұлттық киім үлгісін, эстрада жұлдыздарының қатысуымен өтетін гала-концертті тамашалай алады. Фестивальге шет мемлекеттерден 100-ден астам өнерпаз қатысады.https://www.gov.kz/memleket/entities/zhambyl/press/news/details/1197152?lang=kk Ақпарат көзі : https://www.gov.kz/memleket/entities/mfa-erevan/press/news/details/1200893?lang=kk

Торонто, 2026 жылғы 13 сәуір – Қазақстан Республикасы Сыртқы істер министрінің орынбасары Әлібек Қуантыров Торонто қаласына жұмыс сапарымен барып, оның аясында дөңгелек үстелге қатысып, бейінді министрліктің басшылығымен және іскерлік топтардың өкілдерімен бірқатар кездесулер өткізді.Ә.Қуантыров пен Онтарио провинциясының Экономикалық даму, жұмыс орындарын құру және сауда министрлігінің орынбасары Сюзанна Скиннердің тең төрағалығымен «Қазақстан-Канада диалогы: салааралық өзара іс-қимылдың жаңа мүмкіндіктері» тақырыбында дөңгелек үстел өтті. Іс-шараға Қазақстанмен іскерлік әріптестік орнатуға мүдделі 25-тен астам канадалық компания қатысты.Іс-шара барысында Ә.Қуантыров Қазақстанның негізгі макроэкономикалық көрсеткіштерін таныстырып, елдің инвестициялық мүмкіндіктерін, оның ішінде өңірлік көлік-логистикалық хаб ретіндегі әлеуетін ұсынды. Канадалық қатысушылар Қазақстан нарығына жоғары қызығушылық танытып, елдің тұрақты экономикалық өсімі мен технологиялық дамуын ерекше атап өтті.Сапар аясында Ә.Қуантыров Онтарио провинциясының Экономикалық даму, жұмыс орындарын құру және сауда министрі Виктор Феделимен кездесу өткізді. Тараптар екіжақты өзара іс-қимылдың, оның ішінде Онтарио провинциясымен ынтымақтастықтың қарқынды дамуын атап өтті. Өз кезегінде, ҚР Сыртқы істер министрінің орынбасары 2025 жылы Астанада өткен Онтарио бизнес-миссиясының нәтижелеріне жоғары баға беріп, В.Феделиді Қазақстанға сапармен келуге шақырды.Сонымен қатар, Ә.Қуантыров бірқатар канадалық компаниялармен кездесулер өткізді.Аталған сапар тараптардың сауда-экономикалық әріптестікті тереңдетуге және экономиканың басым секторларында бірлескен инвестициялық жобаларды іске асыруға өзара мүдделілігін растады.Ақпарат көзі : https://www.gov.kz/memleket/entities/invest/press/news/details/1201849?lang=kk

Страсбург, 2026 жылғы 14 сәуір – Қазақстан Республикасының Страсбургтағы Бас консулы Анель Бақытбекқызы Еуропа Кеңесінің Саяси мәселелер және сыртқы байланыстар жөніндегі директоратының жаңа басшысы Натали Сабанадземен кездесу өткізді.Тараптар Қазақстан Республикасы мен Еуропа Кеңесі арасындағы өзара іс-қимылдың қазіргі жай-күйі мен перспективаларын талқылады. Атап айтқанда, заң үстемдігі, демократия және адам құқықтарын қорғау қағидаттарын ілгерілету мәселелеріне назар аударылды. Сонымен қатар, «Еуропа Кеңесінің Қазақстанмен 2024-2027 жылдарға арналған көршілік ынтымақтастық басымдықтары» бағдарламасы аясындағы қолданыстағы ынтымақтастық тетіктерін іске асыруға ерекше мән берілді.Еуропа Кеңесінің өкілі Қазақстанда жүргізіліп жатқан мемлекеттік басқару жүйесін жаңғыртуға және демократиялық институттарды нығайтуға бағытталған саяси реформалардың барысы туралы хабардар етілді. Ерекше назар өткен референдумның қорытындыларына, сондай-ақ билік тармақтары арасындағы өкілеттіктерді қайта бөлу, Парламенттің рөлін күшейту және мемлекеттік саясатты іске асыруға қоғамдық қатысу тетіктерін кеңейту сияқты кейінгі өзгерістерге аударылды.Кездесу қорытындысы бойынша тараптар сындарлы әрі өзара тиімді ынтымақтастықты одан әрі дамытуға дайын екендіктерін білдірді.Ақпарат көзі : https://www.gov.kz/memleket/entities/mfa-strasbourg/press/news/details/1200897?lang=kk

Қазақстан Респубикасының Премьер-министрі Олжас Бектеновтің төрағалығымен өткен Үкімет отырысында 2026 жылғы қаңтар-наурыз айларындағы әлеуметтік-экономикалық даму қорытындысы мен республикалық бюджеттің атқарылу барысы қаралды.Онда қаржы министрі Мәди Такиев, энергетика министрі Ерлан Ақкенженов, өнеркәсіп және құрылыс министрі Ерсайын Нағаспаев, ұлттық экономика вице-министрі Азамат Әмрин, Ұлттық банк төрағасының бірінші орынбасары Ерұлан Жамаубаев, сондай-ақ Атырау және Ақмола облыстарының әкімдері баяндама жасады. Өз кезегінде ұлттық экономика вице-министрі ағымдағы жағдай туралы айтып берді. «Биылғы 1 тоқсанның қорытындысы бойынша жалпы ішкі өнімнің нақты өсуі 3%-ды құрады. Осы жылдың ерекшелігі – қалыптасқан жағдайға байланысты экономика мұнай саласын есепке алмай-ақ өсуде. Нақты сектордағы өсу 2,1%-ды, көрсетілетін қызметтер өндірісі 3,7%-ды құрады. Салалар арасында құрылыс, көлік қызметтері және өңдеу өнеркәсібі ең жоғары өсім көрсетті. Сауда 4,8%-ға, байланыс қызметтері 3,9%-ға, ауыл шаруашылығы 3,4%-ға өсті», — деді ол.Оның айтуыша, инвестициялар өсімнің драйвері болып қала беруде. Мәселен, негізгі капиталға салынған инвестициялар 6,4%-ға артып, 3,5 трлн теңгені құраған. Оның ішінде жеке инвестициялар 20,9%-ға өскен. Электр энергиясымен, газбен, бумен, ыстық сумен жабдықтауға салынған инвестициялар көлемі 2,5 есеге, ақпарат және байланысқа 2 есеге, ауыл шаруашылығына 70,6%-ға, саудаға 28,2%-ға, өңдеу өнеркәсібіне 21,6%-ға, көлік қызметтеріне 7,9%-ға артқан. Инвестициялардың жоғары өсуі Жамбыл, Түркістан, Ұлытау, Алматы, Шығыс Қазақстан облыстарында байқалды. Бұл ретте, Қостанай, Жетісу, Маңғыстау, Қарағанды облыстарында және Шымкент қаласында айтарлықтай төмен.«Биылғы қаңтар-ақпанда сыртқы сауда айналымы $21,7 млрд-ты құрады. Тауарлар экспорты $12 млрд, оның ішінде өңделген тауарлардың экспорты $4,5 млрд болды. Ал тауарлар импорты – $9,6 млрд. $2,4 млрд-тан астам көлемде оң сауда балансы сақталуда.Осы жылғы қаңтар-наурызда өңдеу өнеркәсібіндегі өсу 8,5%-ға дейін жеделдеді. Өсу 18 өңірде тіркелді. Ең жоғары өсу Солтүстік Қазақстан, Түркістан, Жетісу, Жамбыл облыстары, сондай-ақ Алматы қаласында. Ал Ақмола және Шығыс Қазақстан облыстарында өндірістің төмендеуі байқалды.Өткен жылы экономикадағы өңдеу өнеркәсібінің үлесі 12,7%-ға дейін өсті және осымен екінші жыл тау-кен өнеркәсібінің үлесінен жоғары болып отыр. Мұнай секторының жалпы ішкі өнімдегі үлесі екі есеге төмендеді. Мәселен, ол 2010 жылы 16,5% болған болса, 2024 жылы 8,1%-ға дейін түсті.Тұрақты дамуды қамтамасыз ету үшін экономиканы одан әрі әртараптандыруға баса назар аударуды жалғастыру маңызды, бұл орташа табыс тұзағынан шығуға мүмкіндік береді», — деді ол.Вице-министрдің айтуынша, өңдеу өнеркәсібіндегі өсу машина жасау өндірісінің 21,9%-ға, оның ішінде автомобиль құрастырудың 29,6%-ға және электр жабдықтарын өндірудің 31,3%-ға өсуі есебінен қамтамасыз етілген. Сондай-ақ тамақ өнімдерін өндіру 12,6%-ға, сусындарды өндіру 10%-ға, құрылыс материалдары өндірісі 37,1%-ға, металл бұйымдары 39,3%-ға, фармацевтикалық өнімдер 46%-ға, химия өнеркәсібі 2,4%-ға ұлғайған. Бұл ретте металлургиядағы өндіріс 6,3%-ға төмендеді.«Осы жылы экономиканың өсуі мұнай секторының оң үлесісіз қамтамасыз етілетінін тағы да атап өткім келеді. Биылғы қаңтар-наурыз айларында мұнай өндірудің 19,8%-ға және табиғи газ өндірудің 15,1%-ға қысқаруы есебінен тау-кен өнеркәсібіндегі өндіріс көлемі 11,4%-ға төмендеді.Биыл мұнай өндірудің жалпы ішкі өнімге салымы бағалау бойынша минус 0,3 пайыздық тармақты құрайды. Сонымен бірге көмір өндіру 12,8%-ға, металл кендерін өндіру 0,6%-ға және өзге де пайдалы қазбаларды өндіру 39,4%-ға артты», — деді Азамат Әмрин.Құрылыс жұмыстарының көлемі 14,8%-ға өскен. Өсім 16 өңірде тіркелді, бұл ретте ең жоғары көрсеткіш Ұлытау, Жамбыл, Павлодар, Маңғыстау облыстарында және Шымкент қаласында. Құрылыс жұмыстары көлемінің төмендеуі Ақмола, Жетісу, Абай және Солтүстік Қазақстан облыстарында байқалды.3,9 млн шаршы метр тұрғын үй пайдалануға берілді, бұл өткен жылдың сәйкес кезеңінен 3,8%-ға артық. Ең жоғары көрсеткіштер Абай, Қарағанды, Түркістан, Ұлытау облыстарында және Шымкент қаласында.Ал ауыл шаруашылығындағы жалпы өнім көлемі 3,4%-ға артты. Ең жоғары өсу Түркістан, Батыс Қазақстан, Қарағанды және Павлодар облыстарында тіркелді.Барлық 7 негізгі көрсеткіш бойынша өсу 8 өңірде тіркелді. Атырау облысында 4 көрсеткіш бойынша, Ақмола облысында 3 көрсеткіш бойынша төмендеу белгіленді.«Апта сайын экономикалық өсу жөніндегі жедел штабта нақты кәсіпорындардың проблемалық мәселелері және өнім шығаруды ұлғайту мақсатында оларды шешу жолдары қаралады. Жалпы ішкі өнімнің таргеттелетін өсуін қамтамасыз ету мақсатында салалық министрліктер салаларды дамытудың нысаналы параметрлеріне қол жеткізу үшін барлық қаржылық және қаржылық емес шараларды қабылдауды қамтамасыз етуі қажет», — Ұлттық экономика вице-министрі.https://www.gov.kz/memleket/entities/economy/press/news/details/1200905?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1201470?lang=kk

 Бүгін Шымкентте ҚР Премьер-Министрінің орынбасары – Мәдениет және ақпарат министрі Аида Балаеваның төрағалығымен Мәдениет және өнер университетін құру мәселелері жөнінде кеңес өтті. Аталған жоба Мемлекет басшысы Қасым-Жомарт Тоқаевтың мегаполиске жұмыс сапары барысында Мәдениет және ақпарат министрлігі мен Шымкент қаласының әкімдігіне берген тапсырмасы аясында жүзеге асырылмақ.Кеңес жұмысына Шымкент қаласының әкімі Ғабит Сыздықбеков, ҚР Мәдениет және ақпарат министрлігінің, жергілікті атқарушы органдардың, мердігер ұйымдардың өкілдері, сондай-ақ М. Әуезов атындағы Оңтүстік Қазақстан зерттеу университетінің басшылығы қатысты.Жиын барысында Аида Балаева қатысушылардың ауқымды жобаны іске асыру барысы жөніндегі баяндамаларын тыңдады.Жаңа жоғары оқу орны М. Әуезов атындағы Оңтүстік Қазақстан зерттеу университетінің Мәдениет және өнер факультетінің базасында құрылады. Жоспарға сәйкес оқу орнында 6 факультет, 17 кафедра және бакалавриат, магистратура мен докторантура бойынша 46 білім беру бағдарламасы жұмыс істейтін болады.Негізгі басымдық кино және телевидение, анимация, медиа-менеджмент, цифрлық дизайн, сценография және өзге де бағыттар бойынша техникалық кадрлар даярлауға беріледі.Сонымен қатар Қазақстанда алғаш рет цирк өнері саласы бойынша жоғары білімді мамандар даярлау жоспарланып отыр. Сондай-ақ реставраторлар даярлау да жаңа бағыттардың бірі болмақ.Кездесуде Шымкент қаласында жаңа Опера және балет театрын салу мәселесі де қаралды. Бұл нысан бойынша қала әкімдігі жалпы аумағы 2,8 гектарды құрайтын жер учаскесін белгілеп қойған. Жобаға сәйкес театрдың көрермен залы 1500 орынға лайықталып салынады.Қазіргі уақытта қалада 1984 жылы салынған, 330 көрерменге арналған Опера және балет театры жұмыс істеп тұр.

Қостанай қаласында күн сайын абаттандыру қағидаларының сақталуын бақылау мақсатында рейдтік іс-шаралар өткізілуде. Оған әкімдік пен полиция қызметкерлері қатысады. Ерекше назар ғимараттардың қасбеттерінің, кіреберіс топтарының, маңдайшалардың және іргелес аумақтардың жағдайына аударылады.Бұған дейін бұл жұмыс негізінен алдын алу сипатында жүргізіліп келді. Бизнес өкілдерімен, кәсіпорындар және ұйымдармен түсіндіру жұмыстары жүргізіліп, көп жағдайда ескерту жасаумен шектелетін. Алайда тәжірибе көрсеткендей, бұл жеткіліксіз. Қазіргі таңда тәсіл қайта қаралды — қайталанатын бұзушылықтар бойынша нақты шаралар қабылданады, талаптардың сақталуына бақылау күшейтілуде.Тек 2025 жылдың өзінде 4 758 нысан иесі жауапкершілікке тартылды. Бұл ретте нақты айыппұлдар тек 34 жағдайда ғана қолданылған, бұл бар болғаны 0,7%. Ағымдағы жылдың басынан бері 1790 әкімшілік материал рәсімделіп, оның 8-і бойынша 800 мың теңгеден астам сомаға айыппұл салынды.Қаланың эстетикалық келбеті — баршамызға ортақ жауапкершілік. Нысан иелері өз объектілерінің жағдайына көңіл бөліп, оларды ретке келтіруі қажет.Ақпарат көзі : https://www.gov.kz/memleket/entities/kostanai-kalasy-akimat/press/news/details/1200844?lang=kk

Астана, 2026 жылғы 14 сәуір – Қазақстан Республикасы Сыртқы істер министрінің орынбасары Әлібек Бақаев Кувейт Мемлекетінің Қазақстан Республикасына жаңадан тағайындалған Төтенше және Өкілетті Елшісі Әділ Ахмед Сүләйман әл-Ғұнайманмен кездесті.Кездесу аясында Кувейт Елшісі сенім грамоталарының көшірмелерін табыстап, екі ел арасындағы өзара тиімді ынтымақтастықты нығайтуға, сондай-ақ халықаралық ұйымдар шеңберіндегі іс-қимылды тереңдетуге бейілдігін растады.Өз кезегінде Ә. Бақаев Елшіні жауапты қызметке тағайындалуымен құттықтап, оның миссиясы Қазақстан мен Кувейттің дәстүрлі достық пен сенімге негізделген қатынастарды одан әрі дамытуға ықпал ететініне сенім білдірді.Тараптар саяси диалогты жандандыру, сауда-экономикалық және инвестициялық әріптестікті арттыру, ауыл шаруашылығы және цифрландыру салаларындағы ықпалдастықты кеңейту мәселелерін талқылады.Сонымен қатар, аймақтық және жаһандық күн тәртібіндегі, оның ішінде Таяу Шығыстағы жағдай жөнінде пікір алмасылды.Ақпарат көзі : https://www.gov.kz/memleket/entities/mfa/press/news/details/1200864?lang=kk

Витанье, 2026 жылғы 13 сәуір – Витанье муниципалитетіндегі Герман Поточник Нордунг атындағы Ғарыш технологиялары орталығында адамзаттың ғарышқа алғаш ұшуының 65 жылдығына арналған салтанатты іс‑шара өтті. Бұл тарихи оқиға Юрий Алексеевич Гагариннің Байқоңыр ғарыш айлағынан ғарышқа жасаған тұңғыш сапарымен байланысты.Словения Республикасындағы Ресей Федерациясының Елшісі Т.Р. Эйвазовтың шақыруымен іс‑шараға Қазақстан Республикасының Словения Республикасындағы Елшісі А.И. Әбибуллаев, Витанье мэрі А.Погоревц және Орталық директоры Н.Павлич Бречко қатысты. Қатысушылар Ю.А. Гагариннің бюстіне, сондай‑ақ әлемдік ғарыш ғылымының көрнекті өкілдері – С.Королёв, К.Циолковский, Г.Поточник Нордунг және Г.Обертің ескерткіштеріне гүл шоқтарын қойды. Бұл тұлғалардың есімдері орталық аумағында құрметпен ұлықталған.Сапар барысында қонақтар Орталықтың алғашқы теориялық тұжырымдар мен инженерлік жаңалықтардан бастап, қазіргі заманғы технологиялар мен халықаралық жобаларға дейінгі ғарыш ғылымының даму жолын қамтитын экспозицияларымен танысты. Іс‑шара ғылыми‑техникалық ынтымақтастықтың маңыздылығын және қазіргі ғарыш зерттеулерінің халықаралық өзара түсіністікті нығайтып, бейбіт прогреске ықпал ететін сала ретіндегі рөлін айқындады.Байқоңыр ғарыш айлағынан Жердің алғашқы жасанды жерсерігінің ұшырылуына 70 жыл толуына орай (1957 жылғы 4 қазан) Қазақстанның Словениядағы Елшісі А.И. Әбибуллаев Герман Поточник Нордунг атындағы Еуропалық ғарыш технологиялары орталығында Байқоңыр ғарыш айлағына және Қазақстанның қазіргі ғарыш бағдарламаларына арналған арнайы стенд ашу бастамасын көтерді. Қатысушылар ғарыш саласының тарихи мұрасын сақтау және оны жас ұрпаққа жеткізудің маңыздылығын атап өтті. Ғарыш жетістіктері жас буын үшін шабыт пен ғылыми ізденістің сарқылмас қайнар көзі болып қала береді.Ақпарат көзі : https://www.gov.kz/memleket/entities/mfa-ljubljana/press/news/details/1200889?lang=kk

Манғыстау облысы бойынша Мемлекеттік кірістер департаменті жаңа Қазақстан Республикасының Салық кодексінің нормаларына сәйкес жеке тұлғалардың табыс салығы (ЖТС) бойынша салықтық шегерімдер есебінен салық жүктемесін азайту мүмкіндігі туралы еске салады. Жаңа кодекс 2026 жылдың 1 қаңтарынан бастап күшіне енді.Салықтық шегерімдер жеке тұлғаның салық салынатын табысын азайтуға мүмкіндік береді, осылайша төленетін ЖТС сомасын азайтады немесе декларация тапсырған кезде қайтару сомасын арттырады.2026 жылы қолжетімді негізгі салықтық шегерімдер түрлері:Базалық (стандартты) шегерім — ұлғайтылған және барлық салық төлеушілерге қолданылады.Әлеуметтік шегерімдер — білім алуға, емделуге, ерікті медициналық сақтандыруға, зейнетақы жарналарына және ерікті зейнетақы жарналарына.Балаларға және асырауындағыларға шегерімдер.Мүліктік шегерімдер — тұрғын үй сатып алуға, ипотека төлеуге, мүлікті сатуға байланысты.Кәсіптік шегерімдер — жеке практикамен айналысатын тұлғаларға және жеке кәсіпкерлерге.2026 жылғы маңызды өзгерістер:Салықтық шегерімдердің тізімі қайта қаралып, кеңейтілді.Базалық шегерімнің мөлшері ұлғайтылды (30 МРП-ға дейін).ЖТС бойынша прогрессивті шкала енгізілді: белгілі бір шекке дейінгі табыстарға (жылына шамамен 33,4–36,7 млн теңгеге дейін) — 10%, шектен тыс табыстарға — 15%. Шегерімдер базалық мөлшерлемені қолданған кезде әсіресе тиімді.Департамент ұсынады:Растаушы құжаттарды (чектер, шарттар, оқу/емделу төлемі туралы анықтамалар және т.б.) уақытылы жинау.Артық ұсталған салықты қайтару үшін ЖТС бойынша декларацияны (240.00 нысаны) тапсыру.Шегерімдерге құқықты kgd.gov.kz порталындағы салық төлеушінің жеке кабинеті немесе eGov Mobile қосымшасы арқылы тексеру.Салықтық шегерімдерді уақытылы қолдану тұрғындарына едәуір үнемдеуге және төленген салықтардың бір бөлігін қайтаруға мүмкіндік береді.Манғыстау облысы бойынша мемлекеттік кірістер департаменті барлық салық төлеушілерді заңнамада көзделген жеңілдіктерді белсенді пайдалануға және өз салық міндеттемелеріне мұқият қарауға шақырады.Шегерімдерді есептеу бойынша толық түсіндірмелер мен консультациялар үшін тұрғылықты жері бойынша аумақтық салық органдарына жүгініңіз.Ақпарат көзі : https://www.gov.kz/memleket/entities/kgd-mangistau/press/news/details/1200231?lang=kk

             Отырыста күн тәртібіндегі келесі мәселелер қаралды:Әдеп жөніндегі уәкілдің міндеттері мен функциялары.Ресми этика стандарттарын нақтылау.2026 жылға арналған жұмыс жоспарын бекіту.            Қатысушылар өздерін қызықтырған сұрақтарын қойып, оларға жауаптар берілді.Ақпарат көзі : https://www.gov.kz/memleket/entities/maslihat-mendikara/press/news/details/1200257?lang=kk

Қазақстан Республикасының Қорғаныс министрлігінде авиация генерал-лейтенанты Дәурен Қосановтың Ұжымдық қауіпсіздік туралы шарт ұйымының Бас хатшысы Таалатбек Масадыковпен кездесуі өтті.Кездесуде тараптар ҰҚШҰ аясындағы өзара іс-қимылдың өзекті мәселелерін, сондай-ақ ынтымақтастықты одан әрі дамыту перспективаларын талқылады. Қорғаныс министрі Ұйымның Қазақстанда ғана емес, тұтастай алғанда, өңірдің қауіпсіздігі мен тұрақтылығын қамтамасыз етудегі маңызды рөлін атап өтті. Сонымен қатар, қазіргі заманғы сын-қатерлер мен қауіптер жағдайында ұжымдық ден қою тетіктерінің өзектілігін ерекше атап өтті.Ақпарат көзі : https://www.gov.kz/memleket/entities/mod/press/news/details/1200270?lang=kk