Кәсіпкерлікті дамыту – сапалы жұмыс орындарын құрудың, жаңа нарық сегменттерін қалыптастырудың және бәсекелестікті дамытудың негізгі факторы. Соңғы жылдары шағын және орта бизнестің (ШОБ) дамуының оң динамикасы байқалады. 2025 жылдың алғашқы жартыжылдығында ШОБ-тың ЖІӨ-дегі үлесі 39,8% болды. Бұл туралы ОКҚ алаңында өткен баспасөз мәслихатында ҚР ұлттық экономика вице-министрі Ерлан Сағынаев мәлімдеді.Вице-министрдің айтуынша, ШОБ-тың өңірлік жалпы өнімге ең жоғары үлесі Алматы, Астана, Шымкент қалаларында, сондай-ақ Алматы, Батыс Қазақстан және Маңғыстау облыстарында байқалады. 2025 жылдың екінші тоқсанының қорытындысы бойынша кәсіпкерлік секторында жұмыспен қамтылғандар саны 3,9%-ға өсіп, 4,4 млн адамға жетті.«2025 жылдың екінші тоқсанында тіркелген ШОБ субъектілерінің 91,2%-ы жұмыс істеп тұр, бұл сектордың тұрақтылығын көрсетеді. 2025 жылдың алғашқы жартыжылдығында ШОБ субъектілері шығарған өнім көлемі 25%-ға өсіп, 42,7 трлн теңгені құрады», – деді Ерлан Сағынаев.Өнім шығарудың өсуін 5 негізгі сала көрсетті: сауда, өнеркәсіп (оның ішінде өңдеу өнеркәсібі), құрылыс, көлік және қоймалау, сондай-ақ ауыл, орман және балық шаруашылығы.Сондай-ақ Ерлан Сағынаевтың айтуынша, Ұлттық экономика министрлігі биыл ЕҚДБ-мен бірлесіп «Орта кәсіпорындардың инвестициялық тартымдылығын арттыру» бағдарламасы аясында кәсіпорындардың өндірісін 2–3 есе арттыруға мүмкіндік беретін жоспар әзірлеуде. Бағдарлама шеңберінде кәсіпорындарға диагностика жүргізу және жеке даму жоспарларын дайындау түрінде қолдау көрсетіледі.«Бүгінде орта бизнес негізінен өңдеу өнеркәсібінде шоғырланған — бұл сала ШОБ жалпы өнімінің шамамен 12%-ын құрайды. Әлі де айтарлықтай өсу әлеуеті бар. Сонымен қатар аталған салаларда өндірістік қуаттарды, соның ішінде орта бизнес кәсіпорындарын толық пайдаланбау себебінен кеңеюге мүмкіндік мол», — деді вице-министр.Ол кәсіпкерлердің мәселелерін жедел шешу үшін мемлекеттік қолдау құралдарының тиімділігін талдайтын және туындайтын кедергілерді жоюға көмектесетін сарапшылық топ құрылғанын атап өтті.Ақпарат көзі : https://www.gov.kz/memleket/entities/economy/press/news/details/1114963?lang=kk

«Азаматтарға арналған үкімет» мемлекеттік корпорациясының Маңғыстау облыстық филиалы Халыққа қызмет көрсету орталықтарының (ХҚКО) құрылғанына 20 жыл толуына арналған салтанатты іс-шара ұйымдастырды. Мерейтойлық басқосу Достық үйінде өтіп, оған сала ардагерлері, мемлекеттік органдардың өкілдері мен арнайы шақырылған қонақтар қатысты.Шара барысында ХҚКО жүйесінің 20 жыл ішіндегі қалыптасу және даму жолы, азаматтарға қызмет көрсетудегі жаңа мүмкіндіктер, сондай-ақ цифрландыру бағытында жүзеге асқан жобалар кеңінен таныстырылды. Әсіресе, мемлекеттік қызметтердің қолжетімділігі мен сапасын арттыруға үлес қосқан орталық қызметкерлерінің еңбегіне ерекше назар аударылды.Қазақстанда алғашқы Халыққа қызмет көрсету орталықтары 2005 жылы Алматы және Астана қалаларында ашылған болатын. Маңғыстау облысында алғашқы ХҚКО 2007 жылдың наурызында Ақтау қаласында жұмысын бастады. Сол жылы Бейнеу, Мұнайлы, Жаңаөзен, Түпқараған, Қарақия және Маңғыстау аудандық бөлімдері де ашылды.Бүгінде «Азаматтарға арналған үкімет» мемлекеттік корпорациясының Маңғыстау облыстық филиалында 500-ден астам кәсіби маман еңбек етеді. Филиалдың құрамында 9 бөлім және 4 сектор бар.Филиал директоры Айбек Музбаев: «Жиырма жыл бойы халыққа қызмет көрсету орталықтары миллиондаған азаматқа сапалы қызмет көрсетіп, қызмет көрсету стандарттарын жаңа деңгейге көтеріп келеді. Бұл – мыңдаған маманның күнделікті еңбегінің нәтижесі», – деп атап өтті.Іс-шара барысында қызметкерлерге арнайы мерейтойлық төсбелгілер мен алғыс хаттар табысталды. Барлығы жүзге жуық білікті маман кәсібилігі мен салаға сіңірген еңбегі үшін марапатталды.Ақпарат көзі : https://www.gov.kz/memleket/entities/akimat-beyneu/press/news/details/1115329?lang=kk

2025 жылғы 28 қарашада Шемонаиха ауданы бойынша МКД алаңында «ЭСФ жазып беруді тоқтата тұру» тақырыбында семинар өткізілді. Іс-шара барысында ЭСФ-ке қатысты барлық сұрақтарға түсініктемелер мен жауаптар берілді.Ақпарат көзі : https://www.gov.kz/memleket/entities/kgd-vko/press/news/details/1114960?lang=kk

26 қарашада Алматыда таныстырылған ЮНИСЕФ-тің «2050 буын: Орталық Азия» атты жаңа өңірлік есебіне сәйкес, балалардың білім, денсаулық және әлеуметтік әл-ауқатына инвестицияны күшейту арқылы Қазақстан 2050 жылға қарай ЖІӨ-сін 14%-ға дейін арттыра алады.Талдау көрсеткендей, жұмыс істемейтін 100 ересек адамға 62 адамның келетін жүктеме коэффициенті бар Қазақстандағы қолайлы демографиялық құрылым ұзақ мерзімді экономикалық өсуді жеделдетуге бірегей мүмкіндік береді.UNICEF сарапшылары жастар санының көп болуы және оның өсуі елге келесі буын экономикасын жоғары бәсекеге қабілетті етуге мүмкіндік беретінін атап көрсетеді.Білім сапасы және даму мүмкіндіктеріЕсепке сәйкес, білім сапасын жақсарту адам капиталын арттырудың ең тиімді стратегияларының бірі болып табылады.  Жоғары оқуға қабылдау көрсеткіштеріне қарамастан, PISA-2022 бағалауы бойынша 15 жастағы қазақстандықтардың тек 36%-ы оқудың негізгі деңгейіне жеткен.Есеп оқу нәтижелерін жақсартуға, ерте балалық шақ білім беруге қолжетімділікті кеңейтуге және мұғалімдердің кәсіби дамуына одан әрі инвестиция салуға басымдық беруді ұсынады. Сарапшылардың айтуынша, бұл шаралар болашақ ұрпақтың ұзақ мерзімді экономикалық үлесін айтарлықтай арттырады.Мықты еңбек нарығыҚазақстанның еңбек нарығының көрсеткіштері тұрақты болып отыр. Ресми жұмыссыздық деңгейі 3,8%-ды құрайды, бұл Орталық Азиядағы ең төмен көрсеткіштердің бірі, ал білім, жұмыспен қамту немесе даярлықтан тыс қалған жастардың үлесі 6,5%-ды құрайды.ЮНИСЕФ жастарды жұмыспен қамту бағдарламаларын кеңейту, кәсіпкерлік мүмкіндіктерін ұлғайту және инновацияға бағытталған дағдыларды дамыту Қазақстандағы демографиялық артықшылықтарды одан әрі тиімді пайдалануға мүмкіндік беретінін атап көрсетеді.Денсаулық сақтау жүйесі және жетілдіру бағыттарыҚазақстан ана мен бала өлімінің төмен деңгейін сақтап келеді, бұл елді өңірлік көшбасшылар қатарына қояды. Алайда ЮНИСЕФ алғашқы медициналық-санитариялық көмек сапасын, әсіресе балалардың тамақтану саласындағы қызметті нығайту қажеттігін ерекше атап көрсетеді.Бойының баяу өсуі (8 %) және арықтау (3,1 %) көрсеткіштері климат пен әлеуметтік мәселелердің өзгеруі жағдайында қосымша назар аударуды қажет етеді.Ұлттық өсім стратегиясыҚазақстандағы UNICEF өкілі Рашед Мустафа Сарвардың айтуынша, Қазақстанда адам капиталын нығайтуға зор мүмкіндіктер бар.«Осы жетістіктер берік негіз қалыптастырады, ал алдағы қадамдар елдің демографиялық әлеуетін толық ашуға мүмкіндік береді. Балаларға салынған стратегиялық инвестициялар тек әлеуметтік саясат қана емес, тұрақты экономикалық өсімнің қуатты қозғаушы күші», – деді ол.ЮНИСЕФ «Қазақстан балалары 2026–2030» ұлттық бағдарламасын іске асыруда және Орталық Азияда балалар мен жастарды дамытуға арналған инновациялық шешімдер бойынша өңірлік ынтымақтастықты тереңдетуде Қазақстанда қолдау көрсетуге дайын екенін тағы да растады.Ақпарат көзі : https://www.gov.kz/memleket/entities/mfa-geneva/press/news/details/1114932?lang=kk

«Зорлық-зомбылықсыз» кинофестивалі Қазақстандағы астанада «Bauyryna Salu» фильмін көрсетумен ашылды. Бұл 16 күндік «Гендерлік негізделген зорлық-зомбылыққа қарсы әрекет» атты жаһандық науқанның басталуын білдіреді. Аталмыш науқан жыл сайын 25 қараша – Әйелдерге қарсы зорлық-зомбылықты жоюдың халықаралық күнінде басталады.Іс-шараны Қазақстандағы БҰҰ кеңсесі inDrive және Alternativa жобаларымен бірлесіп ұйымдастырды. Ұйымдастырушылар көрермендер тек ақпарат алып қана қоймай, сонымен бірге сезінуі үшін сөз сөйлеу мен ресми таныстырулар орнына киноны таңдады.Биыл фестиваль Астана мен Шымкентте өтеді, әр қалада көрсетілімдер төрт күн бойы жалғасады. Бағдарламаға гендерлік зорлық-зомбылықты тоқтатуға шақыратын Қазақстан, Қырғыз Республикасы және Непал фильмдері енгізілген.«Біз мықты қазақ фильмі – "Bauyryna Salu" [Асырап алу] – көрсетілімімен ашыламыз. Бір баланың көзімен үнсіздік тағдырды қалай қалыптастыратынын және мейірімділік оны қалай өзгерте алатынын көреміз. Фильм бізге зорлық-зомбылық тек физикалық зиян емес екенін еске салады. Бұл – эмоционалдық қашықтық, қысым, қорқыныш және таңдау мүмкіндігінің болмауы», – деді Қазақстандағы БҰҰ-ның Тұрақты үйлестірушісі Сараңгуо Раднаарагчаа.Асхат Кучиншекереков режиссерлік еткен фильм ежелгі көшпенді дәстүрге сәйкес тәрбиелеу үшін әжесіне сеніп тапсырылған Ерсұлтан есімді баланың оқиғасын баяндайды. Әжесінің өлімінен кейін ол ата-анасына оралғанда өкпе-реніш пен байланыссыздық сезімімен күреседі. Оқиға ата-әжелер немесе баласы жоқ туыстар жиі тұңғыш баланы тәрбиелейтін ғасырлар бойы қалыптасқан дәстүрді көрсетеді – психологтардың айтуынша, бұл тәжірибе ұзақ уақыт бойы сақталатын эмоционалдық жара қалдыруы мүмкін.Цифрлық қауіпБҰҰ мәліметі бойынша, әлемде әрбір үшінші әйел өмірінде кем дегенде бір рет зорлық-зомбылыққа ұшырайды, ал әлемдегі әйелдер саны шамамен 1,3 миллиардты құрайды. Елдердің 40%-ынан азында ғана әйелдерді интернеттегі қорлаудан қорғайтын заңдар бар, бұл 1,8 миллиард әйел мен қызды заңдық кепілдіктерсіз қалдырады.Осы жылғы жаһандық тақырып әйелдер мен қыздарға қарсы цифрлық зорлық-зомбылықты тоқтатуға бағытталған. БҰҰ Әйелдер ұйымының Қазақстандағы бағдарлама менеджері Дина Амришева онлайн кеңістік баршаға қауіпсіз болуы тиіс екенін атап өтті.«Әлемдегі миллиондаған әйелдер мен қыздар үшін цифрлық кеңістік қорлау, әдепсіз мінез-құлық пен бақылау салдарынан қауіпті орынға айналды. Хабарламалар, пікірлер немесе жазбалар сияқты кішкентай сигналдардан басталған жағдай қорқыту мен нақты өмірдегі зорлық-зомбылыққа ұласуы мүмкін. Жеке фотосуреттер ұрланады, жалған ақпарат бірден таралады, орналасқан жері бақыланады және әйелдерді қорқыту мен үндемді етуге бағытталған жасанды интеллект негізіндегі дөпфикстер (deepfakes) жасалады. Әрбір статистиканың артында нақты бір әйел немесе қыз бар», – деді Амришева.Ол цифрлық құқықтарды қорғайтын заңнаманы күшейту қажеттігін ерекше атап өтіп, технологиялық компанияларды қауіпсіз онлайн-платформалар жасауға әйелдерді көбірек тартуға, зиянды контентті тез арада жоюға және зорлық-зомбылық туралы хабарламаларға жедел әрекет етуге шақырды.БҰҰ-ның Тұрақты үйлестірушісі Сараңгу Раднаарагчаа технология дамыған сайын онлайн-зорлық-зомбылық көлемі өсіп келе жатқанын айтты.«Біз көшелеріміз бен цифрлық кеңістікті бірге қауіпсіз етуіміз керек. БҰҰ агенттіктері мен азаматтық қоғамнан бастап шығармашылық сала, жастар желілері, еріктілер мен жекеменшік секторға дейінгі мықты серіктестікті көріп қуаныштымын», – деді Раднаарагчаа.«Статистика көрсете алмайтынын мәдениет пен киноның бірегей күші ашады. Өнер эмпатияға жол ашады, ал эмпатия өзгеріске жетелейді», – деді ол.Өзіндік автобиографиялық негізКөрсетілімнен кейінгі талқылау кезінде актер әрі HeForShe Орталық Азия өкілі Әзіз Беішеналиев фильмнің автобиографиялық негізін ашты.«Кучинчереков фильмді өз бала кезіне негіздеді. Мені де бір жарым жаста әжемнің қасына жіберген еді. Мен 13 жасқа дейін сонда болдым. Бұл тәжірибе ата-анама, әсіресе анама деген қарым-қатынасымды қалыптастырды», – деді Беішеналиев.«Балалар туылуын таңдамайды. Ересектер шешім қабылдайды және оның салдары үшін жауапты болуы керек. Бұл санасыз психологиялық жарақат біздің өңірде кеңінен таралған және әлеуметтік ой-санамызға әсер етеді», – деді ол.Беишеналиев киноның қоғамдық көзқарасты қалыптастыруда зор әлеуеті бар екенін және зорлық-зомбылық пен ата-ананың жауапкершілігі сияқты мәселелерді көтеруі тиіс екенін атап өтті. Ол мұндай фильмдер көрермендерге эмпатия көрсетуге және осы тақырыптардың маңыздылығын түсінуге көмектеседі деп үміттенеді.Ақпарат көзі : https://www.gov.kz/memleket/entities/mfa-geneva/press/news/details/1114936?lang=kk

Бангкок, 2025 жылғы 27 қараша – Қазақстан Республикасының Таиланд Корольдігіндегі Елшілігі «Kazakhstan–Thailand Investment and Trade Opportunities» атты іскерлік дөңгелек үстел өткізіп, екі елдің мемлекеттік органдары, іскер топтары және сараптамалық қауымдастық өкілдерін бір алаңда біріктірді.Іс-шараны ашқан Қазақстан Республикасының Таиландтағы Елшісі Марғұлан Баймұхан Таиландтың Оңтүстік-Шығыс Азиядағы Қазақстанның басты серіктесі және АСЕАН аймағына маңызды қақпа екенін атап өтті. Ол сондай-ақ Қазақстанның Таиланд үшін Орталық Азиямен байланыстыратын негізгі көпір ретіндегі рөлін және екіжақты саудадағы тұрақты оң серпінді ерекше атап көрсетті.Бағдарламаның маңызды бөлігі Таиланд Сауда министрлігінің Сауда келіссөздері департаментінің бас директоры Чотима Лемсавадикулдың сөз сөйлеуі болды. Ол Таиландтың Қазақстанмен практикалық экономикалық серіктестікті дамытуға бейілділігін және сауда, инвестиция және логистика салаларындағы ынтымақтастықты тереңдетуге дайын екенін білдірді.Қатысушылар агроөнеркәсіптік ынтымақтастық әлеуетіне ерекше назар аударды. Қазақстан АӨК өнімдерін жеткізу бойынша зор мүмкіндіктерге ие, бұл Оңтүстік-Шығыс Азия нарықтарына тұрақты жеткізу тізбектерін қалыптастыруға жағдай жасайды. Өз кезегінде, дамыған қайта өңдеу және логистикалық инфрақұрылымы бар Таиланд қазақстандық ауылшаруашылығы өнімдерін өңірге ілгерілету үшін перспективалы өңірлік хаб бола алады.Тараптар жер қойнауын пайдалану және стратегиялық минералдар саласындағы өзара іс-қимыл перспективаларын да талқылады. Қазақстанның әлемдік ресурс базасындағы маңызды орны екі ел өнеркәсібінде сұранысқа ие шикізатты жеткізу және қайта өңдеу бойынша өзара тиімді серіктестікке жаңа мүмкіндіктер ашады.Дөңгелек үстелде цифрлық экономика мәселелері де қаралды. Тараптар арасында қол қойылған өзара түсіністік туралы меморандум цифрлық сауда, финтех, бұлтты технологиялар, киберқауіпсіздік және зияткерлік логистика салаларында әріптестікті дамыту үшін негіз қалайды.Елші М. Баймұхан көлік байланыстылығы экономикалық ынтымақтастықты кеңейтудің маңызды алғышарты екенін атап өтті. Халықаралық құрылымдардың жуырдағы шешімдері ЭСКАТО желісінде қазақстандық логистикалық нысандардың рөлін арттырып, Еуразия маршруттарын Оңтүстік-Шығыс Азия инфрақұрылымдық жобаларымен түйістіруге жаңа мүмкіндіктер ашады.Дөңгелек үстелде «KazakhInvest» компаниясының Сингапурдағы өкілдігі, Қазақ-тай альянсы және «Rhenus» логистикалық компаниясының өкілдері баяндама жасады. Іс-шара B2B-B2G форматындағы мақсатты кездесулермен аяқталып, оның барысында қатысушылар практикалық ынтымақтастық жобаларын талқылады.Қазақстан Республикасының Елшілігі барлық қатысушыларға алғыс білдіріп, Қазақстан мен Таиланд арасындағы сындарлы диалогты және белсенді экономикалық өзара іс-қимылды одан әрі қолдаудың маңыздылығын атап өтті.Ақпарат көзі : https://www.gov.kz/memleket/entities/mfa-thailand/press/news/details/1114886?lang=kk

11.11.2025 жылғы № 432 н/к санды бұйрығына сәйкес Қазақстан Республикасының аумағынан сұйытылған мұнай газын (ЕАЭО СЭҚ ТН коды 2711 12 970 0), пропанды (ЕАЭО СЭҚ ТН коды 2711 12 940 0) және бутанды (ЕАЭО СЭҚ ТН коды 2711 13 970 0) автомобиль және теміржол көлігімен әкетуге алты ай мерзімге тыйым салу енгізілсін, мыналарды қоспағанда:1) өнімді бөлу туралы келісім (келісімшарт) не Қазақстан Республикасының Президенті бекіткен жер қойнауын пайдалануға арналған келісімшарт шеңберінде өндіруді жүзеге асырған, «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 722-бабының 1-тармағына сәйкес салық режимінің тұрақтылығына ие жер қойнауын пайдаланушылардың әкетуін;2) Қазақстан Республикасының халықаралық шарттары негізінде Қарашығанақ кен орнында өндірілген қазақстандық шикізаттан жасалған (өңделген) тауарларды әкетуді;3) Қазақстан Республикасының шегінен тыс жерде басталатын және аяқталатын өткізілетін транзиттік тасымалды;4) Қазақстан Республикасы Үкіметінің шешімі бойынша гуманитарлық көмектің шеңберінде әкетілетінді.Ақпарат көзі : https://www.gov.kz/memleket/entities/kgd-kyzylorda/press/news/details/1114879?lang=kk

Агенттік Басқармасы 2025 жылғы 25 қарашадағы № 77 «Фридом Банк Қазақстан» акционерлік қоғамына еншілес ұйым – «Фридом Банк Грузия» акционерлік қоғамын құруға рұқсат беру туралы» қаулы қабылдады.Ақпарат көзі : https://www.gov.kz/memleket/entities/ardfm/press/news/details/1114885?lang=kk

2025 жылғы 26 қарашада  Шығыс Қазақстан облыстық балалар және жасөспірімдер кітапханасында ерекше қажеттілігі бар балаларға арналған «Арман қанатында. На крыльях мечты» атты балалар шығармашылығы фестивалі өтті.Бұл фестиваль әрбір қатысушы өз қабілетін көрсетіп, жаңа нәрселер үйреніп, достар тауып, эмоционалды қолдау ала алатын коммуникациялық алаң ретінде ойластырылып, ұйымдастырылды.Фестивальдің іс-шаралары кітапхананың бірнеше импровизацияланған алаңында өтті, әр алаңда өзіндік жылы әрі жайлы атмосфера орнады. «Көк трактормен» бірге кітап көрмесінде ұсынылған әдеби кейіпкерлерге иммерсивті саяхат жасады. Табиғи материалдардан коллаж жасау шеберханасына қолданбалы өнерге бейім балалар қатысты. Ойын алаңында ерекше қызығушылық сезілді — крафт ойындарымен танысу күнде бола бермейтін мүмкіндік екені анық. Ал ең жүрекке жылы эмоциялар импровизацияланған сахнада өлеңдер мен әндер шырқалып, бишілер мен актерлердің өнеріне зал ду қол шапалақтаған сәтте туды. Әрбір өнер көрсетушіге шын жүректен алғыс айтылды.Дәстүрге сай, фестиваль салтанатты сәтпен — қатысушыларды құттықтау, сертификаттар мен алғыс хаттарды табыстаумен аяқталды.Ақпарат көзі : https://www.gov.kz/memleket/entities/vko-cultura-arhiv/press/news/details/1114847?lang=kk

       «Қазақстан жасанды интеллект дәуірінде» атты Жолдауында Мемлекет басшысы Қасым-Жомарт Тоқаев: «Мемлекеттік кірістер комитеті салық төлеушілердің мүдделері үшін жасанды интеллекттің мүмкіндіктерін тиімді пайдалана отырып, мемлекеттік органдар арасында цифрландырудың флагманына айналуы тиіс» деп атап өтті. Бұл жүйелі қадамдар мемлекет пен бизнес арасындағы түбегейлі жаңа, сервистік қатынастар моделін қалыптастыруға бағытталған».       Осы стратегияны жүзеге асыру шеңберінде Жетісу облысы бойынша Мемлекеттік кірістер департаменті «Нұр Жолы» кеден бекетінде «NOMAD мониторинг және дыбыстық бақылау жүйесі» пилоттық жобасы іске қосылды.       Бастама сыртқы экономикалық қызметке қатысушыларға қызмет көрсету процестерінің ашықтығын және сапасын арттыруға бағытталған озық шешімдерді енгізудегі маңызды қадамды білдіреді. Инновациялық жүйе - адам факторын барынша азайтатын кешенді шешім болып табылады.       Жоба аясында жұмыстың негізгі кезеңдері автоматтандырылған: QR-тіркеу, кезекті интеллектуалды бөлу, диалогтарды аудиобақылау және транскрипциялау, қызметкерлер мен СЭҚ қатысушыларының рейтингтік бағалауы қалыптастырылуда, клиенттің маманды еркін таңдау немесе кезексіз өту мүмкіндігі жойылды.       Қызмет көрсету сапасын бақылау және этикаға ерекше назар аударылған:жүргізілген диалогтардың аудиожазбалары жасанды интеллект арқылы талданады. Арнайы алгоритмдер сөйлемдердің дұрыстығын, сыпайылық және эмоцияналдық деңгейін бағалап, анықталған бұзушылықтар бойынша автоматты түрде хабарламалар қалыптастырады.       Жүйе іске қосылған сәттен бастап жоғары тиімділікті көрсетті. 2025 жылдың қазан айынан бастап осы күнге дейін жүйе арқылы 11 000 талон беріліп, орташа нормативтік қызмет көрсету уақыты айқындалды. Жасанды интеллект 6 000 аудиожазбаны өңдеп, олардың 18%-ында этикалық нормаларға сай келмейтін сөз тіркестерін анықтады.       Алынған объективті деректер негізінде бекет қызметкерлерімен қызметтік этиканы сақтау бойынша тиісті шаралары жүргізілді.       Барлық ақпарат Ситуациялық орталықта нақты уақыт режимінде көрсетіле отырып, басшылыққа жұмыс жүктемесі және тәуекелдер туралы аналитикалық мәліметтерге негізделген шешімдерді қабылдауға мүмкіндік береді.Ақпарат көзі : https://www.gov.kz/memleket/entities/kgd/press/news/details/1114871?lang=kk

ҚР ұлттық экономика вице-министрі Ерлан Сағынаевтың айтуынша, соңғы жылдары ШОБ дамуының оң серпіні байқалады. 2025 жылдың алғашқы жартыжылдығында ШОБ-тын ЖІӨ-дегі үлесі 39,8%-ды құрады, бұл 2024 жылдың сәйкес кезеңімен салыстырғанда 38,2%-ға 1,6 п.п. артық. Кәсіпкерлік секторында жұмыспен қамтылғандардың жалпы саны 2025 жылдың 2-ші тоқсанында 3,8%-ға артып, 4,4 млн адамға жетті«2025 жылдың 2-ші тоқсанындағы мәліметтер бойынша тіркелген ШОБ субъектілерінің 91,2%-ы өз қызметін жалғастыруда», – деді спикер ОКҚ алаңында өткен баспасөз конференциясында.Ұлттық экономика министрлігінің мәліметінше, 2025 жылдың бірінші жартыжылдығында ШОБ субъектілері шығаратын өнім көлемі 25%-ға өсіп, 42,7 трлн теңгені құрады. Өнім шығарылымының ұлғаюы сауда, өнеркәсіп, оның ішінде өңдеу өнеркәсібі, құрылыс, көлік және қоймалау, ауыл, орман және балық шаруашылығы саларында байқалады.Ақпарат көзі : https://www.gov.kz/memleket/entities/economy/press/news/details/1114816?lang=kk

ШҚО музей-қорығында «Гендерлік зорлық-зомбылыққа қарсы белсенділіктің 16 күні»  республикалық акциясы аясында ҚР Ұлттық ұланының «Шығыс» өңірлік қолбасшылығының 6699 әскери бөлімінің сарбаздары мен офицерлері және музей қызметкерлеріне «Әлемді бірге мейірімді етейік» атты тақырыптық кездесу өткізілді. Іс-шараға «Үлбі» дағдарыс орталығының, «Жанұя» отбасын қолдау орталығының, Өскемен қаласы ПБ ЖПҚБ әйелдерді зорлық- зомбылықтан қорғау бөлімінің, «Ана Үйі» қоғамдық қорының мамандары, облыстық Достық үйі-қоғамдық келісім орталығы жанындағы Аналар кеңесінің өкілдері шақырылды. Кездесуге қатысушылармен тұрмыстық зорлық-зомбылықтың алдын алуға, ана мен баланы қорғауға, отбасының қоғамдағы рөлін нығайтуға бағытталған әңгіме жүргізілді, тақырыптық бейнероликтер ұсынылды. Қонақтар өзекті мәселені шешуде өз көзқарастары туралы пікірлерімен бөлісті.Ақпарат көзі : https://www.gov.kz/memleket/entities/vko-cultura-arhiv/press/news/details/1114831?lang=kk

        2025 жылғы 17–21 қараша аралығында Қытай Халық Республикасында электрондық сауданы дамытуға, цифрлық интеграцияға және жаһандық трансформация жағдайында салықтық және кедендік әкімшілендіру тетіктерін жетілдіруге арналған халықаралық конференция өтті. Аталған конференцияға Қазақстан тарапынан Қаржы министрлігі Мемлекеттік кірістер комитеті Төраға орынбасары Сеилжан Ахметовтың басшылығымен өтті.      Бағдарлама аясында 1688, Alibaba International Digital Commerce Group, Pinduoduo, Taobao және TEMU секілді әлемдегі ірі электрондық коммерция интернет-платформаларымен келіссөздер өткізілді. Кездесулер барысында қазақстандық тарап 2026 жылдан бастап күшіне енетін Қазақстан Республикасының жаңа Салық кодексінің негізгі ережелерін таныстырды. Ерекше назар шетелдік онлайн-платформалардың қызметіне тікелей қатысты нормаларға аударылды:ҚҚС мөлшерлемесін 16 %-ға дейін арттыру,шетелдік интернет-платформаларды шартты тіркеу қағидалары,ҚҚС әкімшілендіру тетіктері,деректер алмасу талаптары.       Комитет өкілдері электрондық операциялардың ашықтығын қамтамасыз ету, заңнаманы сақтау және салықтық тәуекелдерді барынша азайту бойынша Қазақстанның тәсілдерін жан-жақты түсіндірді.      Бөлек бөлім ретінде шетелдік интернет-платформалардың Қазақстан нарығындағы дамуының перспективалары, сондай-ақ қазақстандық сатушылардың халықаралық электрондық саудаға қатысуын кеңейту мәселелері талқыланды. Ғаламдық компаниялар ынтымақтастықты кеңейтуге және отандық жеткізушілерді өз экожүйелеріне тартуға мүдделілік танытты.      2025 жылдың 11 айының қорытындысы бойынша шетелдік интернет-платформалар Қазақстан Республикасы бюджетіне 55,7 млрд теңге көлемінде түсім қамтамасыз етті, бұл 2024 жылдың ұқсас кезеңімен салыстырғанда (32 млрд теңге) 23 млрд теңгеге артық. Бұл өсім ашықтықтың артуын, салықтық әкімшілендіру деңгейінің жоғарылауын және трансшекаралық цифрлық сауданың дамуын көрсетеді.      Келіссөздер барысында тауарлар туралы алдын ала ақпаратты беру мәселелеріне және пошта жөнелтілімдерін жедел өңдеу мен логистикалық процестерді оңтайландыру үшін қажетті мәліметтер құрамына қойылатын талаптарға ерекше көңіл бөлінді.     Делегация құрамына сондай-ақ Комитетке ведомстволық бағынысты ұйым – деректер алмасу және ақпараттық жүйелерді интеграциялау саласындағы цифрлық шешімдерді дамытуға жауапты «Digital Silk Road Company» ЖШС қатысты.     Жұмыс сапары әлемнің жетекші интернет-платформаларымен өзара іс-қимылды нығайтуға, өзекті ақпарат алмасуға және цифрлық сауданы дамыту бойынша одан арғы шараларды келісуге мүмкіндік берді. Сапардың нәтижелері салық және кедендік әкімшілендіруді жетілдіру, операциялардың ашықтығын арттыру және Қазақстан Республикасында электрондық коммерцияның бәсекеге қабілетті экожүйесін қалыптастыру үшін маңызды мәнге ие.  Ақпарат көзі : https://www.gov.kz/memleket/entities/kgd/press/news/details/1114837?lang=kk

 Киншаса, 2025 жылғы 27 қараша - Қазақстан Республикасының Эфиопия Федеративтік Демократиялық Республикасындағы Елшісі Жалғас Әділбаевтың жұмыс сапары аясында Конго Демократиялық Республикасының (КДР) Сыртқы істер, халықаралық ынтымақтастық, франкофония және конголездік диаспора істері министрлігінде келіссөздер өтті. Конголездік делегацияны КДР Сыртқы істер министрлігінің Бас директоры Франсуа Шабани басқарды.Келіссөздерге сондай-ақ КДР-дың мемлекеттік органдарының, оның ішінде сауда, көлік, тау-кен өнеркәсібі, қорғаныс, жоғары білім министрліктерінің және т.б. өкілдері қатысты.Келіссөздер барысында қатысушылардың негізгі назары 2025 жылғы 9-10 қыркүйекте өткен Конго Демократиялық Республикасының Президенті Феликс Антуан Чисекеди Чиломбоның Қазақстан Республикасына жасаған алғашқы ресми сапары барысында қол жеткізілген уағдаластықтарды іске асыру мәселелеріне аударылды.Атап айтқанда, тараптар жақын болашақта екі елдің сыртқы саяси ведомстволары арасында дипломатиялық және саяси консультациялар өткізу мәселелерін талқылады. Сондай-ақ, дипломатиялық паспорт иелерін өзара визалық талаптардан босату туралы келісім жасасу перспективалары қаралды.Сауда-экономикалық ынтымақтастықты дамыту контекстінде мемлекеттік органдар мен іскер топтар өкілдерінің сапарлар алмасуы, инвестиция саласындағы келісім жасасу, көлік-логистикалық өзара іс-қимыл, тау-кен және қорғаныс өнеркәсібі, жоғары білім, ауыл шаруашылығы салаларындағы ынтымақтастық перспективаларын бірлесіп зерттеу үшін консультативтік тетіктер құру мәселелері талқыланды.Қазақстан Елшісі Конго Демократиялық Республикасының Африка континентіндегі маңызды әріптестердің бірі екенін атап өтті. Ол сондай-ақ Астана мен Киншаса арасындағы екіжақты ынтымақтастық үшін үлкен әлеует бар екенін, бірақ қазіргі уақытта оның толық іске асырылмағанын баса айтты.Өз кезегінде, Ф.Шабани өткізілген келіссөздердің маңыздылығын растап, конголездік тараптың да Астанадағы мемлекет басшылары деңгейінде қол жеткізілген уағдаластықтарды іске асыру бойынша жұмыс істеп жатқанын атап өтті.Сондай-ақ, Қазақстан Елшісінің КДР Сыртқы істер министрлігінің Мемлекеттік хаттама және консулдық қызметінің басшысы Гертруда Бенгонга Элофа ханыммен кездесуі өтті. Әңгіме барысында тараптар консулдық қызмет саласындағы ынтымақтастық перспективалары туралы пікір алмасты.Ақпарат көзі : https://www.gov.kz/memleket/entities/mfa-addis-ababa/press/news/details/1114796?lang=kk

5573 әскери бөлімінің біріккен оқу орталығының базасында Қазақстан Республикасы ІІМ Ұлттық ұланының әскери қызметшілері арасында ПМ-16, АК-18-ден ату және спорттық жаттығуларды орындау бойынша жеке-командалық біріншілік өтті. Бас қолбасшылықтың бастамасымен өткен біріншілік әртүрлі басқармалар мен бөлімшелердің үздік атқыштарын жинады.Жарыс атыс дайындығының деңгейін арттыру, кәсіби тәжірибе алмасу және жеке-командалық сынақтарда жоғары нәтиже көрсете алатын мықты әскери қызметшілерді анықтау мақсатында өткізілді.Тартысты доданың қорытындысы бойынша Калашников автоматынан ату бойынша жүлделі орындар төмендегідей бөлінді:1 орын — подполковник Ермек Тұғынов, Бас жедел басқарманың әскери қызметшісі;2 орын — аға лейтенант Нұрлан Төленханов, Тыл басқармасының заттай қамтамасыз ету бөлімшесінің офицері;3 орын — майор Далелхан Жолболсын, 6636 әскери бөлімінің қару-жарақ және әскери техниканы есепке алу қызметінің бастығы. Макаров тапаншасынан атудан ең мықты атқыштар:1 орын — подполковник Дулат Әбілмәжінов, Тәрбие және әлеуметтік-құқықтық жұмыстар бас басқармасының моральдық-психологиялық қамтамасыз ету қызметінің аға офицері;2 орын — полковник Илья Фрузенков, Техника және қару-жарақ басқармасының қару-жарақ бөлімінің бастығы;3 орын —подполковник Жасұлан Сембеков, техникалық байланыс бөлімінің офицері. Командалық күресте жарыстар да шиеленісті болды:1 орын — Арнайы операциялар орталығының құрамасы ;2 орын — Тәрбие және әлеуметтік-құқықтық жұмыстар бас басқармасының құрамасы;3 орын — Тыл басқармасының құрамасы.Жеңімпаз команда ауыспалы кубокпен және Бас қолбасшы грамотасымен марапатталды.Барлық жүлдегерлер Ұлттық ұлан Бас қолбасшылығының медальдарымен және грамоталарымен марапатталды.Мұндай жарыстарды өткізу құқықтық тәртіп әскерінің әскери қызметшілерін жауынгерлік даярлау жүйесінің ажырамас бөлігіне айналды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1114803?lang=kk

Нью-Дели, 2025 жылғы 27 қараша – Қазақстан Республикасының Үндістандағы Елшісі Азамат Есқараев Үндістан мәдени байланыстар кеңесінің бас директоры Нандини Сингламен кездесті.Кездесу барысында тараптар мәдениет саласындағы ынтымақтастықты дамыту келешегін, сондай-ақ осы саладағы бірлескен бастамаларды іске асыру мәселелерін талқылады.Елші А.Есқараев Қазақстан Үндістанмен мәдени қарым-қатынасын жоғары бағалайтынын, сондай-ақ қазақ халқының Ұлы ақыны Абайдың таңдамалы шығармаларының бірін үнді тіліне аударуда қолдау білдіргені үшін алғысын білдіріп, үнді халқының қаламгер, ақыны Рабиндранат Тагордың шығармасы қазақ тіліне аударылғаны туралы айтты. Сондай-ақ Елші бұл еңбектер екі ел арасындағы мәдени түсіністікті нығайтып, зияткерлік мұраның ортақ құндылықтарын қолдайтынын атап өтті.Сонымен бірге Қазақ дипломаты Алматы қаласындағы үнді классикалық биі мен йога орталығы туралы айтып, орталықтың  Үндістандағы өнер сүйер қауымына қазақ биін үйрену бойынша мастер-класс өткізу мүмкіндігімен бөлісті. Бұл арқылы Үндістанға қазақ би өнерінің көркемдігі мен сұлулығын сезінуге мүмкіндік бере алатыны аталды.Осыған қоса Елші қазақстандық жоғары оқу орындарының базасында қызығушылық танытқан студеттерге хинди тілін оқыту мүмкіндігін қарастыруды ұсынды.Өз кезегінде Бас директор Нандини Сингла келер жылы Үндістанда болатын ән және би фестивальдары туралы айтып, оларға қазақстандық ән және би ансамбльдердің қатысу мүмкіндігіне назар аударды. Осыған қоса ол Қазақ өнерпаздарының Үндістандағы халықаралық мәдени іс-шараларға қатысуы ынтымақтастыққа үлкен серпін беретіні және концерттік бағдарламаны байытатыны туралы ой бөлісті.Бұдан басқа Н. Сингла кеңестің Үндістанда шетелдік студеттердің оның қатарында қазақстандық студенттердің толықтай тегін, әрі шәкіртақымен білім алуларына мүмкіндік бар екенін атап өтті.Осыдан басқа үнді тарапының өкілі Махараштра штатындағы 11 бекініске ЮНЕСКО-ның Бүкіләлемдік мұра мәртебесі беруіне қолдау қөрсеткені үшін Қазақстан тарапына алғыс білдірді.Кездесу қорытындысы бойынша тараптар мәдени дипломатияның барлық бағыттары бойынша ынтымақтастықты нығайтуға және аталған бастамаларды жүзеге асыру үшін бірлесіп жұмыс істеуге келісті.Үндістан мәдени байланыстар кеңесі - сыртқы мәдени байланыстарды жүзеге асыру, мәдени алмасуды дамыту және өзара түсіністікті нығайтумен айналысады.Ақпарат көзі : https://www.gov.kz/memleket/entities/mfa-delhi/press/news/details/1114768?lang=kk

Қазақстан Республикасының жаңа Салық кодексінде көлік құралдары салығын есептеу тәртібі өзгерді, бұл әсіресе пайдалануға берілгеніне 10 жылдан асқан жеңіл автокөліктерге қатысты.🚗 Пайдалану мерзімі бойынша коэффициенттер:• 10 жылдан 20 жылға дейін - коэффициент 0,7• 20 жылдан жоғары - коэффициент 0,5Бұл ұзақ жыл пайдаланылған автокөлік иелері үшін салық ауыртпалығын төмендетеді.📌 КҚШ үшін маңыздыБір пикап (жүк платформасы мен бөлек кабинасы бар жеңіл көлік) - бір крестьян немесе фермер шаруашылығына салық төлеуден босатылады.📄 Тағы қандай өзгерістер бар:• Автокөліктерді түріне қарай (пикап, джип, лимузин) бөлетін норма алынып тасталды. Енді көлік санаты жүргізуші куәлігінің санатына (A, B, C, D) байланысты айқындалады.• 31.12.2013 жылдан кейін өндірілген немесе әкелінген, 3000 текше см-ден жоғары қозғалтқышы бар автокөліктерге арналған жеңілдетілген ставкалар алынып тасталды.• Заңды тұлғалар үшін көлік салығы бойынша ағымдағы төлемдерді есептеу міндеті алынып тасталды - енді тек жылдық декларация тапсырылады.• Сол сияқты заңды тұлғалар мен жеке кәсіпкерлер үшін жер салығы бойынша ағымдағы төлемдер есебі де алынып тасталды - тек жылдық декларация және төлем.📆 Төлеу мерзімдері:• Жеке тұлғалар - есепті жылдан кейінгі жылдың 1 сәуіріне дейін.• Заңды тұлғалар - декларация тапсыру мерзімінен кейін 10 күн ішінде.‼️ Бұл өзгерістер салық міндеттемелерін орындауды жеңілдету және ашықтығын арттыру мақсатында жаңартылған Салық кодексі аясында енгізілді.Ақпарат көзі : https://www.gov.kz/memleket/entities/kgd-kyzylorda/press/news/details/1114769?lang=kk

Жалпы талап қою мерзімдері 3 және 5 жыл деңгейінде сақталған, алайда 2026 жылғы 1 қаңтардан бастап күшіне енетін жаңа Салық кодексінде бірқатар өзгерістер енгізілді.📌 Жаңа енгізілімдер:• Егер салық төлеуші (салық агенті) талап қою мерзімі аяқталуына бір жылдан аз уақыт қалған кезең бойынша қосымша салық есептілігін немесе хабарлама бойынша есептілікті ұсынған жағдайда, талап қою мерзімі 1 күнтізбелік жылға ұзартылатыны көзделген.• Талап қою мерзімін тоқтата тұру мүмкіндігі қарастырылған:1. Салықтық тексеру басталған күннен бастап оның нәтижелері бойынша хабарламаны орындаған күнге дейін;2. Лауазымды тұлғалардың іс-әрекетіне (әрекетсіздігіне) шағым беру кезінен бастап жоғары тұрған органның шешімі немесе сот актісі заңды күшіне енген күнге дейін.💡 Сондай-ақ, егер салықтық тексеру талап қою мерзімі аяқталған салық кезеңінен кейін аяқталса және тексеру басталғанға дейін 30 күннен аз уақыт қалған болса, онда бұл кезең бойынша мерзімді тоқтата тұру қолданылмайды.Ақпарат көзі : https://www.gov.kz/memleket/entities/kgd-kyzylorda/press/news/details/1114778?lang=kk

Сыйбайлас-әлеуметтік  зұлымдық 27 қараша күні Федоров аудандық орталық кітапханасының кітапханашысы Федоров ауданының ТЖ бөлімі қызметкерлері үшін «Сыйбайлас-әлеуметтік  зұлымдық» тақырыбында ақпараттық сағат өткізді.Кездесу барысында қатысушылар сыйбайлас жемқорлықты антына опасыздық жасау ретінде қарастырып, сондай-ақ қадағалау қызметіндегі этикалық тәуекелдер мен әрбір ТЖ қызметкерінің қоғам алдындағы жеке жауапкершілігін талқылады.Әсіресе  адалдық-қоғамның сенімін бұзып, азаматтардың қауіпсіздігіне қатер төндіретін  әлеуметтік кеселге қарсы басты «сөндіргіш» екеніне ерекше назар аударылды. Кітапхана ТЖ бөлімі басшылығына ынтымақтастығы үшін және мемлекеттік қызметтегі этика мәселелерін ашық талқылауға дайын болғаны үшін алғыс білдіреді.#АнтикоррупциялықМәдениетАқпарат көзі : https://www.gov.kz/memleket/entities/kostanay-fedorov/press/news/details/1114780?lang=kk

27 қараша, 2025, Нью-Дели. Қазақстанның Үндістандағы Елшісі А.Есқараев Үндістанның Пенжаб штатымен ынтымақтастықты дамытуға арналған «CIS Ambassadors' Roundtable» дөңгелек үстелінің жұмысына қатысты.Анықтама: Пенжаб Үндістанның ең дамыған аграрлық аймақтарының бірі болып табылады және дәстүрлі түрде «елдің астығы» болып саналады. Сондай-ақ, азық-түлік және қайта өңдеу өнеркәсібі, ауылшаруашылық өндірісі, тоқыма және жеңіл өнеркәсіп жақсы дамыған. Штаттың халқы шамамен 31 миллион адамды құрайды.Іс-шараға Үндістанда аккредиттелген елшілері Пенжаб штатының өнеркәсіп және сауда министрі С.Арора, ҮР Сыртқы істер министрлігінің Бас директоры А. Кумар және штат Үкіметінің жоғары лауазымды тұлғалары қатысты.Өз сөзінде Қазақстан Елшісі Қазақстанда Президент Қ.Тоқаевтың басшылығымен бәсекеге қабілетті салық режимін, инвесторларды қорғауды және шетелдік бизнесті қолдаудың арнайы жүйесін қоса алғанда, экономиканы әртараптандыруға бағытталған ауқымды реформалар жүргізіліп жатқанын атап өтті.Сонымен қатар қазақ дипломаты ықтимал жан-жақты ынтымақтастықтың негізгі бағыттарын белгілеп, жергілікті бизнесті Қазақстанда инвестициялық жобаларды іске асыруға шақырды. «Бұл ынтымақтастық экономиканы, мәдениетті, білім беруді қоса алғанда, әртүрлі салаларды қамтуы мүмкін және біздің елдеріміз арасындағы байланыстарды нығайтуға ықпал етуі мүмкін», - деді ол өз сөзінде.Өз тарапынан С.Арора алға қойылған бастамаларға жоғары баға беріп, штат Үкіметі Қазақстанды өңірдегі негізгі әріптестердің бірі ретінде қарастыратынын атап өтті.Іс-шара 2026 жылдың 13-15 наурызы аралығында Мохали қаласында өтетін 6-шы «Прогрессивті Пенжаб» саммитіне орайластырылып, Қазақстан тарапы оған қатысуға шақырылды.Ақпарат көзі : https://www.gov.kz/memleket/entities/mfa-delhi/press/news/details/1114785?lang=kk