Астана, 2025 жылғы 14 қазан – Қазақстан Республикасының Сыртқы істер министрлігі БҰҰ Адам құқықтары жөніндегі кеңесінің Әмбебап мерзімді шолуы шеңберіндегі және Азаматтық және саяси құқықтар туралы халықаралық пакті бойынша еліміздің міндеттемелерін орындау туралы ұлттық баяндамаларды қарау нәтижелерін ұсынды. Іс-шараға 50-ден астам дипломатиялық өкілдіктер мен 12 халықаралық ұйымның өкілдері қатысты.Іс-шара барысында Қазақстан Республикасы Әділет вице-министрі Ботагөз Жакселекова мен Қазақстан Республикасы Сыртқы істер министрлігі Көпжақты ынтымақтастық департаментінің директоры Дидар Теменов сөз сөйледі.Б.Жақселекова заңнамадағы және құқық қолдану практикасындағы кешенді өзгерістер енгізу, оның ішінде саяси партияларды тіркеу рәсімін жеңілдету; сайланбалы органдарда әйелдер, жастар және мүгедектер үшін 30% квота енгізу; Омбудсменнің өкілеттігін кеңейту және тәуелсіздігін нығайту; бейбіт жиналыстар туралы заң қабылдау; петициялар институтын іске қосу, сондай-ақ тұрмыстық зорлық-зомбылық үшін жауапкершілікті қатаңдату және азаптау мен адам саудасына қарсы шаралар қабылдау туралы хабардар етті.Д.Теменов БҰҰ-ға мүше мемлекеттердің өкілдеріне Қазақстанның саяси және демократиялық реформаларын қолдағаны үшін алғысын білдіріп, БҰҰ-ның Адам құқықтары жөніндегі комитеті сарапшыларының елдің адам құқықтары туралы заңнамасындағы оң өзгерістер мен адам құқықтары институттарын жетілдіру шаралары туралы пікірін ерекше атап өтті. Сондай-ақ қазақстандық дипломат БҰҰ және ЕҚЫҰ-мен осы саладағы ынтымақтастықтың деңгейін жоғары бағалады.БҰҰ-ның Қазақстандағы Тұрақты үйлестірушісі міндетін атқарушы/Дүниежүзілік денсаулық сақтау ұйымының елдегі кеңсесінің директоры Скендер Сыла және Астанадағы ЕҚЫҰ бағдарламалар офисінің басшысы Алексей Рогов Қазақстанмен адам құқықтарын ілгерілету мен қорғауда одан әрі ынтымақтасуға дайын екендіктерін растады.Брифингке қатысушылар Қазақстанның баяндамаларды қорғау нәтижесінде алынған ұсынымдарды жүзеге асыру жөніндегі жоспарлары туралы ақпаратқа қызығушылық танытты және еліміздің халықаралық адам құқықтары тетіктерімен сындарлы диалогын жалғастырудың маңыздылығын атап өтті.2025 жылғы 23 қаңтарда БҰҰ Адам құқықтары жөніндегі кеңесінің Жаһандық мерзімді шолуы Жұмыс тобының 48-ші сессиясы барысында Қазақстанның адам құқықтары жөніндегі міндеттемелерін орындауы және алдыңғы шолудан алынған ұсынымдар туралы Төртінші мерзімді баяндамасы ұсынылды. Талқылауға 100-ден астам мемлекеттің делегациялары қатысып, демократиялық реформаларды жүзеге асыру бойынша қабылданып жатқан шараларды толық қолдайтынын білдіріп, Қазақстанда адамның негізгі құқықтары мен бостандықтарын нығайту бойынша нақты қадамдардың қабылдануын құптады.2025 жылғы 25 маусымда БҰҰ-ның Адам құқықтары жөніндегі комитетінің 144-сессиясы барысында Қазақстанның Азаматтық және саяси құқықтар туралы халықаралық пакт бойынша өз міндеттемелерін орындауы туралы Үшінші кезеңдік баяндамасы ұсынылды. Баяндаманы қарау қорытындысы бойынша БҰҰ-ның Адам құқықтары жөніндегі комитетінің мүшелері сындарлы диалогты жоғары бағалап, Қазақстанның күш-жігерін жоғары бағалады, атап айтқанда, өлім жазасын жою, омбудсмен институты мен ұлттық алдын алу тетігін нығайту, гендерлік теңдікті ілгерілету және сот билігінің тәуелсіздігін нығайту шараларын атап өтті.Ақпарат көзі : https://www.gov.kz/memleket/entities/mfa/press/news/details/1086370?lang=kk

Мадрид, 2025 жылғы 13 қазан – 2025 жылғы 11 қазанда БҰҰ Дүниежүзілік туристік ұйымының        (UN Tourism) штаб-пәтерінде Мадридте Қазақстан Республикасының Испания Корольдігіндегі Елшісі Данат Мұсаевтың UN Tourism Бас хатшысы Зураб Пололикашвилимен кездесуі өтті.Сындарлы әңгіме барысында Қазақстан мен UN Tourism арасындағы өзара іс-қимылдың өзекті мәселелері, соның ішінде тұрақты туризмді дамыту, Қазақстанның туристік әлеуетін ілгерілету, сондай-ақ ұйым қызметі шеңберінде екіжақты ынтымақтастықты жандандыру талқыланды.Тараптар 2025 жылғы 22-23 қазанда Алматы қаласында өтетін Туризм саласындағы әйелдердің құқықтары мен мүмкіндіктерін кеңейтуге арналған Еуропа бойынша UN Tourism 1-ші өңірлік конференциясына дайындыққа ерекше назар аударды. Кездесуге қатысушылар алдағы форум туристік саладағы әйелдердің рөлін арттыруға бағытталған практикалық шешімдерді әзірлеу үшін маңызды халықаралық алаңға айналатынына сенім білдірді.Елші Д.Мұсаев Бас хатшыға Қазақстанның бастамаларын қолдағаны үшін ризашылығын білдіріп, ұйыммен ынтымақтастықты одан әрі тереңдетуге дайындығын растады. Өз кезегінде, З.Пололикашвили Қазақстанның UN Tourism-тің өңірдегі маңызды серіктесі ретіндегі рөлін атап өтіп, Алматыда конференцияның сәтті өтуіне сенім білдірді.Кездесу қорытындысы бойынша тараптар тұрақты байланыстарды сақтауға және серіктестік байланыстарды нығайту бойынша бірлескен жұмысты жалғастыруға келісті.Ақпарат көзі : https://www.gov.kz/memleket/entities/mfa-madrid/press/news/details/1086403?lang=kk

Варшавада өткен ЕҚЫҰ-ның Демократиялық институттар және адам құқықтары жөніндегі бюросының (БДИПЧ) Адам өлшемі жөніндегі конференциясы аясында Қазақстанның Адам құқықтары жөніндегі уәкілі Артур Ластаев тұрмыстық зорлық-зомбылықтың алдын алу тақырыбында сайд-ивент өткізді.Омбудсмен аталмыш шара барысында Қазақстанда бұл бағытта атқарылып жатқан жұмыстар мен заңнамалық өзгерістер туралы айтып өтті.Артур Ластаевтың айтуынша, еліміз әйелдер мен балалардың құқықтарын қорғауға бағытталған халықаралық құжаттарға қосылып, тұрмыстық зорлық-зомбылықтың алдын алу бойынша посткеңестік кеңістікте алғашқылардың бірі болып жеке заң қабылдады.Қазіргі таңда бұл салада бірқатар маңызды жаңашылдықтар енгізілген. Атап айтқанда, денсаулыққа жеңіл зиян келтіру мен ұрып-соғу әрекеттері қайтадан қылмыстық жауапкершілікке жатады, ал кәмелетке толмағандарға қатысты немесе қайталанған зорлық жағдайында татуласу мүмкіндігі алынып тасталды.Сондай-ақ жыныстық сипаттағы әрекеттерге итермелеу, өз-өзіне қол жұмсауға себеп болу және неке қиюға мәжбүрлеу үшін де қылмыстық жауапкершілік қарастырылған.Кәмелетке толмағанды зорлағаны үшін өмір бойы бас бостандығынан айыру жазасы енгізілді.Адам ұрлау мен заңсыз бостандықтан айыру үшін де жаза күшейтілді – енді бұл қылмыстар үшін тиісінше 15 және 10 жылға дейін бас бостандығынан айыру жазасы қарастырылған.Сонымен қатар, неке қиюға мәжбүрлеу әрекеті үшін де қылмыстық жауапкершілік енгізіліп, ең жоғары жаза 10 жылға дейін бас бостандығынан айыру болып белгіленді.Омбудсмен атап өткендей, бұл шаралар профилактика мен қатаң жазалау тетіктерін үйлестіріп, қоғамда зорлық-зомбылыққа төзбеушілік мәдениетін қалыптастыруға ықпал етті.Ресми статистика да оң нәтижені көрсетеді:отбасылық кісі өлтірулердің саны 32%, ауыр дене жарақаты 17%, орташа жарақаттар 11% қысқарған.Бұл өзгерістер зорлық-зомбылық жасағандарға жазаны қатаңдату, қорғау нұсқамаларын қолдану және отбасылық мәдениеттегі сана-сезімнің артуымен байланысты.«Бүгінде әкімшілік істердің көбеюі — қоғамның үнсіз қалмауға, отбасындағы жанжалдарды ерте кезеңде шешуге деген ұмтылысының көрінісі дей аламыз. Ең бастысы – тұрмыстық зорлық-зомбылықты қалыпты жағдай ретінде қабылдамау мәдениеті орнығып келеді», – деді Артур Ластаев.Оның айтуынша, әйелдер мен балалардың құқықтарын қорғау және тұрмыстық зорлық-зомбылықтың алдын алу мәселелері үнемі адам құқықтары жөніндегі ұлттық институттың бақылауында болады.Ақпарат көзі : https://www.gov.kz/memleket/entities/ombudsman-ulytau-oblysy/press/news/details/1088537?lang=kk

Афина, 2025 жылғы 13 қазан – Грекия Сыртқы істер министрлігінде Қазақстанның Грекиядағы Елшісі Тимур Сұлтанғожин мен Грекия Сыртқы істер министрінің орынбасары Хари Теохарис арасында кездесу өтті.Кездесу барысында тараптар екіжақты ынтымақтастықтың кең ауқымды мәселелері бойынша пікір алмасып, саяси диалогты одан әрі нығайтуға және Қазақстан мен Грекия арасындағы экономикалық байланыстарды дамытуға ниетті екендіктерін растады.Қазақстан Елшісі елде жүргізіліп жатқан экономикалық реформалар мен шетелдік инвестицияларды тарту шаралары туралы ақпарат беріп, Қазақстанның грек компанияларына ашық екенін және іскерлік әріптестікті тереңдетуге дайын екенін атап өтті.Грекия Сыртқы істер министрінің орынбасары Хари Теохарис Қазақстанның Грекия үшін Орталық Азиядағы маңызды әрі сенімді серіктес екенін және Афинаның Қазақстанмен ұзақ мерзімді және өзара тиімді қатынастарды дамытуға мүдделі екенін атап өтті.Кездесуде сондай-ақ Экономикалық және технологиялық ынтымақтастық жөніндегі үкіметаралық комиссияның келесі отырысын өткізуге дайындық мәселелері және көлік пен логистика салаларындағы ықтимал өзара іс-қимыл бағыттары қарастырылды.Тараптар әуе қатынасы, инвестицияларды өзара қорғау, салық салу және цифрлық активтерді реттеу салаларындағы бірқатар екіжақты келісімдердің келісу барысын да талқылады.Кездесу қорытындысы бойынша тараптар өзара қызығушылық тудыратын бағыттарда Қазақстан мен Грекия арасындағы әріптестікті кеңейту үшін сындарлы өзара іс-қимылды және күш-жігерді үйлестіруді жалғастыруға ниетті екендерін растады.Ақпарат көзі : https://www.gov.kz/memleket/entities/mfa-athens/press/news/details/1086447?lang=kk

Лакителек қ., 2025 жылғы 1 қазан - Мажарстан Ұлттық Ассамблеясының (Парламенті) төраға орынбасары мырза Шандор Лежактың шақыруымен Мажарстандағы Қазақстан Республикасының Елшілігінің командасы «Lakitelek Népfőiskola» спорт кешенінде өткен футгольф турнирінің алғашқы ойындарына қатысты.Турнирге Қырғызстан мен Әзербайжан дипломатиялық өкілдіктерінің қызметкерлері, сондай-ақ Мажарстан жоғары оқу орындарында білім алып жатқан Орталық Азия елдерінің студенттері қатысты.Іс-шара достық және спорттық рухта өтіп, дипломатиялық корпус пен өңір жастары арасындағы ынтымақтастық пен бейресми қарым-қатынасты нығайтудың тиімді алаңына айналды.Айта кету керек, Мажарстан Парламенті төраға орынбасары Шандор Лежак мырза елде бұл спорт түрінің дамуын белсенді қолдап келеді. Оның қолдауымен «Lakitelek Népfőiskola» кешенінде футгольфке арналған заманауи алаң салынды. Бұл алаң елдер арасындағы достық пен ынтымақтастықты нығайтуға бағытталған спорттық және мәдени іс-шаралардың орталығына айналды.Турнир қорытындысы бойынша ҚР Елшілігі командасы топтық есепте бірінші орынды, ал жеке біріншілікте үшінші орынды иеленді.Анықтама: Футгольф - футбол мен гольф элементтерін біріктіретін спорт түрі. Ойыншы диаметрі 53 см болатын 9 немесе 18 тесіктен тұратын алаңды мүмкіндігінше аз соққымен футбол добын әр тесікке енгізу арқылы өтеді. Жарыстар футгольфке арнайы бейімделген алаңдарда өткізіледі.Ақпарат көзі : https://www.gov.kz/memleket/entities/mfa-budapest/press/news/details/1086450?lang=kk

Будапешт, 2025 жылғы 11 қазан - Мажарстандағы Қазақстан Республикасының Елшілігі командасы әлемнің түкпір-түкпірінен мыңдаған жүгіру әуесқойларын жыл сайын біріктіретін елдің ең ірі спорттық шараларының бірі - «SPAR Budapest Marathon Festival» атты 40 жылдық мерейтойлық марафонға қатысты.Елшілік командасы төрт қызметкерден құралды және Дунай өзенінің көркем жағалауында өткен 8 шақырымдық командалық жарысқа шықты. Фестивальге Мажарстанда аккредиттелген дипломатиялық өкілдіктер мен халықаралық ұйымдардың, сондай-ақ мажар компаниялары мен қоғамдық бірлестіктердің өкілдері қатарынан 160-тан астам команда қатысты.Елшілік ұжымының бұл бастамасы халықтар арасындағы достықты нығайтуға, салауатты өмір салтын насихаттауға және Мажарстандағы дипломатиялық корпус өкілдерінің қоғамдық өмірге белсенді қатысуына деген ұмтылысты көрсетті.«SPAR Budapest Marathon Festival» 1984 ж. бері жыл сайын өткізіліп келеді және Орталық Еуропадағы ең беделді жүгіру жарыстарының бірі болып саналады. Биылғы жылы фестивальге 80 елден келген 20 000-нан астам кәсіби спортшылар мен әуесқойлар қатысты.Қазақстан Республикасының Елшілігі фестивальді жоғары деңгейде ұйымдастырғаны және бірлік, шабыт пен спорт рухын қалыптастырғаны үшін ұйымдастырушыларға ризашылығын білдіреді.Анықтама: Марафон бағдарламасына балалар жүгіруінен бастап Будапешттің тарихи орталығын, Дунай арқылы өтетін көпірлер мен астана көрікті жерлерін қамтитын классикалық 42 шақырымдық бағытқа дейінгі түрлі қашықтықтар енді.Ақпарат көзі : https://www.gov.kz/memleket/entities/mfa-budapest/press/news/details/1086452?lang=kk

Монреаль, 2025 жылғы 30 қыркүйек. Халықаралық азаматтық авиация ұйымының (ИКАО) 42-ші сессиясы аясында Қазақстан Республикасының делегациясы басшысы, ҚР Көлік министрлігі Азаматтық авиация комитетінің төрағасы Салтанат Томпиева ханым және ИКАО жанындағы Қазақстан Республикасының Тұрақты өкілі Тимур Тлегенов мырза ИКАО Кеңесінің Президенті Сальваторе Шаккитано мырзамен кездесті.Кездесу барысында тараптар Қазақстан мен ИКАО арасындағы ынтымақтастықтың қазіргі жағдайы мен болашағын, сондай-ақ еліміздің азаматтық авиация саласын дамытудың басым бағыттарын талқылады.Салтанат Томпиева азаматтық авиация саласындағы Қазақстанның негізгі басымдықтары туралы хабардар етті, оның ішінде ұлттық заңнаманы ИКАО-ның стандарттары мен ұсынылатын практикасымен (SARPs) әрі қарай үйлестіру, ұшу қауіпсіздігі мен авиациялық қауіпсіздік деңгейін арттыру, халықаралық байланысты және елдің транзиттік әлеуетін дамыту мәселелері атап өтілді. Ол сондай-ақ биыл Қазақстан Ассамблеяның қарауына халықаралық азаматтық авиация мәселелерінің кең ауқымын қамтитын 30-дан астам жұмыс және ақпараттық құжаттар ұсынғанын атап өтті.Сальваторе Шаккитано еліміздің авиация саласын дамытудағы жетістіктерін жоғары бағалап, Қазақстан Республикасының Президентімен өткен кездесуін жылы сезіммен еске алды. ИКАО Кеңесінің басшысы ынтымақтастықтың одан әрі нығаятынына сенім білдіріп, азаматтық авиация саласындағы Қазақстан бастамаларына қолдау көрсетуге дайын екенін растады.Кездесу қорытындысы бойынша тараптар ИКАО халықаралық бастамаларына Қазақстанның қатысуын қоса алғанда, ағымдағы және перспективалық жобалар бойынша өзара іс-қимылды жалғастыруға уағдаласты.    Ақпарат көзі : https://www.gov.kz/memleket/entities/kazakhstanicao/press/news/details/1086086?lang=kk

2025 жылғы 30 қыркүйек, Монреаль. ИКАО Ассамблеясының 42-ші сессиясы аясында Халықаралық азаматтық авиация ұйымының штаб-пәтерінде орналасқан Қазақстан Республикасының Тұрақты өкілдігінде Қазақстан делегациясының басшысы, Қазақстан Республикасы Көлік министрлігі Азаматтық авиация комитетінің төрағасы Салтанат Томпиева ханым мен ИКАО жанындағы Қазақстан Республикасының Тұрақты өкілі Тимур Тлегенов мырза Өзбекстан Республикасы Көлік министрлігі жанындағы Азаматтық авиация агенттігінің директоры Тахир Назаров мырзамен және Қырғыз Республикасы Министрлер кабинеті жанындағы Азаматтық авиация мемлекеттік агенттігінің директоры Данияр Бостонов мырзамен кездесті.Кездесу барысында азаматтық авиация саласындағы екіжақты ынтымақтастықтың өзекті мәселелері талқыланды. Тараптар халықаралық азаматтық авиацияның негізгі бағыттары бойынша ұстанымдарын үйлестірді.Қазақстан, Қырғызстан мен Өзбекстанның бауырластық пен тату көршілік қарым-қатынастары, сондай-ақ авиация саласындағы ынтымақтастықтың негізгі бағыттары бойынша ортақ түсіністік пен келісілген ұстанымдар атап өтілді.Келіссөздердің жеке тақырыбы ретінде 2024 жылғы қараша айында құрылған Еуразиялық азаматтық авиация конференциясы (EACAC) аясындағы ынтымақтастықты жолға қою мәселесі қаралды. Аталған құрылымның мүшелері – Қазақстан, Армения, Қырғызстан, Тәжікстан мен Өзбекстан. Моңғолия бақылаушы мәртебесіне ие.EACAC Бас хатшысы – Қазақстан Республикасы Көлік вице-министрі Талғат Ластаев мырза, ал EACAC Президенті – Өзбекстан Республикасы Көлік министрлігі жанындағы Азаматтық авиация агенттігінің директоры Тахир Назаров мырза болып табылады.   Генеральным секретарём EACAC является Вице-министр транспорта Республики Казахстан г-н Талгат Ластаев, а Президентом EACAC – Директор Агентства гражданской авиации при Министерстве транспорта Республики Узбекистан г-н Тахир Назаров.   Ақпарат көзі : https://www.gov.kz/memleket/entities/kazakhstanicao/press/news/details/1086091?lang=kk

2025 жылғы 25 қыркүйек, Монреаль, ИКАО штаб-пәтері. ИКАО Ассамблеясының 42-ші сессиясы аясында Қазақстан Республикасы делегациясының басшысы, Көлік министрлігі Азаматтық авиация комитетінің төрағасы Салтанат Томпиева ханым және ИКАО жанындағы Қазақстан Республикасының Тұрақты өкілі Тимур Тлегенов мырза ИКАО Әуе навигация бюросының директоры Мишель Меркель ханыммен жұмыс кездесуін өткізді.Кездесу барысында тараптар Қазақстанда ұшу қауіпсіздігін арттыру бойынша қабылданып жатқан шараларды қарастырды.Қазақстан тарапы Мишель Меркель ханымды 2024 жылғы 25 желтоқсанда Ақтау маңында болған «Azerbaijan Airlines» әуе кемесінің апатын тергеу барысымен таныстырды, сондай-ақ ИКАО-ның тәуелсіз сарапшысы Тормодур Тормодссон мырзаны жібергені үшін алғысын білдірді.Тараптар тұрақты байланыстарды қолдап отыруға уағдаласты.Келіссөздер достық және сенім атмосферасында өтті. Ақпарат көзі : https://www.gov.kz/memleket/entities/kazakhstanicao/press/news/details/1086097?lang=kk

Қазақстанның Адам құқықтары жөніндегі уәкілі Артур Ластаев Варшавада өткен ЕҚЫҰ Демократиялық институттар және адам құқықтары жөніндегі бюросының (БДИПЧ) Адам өлшемі жөніндегі конференциясының пленарлық отырысында сөз сөйледі. Шара төзімділік, кемсітушілікке жол бермеу және гендерлік теңдік тақырыптарына арналды.Омбудсмен өз баяндамасында Қазақстанның әйелдер мен ерлердің тең құқықтарын қамтамасыз ету бағытында жүйелі шаралар қабылдап жатқанын атап өтті.Артур Ластаевтың айтуынша, бүгінде мемлекеттік қызметтегі әйелдердің үлесі 55,8%, ал басшылық лауазымдардағы әйелдердің саны 39% құрайды. Сондай-ақ әйелдерге тыйым салынған мамандықтар тізімінің жойылуы мен партиялық сайлау тізімдеріне 30%-дық квота енгізілуі олардың кәсіби және саяси белсенділігін арттырды.Уәкіл тұрмыстық зорлық-зомбылықтың алдын алу саласындағы нақты нәтижелерге де тоқталды. Денсаулыққа жеңіл зиян келтіру мен ұрып-соғу әрекеттері қайтадан қылмыстық жауапкершілікке жатқызылды, елде «Цифрлық отбасы картасы» жобасы іске қосылып, дағдарыс және отбасылық қолдау орталықтары зардап шеккендерге көмек көрсетіп келеді.Статистикалық деректерге сәйкес, 2025 жылдың тоғыз айында отбасылық кісі өлтірулер 32%, ал ауыр дене жарақаты жағдайлары 17% азайған.«Қазақстан отбасындағы және әйелдерге қатысты зорлық-зомбылыққа төзбеу қағидатын ұстанады», — деді Артур Ластаев.Сөз соңында Омбудсмен зорлық-зомбылық пен кемсітушілікпен күресте халықаралық ынтымақтастықтың маңыздылығын атап өтіп, тәжірибе алмасу мен нақты іс-қимыл шараларын күшейтудің қажеттігін айтты.Ақпарат көзі : https://www.gov.kz/memleket/entities/ombudsman-aqmola-oblysy/press/news/details/1088538?lang=kk

Мариногорка ауылының тұрғыны, қазіргі таңда Алматы қаласында тұрып жатқан Карашанов Бахытбек және Ракишев Асет ауылымыздың мәдени өміріне қолдау көрсетіп, Мариногорка мәдениет үйіне проектор сыйға тартты.Аталған сыйлықты олардың аттарынан мәдениет үйінің меңгерушісі З.Н. Джунусоваға тапсырылды.Ауылдың рухани дамуына үлес қосып, демеушілік көрсеткен азаматтарға шынайы алғысымызды білдіремізАқпарат көзі : https://www.gov.kz/memleket/entities/vko-samar-marinogor/press/news/details/1086179?lang=kk

2025 жылғы 10-13 қазан аралығында Қазақстан Республикасының Ұлыбритания және Солтүстік Ирландиядағы Елшілігінің қолдауымен Ұлыбританияның Әзербайжан және Орталық Азия бойынша Сауда өкілі, Лордтар палатасының мүшесі Лорд Джон Алдердайс Қазақстанға ресми сапармен келді. Бұл сапар екі ел арасындағы әріптестіктің экономика, білім, инновация және орнықты даму сияқты бағыттарды қамти отырып, жаңа стратегиялық деңгейге шыққанының жарқын дәлелі болды.Сапар бағдарламасы Алматы мен Астананы қамтыды. Алматыда Лорд Алдердайс қала әкімі Д.Сатыбалдымен, Сыртқы істер министрінің орынбасары Ә. Қуантыровпен, сондай-ақ қазақстандық бизнес өкілдерімен кездесті. Астанада Премьер-Министрдің бірінші орынбасары Р. Склярмен, Ғылым және жоғары білім министрі С. Нұрбекпен, «Самұрық-Қазына» қорының төрағасы Н. Жақұповпен, АХҚО Басқарушысы Р. Бектұровпен және басқа да жоғары лауазымды тұлғалармен келіссөздер жүргізді.Тараптар Ұлыбритания компанияларының Қазақстандағы инвестициялық және инфрақұрылымдық жобаларға қатысуын кеңейту мәселелерін, сондай-ақ стратегиялық маңызды минералдар, энергетика, көлік, денсаулық сақтау, қаржы, цифрландыру және білім беру салаларында жаңа ынтымақтастық бағыттарын талқылады.Сапардың ең маңызды тақырыптарының бірі – ұзақ мерзімді әріптестіктің негізі саналатын білім беру саласы болды. Лорд Алдердайс Қазақстандағы De Montfort University Kazakhstan, Cardiff University Kazakhstan және Coventry University Kazakhstan сияқты британдық жоғары оқу орындарының кампустарына барып, олардың өңірге әлемдік деңгейдегі стандарттарды әкеліп жатқанын атап өтті, сондай-ақ Қазақстан-Британ техникалық университеті ұйымдастырған дөңгелек үстелге қатысты. Өткен айда De Montfort университеті алғашқы түлектерін шығарды – бұл елдегі британдық академиялық қатысудың маңызды кезеңі. Лорд Алдердайс Министр Саясат Нурбекпен бірге білім беру саласындағы ынтымақтастықты жаңа деңгейге шығару жолдарын талқылады.Лорд Алдердайсқа ерекше әсер қалдырған Нархоз университетіне барып, Queen’s University Belfast (Лорд Алдердайстың альма-матері) университетімен қос дипломды бағдарлама табысты жүзеге асырылып жатқанын білді. Бұл мысалдар екі ел арасындағы білім беру байланыстарының қаншалықты берік әрі серпінді дамып келе жатқанын көрсетеді. «Бұл университеттер тек Қазақстаннан ғана емес, әлемнің әртүрлі елдерінен келген студенттерге мүмкіндік беріп, нағыз халықаралық қауымдастық қалыптастырып жатыр», – деп атап өтті Лорд Алдердайс.Астана халықаралық қаржы орталығындағы кездесу Қазақстанда ағылшын құқығын қолданудың бірегейлігін инвестиция тарту және ашық бизнес ортасын қалыптастыру құралы ретінде ерекше көрсетті. «Қазақстан – Ұлыбританияның Орталық Азиядағы негізгі серіктесі, және біздің сауда-экономикалық ынтымақтастығымызды түрлі стратегиялық секторларда кеңейтуге зор мүмкіндік бар. Біз осы серпінді сақтап, екі елдің бизнесі мен қоғамдарына пайда әкелетін мүмкіндіктерді толық ашуымыз қажет», – деді ол.Бұл сапар Ұлыбританияның Қазақстанмен экономикалық ынтымақтастықты нығайту және орнықты өсімді қолдау жөніндегі кең ауқымды саясатының айқын көрінісі болды. 2025 жылдың алғашқы 8 айында екі ел арасындағы тауар айналымы 51,1%-ға өсіп, 874 млн АҚШ долларына жетті – бұл әріптестіктің артып келе жатқан маңызын дәлелдейді.Соңғы жылдары Қазақстан мен Ұлыбритания елеулі нәтижелерге қол жеткізді: британдық университеттердің кампустары мен мектептерінің ашылуы, стратегиялық маңызды минералдар саласындағы әріптестіктің дамуы, әлемдегі алғашқы пойыздағы спутниктік интернет қызметінің іске қосылуы (OneWeb және «Қазақстан Темір Жолы»), креативті және инфрақұрылымдық салаларда британдық тәжірибені ілгерілету, ауыл шаруашылығы мен тау-кен өнеркәсібіндегі ынтымақтастықты тереңдету. Экологиялық әріптестіктің жарқын символына Корольдік құстарды қорғау қоғамы (RSPB) жүзеге асырып жатқан «Алтын Дала» бастамасы айналды. Бұл жоба биоәртүрлілікті сақтау ісіне қосқан үлесі үшін беделді Earthshot сыйлығын алды.Лорд Алдердайстың сапары Қазақстан мен Ұлыбритания арасындағы қатынастар тек нығайып қана қоймай, сенімге, инновацияға және ортақ болашаққа негізделген халықаралық ынтымақтастықтың үлгісіне айналуда екенін дәлелдеді. Ақпарат көзі : https://www.gov.kz/memleket/entities/mfa-london/press/news/details/1086205?lang=kk

2025 жылдың 27 маусымында бір жағынан Еуразиялық экономикалық одақ пен оның мүше мемлекеттері мен екінші жағынан Біріккен Араб Әмірліктері арасында экономикалық әріптестік туралы келісімге қол қойылды. Келісім тауар позицияларының едәуір саны бойынша импорттық кедендік баждарды өзара төмендетуді немесе нөлге жеткізуді көздейді. Шын мәнінде бұл салалық ынтымақтастықты дамыту, шағын және орта бизнестің, электрондық сауданың өзара іс-қимылын жандандыру және т. б. бойынша қосымша ережелермен еркін сауда туралы классикалық толыққанды келісім болып табылады. Қазіргі уақытта Келісім Еуразиялық экономикалық одаққа мүше мемлекеттерде ратификациялау рәсімінен өтіп жатыр.Осыған байланысты Қазақстан Республикасының сауда және интеграция министрлігі "бір жағынан Еуразиялық экономикалық одақ пен оның мүше мемлекеттері мен екінші жағынан Біріккен Араб Әмірліктері арасындағы экономикалық әріптестік туралы келісімді ратификациялау туралы "Қазақстан Республикасы Үкіметінің" Қазақстан Республикасы Заңының жобасы туралы " қаулысының жобасын ресми интернет-ресурста және "Ашық НҚА" интернет-порталында жариялайды"Ашық НҚА" интернет-порталында осы жоба бойынша 2025 жылдың 13 қазанынан 29 қазанына дейін жария талқылау өтеді. (сілтеме: https://legalacts.egov.kz/npa/view?id=15625102 )Ақпарат көзі : https://www.gov.kz/memleket/entities/mti/press/news/details/1086223?lang=kk

Аталған шара Әмбебап мерзімдік шолу (ӘМШ) және Азаматтық және саяси құқықтар туралы халықаралық пакт (АСҚХП) шеңберінде Қазақстанның ұлттық баяндамаларын қорғау қорытындыларына арналды.Әділет вице-министрі Ботагөз Жақселекова ҚР БҰҰ алаңында екі ұлттық баяндаманы қорғау рәсімдерінен сәтті өтуі туралы ақпарат ұсынды. Алынған ұсынымдарды орындау мақсатында азаматтық қоғам мен халықаралық серіктестердің қатысуымен қабылданған міндеттемелерді кезең-кезеңімен және жүйелі түрде іске асыру бойынша жұмыс жүргізілетінін айтты.Вице-министр Президенттің реформаларына БҰҰ-ның мүше мемлекеттері мен сарапшылары тарапынан көрсетілген қолдауды атап өтті. Бұл реформалар заң үстемдігін нығайтуға, адам құқықтарын қорғауға және демократиялық институттарды дамытуға бағытталған.Іс-шараны қорытындылай келе, Ботагөз Жақселекова дипломатиялық корпус өкілдеріне адам құқықтарын қорғау мәселелеріне ұдайы көңіл бөлгендері үшін алғысын білдіріп, Қазақстанның халықаралық міндеттемелерін іске асыру саласында одан әрі сындарлы өзара іс-қимыл мен тәжірибе алмасуға дайын екенін атап өтті.Ақпарат көзі : https://www.gov.kz/memleket/entities/adilet/press/news/details/1086237?lang=kk

Қызметтің жекелеген түрлері бойынша міндетті тіркеу Құрметті салық төлеушілер! ҚазақстанРеспубликасыныңСалықкодексінесәйкесжекелегенқызметтүрлерінжүзеге асыратын тұлғалар салық төлеушіретіндеміндеттітіркелугежататынынескесаламыз. Қандай жекелеген қызмет түрлері міндетті тіркеуге жатады? - бензинді (авиациялық бензиннен басқа), дизель отынын, газохолды, бензанолды, мұнай еріткішін, жеңіл көмірсутек қоспаларын, экологиялық отынды өндіру;- бензинді (авиациялық бензиннен басқа), дизель отынын, газохолды, бензанолды, мұнай еріткішін, жеңіл көмірсутек қоспаларын, экологиялық отынды көтерме және (немесе) бөлшек саудада өткізу;- этил спиртін және (немесе) алкоголь өнiмдерін өндiру;- алкоголь өнiмдерiн көтерме және (немесе) бөлшек саудада өткізу;- темекi бұйымдарын өндiрудi және (немесе) көтерме саудада өткізу;- ойын бизнесi;- Салық кодексінің 462-бабының бірінші бөлігінің 6) тармақшасында көзделген акцизделетін тауарларды өндіру, жинау (жинақтау);- тауарлармен электрондық сауда. Егер сіз осы қызмет түрлерінің бірін жүргізсеңіз, https://www.elicense.kz сайт арқылы хабарландыруды тіркеу және беру міндетті болып табылады.  Тіркеу мерзімі – 3 жұмыс күні ішінде:- хабарлама берілген күннен бастап;-немесе(лицензияланатынқызмет түрлері үшін)рұқсаттарменхабарламалартізіліміненмәліметтералғаннанкейін. Хабарламаны қалай беруге болады? ҚР Ұлттық экономика министрінің 2015 жылғы 6 қаңтардағы № 4 бұйрығына сәйкес хабарламаны келесі тәсілдермен беруге болады:- elicense.kz арқылы электронды түрде;- қағаз нысанда – объектінің орналасқан жері бойынша Мемлекеттік кірістер органдарына. Жүйелердің жаңа интеграциясы Қазіргіуақытта"ИСНА"ақпараттықжүйелерімен elicense.kz арасында автоматтандырылғандеректералмасужұмысістейді.Бұлтіркеудіжылдамдатадыжәнепроцестіжеңілдетеді.Жүйеніңдұрысжұмыс істеуі үшінмекен-жайдыңтіркеукоды(МТК)болуықажет.Егер жылжымайтын мүлік объектісінде МТК болмаса, онда мекен-жайды тағайындау үшін сәулет және қала құрылысы бөліміне жүгіну немесе https://egov.kz/cms/ru/services/buy_sale/passP2203_mpsсілтемебойынша"Электрондықүкімет"порталынаөтінім беру қажет. Сонымен бірге, өтініш берушіге "Электрондық үкімет" порталында https://egov.kz/cms/ru/services/pass668_mir сілтемесі бойынша жылжымайтын мүліктің мекен-жайын нақтылау (тағайындау/жою) туралы анықтама қол жетімді. Павлодар облысы бойынша МКД жанама салықтарды әкімшілендіру басқармасыАқпарат көзі : https://www.gov.kz/memleket/entities/kgd-pavlodar/press/news/details/1086252?lang=kk

Қорғаныс министрлігі бұқаралық ақпарат құралдары өкілдері мен блогерлер үшін «Батыс» өңірлік қолбасшылығы мен Әскери-теңіз күштерінің әскери бөлімдеріне арнайы баспасөз турын ұйымдастырды.Бейнеу гарнизонында журналистерді Қорғаныс министрінің орынбасары вице-адмирал Серік Борамбаев пен «Батыс» өңірлік қолбасшылығы әскерлерінің қолбасшысы генерал-майор Бауыржан Артықов қарсы алды. БАҚ өкілдері сарбаздардың оқу процесі, жауынгерлік және дене дайындығы, сондай-ақ ұжым ішіндегі моральдық-психологиялық ахуалды қолдау шараларымен танысты.Журналистер казармалар мен асхананы, оқу сыныптарын, психологиялық жеңілдеу бөлмелерін аралап көрді. Сондай-ақ монша-кір жуу кешені, азық-түлік және заттай мүлік қоймалары көрсетілді. Әскери қызметшілердің тұрмыстық және материалдық қамтамасыз етілу тәртібі таныстырылды.Қонақтарға қару-жарақ пен әскери техника үлгілері ұсынылып, әскери бөлім аумағында экскурсия ұйымдастырылды. Онда олар жеке құрамның жауынгерлік дайындық бойынша өткізетін сабақтарына қатысып, оның ұйымдастырылу барысымен танысты.Бөлімде журналистер сарбаздармен, олардың ата-аналарымен және бөлімше командирлерімен сұхбаттасты. Ашық пікір алмасу барысында БАҚ өкілдері қоғамды толғандырып жүрген бірқатар маңызды сауалдарға нақты жауап алды. Кездесу соңында қонақтар әскери қызметшілермен бірге ағаш көшеттерін отырғызды.Баспасөз туры Ақтау гарнизонында жалғасын тапты. Мұнда елордалық делегацияны Әскери-теңіз күштерінің бас қолбасшысы бірінші дәрежелі капитан Қанат Ниязбеков қарсы алды.Журналистер кемелердің техникалық жарақтандырылуымен, теңізшілердің кәсіби даярлық жүйесімен, сүңгуірлердің жабдықтарымен және экипаждың күнделікті қызметімен танысты. Қонақтар кеме құрамын аралап, матростармен және олардың командирлерімен пікір алмасты.Әскери-теңіз күштері қызметінің ашықтығы, командалық құрамның сұхбаттасуға дайындығы, сондай-ақ жеке құрамның кәсіби біліктілігі мен қазіргі заманға сай жабдықталуы БАҚ өкілдерінің оң бағасын алды.Баспасөз туры Қарулы күштердің қызметін бұқаралық ақпарат құралдары арқылы кеңінен таныстыруға және қоғаммен байланысын нығайтуға мүмкіндік берді.Ақпарат көзі : https://www.gov.kz/memleket/entities/mod/press/news/details/1086258?lang=kk

Шымкент қаласы қорғаныс істері жөніндегі департаментінің жинау пунктінде 56 азаматты әскер қатарына шығарып салуға арналған салтанатты рәсімі өтті. Күзгі әскерге шақыру науқаны аясында 240 әскерге шақырылушы жас жауынгер курсынан өтуге әскери бөлімдерге барды. Бұл жолы 21 азамат Мемлекеттік күзет қызметіне, ал 35 жігіт Талдықорғандағы Десанттық-шабуылдау бригадасына жіберілді.Іс-шараға қалалық әкімдіктің, қорғаныс істері жөніндегі департаментінің өкілдері, ардагерлер мен әскерге шақырылушылардың ата-аналары қатысты. Салтанатты рәсімге қатысушылар болашақ Отан қорғаушыларға зор денсаулық, әскери істі меңгеруде табандылық және қызметте жетістік тіледі.Оларға арнап Шымкент қаласындағы соғыс ардагерлері мен Ауған соғысы мүгедектері кеңесінің төрағасы Серғали Рысбеков, Мемлекеттік күзет қызметінің өкілдері капитан Көпбай Темірбеков, 18404 әскери бөлімінің өкілдері майор Нұрлан Толдыбаев, сондай-ақ әскерге шақырылушылардың ата-аналары сөз сөйледі.Іс-шараның ресми бөлігі Қазақстан Республикасының Мемлекеттік Туын шығару рәсімімен аяқталған соң қатысушылар мен қонақтарға арналған концерттік бағдарлама қойылды.Күзгі әскерге шақыру науқаны аясында Шымкенттен мерзімді әскери қызметке 1500-ге жуық азамат әскерге жіберілетінін айта кеткен жөн.Ақпарат көзі : https://www.gov.kz/memleket/entities/mod/press/news/details/1085755?lang=kk

ҚР Оқу-ағарту министрлігі жариялаған «Ұстазға алғыс» апталығы аясында Бесқарағай ауданы білім бөлімінің басшысы М.Кәдірбеков ауданымыздың ардагер ұстаздарын кәсіби мерекелері – Ұстаздар күнімен шын жүректен құттықтады. Ардагер ұстаздарымыз – өскелең ұрпаққа сапалы білім мен саналы тәрбие беріп, ауданымыздың білім саласының дамуына өлшеусіз үлес қосқан құрметті жандар. «Ұстаз – ұлы тұлға, шәкірт жүрегінде мәңгі сақталатын есім» дегендей, Сіздердің ерен еңбектеріңіз әрқашан ел жадында.Барша ұстаздарға мықты денсаулық, отбасы амандығы, еңбектеріңізге жеміс тілейміз! Ақпарат көзі : https://www.gov.kz/memleket/entities/beskaragay-roo/press/news/details/1085769?lang=kk

Облыс әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтіп, оған құқық қорғау органдарының бірінші басшылары, басқарма басшылары, қала, аудан әкімдері қатысты.Нұрлыбек Машбекұлы Қызылорда облысы бойынша Қылмыстық-атқару жүйесі департаментінің бастығы болған Шаймерден Есенкелдиевті басқа қызметке ауысуына байланысты құрметпен шығарып салды. Ол ротация тәртібімен Ақтөбе облысы бойынша Қылмыстық-атқару жүйесі департаментінің бастығы лауазымына тағайындалды.«Бүгін Өздеріңізбен бірге әріптесіміз Шаймерден Тәжіқұлұлы Есенкелдиевті басқа қызметке ауысуына байланысты шығарып салу үшін арнайы жиналдық. Әріптесіміз еңбек жолын қарапайым полиция қызметкерінен бастап, жоғары басшылық лауазымға дейін сатылап өскен азаматтардың бірі. Өңірімізде алты жыл нәтижелі жұмыс жасап, департамент жоғары жетістіктерге қол жеткізді.Мемлекет басшымыз Қасым-Жомарт Кемелұлы «Қылмыстық атқару жүйесін барынша жетілдіру қажет. Негізгі мақсат – сотталған адамды қоғамнан алшақтату емес. Тиісті тәрбие жұмысын жүргізу өте маңызды. Олардың бойына заң мен тәртіп құндылығын сіңіретін және қалыпты өмірге оралуына ықпал ететін озық тәсілдерді енгізу керек», – деген болатын.Аймағымызда атқарылған жүйелі жұмыстардың арқасында соңғы жылдары жазасын өтеушілерді еңбекке тарту үлесі 68 пайызға өсті. №60 мекемеде 18 өндірістік цех іске қосылып, 400-ден астам бас бостандығынан айырылған азамат жұмыспен қамтылып, қайта әлеуметтендірілді.Қылмыстық-атқару жүйесі инфрақұрылымын жақсарту бағытында жергілікті атқарушы органдармен бірлесіп, ауқымды жұмыс атқарылды. № 60 мекемеге 91 млн. теңгеге 97 электрондық есік орнатылып, № 68 мекеменің емхана ғимаратына 171 млн. теңгеге күрделі жөндеу жүргізілуде. Пробация қызметінің тиімділігін арттыру мақсатында жергілікті бюджет есебінен 39 млн. теңгеге серверлік жүйе орнатылып, 34 млн.теңгеге 176 смарт-білезік алынды. Бұл шаралар қайта қылмысқа бару деректерін 28 пайызға дейін азайтуға мүмкіндік берді», –деді облыс әкімі.Басқосуда Шаймерден Тәжіқұлұлына өңірдің әлеуметтік-экономикалық дамуына, қоғамдық қауіпсіздік пен құқықтық тәртіпті қамтамасыз етуге қосқан үлесі үшін Қызылорда облысының Құрмет грамотасы, «Қызылорда облысының дамуына қосқан үлесі үшін» медалі мен облыс әкімінің Алғыс хаты табысталды.Облыс прокуроры Ризабек Ожаров құттықтау сөз сөйлеп, ізгі тілегін жеткізді.Ақпарат көзі : https://www.gov.kz/memleket/entities/kyzylorda/press/news/details/1085778?lang=kk

ҚР ҚМ Мемлекеттік кірістер комитеті форс-мажорлық жағдайларды болдырмау мақсатында төмендегіні ақпаратты хабарлайды.Ағымдағы жылдың 3 шілдесінде Әзірбайжан Республикасында (бұдан әрі-АЖ) «Жасыл карта» берілмейтін басқа елдерде тіркелген көлік құралдарының иелері үшін шекаралық сақтандыру шарттарын ресімдеуді жеңілдету мақсатында онлайн-платформа іске қосылды www.tpl.az.Платформа көлік құралдарының иелеріне елге кіргенге дейін қосымша уақыт пен кезекте күтусіз онлайн режимінде сақтандыру шартын ресімдеуге, сондай-ақ төлемді электрондық түрде жүзеге асыруға мүмкіндік береді.Сондай-ақ, Елшілік қазіргі уақытта АР-да шекаралық сақтандыру шарттарын сақтандыру компанияларының қызметкерлері мемлекеттік шекараның бақылау-өткізу пункттерінде (бұдан әрі-БӨП) ресімдейтінін атап өтті.Сонымен қатар, ағымдағы жылдың 1 қазанынан бастап БӨП-да ресімдеу тоқтатылады және шекаралық сақтандыру шарттарын жасасу алдын ала – онлайн-платформа арқылы ғана мүмкін болады www.tpl.az немесе АР аумағында жұмыс істейтін сақтандыру компанияларына жүгіну арқылы.Ақпарат көзі : https://www.gov.kz/memleket/entities/kgd-karaganda/press/news/details/1086012?lang=kk