Республикалық маңызы бар қалалардың және елдің облыс орталықтарының жинау пункттерінен әскерге шақырылушылардың бірінші легі ҰҚК Шекара қызметінің бөлімшелеріне жөнелтілді.Астана қаласының қорғаныс істері жөнініндегі департаментінде өткен салтанатты шығарып салу рәсіміне жергілікті әскери басқару органдарының өкілдері, Қарулы күштердің ардагерлері, «Жас сарбаз» әскери-патриоттық қозғалысының тәрбиеленушілері, әскер қатарына алынғандардың туған-туыстары қатысты.Елордалық қорғаныс істері жөніндегі департаментінің бастығы полковник Руслан Балтеміров маусым айының соңына дейін елорда 1 400-ден астам астаналықты мерзімді әскери қызметке жіберуді жоспарлап отырғанын атап өтті.Алматыда Шекара қызметі бөлімшелеріне 46 азаматты салтанатты түрде шығарып салды. Аталмыш рәсімге тоғыз баланың анасы, «Алтын алқа» иегері Айжан Шанашова қатысты.– Әскерде ұлым шыңдалып, Отан алдындағы азаматтық борышын абыроймен орындап келеріне күмәнім жоқ. Ол саналы түрде және еш ойланбастан әскерге баратынын айтты, – деді көп балалы ана.Шығыс Қазақстан облысында да әскерге шақыру науқаны қарқын алуда. Биыл өңір мерзімді әскери қызметке 650-ге жуық азаматты жібермек. Армияда олар әскери істің негіздерін үйреніп, әскери-есептік мамандық меңгереді. Тәртіп пен жауапкершілікке қалыптасады.Маңғыстау облысында бірінші болып 22 әскерге шақырылушы әскерге аттанды. Алдымен олар Алматы облысындағы шекара қызметінің оқу-жаттығу орталығында алғашқы әскери дайындықтан өтеді. Көктемгі науқан аясында облыстан барлығы 800-ге жуық азаматты әскер сапына алу жоспарланып отыр.– Әскердегі қызмет – мен үшін шымыр, тәртіпті болуға және Отанды қорғауға өз үлесімді қосуға берілген мүмкіндік. Бұл қызметті мақтанышпен әрі абыроймен атқаруға тырысамын, – деп атап өтті Маңғыстау облысынан әскерге шақырылушы Бекзат Әбілханұлы.Ақтөбе облысында да Алматы облысына қарайтын Шекара қызметінің әскери бөлімшелеріне алғашқы 23 әскерге шақырылушыны жөнелту рәсімі өтті. Алдағы уақытта бұл өңір 1000-нан аса адамды әскерге шақырады.Мерзімді әскери қызмет өткеру кезеңінде, сондай-ақ запасқа шығарылғаннан кейін екі ай ішінде әскери қызметшілер үшін кредиттік демалыс қолданылады. Бұдан өзге жауынгерлік даярлықтан үздік сарбаздар мемлекеттік грант бойынша ҰБТ тапсырусыз еліміздің жоғары оқу орындарына түсу мүмкіндігіне ие болады.Ақпарат көзі : https://www.gov.kz/memleket/entities/mod/press/news/details/1185057?lang=kk

ҚР Сауда және интеграция министрлігі ағымдағы аптадан бастап бейнеконференцбайланыс режимінде Еуразиялық экономикалық комиссияда қызметкерлер лауазымдарына қатысуға ниет білдірген кандидаттармен әңгімелесу өткізілетінін хабарлайды.Әңгімелесуді өткізу уақыты мен күні кандидаттарға қосымша хабарланатын болады.Әңгімелесу барысында кандидаттардың кәсіби деңгейі және олардың Қазақстан Республикасының Премьер - Министрі – Сауда және интеграция министрі 2022 жылғы 4 шілдедегі № 280-НҚ бұйрығымен бекітілген «Еуразиялық экономикалық комиссия қызметкерлерінің бос лауазымдарына орналасуға кандидаттарды біліктілік іріктеу қағидаларының» 10-тармағында көрсетілген өлшемшарттарға сәйкестігі бағаланатын боладыАқпарат көзі : https://www.gov.kz/memleket/entities/mti/press/news/details/1185029?lang=kk

Бақылау және құжаттамалық қамтамасыз ету департаментінің ұйымдастыруымен Қазақстан Республикасы Сауда және интеграция министрлігінің Қазақстан Республикасында тіл саясатын дамытудың 2023–2029 жылдарға арналған тұжырымдамасын іске асыру жөніндегі 2026 жылға арналған іс-шаралар жоспары аясында ағымдағы жылғы 17 наурызда «Мемлекеттік тілде құжат әзірлеудің ерекшеліктері» тақырыбында семинар өтті.Аталған семинарға Министрлікке жаңадан қабылданған мемлекеттік қызметшілер қатысты. Сонымен қатар аумақтық бөлімшелердің қызметкерлері онлайн форматта қатысу мүмкіндігіне ие болды.Семинар барысында қатысушыларға мемлекеттік тілдің қолданылу аясын кеңейту, ресми құжаттарды мемлекеттік тілде дұрыс және сауатты ресімдеу қағидаттары түсіндірілді. Сондай-ақ құжаттарды әзірлеу кезінде жиі кездесетін қателіктерге тоқталып, оларды болдырмау жолдары бойынша нақты мысалдар келтірілді.Іс-шара барысында қатысушыларға әдістемелік көмек көрсетіліп, практикалық тапсырмалар берілді. Қатысушылар өздерін қызықтырған сұрақтарын қойып, тиісті жауаптар алды.Аталған семинар мемлекеттік тілдің мәртебесін арттыруға, оны іс жүргізуде кеңінен қолдануға және қызметкерлердің тілдік құзыреттілігін жетілдіруге бағытталды.Ақпарат көзі : https://www.gov.kz/memleket/entities/mti/press/news/details/1185037?lang=kk

Алматы облысында «Алатау аманаты» жобасы аясында өңірдің туристік әлеуетін дамытуға бағытталған ауқымды жұмыстар жүргізілді. Атап айтқанда, Қастек шатқалынан бастап, Шарын ұлттық табиғи паркінің аумағына дейін жалпы ұзындығы 1 500 шақырымнан асатын туристік маршрут кешенді түрде зерттелді.Зерттеу барысында табиғи нысандар, тарихи-мәдени көрікті жерлер, инфрақұрылым мүмкіндіктері толық қамтылып, барлық қауіпсіздік талаптары сақталды. Зерттеу қорытындысы бойынша маршруттар жүйеленіп, 2GIS, Yandex Maps және Google Maps сияқты заманауи цифрлық платформаларға енгізілді.Аталған жобаның іске асырылуы маршруттарды оңай жоспарлауға, нақты бағыт-бағдарды айқындауға және қауіпсіз саяхат жасауға мүмкіндік береді. Сонымен қатар бұл бастама экологиялық туризмнің дамуына, табиғи мұраны сақтауға және жергілікті халықтың табысын арттыруға ықпал етеді.«Алатау аманаты» жобасы тұрақты даму қағидаттарына негізделген және халықаралық стандарттарға сәйкес өңірдегі туризмді дамытудың кешенді тәсілінің үлгісі болып есептеледі.Ақпарат көзі : https://www.gov.kz/memleket/entities/almobl/press/news/details/1185010?lang=kk

Мемлекет басшысы «Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2026 жылдың наурыз-маусымында және қыркүйек-желтоқсанында мерзімді әскери қызметке кезекті шақыру туралы» Жарлыққа қол қойды.Президент Жарлығына сәйкес, 17 наурыздан бастап қалалық және аудандық шақыру комиссиялары әкімдердің орынбасарларының төрағалығымен азаматтарды мерзімді әскери қызметке шақыруды бастады.Осыған орай Қорғаныс министрлігінде 2026 жылғы көктемде азаматтарды Қарулы күштерге, басқа да әскерлер мен әскери құралымдарға мерзімді қызметке шақыруды ұйымдастыруға арналған кеңес өтті.Аталған жиынға Қорғаныс министрінің бірінші орынбасары – Қазақстан Республикасы Қарулы күштері Бас штабының бастығы генерал-лейтенант Қаныш Әбубәкіров төрағалық етті.Кеңеске Ішкі істер, Денсаулық сақтау министрліктерінің, Ұлттық ұланның және ҰҚК Шекара қызметінің өкілдері қатысты. Облыс және республикалық деңгейдегі қала әкімдерінің орынбасарлары, сондай-ақ әскерге шақыру науқанына жауапты лауазымды тұлғалар видеоконференцбайланыс арқылы қосылды.Жиын барысында 2026 жылғы көктемгі шақыру науқанын ұйымдастыру және өткізу, шақыру пункттерінде бірыңғай тәсілдер мен талаптарды қалыптастыру, шақыру комиссияларының жұмысын жетілдіру мәселелері қаралды. Сонымен қатар әскерге шақыру науқаны кезіндегі мемлекеттік органдардың өзара іс-қимылын жетілдіру бағыттары, өзекті мәселелер мен оларды шешу жолдары жан-жақты талқыланды.Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров еліміздің егемендігі мен аумақтық тұтастығын қорғау әскердің жауынгерлік даярлық деңгейіне, жасақталуы мен кадрлық әлеуетіне тікелей байланысты екенін атап өтті. – Мерзімді әскери қызметтен өткен азаматтар әскери-оқытылған резервтің негізін қалайды және осы резерв ұлттық қауіпсіздікке қатер төнген жағдайда елімізді қорғауға шұғыл тартылады. Сол себепті азаматтарды мерзімді әскери қызметке шақыру мемлекеттің басты міндеттерінің бірі болып қала береді, – деді генерал-лейтенант Қаныш Әбубәкіров.Кеңесте Бас штаб бастығының орынбасары – Ұйымдастыру-жұмылдыру жұмыстары департаментінің  бастығы генерал-майор Алмас Исабеков баяндама жасады. Ол өз сөзінде 2025 жылғы әскерге шақыру нәтижелері мен биылғы көктемде азаматтарды мерзімді әскери қызметке шақыруды ұйымдастыру шаралары туралы егжей-тегжейлі мәлімет берді.Биылғы көктемгі науқан аясында 30 маусымға дейін 18-27 жас аралығындағы 21 мыңнан астам азаматты Қарулы күштердің, басқа да әскерлер мен әскери құралымдардың қатарына шақыру жоспарланып отыр. Оның ішінде 11 мыңнан астам адам Қарулы күштерге, 7 мыңнан астам адам ІІМ Ұлттық ұланына, 2 мыңға жуық адам ҰҚК Шекара қызметіне, 400-ге жуық адам Төтенше жағдайлар министрлігіне, 300 адам Мемлекеттік күзет қызметіне шақырылады.Кеңес соңында генерал-лейтенант Қаныш Әбубәкіров мерзімді әскери қызметті ұйымдастыру жұмыстарын оңтайландыру және сапалы жүзеге асыру аясында жауапты адамдарға бірқатар нақты тапсырмалар беріп, Президент Жарлығын орындау мақсатында барлық мемлекеттік органдарды өзара тығыз іс-қимыл мен бірлескен жауапкершілікке шақырды.Ақпарат көзі : https://www.gov.kz/memleket/entities/mod/press/news/details/1184976?lang=kk

Наурызнама аясындағы Жаңару күні – экологиялық мәдениетті қалыптастыруға бағытталған маңызды күндердің бірі. Бұл күні өңірлерде жаппай ағаш отырғызу акциялары ұйымдастырылып, тазалық сенбіліктері өткізіледі. Табиғатты қорғау идеясын дәріптеп, қоғамдағы бірлік пен жауапкершілікті арттыруға ықпал ететін мұндай іс-шаралар Қарулы күштердің әскери бөлімдері мен мекемелерінде де жүзеге асырылды.Жаңару күніне орай Жетісу гарнизонында өткен көгалдандыру акциясына Қорғаныс министрінің тәрбие және идеологиялық жұмыстар жөніндегі орынбасары генерал-майор Асқар Мұстабеков қатысты.«Жұлдыз» ықшам ауданындағы әскери жатақхана маңында ұйымдастырылған аумақты абаттандыру және ағаш көшеттерін отырғызу жұмыстарына әскери қызметшілер, олардың отбасы мүшелері, сондай-ақ «Жетісу тарландары» әскери-патриоттық клубының тәрбиеленушілері бір кісідей жұмылдырылды.Министрдің орынбасары Наурыз мерекесінің тағылымы мол тәрбиелік маңызының бірі – табиғатты аялап, жасыл желекті сақтау екенін атап өтті.– Табиғатты қорғау – бәріміздің ортақ міндетіміз. Ұлыстың ұлы күні дәстүр бойынша арықтар тазаланып, жас ағаш көшеттері отырғызылады. «Жаңа күн», «жаңару» деген мағынасына сәйкес, барлық жақсылық осы күннен бастау алып, жан тазалығымен қатар қоршаған ортаның тазалығын сақтаудан көрініс табады. Әскери қызметшілермен бірге қала тұрғындары да осы игілікті іске бір кісідей атсалысты, – деді ол.Акция барысында 20-ға жуық түрлі жеміс ағашы отырғызылды. Әскери қызметшілер мұндай бастамалардың табиғатты қорғау мәдениетін қалыптастырып қана қоймай, қоғам бірлігін нығайтуға ықпал ететінін дәлелдеді.Мұндай игі іс-шара Ақтау гарнизонында да жалғасын тапты. Әскери-теңіз күштері гидрографиялық қамтамасыз ету қызметінің жеке құрамы әскери бөлім аумағында және Түпқараған ауданындағы Қызылөзен маягы маңында жүзге жуық тал мен гүл отырғызып, аумақты абаттандыру жұмыстарын жүргізді.– Бүгінгі акция барысында өңірдің климатына сай келетін жас ағаштар мен гүлдер егілді. Көшеттерді дұрыс отырғызу олардың тез тамыр жайып, өсіп кетуіне мүмкіндік береді. Сонымен бірге, Жаңару күніне орай ұйымдастырылған бұл іс-шарада жеке құрам өздерінің еңбекқорлығын, бірлігі мен достық қарым-қатынасын тағы бір мәрте көрсетті, – деді гидрографиялық қамтамасыз ету қызметі бастығының тәрбие және идеологиялық жұмыстар жөніндегі орынбасары 3-дәрежелі капитан Ерлан Сабиғат.Шымкент гарнизонындағы 35748 әскери бөлімінде де ағаш егу акциясы ұйымдастырылды. Жеке құрам бөлім аумағына 100-ден астам ағаш отырғызды.Әскери қызметшілердің қатысуымен өткізілетін тазалық акциялары мен көгалдандыру бағытындағы жұмыстар алдағы уақытта да жалғасын табатын болады.Ақпарат көзі : https://www.gov.kz/memleket/entities/mod/press/news/details/1184905?lang=kk

Қазақстанның Қаржы министрлігі орнықты даму саласындағы ақпарат ашықтығының халықаралық стандарттары – S1 және S2 ХҚЕС (IFRS) енгізу бойынша жүйелі жұмысты жалғастырып келеді. Атап айтқанда, видеоконференция форматында өткен ведомствоаралық жұмыс тобының отырысында осы бағыттағы өзекті мәселелер пысықталды.S1 және S2 IFRS стандарттары халықаралық есеп берудің жаңа ережелері болып саналады. Жаңа талаптар арқылы кез келген компания өз қызметінің экология мен қоғамға қалай әсер ететіні жайлы, сондай-ақ ұйымның жұмысына қандай климаттық сын-қатер төнуі мүмкін екенін айтуға міндетті болады.Кеңестің күн тәртібінде Қазақстанда 2027-2028 жылдарға арналған S1 және S2 ХҚЕС стандарттарын кезең-кезеңімен енгізу жөніндегі Жол картасын іске асыру мәселелері қаралды. Аталған құжат БҰҰ Даму бағдарламасымен бірлесіп дайындалған әрі онда 37 іс-шара қамтылып, бұл стандарттарды елімізде енгізу үшін нормативті, институционалды және әдіснамалық негізді қалыптастыруға байланысты бірізді қадамдар айқындалған.Жұмыс тобы аталған стандарттар қай уақыттан бастап міндетті түрде қолданылатынын анықтауды, осы бағыттағы тиісті ұйымдарды іріктеу үшін өлшемшарттар мен шектерді белгілеуді, S1 және S2 ХҚЕС сәйкес дайындалған есептілік аудитіне тәсілдерді қалыптастыруды, сондай-ақ бұл талаптардың сақталуын қамтамасыз ету жөніндегі шараларды әзірлеуді қоса алғанда, оның болашақтағы қолдану өлшемдерін пысықтап шықты.«S1 және S2 ҚЕХС енгізу Қазақстанның корпоративті есептілік жүйесін дамытудағы маңызды кезең. Бұл ақпарат ашықтығының сапасын арттыруға, орнықты даму мәселелеріне назар аударуды күшейтуге және еліміздің инвестициялық тартымдылығын арттыруға қосымша жағдайлар жасауға мүмкіндік береді. Біз практикалық шешімдер ұсыну үшін бизнеспен тығыз ведомствоаралық байланыс жасауға дайынбыз», деді отырыс соңында ҚР Қаржы вице-министрі Даурен Кеңбеил. Ақпарат көзі : https://www.gov.kz/memleket/entities/minfin/press/news/details/1184782?lang=kk

ҚР Ұлттық экономика министрлігі еліміздегі моноқалалар тізбесін жаңартты. Тиісті өзгеріс «Қазақстан Республикасы моноқалаларының тізбесін бекіту туралы» ҚР Ұлттық экономика министрінің 2023 жылғы 21 қарашадағы №248 бұйрығына енгізілді.ҚР Премьер-Министрінің орынбасары – ұлттық экономика министрінің 2026 жылғы 10 наурыздағы №75 бұйрығына сәйкес Екібастұз қаласы моноқалалар тізбесінен шығарылды.Тізбені жаңарту Мемлекет басшысының 2024 жылғы 2 қыркүйектегі Қазақстан халқына Жолдауында айтылған тапсырмасын орындау үшін жүргізілді. Құжатта елдің басқа моноқалаларын дамыту үшін Саран қаласының экономикасын әртараптандырудың табысты тәжірибесін тарату міндеті қойылған болатын.Осы жұмыс шеңберінде Ұлттық экономика министрлігі моноқалалардың әлеуметтік-экономикалық дамуына өнеркәсіп өндірісінің серпіні, инвестициялық белсенділік, кәсіпкерлікті дамыту, жұмыспен қамту құрылымы және экономиканың орнықтылығының басқа да параметрлері секілді 78 негізгі көрсеткіш бойынша кешенді талдау жүргізді.Талдау нәтижесі бойынша, Екібастұз экономиканы әртараптандырудың тұрақты үрдісін, дамудың монопрофильді моделінен біртіндеп шығуды көрсетті. Қала экономикасы теңдестірілген салалық құрылыммен, өнеркәсіптің тұрақты өсуімен және жоғары инвестициялық белсенділікпен сипатталады.Бүгінгі таңда Екібастұз еліміздің энергетика және металлургия саласында шешуші рөл атқаратын маңызды өнеркәсіп орталығы болып отыр. 2025 жылғы қорытынды бойынша қаладағы өнеркәсіп өндірісінің көлемі 1 629,4 млрд теңге. Бұл 2024 жылғы сәйкес кезеңмен салыстырғанда, 28,1%-ға артық. Негізгі капиталға салынған инвестиция 429,8 млрд теңгеге жетіп, өткен жылғы көрсеткішпен салыстырғанда 1,2 есе өскен.Халықты жұмыспен қамту экономиканың бірнеше секторы арасында бөлінген. Бұл бір қала құраушы кәсіпорынға тәуелділіктің төмендеуін және монофункционалдылық белгінің жоғалуын көрсетеді. Осыған байланысты, оң әлеуметтік-экономикалық көрсеткіштерді ескере отырып, Екібастұзды моноқалалар тізбесінен шығару туралы шешім қабылданды.Жаңартылған бұйрықпен 19 моноқаланың тізбесі бекітілді: Абай, Ақсай, Ақсу, Алтай, Балқаш, Жаңаөзен, Жітіқара, Лисаковск, Қаражал, Кентау, Құлсары, Курчатов, Риддер, Рудный, Сәтбаев, Степногорск, Теміртау, Шахтинск және Хромтау. Осылайша, елдегі моноқала саны 20-дан 19-ға дейін қысқарды.Тізбені өзектендіру моноқалаларға қатысты мемлекеттік саясаттың атаулылығын арттыруға және экономиканың қала құраушы кәсіпорындарға жоғары тәуелділігі сақталатын аумақтарда қолдау шараларын шоғырландыруға бағытталған.Екібастұзды тізбеден шығару қала экономикасының табысты трансформациясының көрсеткіші. Оны әртараптандырудың, кәсіпкерлікті дамыту мен инвестиция тартудағы жүйелі жұмыстың нәтижесі.Ақпарат көзі : https://www.gov.kz/memleket/entities/economy/press/news/details/1184714?lang=kk

Алматы облысында биыл агроөнеркәсіптік кешенді дамыту бағытында жалпы құны 44,6 млрд теңгені құрайтын 7 инвестициялық жобаны іске асыру жоспарланып отыр.Жобалар ауыл шаруашылығы өндірісін кеңейтіп, өңірдің азық-түлік қауіпсіздігін арттыруға және жаңа жұмыс орындарын құруға бағытталған.Алматы облысының Ауыл шаруашылығы басқармасының мәліметінше, аталған жобалар агроөнеркәсіп саласына инвестиция тарту арқылы өңдеу өнеркәсібін дамытуға және ауыл шаруашылығы өнімдерінің бәсекеге қабілеттілігін арттыруға мүмкіндік береді.Сонымен қатар, ауыл шаруашылығы тауар өндірушілерін қолдау мақсатында бірқатар мемлекеттік бағдарламалар жүзеге асырылып жатыр. Солардың бірі – «СҚО тәжірибесімен АӨК саласындағы инвестициялық жобаларды несиелеу бағдарламасы». Бағдарлама аясында 4 млрд теңге қарастырылып, екі жоба қаржыландырылды. Атап айтқанда, су үнемдеу технологияларын енгізуге бағытталған «Alfalfa» ЖШС жобасына 1,5 млрд теңге, ал жүгеріні қайта өңдеу зауытын кеңейту жобасына «Азия агро фуд» АҚ-на 2,5 млрд теңге бөлінді.Бұдан бөлек, 2026 жылы осы бағдарлама шеңберінде 5 млрд теңгеге тағы 4 жобаны іске асыру жоспарланған.Алматы облысының ауыл шаруашылығы басқармасының басшысы Димаш Сыдықовтыңайтуынша, өңірде агроөнеркәсіп саласына инвестиция тарту – ауыл шаруашылығын жаңғыртудың негізгі бағыттарының бірі.«Биыл іске асатын жобалар өңірдегі агроөнеркәсіптік кешеннің өндірістік әлеуетін арттырып, заманауи технологияларды енгізуге мүмкіндік береді. Бұл өз кезегінде өнім көлемін ұлғайтып қана қоймай, ауыл шаруашылығы өнімдерін терең өңдеуді дамытуға және жаңа жұмыс орындарын ашуға жол ашады», – деді Димаш Сыдықов.Сонымен қатар, Ауыл шаруашылығы министрлігі мен «Бәйтерек» ұлттық басқарушы холдингі бірлесіп қалыптастырған «Инвестицияға тапсырыс» аясында жалпы құны 708,7 млрд теңгені құрайтын 26 жобаны қаржыландыру мүмкіндігі қарастырылып жатыр.Айта кетейік, 2025 жылы Алматы облысының агроөнеркәсіптік кешеніне тартылған инвестиция көлемі (алкогольді сусындарды есепке алмағанда) 178,2 млрд теңгені құрап, жоспар 145,4%-ғаорындалды. Жоспар бойынша 122,6 млрд теңге көзделген еді.Сондай-ақ, бекітілген Жол картасы аясында өткен жылы жалпы құны 29 млрд теңгені құрайтын 14 жоба іске асырылды. Олардың қатарында 9 сүт фермасы, 1 жылыжай кешені, 1 балық шаруашылығы, 1 көкөніс қоймасы, 1 вафельді нан өнімдерін өндіретін зауыт және 1 құс фабрикасы бар.Ақпарат көзі : https://www.gov.kz/memleket/entities/almobl/press/news/details/1184704?lang=kk

Іле ауданында көгалдандыру жұмысы қарқынды жүруде. Ақши ауылынан бастап, 15 шақырымға созылған жол жиегіне 30 мыңнан астам ағаш көшеті отырғызылуда.Одан бөлек 10 мың қылқанжапырақты ағаш елдімекендер көркін аушға пайдаланылмақ.Іле ауданы әкімінің орынбасары Алмас Бөкенаевтың айтуынша, өткен жылы мамыр айында аудандық тұрғын үй-коммуналдық шаруашылық және тұрғын үй инспекциясы «Қазақстан темір жолы» АҚ-ға «Алматы» стансасы торабын айналып өтетін теміржол желісін салу жобасы аясында 8500-ге жуық ағашты кесуге рұқсат берген.Аталған жұмыстар соның өтемі ретінде жүргізілуде. Мердігер мекеме – ¬«Ақбастау Gardens» ЖШС. Келісімге сәйкес ағаш биіктігі 2,5 метрден, ал қылқанжапырақты түрі 2 метрден кем болмауы керек.– Осы уақытқа дейін 6 мың ағаш көшеті отырғызылды. Біз табиғат ерекшелігін де назарға алдық. Бұл ағаш түрі ыстық ауа райына бейімделген. Ылғал ұстап тұратын гидрогель қоспасын пайдаланудамыз. 30 жұмысшы еңбек етуде.Бірнеше техника жұмыс істеп тұр. Күніне 2000-ға жуығын отырғызып жатырмыз. 1 жарым айда толық бітеміз деген жоспар бар. Сондай-ақ біз 3 жыл бойы күтіп-баптау шараларын да жүргізетін боламыз. Кейін жергілікті әкімдікке тапсырамыз, – деді «Ақбастау Gardens» ЖШС-ның учаске басшысы Сәбит Қарақұлов. Осылайша жұмыс толық аяқталған соң аудан жасыл желекке оранып, тұрғындар игілігіне айналмақ.Ақпарат көзі : https://www.gov.kz/memleket/entities/almobl/press/news/details/1184693?lang=kk

Қорғаныс ведомствосында министрдің бірінші орынбасары – Қазақстан Республикасы Қарулы күштері Бас штабының бастығы генерал-лейтенант Қаныш Әбубәкіровтің жетекшілігімен ақпараттық қауіпсіздік жедел орталықтары және киберқауіпсіздік саласында шешімдер әзірлеу мен қызмет көрсетуге маманданған отандық компаниялар басшыларымен жұмыс кездесуі өтті.Кездесуде қорғаныс ведомствосы мен қазақстандық технологиялық компаниялар арасындағы өзара іс-қимылды дамытуға бағытталған ынтымақтастық туралы меморандумдарға қол қойылды. Бұл құжаттар елдің киберқауіпсіздік қабілетін нығайтуға ықпал етпек.Сонымен бірге, тараптар Қорғаныс министрлігі мен бизнес құрылымдар арасындағы әріптестіктің перспективалық бағыттарын талқылады. Оның ішінде киберқауіпсіздік саласына мамандар даярлау, бірлескен ғылыми-зерттеу жобаларды іске асыру, сондай-ақ ақпараттық жүйелерді қорғауға арналған заманауи технологияларды енгізу мәселелеріне айрықша назар аударылды.Мемлекет пен отандық ІТ-сектор арасындағы белсенді ынтымақтастық Қарулы күштердің киберқорғаныс әлеуетін арттыруға, сондай-ақ ұлттық құзіреттер мен технологиялық шешімдерді дамытуға мүмкіндік береді.«Мемлекеттік техникалық қызмет» акционерлік қоғамымен, «Кибершабуылдарды талдау және тергеу орталығы» заңды тұлғалар бірлестігімен, сондай-ақ «Seven hills of Kazakhstan», «MSSP.GL» және «RTEAM» жауапкершілігі шектеулі серіктестіктерімен меморандумдарға қол қою арқылы тараптар киберқауіпсіздікті тұрақты қорғауды қамтамасыз етуге және инновацияларды дамытуға бағытталған ұзақ мерзімді әріптестік орнатуға ниетті екенін айқындады.Ақпарат көзі : https://www.gov.kz/memleket/entities/mod/press/news/details/1184052?lang=kk

Қазақстан 7 жылдан кейін Моңғолия нарығына қайта шықты. Бұл жай іссапар емес. Бұл экспортты қайта қарау, жаңа нарық іздеу. Сауда миссиясы Улан-Баторда өтеді. Оған Сауда және интеграция министрлігі мен QazTrade қатысады. Делегацияда әртүрлі сала бар. Азық-түлік, фармацевтика, өнеркәсіп. Неге Моңғолия? Иә, нарық үлкен емес. Бірақ дәл осындай нарықтар қазір маңызды бола бастады. Ең бастысы логистика түсінікті әрі жақын. Сондай-ақ, Қазақстан Моңғолияға негізгі керек азық-түлік, құрылыс материалдары, отын және жабдықтар ұсына алады. QazTrade-тің соңғы статистикасына сүйенсек, 2025 жылы екі ел арасындағы сауда көлемі 133 млн доллардан асқан. Оның ішінде Қазақстанның экспорты 123 млн доллар. Болжауымыз бойынша, алдағы жылдары бұл көрсеткіш өседі. Жалпы көлемі 500 млн долларға дейін жетуі мүмкін. Моңғолияға шығарылған экспорттың  шамамен 90%-ы дайын өнім екенін атап өткен жөн. Яғни, біз шикізат емес, дайын тауар жеткіземіз. Моңғолия бізден күнделікті қажет өнімдерді алады. Олар ұн, астық, май, тәттілер, сусындар. Сонымен қатар, құрылыс материалдары, металл және отын да жеткізіледі. Тау-кен саласына арналған жабдық, химия және қаптамаға да сұраныс бар. Кімдер барады? Моңғолия нарығындағы сұранысты ескере отырып, миссияға экспортқа дайын қазақстандық компаниялар дайындалды. Олар нақты өніммен және дайын ұсыныспен шығады. QazTrade бұған дейін нарықты зерттеп, негізгі бағыттарды анықтаған болатын. Сондықтан делегация құрамы да соған сай қалыптастырылған. Атап айтқанда азық-түлік, сусын өндірушілер, құрылыс материалдарын шығаратын компаниялар, сондай-ақ медициналық жабдық өндірушілер бар. Бұл бизнес кездесу танысу миссиясы емес. Сапардың негізгі мақсаты нақты келісімдерге шығу. Аграрлық және өнеркәсіптік байланыс Қазақстанның негізгі артықшылықтарының бірі – астық өндірісі. Соңғы жылы елде 27,1 млн тонна рекордтық өнім жиналғанын білеміз. Ал Моңғолияда мал шаруашылығы жақсы дамыған. Осы екі бағытта бірін-бірімізді толықтырып, бірлесіп жұмыс жасау деген жоспарымыз бар. «Яғни, әңгіме тек Қазақстан экспорттайды деген сөз емес.  Екі ел бірге өңдеп, кейін өнімді үшінші нарықтарға да шығара алады. Сондықтан бұл миссия уақытша сапар емес, ұзақ мерзімді ынтымақтастықтың бастамасы»,-деді QazTrade бас директоры Айтмухаммед Алдажаров.  Ақпарат көзі : https://www.gov.kz/memleket/entities/mti/press/news/details/1184185?lang=kk

Алматы көпсалалы клиникалық ауруханасында шұғыл түрде жеткізілген науқасқа күрделі ота сәтті жасалды. Дәрігерлер оған қолқа аневризмасының жарылу қаупімен асқынған жедел аорталық синдром диагнозын қойды. Сонымен қатар, ішкі ағзалардың қанмен қамтамасыз етілуі бұзылып, төменгі аяқта сыни ишемия дамыған.Шұғыл түрде дәрігерлер консилиумы өтіп, хирургиялық араласу туралы шешім қабылданды. Мамандар аневризманы алып тастап, заманауи тамырлық протезді қолдана отырып, аорто-сандық бифуркациялық шунттау операциясын жүргізді.Дәрігерлердің үйлесімді жұмысының арқасында аневризманың жарылу қаупі жойылып, науқастың жағдайы тұрақтандырылды. Операциядан кейінгі кезең асқынусыз өтіп, екі аптадан соң науқас қанағаттанарлық жағдайда үйіне шығарылды.Барлық тексеру мен емдеу міндетті әлеуметтік медициналық сақтандыру жүйесі аясында жүргізілді.Ақпарат көзі : https://www.gov.kz/memleket/entities/almobl/press/news/details/1184320?lang=kk

Қазақстан Қарулы күштері Десанттық-шабуылдау әскерлері бөлімшелерінің жиыны 74261 әскери бөлімінің «Көктал» оқу-жаттығу орталығында ұйымдастырылды.Оқу-жаттығу шаралары топ командирлері мен сержанттарының міндеттерді орындауды ұйымдастырудағы практикалық дағдыларын жетілдіруге, далалық машықтарын арттыруға және жауынгерлік үйлесімді іс-қимылды нығайтуға бағытталған.Десантшылар қару-жарақ пен әскери техниканы пайдаланып, далалық жағдайда әрекет ету дағдыларын пысықтау үстінде.Бөлімшелерді біріктіруге бағытталған іс-шаралар жарыс түрінде өтті. Әрқайсының құрамында 15 әскери қызметші бар 18 топ құрылды. Десантшылар өздерінің ең үздік жауынгерлік қасиеттерін, яғни тапқырлықты, төзімділікті және тосын жағдайда үйлесімді әрекет ету қабілетін көрсетті.20 шақырымдық марш барысында «көк береттілер» жауынгерлік даярлық нормативтерін орындады. Топ командирлері шұғыл шешім қабылдап, жауынгерлік бұйрық беру шеберлігін көрсетті. Әскери қызметшілер миналы-жарылғыш бөгеттер мен су кедергілерін еңсеріп, алғашқы медициналық көмек көрсетті. Ұрыс алаңынан жараланғандарды эвакуациялап, бұзылған техниканы қысқа мерзімде жөндеді.Сонымен қатар десантшылар радиостанцияларды орналастырып, бөлімшенің командалық пунктімен байланысқа шықты, одан өзге жару жұмыстарын орындап, пышақ пен сапер күрегін лақтыру арқылы нысаналарды дәл көздеді.Сабақтар 20 наурызға дейін жалғасатын болады. Мұндай жаттығулар Десанттық-шабуылдау әскерлерінің әскери қызметшілеріне шеберліктерін шыңдап, жауынгерлік үйлесімділікті нығайтуға және күрделі жауынгерлік міндеттерді орындауға толық әзір екенін дәлелдеуге мүмкіндік береді.Ақпарат көзі : https://www.gov.kz/memleket/entities/mod/press/news/details/1184334?lang=kk

Жаңа Конституцияның нормаларын жүзеге асыру шеңберінде Астана мен Алатау қаласы үшін ерекше құқықтық режимді айқындайтын заң жобалары әзірленді. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин мәлімдеді.Заң жобалары Алатау үшін «қарқынды даму қаласының» режимін енгізеді және қалалық ортаның сапасын арттыру үшін Астана мәртебесін нақтылайды. Алатауда озық халықаралық стандарттарды енгізу, пилотсыз көлік пен цифрлық активтерді дамыту жоспарлануда. Елорда үшін қала құрылысы, көші-қон және көлік салаларында басқарудың ерекше тетіктері көзделген. Екі құжат та инвестициялар тартуға және жергілікті мемлекеттік басқарудың тиімділігін арттыруға бағытталған.«Алатау қаласы бойынша заң жобасы салық салудың ерекше режимін қолдануды және инвестицияларды қорғауды көздейді. Астана бойынша біз елорданың тұрақты дамуын қамтамасыз ететін басқару ерекшеліктерін бекітеміз. Алатау бойынша Парламентте екінші оқылым 27 наурызға жоспарланған, ал елорда мәртебесі бойынша заң жобасы осы жылдың сәуір айының соңына дейін Мәжіліске енгізілетін болады»,— деп атап өтті Серік Жұманғарин.Ақпарат көзі : https://www.gov.kz/memleket/entities/economy/press/news/details/1184339?lang=kk

Астанада Махамбет Өтемісұлы атындағы Оқушылар сарайында «Таза Қазақстан» экологиялық мәдениетті дамыту тұжырымдамасы аясында салтанатты іс-шара өтті. Іс-шара барысында EcoQolday цифрлық жүйесін пайдалана отырып қайта өңдеуге жіберілген қалдықтарды бөлек жинау мәдениетін қалыптастыруда және оқушылар арасында экологиялық білім беруді дамытуда жоғары нәтиже көрсеткен елорданың мемлекеттік мектептері марапатталды.Шараға 300-ге жуық адам қатысты, олардың қатарында білім беру ұйымдарының басшылары, олардың орынбасарлары, мектеп парламенттерінің өкілдері және экология саласының сарапшылары болды. Бағдарлама «Таза табиғат - жарқын болашақ» атты тақырыптық көрмеден басталып, онда қалдықтарды қайта өңдеу мен қайта пайдаланудың мүмкіндіктерін көрсететін жобалар ұсынылды.Астана қаласы мектептері арасындағы байқау жеңімпаздары: бірінші орын - Фариза Оңғарсынова атындағы №77 мектеп-гимназиясы (1825 кг қалдық жиналды),екінші орын - Мағжан Жұмабаев атындағы №65 мектеп-гимназиясы (1236 кг),үшінші орын - Шәкәрім атындағы №56 мектеп-лицейі (570 кг).Жеңімпаздар бағалы сыйлықтармен марапатталды. Жалпы жобаға Астана қаласының 107 мектебі қатысты.Жоба аясында оқушыларға арналған экологиялық білім беру іс-шаралары өткізілді, сондай-ақ қалдықтарды бөлек жинауға арналған 2730 экоурна орнатылды. Бұл оқушылардың экологиялық белсенділігін айтарлықтай арттырды.Құттықтау сөз сөйлегендер қатарында Астана қаласы Білім басқармасының басшысы Қасымхан Сенғазиев, ҚР Экология және табиғи ресурстар министрлігінің Қалдықтарды басқару департаменті директорының орынбасары Абылай Алмұханов, сондай-ақ «Халықаралық экологиялық академия» мекемесінің президенті Айгүл Абдуалиева болды.«Экологиялық мәдениетті ерте жастан қалыптастыру - бұл ел болашағына салынған стратегиялық инвестиция. Бүгінгі оқушылар қоғамда экологиялық жауапты мінез-құлықтың насихаттаушыларына айналуда», - деп «Жасыл даму» АҚ Инвестициялық жобалар департаментінің директоры Серікбол Қалиақбаров атап өтті.Іс-шараның негізгі мақсаты - қалдықтарды бөлек жинау тәжірибесін ілгерілетуде айтарлықтай нәтижелерге қол жеткізген білім беру ұйымдарын ынталандыру, сондай-ақ жас ұрпақ арасында экологиялық жауапкершілікті нығайту болды. Байқау үздік тәжірибелермен алмасуға және білім беру үдерісіне тұрақты шешімдерді енгізуге тиімді алаңға айналды.«Таза Қазақстан» бастамасы мектеп оқушыларында қоршаған ортаға ұқыпты қарауды қалыптастыруға, тұрақты тұтыну дағдыларын дамытуға және ұлттық экологиялық күн тәртібін қолдауға бағытталған. Ұйымдастырушылар бұл бағыттағы жұмыстардың жалғасатынын атап өтті. Биылдың өзінде облыстық маңызы бар 15 ірі қаладағы мемлекеттік оқу орындарында білім беру іс-шараларын өткізу жоспарланған. Ерекше назар мектеп оқушыларын кеңінен қамтуға және экологиялық ағартудың жаңа, заманауи форматтарын енгізуге аударылады. Ақпарат көзі : https://www.gov.kz/memleket/entities/ecogeo/press/news/details/1184360?lang=kk

Ұлттық киім күні Қарулы күштердің әскери бөлімдерінде рухани, мәдени және отбасылық құндылықтарды дәріптеуге бағытталған тақырыптық іс-шаралар, челлендждер мен ағартушылық акциялар өтті.Көптеген әскери қызметшілер қызметке қазақтың дәстүрлі ұлттық киімдерімен – бешпент, шапан және қамзолдармен келді.Шараға қатысушылар ғасырлар бойы көшпенділердің өмір салтымен қалыптасқан дәстүрлі киімнің тарихымен танысты. Әр өңір шеберлерінің қолынан шыққан ұлттық нақыштағы киімдер өзіндік ерекшелігімен және әр түрлі сәнімен бөлек.Әскери қызметшілердің погондары, Құрмет қарауыл ротасы жеке құрамының бас киімдері және Ұлттық әскери-патриоттық орталығы орталық әскери оркестрі музыканттарының концерттік костюмдері де ұлттық ою-өрнекпен безендірілген.Мұндай көркем нақыш мәдени кодымыз бен ұлттық бірегейлікті білдіреді. Ондағы қолданылатын «қошқар мүйіз» элементі қазақ халқының салт-дәстүрді қастерлейтінін және қазіргі әскери форманың бай тарихи мұрамен байланысын көрсетті.Наурызға арналған театрландырылған қойылымдар, шеберлік сыныптары, дефиле және шығармашылық қойылымдар әскери қызметшілердің ұлттық дәстүрлерге деген құрметін айшықтады. Олардың түсінігінде қызмет пен Отанға деген адалдық ата-бабалардың мәдениетін, дәстүрлері мен әдет-ғұрыптарын сақтауға деген ұмтылыспен астасып жатыр.Ақпарат көзі : https://www.gov.kz/memleket/entities/mod/press/news/details/1184406?lang=kk

2026 жылғы 18 наурызда Министрліктің Әдеп жөніндегі уәкілі мен заң департаментінің бірлесуімен мемлекеттік қызметшілердің құқықтық сауаттылығын арттыруға, қызметтік әдеп стандарттарын нығайтуға және сыбайлас жемқорлыққа қарсы мәдениетті қалыптастыруға бағытталған оқыту семинары өткізілді.Семинар барысында мемлекеттік қызметшілерге мемлекеттік қызмет туралы заңнамамен белгіленген негізгі құқықтары мен міндеттері, сондай-ақ қызметтік мінез-құлықтың негізгі стандарттары түсіндірілді.Іс-шара барысында тексерулер жүргізу кезіндегі қызметтік әдеп талаптарын сақтау мәселесіне ерекше назар аударылды. Атап айтқанда, лауазымдық өкілеттіктерді асыра пайдалануға жол бермеу, тексерілетін субъектілерге артық талаптар қоймау, заңдылық, объективтілік және қызметтік әдеп қағидаттарын қатаң сақтау қажеттігі түсіндірілді.Сонымен қатар қызметтік іссапарлар кезінде мемлекеттік қызметшілердің мінез-құлық талаптары түсіндірілді. Қызметтік өкілеттіктерді жеке мақсатта пайдалануға жол бермеу, сыйлықтар мен өзге де артықшылықтарды алмау, сондай-ақ сыбайлас жемқорлыққа қарсы шектеулерді сақтау қажеттігі атап өтілді.Мереке және демалыс күндері қарсаңында мемлекеттік қызметшілердің мінез-құлқына, сондай-ақ еңбек тәртібін сақтау талаптарына ерекше назар аударылды. Атап айтқанда, қоғамдық орындарда алкогольдік, есірткілік немесе өзге де масаң күйде пайда болуға жол берілмейтіні, сондай-ақ мемлекеттік қызметтің беделін сақтау қажеттігі түсіндірілді.Семинар қорытындысы бойынша Әдеп кодексі талаптарын, сыбайлас жемқорлыққа қарсы заңнаманы және мемлекеттік қызметшілердің қызметтік мінез-құлық стандарттарын қатаң сақтау қажеттігі атап өтілді.Ақпарат көзі : https://www.gov.kz/memleket/entities/mti/press/news/details/1184428?lang=kk

13 наурызда Мәскеу қаласында өткен Еуразиялық экономикалық комиссия кеңесінің кезекті отырысында Еуразиялық экономикалық одақтың (ЕАЭО) «Лак-бояу материалдарының қауіпсіздігі туралы» техникалық регламенті қабылданды. Қазақстан делегациясын Премьер-министрдің орынбасары – ұлттық экономика министрі Серік Жұманғарин басқарды.Аталған құжатты Қазақстан Республикасының Өнеркәсіп және құрылыс министрлігі әзірлеген. Техникалық регламент 2028 жылдың 1 қаңтарынан бастап күшіне енеді. Құжат ЕАЭО-ға мүше мемлекеттер аумағында қолданылатын лак-бояу материалдарының қауіпсіздігіне қойылатын міндетті талаптарды, сондай-ақ оларды таңбалау тәртібін белгілейді.Регламент талаптары бояулар, лактар, грунтовкалар, грунт-эмальдар, су-дисперсиялы лак-бояу материалдары, олифалар, сәндік сылақтарға және басқа да осы санаттағы өнім түрлеріне қолданылады. Жаңа құжат лак-бояу материалдарының адам денсаулығы қауіпсіздігіне қойылатын талаптарды күшейтеді.Атап айтқанда, оларды өндіру барысында сынап, кадмий сияқты ауыр металдарды, жартылай металл болып саналатын мышьякты, сондай-ақ ЕАЭО елдері аумағында тыйым салынған оңай буға айналатын органикалық қосылыстарды пайдалануға жол берілмейді. Сонымен қатар өнім құрамындағы қорғасынның шекті рұқсат етілген мөлшері белгіленеді.Бұдан бөлек, лак-бояу материалдары нарыққа шығарылар алдында міндетті түрде санитариялық-химиялық, токсикологиялық, одориметриялық және басқа да зертханалық сынақтар мен бағалаудан өтуі тиіс. Бұл талаптар өнімді тұрмыста және құрылыс саласында пайдалану кезінде адам денсаулығына зиян келтірмеуін қамтамасыз етуге бағытталған.Жиын барысында қаптамадағы жекелеген кондитерлік өнімдерді таңбалау енгізу туралы шешім де қабылданды. Бұл тізімге шоколад және какао өнімдері, имбирь печеньесі, какаосыз қанттан жасалған кондитерлік өнімдер, тәтті құрғақ печенье, вафли, тәтті қоспалары бар ұн және нан-тоқаш өнімдері, қантқа батырылған жемістер, жаңғақтар мен көкөністер және басқа да өнім түрлері енгізілген.Басқа таңбаланатын тауар санаттарындағыдай, таңбалау жүйесі ЕАЭО-ға мүше барлық елде бір мезгілде енгізілмейді. Әр мемлекет бизнес қауымдастықпен талқылау жүргізіп, инфрақұрылымның дайындық деңгейін талдағаннан кейін енгізу мерзімі мен тетіктерін дербес айқындайды.Сонымен қатар 2026–2030 жылдарға арналған ЕАЭО-ның статистика саласындағы интеграциясын дамыту бағдарламасы бекітілді. Құжат Одақтың статистикалық жүйесін одан әрі жетілдіруге және мүше мемлекеттерді тауарлар, қызметтер, капитал мен еңбек ресурстарының ортақ нарықтарының жұмыс істеуі мен дамуын талдау үшін сапалы статистикалық деректермен қамтамасыз етуге бағытталған.Жалпы отырыста тұтынушылардың құқықтарын қорғау, кедендік реттеу, кедендік-тарифтік саясат, техникалық реттеу, сондай-ақ ЕАЭО-ның интеграцияланған ақпараттық жүйесін дамыту бағыттарындағы интеграциялық үдерістерді жетілдіруге қатысты бірқатар мәселелер қаралды.Ақпарат көзі : https://www.gov.kz/memleket/entities/mti/press/news/details/1184433?lang=kk

Бүгін Астанада Қазақстан Республикасының Ұлттық экономика вице-министрі Асан Дарбаевтың Экономикалық ынтымақтастық және даму ұйымының (ЭЫДҰ) Еуразия басқармасының басшысы Уильям Томпсонмен кездесуі өткізілді.Келіссөз барысында Асан Дарбаев Қазақстан мен ЭЫДҰ арасындағы тұрақты әріптестікті дамытудағы жәрдемі үшін Уильям Томпсонға алғыс білдіріп, мемлекеттік саясаттағы ынтымақтастықтың дәйекті түрде нығаюын атап өтті. Өткен кездесу сәтінен бастап, Қазақстан ЭЫДҰ-ның бірқатар, оның ішінде тиісті статистикалық практика және жария парасаттылық бойынша ұсынымына қосылды.«Біз ЭЫДҰ-мен өзара іс-қимылды мемлекеттік институттардың сапасын арттырудың және орнықты экономикалық дамудың маңызды құралы ретінде қарастырамыз», - деп атап өтті Асан Дарбаев. Еуропалық Одақтың қолдауымен Транскаспий халықаралық көлік бағытының бәсекеге қабілеттілігін арттыру жөніндегі жобаны қосқанда, бірлескен бастамаларды іске асыруға ерекше назар аударылды. Атап өткендей, маршруттың дамуы Еуропа мен Азия арасындағы транзиттік әлеуетті және экономикалық интеграцияны нығайтуға ықпал етеді.Қазақстандық тарап осы ретте реформаларды тиімді іске асыруға, ЭЫДҰ-ның озық стандарттарын енгізуге жәрдемдесу үшін Қазақстанда ЭЫДҰ-ның Орталық Азия өңіріне қатысуын арттыруға болатынын атап өтті.Институционалдық дамуға, мемлекеттік қызметшілерді оқытуға және ЭЫДҰ ұсынымдарын іске асыруға жәрдемдесуге баса назар аударатын 2026-2030 жылдарға арналған жаңа іс-қимыл жоспарын дайындауға ерекше назар аударылады. Қазіргі уақытта оны мемлекеттік органдардың қатысуымен талқылау процесі басталды.Бұдан басқа, жасанды интеллект технологияларын дамыту секілді жаңа бағыттар бойынша ынтымақтастықты арттырудың болашағы айқындалды. Қазақстан ЖИ-ді жауапкершілікпен енгізуге мүдделілік білдіріп, мемлекеттік саясатты қалыптастыру кезінде ЭЫДҰ-ның тәсілдері мен қағидаттарын ескеруге ниетті.Тараптар, сонымен қатар, Өңірлік экологиялық саммитке дайындықты талқылады (RES 2026). Уильям Томпсон ЭЫДҰ 2026 жылғы 22-23 сәуірде Астанада өтетін саммиттің ресми әріптесі екенін хабарлады. Ұйым іс-шараға дайындықты қолдап, тұрақты энергетика, көлік және инфрақұрылымды дамыту бойынша ұсыныстар береді.Кездесу соңында тараптар ынтымақтастықты одан әрі тереңдетуге және бірлескен жобаларды іске асыруға өзара мүдделілігін растады.Ақпарат көзі : https://www.gov.kz/memleket/entities/economy/press/news/details/1184466?lang=kk