Алмалы ауданында Қазақстан халқының бірлігі күні тойландыҚазақстан халқының бірлігі күні құтты болсын!Ақпарат көзі : https://www.gov.kz/memleket/entities/almaty-almaly/press/news/details/988710?lang=kk

Қала аумағында экологиялық туризмді дамытуға бағытталған жаңа инвестициялық жоба – «OMIR SHYMKENT» кешені жүзеге асырылады. Жоба туралы «OMIR Glamping» компаниясының басшылығымен өткен кездесуде таныстырылды.Кешен құрамында глэмпинг орындары, капсула түріндегі қонақүй нөмірлері, жазғы террасалар, мейрамхана, ашық аспан астында концерт, кино көрсетілімдері мен іс-шараларға арналған алаңдар, сондай-ақ SPA-аймақ, монша мен бассейн қарастырылған.Аталған жоба қаламыздың туристік әлеуетін арттыруға, жаңа жұмыс орындарын ашуға және инфрақұрылымды орнықты дамытуға зор мүмкіндік береді.Мұндай бастамалар қаламызда туристік кластерді қалыптастыруда маңызды рөл атқарады. Жобаның табысты жүзеге асуына қажетті барлық қолдау көрсетілетін болады.Ақпарат көзі : https://www.gov.kz/memleket/entities/shymkent-turizm/press/news/details/988654?lang=kk

Афина, 2025 жылғы 2 мамыр. — Пирей портты қаласының мэриясында Қазақстанның Грекиядағы Елшісі Тимур Сұлтанғожин мен Пирейдің сыртқы саясат, еуропалық бағдарламалар және туризм жөніндегі Мэрінің орынбасары Андриана Заракелимен жұмыс кездесу өткізді. Келіссөздер көлік-логистика саласындағы қазақстан-грек ынтымақтастығын одан әрі дамытуға және Пирей мен Ақтау қалалары арасындағы муниципаларалық байланыстарды нығайтуға бағытталды.Тараптар «Каспий теңізі — Жерорта теңізі» дәлізі бойынша басты логистикалық тораптар саналатын Ақтау мен Пирей порттарының стратегиялық маңызын атап өтті. Дамыған порт инфрақұрылымы порттарды басқару тәжірибесімен алмасу және логистикалық маршруттарды дамыту үшін кең мүмкіндіктер ашатыны айтылды. Осыған байланысты Ақтау мен Пирей қалалары арасында серіктестікті кеңейтуге институционалдық негіз болатын Өзара ынтымақтастық туралы Меморандумға болашақта қол қою мүмкіндігі талқыланды.Кездесуде екі елдің көлік министрліктері мен іскер топтарының алдағы байланыстары, логистика және халықаралық сауда саласындағы ұзақ мерзімді өзара іс-қимыл мәселелері қаралды.Мәдени алмасу және туризм салаларына ерекше көңіл бөлінді. Елші Т. Сұлтанғожин қазақстандық тараптың Пирей муниципалитеті аумағында қазақстандық қатысумен ортақ мәдени іс-шараларды ұйымдастыруға дайын екенін растады. Өз кезегінде А. Заракели екі елдің мәдени-тарихи мұрасын дәріптеуге бағытталған бағдарламаларды іске асыруға қызығушылық білдірді.Тараптар гуманитарлық және іскерлік байланыстарды дамыту экономикалық ынтымақтастық пен өңіраралық серіктестікті тереңдете түсетінін атап өтті. Кездесу соңында тұрақты диалогты жалғастыруға ниет білдіріліп, қол жеткізілген уағдаластықтардың Қазақстан мен Грекия арасындағы ынтымақтастықтың жаңа көкжиектерін ашатынына сенім білдірілді.Ақпарат көзі : https://www.gov.kz/memleket/entities/mfa-athens/press/news/details/988660?lang=kk

2025 жылғы 28 сәуірде Астана қаласында Қазақстан мен Польшаның сыртқы істер министрліктері арасында кезекті саяси консультациялар өтті.Қазақстан Республикасы Сыртқы істер министрінің орынбасары Роман Василенко поляк делегациясын қарсы ала отырып, Астана Варшаваны Еуропалық одақтағы маңызды саяси және экономикалық серіктес ретінде қарастыратынын атап өтті, сондай-ақ екіжақты және көпжақты ынтымақтастықты кеңейтуге мүдделілігін жеткізді.Консультациялар барысында ҚР СІМ Еуропа департаментінің директоры Данияр Сейдалиев пен Польша СІМ Шығыс департаментінің директоры Войцех Зайончковский саяси диалогты дамыту, сауда-экономикалық байланыстарды кеңейту, сондай-ақ мәдени-гуманитарлық саладағы өзара іс-қимыл мәселелердің кең ауқымын талқылады.Тараптар осы жылға жоспарланған саяси және экономикалық бағыттағы екіжақты іс-шараларды дайындауға ерекше назар аударды.Екі елдің дипломаттары өңірлік және халықаралық күн тәртібіндегі өзекті мәселелер бойынша пікір алмасып, көпжақты құрылымдар аясындағы ынтымақтастықты нығайтуға бейілділіктерін растады.Поляк делегациясының басшысы Польшаның Қазақстанмен барлық негізгі бағыттар бойынша өзара тиімді ынтымақтастықты нығайту ниетін растады.Кездесудің қорытындысы бойынша тараптар екі елдің сыртқы істер министрліктері арасында тығыз диалогты жалғастыруға уағдаласты.Анықтама: 2024 жылы Қазақстан мен Польша арасындағы тауар айналымы 1,12 млрд АҚШ долларын құрады, оның ішінде экспорт – 488,0 млн доллар, импорт – 639,1 млн доллар. 2025 жылдың алғышқы екі айында тауар айналымы 169,2 млн доллар құрады. 2005 жылдан бері Польшаның Қазақстанға тікелей шетелдік инвестициялар көлемі 522,14 млн АҚШ долларына жетті. Қазақстанда поляк капиталымен 140-тан астам компания жұмыс істейді, олардың қатарында «Polpharma» (Santo), «Selena» және «Stockson» бар.Ақпарат көзі : https://www.gov.kz/memleket/entities/mfa-warsaw/press/news/details/988664?lang=kk

Аддис-Абеба, 2 мамыр 2025 жыл - Қазақстан мен Эфиопия екіжақты сауда-экономикалық ынтымақтастықты арттыруды жоспарлауда. Бұл туралы Қазақстанның Эфиопиядағы Елшісі, Африка Одағы жанындағы ҚР-дың Тұрақты Өкілі Барлыбай Садықовтың Эфиопияның Сауда және өңірлік интеграция министрі Касахун Гофе Балами мырзамен өткен кездесуінде айтылды.Елші Б.Садықов сұхбаттасушыны Қазақстанның экономикалық жетістіктері, сауда және инвестициялық саясаттың негізгі тәсілдері, ҚР-ның халықаралық және өңірлік экономикалық ұйымдарға қатысуы, транзиттік-көлік саясаты және Африка елдерімен ынтымақтастықты дамыту мүмкіндіктері туралы хабардар етті. Қазақстанның Эфиопиямен өзара іс-қимылды кеңейтуге мүдделілігі туралы айтылып, екі елдің мемлекеттік және жеке құрылымдарының бағыты бойынша өзара іс-қимылды жандандыру ұсынылды. 2025 жылғы 29-30 мамырда Астана қаласында өтетін Astana International Forum-ға Эфиопияның қатысуының маңыздылығы атап өтілді.Эфиопияның Сауда және өңірлік интеграция министрі Касахун Гофе Балами мырза өз кезегінде Эфиопияның сауда және экономикалық саясатында жүргізіліп жатқан реформалары, іскерлік ахуалдың жақсаруы, елдің ЖІӨ-нің тұрақты өсуі және әлемдік қаржы институттарының ел экономикасының өсуі бойынша 2025-2026 жылдарға арналған оңды болжамдары, сондай-ақ Эфиопияның ДСҰ-ға кіруі жөніндегі министрліктің белсенділігі туралы хабарлады.Кездесу қорытындысы бойынша тараптар 2024 жылы қол қойылған Қазақстан мен Эфиопия арасындағы екіжақты саяси, сауда-экономикалық және мәдени-гуманитарлық ынтымақтастықты дамытудың Жол картасына сәйкес Қазақстан мен Эфиопияның экспорттық нарығын одан әрі дамыту және кеңейту мақсатында өзара іс-қимылды жандандыру туралы келісті.  Аддис Абебада мемлекеттік және жеке құрылымдардың өкілдері қатысуымен іскерлік форумды бірлесіп өткізу, тараптардың сауда-өнеркәсіп палаталары арасындағы ынтымақтастықты жандандыру туралы уағдаластыққа қол жеткізілді.Кездесу қорытындысы бойынша Елші Б.Садықов Эфиопияның Сауда және өңірлік интеграция министрлігінің ғимаратында орналасқан Экспорттық сауда көрме орталығының қызметімен танысты. Ақпарат көзі : https://www.gov.kz/memleket/entities/mfa-addis-ababa/press/news/details/988665?lang=kk

Шымкент қаласына Иран Ислам Республикасының Қазақстан Республикасындағы Төтенше және Өкілетті Елшісі Али Акбар Джоукар ресми іссапармен келді.Кездесу барысында сауда-экономикалық, инвестициялық және мәдени-гуманитарлық салалардағы екіжақты ынтымақтастықты дамыту мәселелері талқыланды. Әсіресе, екі елдің іскер топтары арасындағы байланысты нығайтуға ерекше назар аударылды.Сауда, өнеркәсіп, ауыл шаруашылығы, білім, туризм және мәдениет салаларындағы өзара ынтымақтастықты дамытуға дайын екеніміз атап өтілді.Кездесу аясында Шымкент қаласында Иран тауар өндірушілерінің көрмесін және қос елдің бизнес өкілдерінің қатысуымен іскерлік форум ұйымдастыру ұсынылды. Сондай-ақ, мәдени және экономикалық серіктестікті нығайту мақсатында Шымкент пен Иран қалаларының бірінің арасында бауырластық қатынас орнату бастамасы көтерілді.Аталған бастамалар Шымкент пен Иран арасындағы әріптестік байланыстарды одан әрі тереңдетуге өз үлесін қосатынына сеніміміз мол.Ақпарат көзі : https://www.gov.kz/memleket/entities/shymkent-turizm/press/news/details/988645?lang=kk

Вена, 2025 жылғы 2 мамыр – Қазақстанның Венадағы халықаралық ұйымдар жанындағы Тұрақты өкілі Мұхтар Тілеуберді БҰҰ Жобаларды басқару жөніндегі басқармасының (UNOPS) Венадағы кеңсесінің жаңадан тағайындалған директоры Симонетта Силигатомен кездесті.Тараптар Қазақстан Үкіметі мен UNOPS арасындағы өзара іс-қимылдың қазіргі жай-күйі мен одан әрі дамыту перспективаларын талқылады. М.Тілеуберді БҰҰ Бас Ассамблеясы Алматыда Орталық Азия мен Ауғанстан үшін БҰҰ-ның Тұрақты даму мақсаттары бойынша Өңірлік орталық құру туралы қарарды қабылдағаны туралы айтып, Қазақстанда UNOPS өкілдігін ашу туралы шешімді құптады. Тараптар Қазақстандағы UNOPS офисінің құқықтық мәртебесі туралы Келісімге қол қоюды жеделдетуді келісті.Кездесу барысында Қазақстанға мен Орталық Азия өңіріне қатысты ағымдағы және болашақ жобаларды жүзеге асыру мәселелеріне ерекше назар аударылды. Тараптар өзара тиімді ынтымақтастықты одан әрі нығайтуға бейілділігін растады.Ақпарат көзі : https://www.gov.kz/memleket/entities/mfa-vienna/press/news/details/988600?lang=kk

KazAID Филиппиндегі БҰҰ конференциясында: жаһандық сын-қатерлер мен даму2025 жылғы 28-29 сәуір аралығында KazAID төрағасы А.Арыстанов Филиппин Республикасында, Манила қаласында өткен "Жаңа көкжиектерді ашу: табысы орташа елдер үшін стратегиялық іс-қимыл жоспары" тақырыбында табысы орташа елдердің жоғары деңгейдегі конференциясына қатысты.Конференцияны Филиппин Республикасы Үкіметі БҰҰ-ның Азия және Тынық мұхиты үшін Экономикалық және әлеуметтік комиссиясымен (ЭСКАТО), БҰҰ Даму бағдарламасымен (ПРООН) және БҰҰ-ның Даму қызметін үйлестіру басқармасымен бірлесіп ұйымдастырды.Іс-шараның негізгі мақсаты — жаһандық сын-қатерлердің орта табысты елдердің тұрақты дамуына әсерін талқылау және Стратегиялық іс-қимыл жоспарын әзірлеу бойынша нақты ұсыныстар дайындау болды.Талқылауларға үкімет өкілдері, қаржы және банк мекемелері, БҰҰ даму жүйесінің құрылымдары және жеке сектордың өкілдері қатысты.Сондай-ақ, конференция аясында А.Арыстанов БҰҰ-ның оңтүстік-оңтүстік ынтымақтастық басқармасының директоры Д. Ал-Хатибпен екіжақты кездесу өткізді, оның барысында оңтүстік-оңтүстік ынтымақтастық шеңберіндегі өзара іс-қимыл перспективалары талқыланды. Сонымен қатар, Филиппин Республикасының төрағалығымен орташа табысы бар елдер тобы (like-Minded Group — LMG-MICs) Макати Декларациясын қабылдады.KazAID-тың бұл шараға қатысуы аймақтық серіктес агенттіктермен ынтымақтастықты нығайтуға және халықаралық аренада Қазақстанның ресми даму көмегі саласындағы ұстанымын таныстыруға мүмкіндік берді.Ақпарат көзі : https://www.gov.kz/memleket/entities/kazaid/press/news/details/988552?lang=kk

Осакаров ауданының білім бөлімініңіс-шаралар жоспарына сәйкес 2025 жылғы 25 сәуірде "Осакаровка кентінің Жастар" БЖО-да 9-11 сынып оқушылары мен олардыңата-аналарына "Кәсіптер жәрмеңкесі" өткізілді.Іс-шараныңмақсаты: 9-11 сынып түлектерін кәсіби мүмкіндіктердіңкеңауқымы мен таныстыру және олардың еңбекнарығында сұранысқа ие салаларға деген қызығу шылығынынталандыру, сондай-ақ оларға мамандықтаңдауда дұрыс шешім қабылдауға көмектесу.Жәрмеңкеге Қарағанды облысының 18-ден астам колледжі мен екі жоғары оқу орнықатысты: "Әбілқас Сағыноватындағы Қарағанды техникалық университеті" коммерциялық емесакционерлікқоғамы, Қарағанды жоғары политехникалық колледжі, Қарағанды "Bolashaq" жоғары колледжі, "Қарағанды агротехникалық колледжі" КМҚК,"Қарағанды облыстық жоғары мейіргер колледжі" КМҚК, "Осакаров ауданының мектеп-интернат-колледжі" КММ, «Болат Әбдікәрімов атындағы Нұракөпсалалы колледжі" КМҚК, "Қарағанды техникалық-құрылыс колледжі"КМҚК, "Заманауи көпсалалы колледж" ЖМ, "Қарағанды техникалық - экономикалық колледжі"ЖМ, "Bolashaq"академиясы, "Саран техникалық колледжі" КМҚК, "Абай Құнанбаев атындағы Саран жоғары гуманитарлық колледжі" КМҚК, "Абай көпсалалы колледжі"КМҚК.Мектеп түлектеріталапкерлерді қабылдау ережелерімен және күндізгі бөлімдерде оқу шарттары мен танысты, өкілдер түлектердің оқу ұзақтығы, магистратурада оқуды жалғастыру мүмкіндігі, бюджеттік орындардың болуы және т.б. туралы сұрақтарына жауапалды. Ақпарат көзі : https://www.gov.kz/memleket/entities/edu-osakarovka/press/news/details/988523?lang=kk

Лондон, 2025 жылғы 30 сәуір – Лондонда Қазақстан мен Ұлыбритания арасындағы Сауда-экономикалық ынтымақтастық жөніндегі үкіметаралық комиссияның 11-ші отырысы өтті. Қазақ делегациясын ҚР Сыртқы істер министрінің орынбасары Әлібек Қуантыров басқарды. Отырыста Қазақстанның Ұлыбританиядағы Елшісі Мағжан Ілиясов, Ұлыбританияның Қазақстандағы Елшісі Кэти Лич, сондай-ақ екі елдің салалық министрліктерінің, ұлттық компаниялары мен квазимемлекеттік секторының өкілдері қатысты.Комиссияға Ұлыбритания тарапынан Кәсіпкерлік және сауда министрлігінің Сауда саясаты және экономикалық қауіпсіздік мәселелері жөніндегі мемлекеттік министрі Дуглас Александр төрағалық етті.Тараптар өткен жылы Қазақстан мен Ұлыбритания арасында Стратегиялық серіктестік және ынтымақтастық туралы келісімге қол қойылуы өзара іс-қимылды тереңдетуге жаңа мүмкіндіктер ашқанын атап өтті. Бұл сындарлы пайдалы қазбалар, жасыл энергетика мен климат, көлік және логистика, фармацевтика және денсаулық сақтау, білім беру, сондай-ақ қаржылық серіктестік салаларын қамтиды.Өз сөзінде Ә.Қуантыров Ұлыбританияны Қазақстан экономикасына 22 млрд АҚШ долларынан астам тікелей шетелдік инвестиция салған негізгі сауда серіктестерінің және ірі инвесторлардың бірі ретінде атап өтті: «Біз Ұлыбританияның Қазақстан экономикасының негізгі салаларын дамытуға қосқан үлесін жоғары бағалаймыз және инвестицияларға, технологияларға және құзыреттер трансферіне басымдық берілетін жаңа деңгейдегі серіктестік орнатуға ұмтыламыз».Іс-шара аясында екіжақты құжаттарға, соның ішінде Үкіметаралық комиссияның Хаттамасына, ауыл шаруашылығы саласындағы ынтымақтастық жөніндегі Жол картасына, сондай-ақ су ресурстары және «AstraZeneca» компаниясымен бірлесіп Қазақстанда биопрепараттарды локализациялау салаларындағы өзара іс-қимыл туралы меморандумдарға қол қойылды.Үкіметаралық комиссия Қазақстан мен Ұлыбритания арасындағы сауда-экономикалық ынтымақтастықтың аса маңызды тетігі болып қала береді, ол қол жеткізілген уағдаластықтарды жүйелі түрде іске асыруға және стратегиялық өзара іс-қимылдың жаңа бағыттарын қалыптастыруға мүмкіндік береді.Ақпарат көзі : https://www.gov.kz/memleket/entities/mfa/press/news/details/988504?lang=kk

2025 год – объявлен в Казахстане годом празднования 180-летнего юбилея великого казахского поэта, просветителя Абая Кунанбаева. Произведения Абая знают и ценят во всем мире. Его труды уникальны и неподвластны времени.С целью выявления одарённых детей, популяризации наследия великого казахского поэта, философа, гуманиста и основоположника казахской классической литературы Абая Кунанбаева, 29 апреля 2025 года на базе КГУ «Опорная школа (ресурсный центр) имени Абая» отдела образования Осакаровского района управления образования Карагандинской области проведен районный конкурс мини-проектов «Величие мысли Абая». В защите проектов приняли участие учащиеся 8-10 классов общеобразовательных организаций. По решению жюри распределены призовые места:1 место - Сулейменова Мадина 7 б класс, руководитель Головина С.А. ОШ им.Абая;2 место - Мейіржан Құштар 9 класс, руководитель Мукажанова Г. К. ОШ №13;3 место - Сигарева Тамара 8 В класс, руководитель Чернова Т. В. ОШ №3;1 место - Немчинов Юрий 10 класс, руководитель Сулейменова Л.Н. ОШ им.А.Байтурсынова;2 место - Мухамадиев Наиль 8 класс, руководитель Фионина В. А. ОШ №7;3 место - Олейник Владимир 9 класс, руководитель Степанова О.Н. ОШ №15;3 место - Руднева Александра, 9 класс, руководитель Смагулов Т.Б. ОСШ №31.Поздравляем победителей!!!Ақпарат көзі : https://www.gov.kz/memleket/entities/edu-osakarovka/press/news/details/988509?lang=kk

Сіздерді 2025 жылғы 3 мамыр күні Назарбаев даңғылы, 193 мекенжайында орналасқан «Kostanay Plaza» сауда ойын-сауық орталығында өтетін ауыл шаруашылығы жәрмеңкесіне шақырамыз.🌽 Жәрмеңкеде сіздерді жергілікті ауыл шаруашылығы өндірушілерінің жаңа әрі сапалы өнімдерінің кең таңдауы күтеді:— көкөністер мен жемістер— ет және сүт өнімдері— бал, жұмыртқа, жарма және тағы да басқа өнімдер!Жәрмеңке сағат 9:00-де басталады. Қапы қалмаңыздар!Ақпарат көзі : https://www.gov.kz/memleket/entities/kostanai-kalasy-akimat/press/news/details/988440?lang=kk

2025 жылғы 1 сәуірдегі жағдай бойынша Қазақстан Республикасының банк секторында 21 екінші деңгейдегі банк бар, оның ішінде 12 банк шетелдің қатысуымен, оның ішінде 9 еншілес банк.Банк секторының активтері 2025 жылғы 1 сәуірге негізінен несие портфелінің 2,0%-ға немесе 36,7 трлн теңгеге өсуі есебінен ағымдағы жылғы наурызда  1,6%-ға ұлғайып (2025 жылдың басынан бері 0,7%-ға өсу), 62,0 трлн теңгені құрады.Екінші деңгейдегі банктердің экономикаға берген кредиттері 2025 жылғы наурызда  34,3 трлн теңгеге дейін 1,5%-ға ұлғайды (2025 жылдың басынан 1,7%-ға өсу). Экономикаға берілген кредиттердің құрылымында 2025 жылғы наурыздың қорытындысы бойынша ұлттық валютада берілген кредиттер 1,4%-ға 31,6 трлн теңгеге дейін ұлғайды, шетел валютасында 2,1%-ға 2,7 трлн теңгеге дейін, оның ішінде теңгенің АҚШ долларына айырбастау бағамының әлсіреуі нәтижесінде қайта бағалау салдарынан ұлғайды. Бизнес субъектілеріне берілген кредиттер 2025 жылғы наурызда  негізінен айналым қаражатын сатып алуға берілген қарыздардың 2,1%-ға 5,0 трлн теңгеге дейін өсуі есебінен 1,8%-ға 12,9 трлн теңгеге дейін өсті (2025 жылдың басынан 1,0%-ға төмендеу). Олардың бизнеске несие құрылымында ірі бизнеске қарыздар 10,5%-ға 5,0 трлн теңгеге, ШОБ субъектілеріне берілген қарыздар осы санаттар арасында банктердің бірінің  қарыздарын қайта жіктеу нәтижесінде 5,4%-ға 5,6 трлн теңгеге дейін төмендеді. Дара кәсіпкерлерге берілген кредиттер 3,1%-ға 2,4 трлн теңгеге дейін ұлғайды.  Салалар бөлінісінде 2025 жылғы наурызда ауыл шаруашылығын қоспағанда, бизнеске кредиттердің өсуі жоспарлы өтеулер себебінен іс жүзінде барлығы дерлік салаларда байқалады.Өнеркәсіпте кредиттер 0,8%-ға 4,3 трлн теңгеге дейін, саудада 2,8%-ға  3,5 трлн теңгеге дейін, көлікте 1,7%-ға  0,9 трлн теңгеге дейін, ақпарат және байланыс – 10,5%-ға 0,2 трлн теңгеге дейін, құрылыста 0,8%-ға 0,6 трлн теңгеге дейін ұлғайды. 2025 жылғы наурызда бизнес субъектілеріне 1,4 трлн теңге сомаға жаңа қарыздар берілді, бұл 2024 жылғы наурызбен салыстырғанда 7,5%-ға артық. 2025 жылғы 1-тоқсанның қорытындысы бойынша бизнеске жаңа кредиттер беру көлемі 3,9 трлн теңгені құрап, өткен жылдың сәйкес кезеңінің деңгейінде сақталды.2025 жылдың наурыз айының қорытындысы бойынша бизнес субъектілеріне ұлттық валютада берілген кредиттер бойынша сыйақының орташа алынған мөлшерлемесі, негізінен,  ірі бизнеске берілген қарыздар бойынша мөлшерлеменің 17,7%-дан 18,6%-ға дейін өсуі нәтижесінде бір ай бұрынғы 20,9%-дан 21,6%-ға дейін ұлғайды.Халыққа берілген кредиттер 2025 жылғы наурызда тұтынушылық қарыздардың 1,9%-ға 14,4 трлн теңгеге дейін ұлғаюына байланысты 1,3%-ға ұлғайып, 21,4 трлн теңгені құрады (2025 жылдың басынан 3,5%-ға өсу).2025 жылғы наурызда тұтынушылық қарыздар бойынша мөлшерлеменің 19,1%-дан 20,4%-ға дейін ұлғаюына байланысты халыққа теңгемен берілген кредиттер бойынша сыйақының орташа алынған мөлшерлемесі 19,7%-ға дейін (2025 жылғы ақпанда - 18,6%) өсті.Банктердің несие портфелінің сапасы жоғары деңгейде қалып отыр. Мәселен, 01.04.2025ж. жағдай бойынша кредиттік портфельдің жалпы көлеміндегі 90 күннен астам мерзімі өткен кредиттердің үлесі бұрынғы 3,3%-дан аздап ұлғайып, 3,4%-ды немесе 1,2 трлн теңгені құрады.Халықтың кредиттері бойынша NPL90+ қарыздарының үлесі 01.04.2025ж. жағдай бойынша 4,2%-ды немесе 894 млрд теңгені, бизнеске берілген кредиттер бойынша 2,3%-ды 338 млрд теңгені құрады. 90 күннен астам мерзімі өткен берешегі бар кредиттерді провизиялармен өтеу деңгейі 67,1%-ды құрады (01.01.2025ж. – 67,0%).Банк секторының міндеттемелері 2025 жылғы наурызда негізінен клиенттер салымдарының ұлғаюы есебінен 1,7%-ға 52,6 трлн теңгеге дейін ұлғайды. Банк секторы міндеттемелерінің құрылымында клиенттердің салымдары басым – 79,3% немесе 41,8 трлн теңге.Резиденттердің депозиттік ұйымдардағы депозиттері 2025 жылғы наурызда негізінен шетел валютасындағы депозиттердің 2,8%-ға 9,4  трлн теңгеге дейін, оның ішінде теңгенің АҚШ долларына қатысты әлсіреуі аясында қайта бағалау нәтижесінде 0,1%-ға 40,5 трлн теңгеге дейін ұлғайды. Теңгедегі депозиттер 0,8%-ға 31,1 трлн теңгеге дейін азайды. Нәтижесінде 01.04.2025ж. жағдай бойынша депозиттерді долларландыру деңгейі бір ай бұрынғы 22,5%-дан аздап ұлғайып, 23,2%-ды құрады.Заңды тұлғалардың депозиттері 2025 жылғы наурызда 0,6%-ға 18,2 трлн теңгеге дейін қысқарды, жеке тұлғалардың депозиттері – 0,6%-ға 22,3 трлн теңгеге дейін өсті.Банктік емес заңды тұлғалардың ұлттық валютадағы мерзімді депозиттері бойынша орташа алынған сыйақы мөлшерлемесі 2025 жылғы наурызда 15,0%-ды (2025 жылғы ақпанда– 14,2%), жеке тұлғалардың депозиттері бойынша 13,6%-ды құрады (2025 жылғы ақпанда – 13,3%).Банктердің меншікті капиталы 2025 жылғы наурызда негізінен бөлінбеген таза пайданың ұлғаюы нәтижесінде 0,9%-ға 9,3 трлн теңгеге дейін ұлғайды (2025 жылдың басынан бері 5,1%-ға өсті). 2025 жылғы 1 сәуірдегі жағдай бойынша негізгі капиталдың жеткіліктілік коэффициенті (к1) 20,6%-ды (01.01.2025ж. – 20,4%), меншікті капиталдың жеткіліктілік коэффициенті (к2) 22,1%-ды (01.01.2025ж. – 22,0%) құрады, бұл заңнамада белгіленген нормативтерден едәуір асып түседі және банк секторындағы әлеуетті тәуекелдерді өтеуді қамтамасыз етеді.2025 жылғы қаңтар-наурызда банктердің таза пайдасы 664 млрд теңгені құрады, бұл 2024 жылдың тиісті кезеңімен салыстырғанда 16,6%-ға көп. Банктік активтердің рентабельділігі (ROA) 2025 жылғы 1 сәуірдегі жағдай бойынша 4,6%-ды (01.03.2025ж. жағдай бойынша – 4,6%), капитал рентабельділігі (ROE) 31,8%-ды (01.03.2025ж. жағдай бойынша – 31,9%) құрады. Сыртқы коммуникациялар басқармасыpress@finreg.kz   Ақпарат көзі : https://www.gov.kz/memleket/entities/ardfm/press/news/details/988433?lang=kk

Кишинев, 2025 жылғы 2 мамыр – Молдованың Гура-Быкулуй ауылында Ұлы Отан соғысының қаһарманы, Павлодар облысы Ақсу ауданының тумасы Қанаш Қамзиннің рухына арналған еске алу шарасы өтті. Іс-шараға сондай-ақ Молдо-қазақ іскерлік кеңесі мен «Бэльц» Еркін экономикалық аймағы әкімшілігінің өкілдері қатысты.ҚР-дың Молдовадағы Елшілігінің қолдауымен, қазақстандық жауынгердің құрметіне мемориалдық тақта орнатылған жергілікті гимназияға заманауи мектеп парталары мен түрлі спорттық құрал-жабдықтар табысталды.Елшісі Алмат Айдарбеков ауыл тұрғындарына қазақстандық қаһарманның ерлігіне көрсеткен құрметі үшін алғыс білдіріп, елімізде Жеңіс мерейтойы мен ерлікпен қаза тапқан батырларды еске алуға арналған ауқымды іс-шаралар өткізіліп жатқанын атап өтті.Жергілікті әкімшілік басшысы Лилия Брехова мен мектеп директоры Александру Ковтун көрсетілген көмекті жоғары бағалап, Молдованы азат ету жолында қаза тапқан Қанаш Қамзиннің ерлігін есте сақтаудың маңыздылығын ерекше атап өтті.Ұлы Отан соғысындағы Жеңістің 80 жылдығына арналған іс-шараға мектеп ұжымы мен жергілікті қауымдастық өкілдері де қатысты.Қанаш Қамзин лейтенант шенінде рота командирі болған. Соғыс жылдарында Молдовадағы стратегиялық маңызы бар плацдармды ұстап қалудағы ерлігі үшін ол қайтыс болғаннан кейін ең жоғары мемлекеттік наградамен марапатталған. Ол Гура-Быкулуй ауылының орталығындағы бауырластар зиратына жерленген. Ауылдың орталық көшесі оның есімімен аталады.Ақпарат көзі : https://www.gov.kz/memleket/entities/mfa-kishinev/press/news/details/988401?lang=kk

28.04.2025 жылы Атырау облысы бойынша МКД жедел-тергеу іс-шаралары барысында Атырау облысы бойынша ТДМ-мен бірлесіп, Атырау облысы аумағына, атап айтқанда Атырау қаласы мен Құрманғазы ауданына темекі өнімдері мен алкоголь өнімі түріндегі заңсыз акцизделетін өнімді жеткізу бойынша заңсыз кәсіпкерлік қызмет тоқтатылды.         Бірлескен іс-шаралардың нәтижелері бойынша 210 қорап темекі ("Oris", "Mondeo", "Zumrret" маркалары), 262 вап, 1535 литр (5 литрлік 307 пластикалық ыдыста) алкоголь өнімі тәркіленді.                  Атырау облысы бойынша МКД азаматтарды алкоголь өнімдері мен күмәнді шыққан темекі өнімдерін сатып алу кезінде қырағылық танытуға шақырады, өйткені контрафактілік өнімдер тұтынушылардың денсаулығы мен өміріне елеулі қауіп төндіреді. Тек бірлескен күш-жігермен ғана көлеңкелі нарықты қысқартуға және халықтың денсаулығын қорғауды қамтамасыз етуге болады.         Алкоголь өнімдеріне жапсырылған есепке алу-бақылау маркаларының түпнұсқалығын "E-sapa" мобильді қосымшасының көмегімен, сондай-ақ "naqty onim"мобильді қосымшасының көмегімен темекі өнімдеріне тексеруге болады.                Акцизделетін өнімді заңсыз сату фактілері туралы облыс тұрғындары Атырау облысы бойынша Мемлекеттік кірістер департаментіне Азаттық даңғылы 94 А мекенжайы бойынша немесе 318426 телефоны бойынша хабарлай алады.                                   Ақпарат көзі : https://www.gov.kz/memleket/entities/kgd-atyrau/press/news/details/988405?lang=kk

Мариногор ауылдық округінде «Таза Қазақстан» акциясы аясында қоқыс шығарылды. Бұл әрекетке «Нива» шаруа қожалығының тиеушісі қатысты, бастығы Порохов И.А. Ұлы Отан соғысы ескерткішінің жанындағы орындықтар да ретке келтірілді (сырланды).Ақпарат көзі : https://www.gov.kz/memleket/entities/vko-samar-marinogor/press/news/details/988410?lang=kk

Бүгін Петропавлда СҚО-ның Құрметті азаматы, соғыс ардагері және прокуратура органдарының еңбек сіңірген қызметкері Сапар Дүйсенұлы Дүйсенов тұрған үйге мемориалдық тақта орнатылды. Рәсімге СҚО әкімі Ғауез Нұрмұхамбетов пен СҚО прокуроры Қайрат Әбдіханов, құқық қорғау органдарының басшылары, ардагердің туған-туысқандары мен жұртшылық қатысты. Бұл шара Жеңістің 80 жылдығына арналып, оның мемлекет пен өңір алдындағы ерен еңбегін бағалаудың маңызды белгісі."Мемориалдық тақта оны халыққа және заңға адал қызмет еткен тұлға ретінде құрметтеудің және алғыстың символы. Сапар Дүйсенұлының өмір жолы мен Отанына қызметі жастарды адал және патриоттық қызметке тәрбиелей отырып, оларды болашақта елге қызмет етуге бағыт-бағдар береді", - деп жазды өңір басшысы.Сапар Дүйсенұлы майданда отанымызды абыроймен қорғап, ерлік пен төзімділік танытты. Соғыстан кейінгі жылдары ол елді қалпына келтіру мен дамытуға белсене қатысты. Сапар Дүйсенов тергеушіден бастап облыс прокурорының бірінші орынбасарына дейінгі жолды жүріп өтті, прокуратура органдарына саналы ғұмырын арнап, заңдылық пен құқықтық тәртіпті нығайтуға, жас мамандарды тәрбиелеуге және азаматтардың құқықтарын қорғау жүйесін дамытуға елеулі үлес қосты.Ақпарат көзі : https://www.gov.kz/memleket/entities/sko/press/news/details/988388?lang=kk

Қазақстан халықтарының бірлігі күніне орай «QAZAQ AIR» әуекомпаниясы Қазақстан мен Өзбекстан арасында «Түркістан – Самарқанд» бағыты бойынша халықаралық рейсті іске қосты. Әуе рейсінің салтанатты ашылу рәсімі 2025 жылдың 1 мамырында Самарқанд халықаралық әуежайында өтті.Іс-шараға Қазақстан Республикасының Самарқанд қаласындағы Бас консулы Талғат Шәріпов, «QAZAQ AIR» АҚ-ның коммерциялық директоры Сүлейман Мирзаев, Самарқанд облысының мәдениет және туризм басқармасы бастығының міндетін атқарушы Журабек Сүйінов, Самарқанд қаласы әкімдігінің, баспасөз және «Air Marakanda» компаниясының (Самарқанд халықаралық әуежайын басқару жөніндегі оператор) өкілдері қатысты.Түркістан мен Самарқанд арасында тікелей әуе қатынасының ашылуы туристік, мәдени және іскерлік байланыстарды дамыту үшін жаңа перспективалар туғызады.Бастаманы туроператорлар мен іскер топтар жоғары бағалауда. Сарапшылардың пікірінше, тікелей рейс логистиканы едәуір жеңілдетеді және жол жүру уақытын қысқартады, бұл екіжақты ынтымақтастықты жандандыруға ықпал етеді.Ұшу аптасына екі рет, бейсенбі және жексенбіде жүзеге асырылады, ұшу ұзақтығы 50 минутты құрайды. Ұшу кестесі:Бейсенбі:  - Түркістан 19:10 – Самарқанд 20:00  - Самарқанд 21:00 – Түркістан 21:50Жексенбі:  - Түркістан 10:10 – Самарқанд 11:00  - Самарқанд 12:00 – Түркістан 13:00Бір бағытқа билет бағасы - 23 000 теңге.Астана, Қарағанды және Қостанайдан келген жолаушылар үшін Түркістан арқылы қосылатын ыңғайлы рейстер қарастырылған, бұл сапарларды тиімді жоспарлауға және жол жүру уақытын барынша азайтуға мүмкіндік береді.Мысалы, Астана-Самарқанд рейстерінің кестесі:Бейсенбі:- Астана 16:15 – Самарқанд 20:00 (Түркістанда 1 сағаттық аялдама)  - Самарканд 21:00 – Астана 01:30 (Түркістанда 50 минуттық аялдама)Жексенбі:  - Астана 07:25 – Самарқанд 11:00 (Түркістанда 50 минуттық аялдама)  - Самарқанд 12:00 – Астана 15:30 (Түркістанда 40 минуттық аялдама)Бір бағытқа билет бағасы - 41 000 теңге.«QAZAQ AIR» қазақстандық әуе тасымалдаушысы жолаушылар үшін қауіпсіздік пен жайлылықтың жоғары деңгейін қамтамасыз ете отырып, канадалық De-Havilland Dash 8-Q400 заманауи ұшақтарында рейстерді орындайды. Ақпарат көзі : https://www.gov.kz/memleket/entities/mfa-samarkand/press/news/details/988399?lang=kk

2025 жылғы наурызда Қаржы нарығын реттеу және дамыту агенттігінің (бұдан әрі – Агенттік) тұтынушылардың құқықтарын қорғау мәселелері бойынша қызметі негізінен қарыз алушылардың алаяқтық әрекеттер, тұтынушылық қарыз бойынша берешекті қайта құрылымдауға жәрдемдесу туралы жолданымдарын қараумен және олардың борыш жүктемесін азайту  шараларын қабылдаумен байланысты болды.2025 жылғы наурызда Агенттік қаржы ұйымдарының және коллекторлық агенттіктердің қызметіне байланысты жеке және заңды тұлғалардың 14 357 жолданымын қарады, бұл 2024 жылғы ақпанмен салыстырғанда 15,0%-ға көп.Жолданымдардың ең көп үлесі – жолданымдардың жалпы санының 53,5%-ы банк секторына тиесілі. Микроқаржылық қызметті жүзеге асыратын ұйымдар қызметінің мәселелері бойынша жолданымдар жалпы санның 36,8%-ын, коллекторлық агенттіктердің 4,8%-ын, сақтандыру нарығы субъектілерінің 1,0%-ын, өзге ұйымдардың 3,8%-ын, атауы көрсетілмеген қаржы ұйымдарының 0,1%-ын құрады.2025 жылғы наурызда Агенттік 3 ұсынымдық қадағалап ден қою шарасын, әкімшілік құқық бұзушылықтар туралы 86 хаттама бойынша жалпы сомасы 924 мың теңгеге 2 әкімшілік жаза, оның ішінде:- банктерге қатысты 2 ұсынымдық қадағалап ден қою шарасын, әкімшілік құқық бұзушылықтар туралы 1 хаттама бойынша жалпы сомасы 786,4 мың теңгеге 1 әкімшілік жаза;- сақтандыру ұйымдарына қатысты 1 ұсынымдық қадағалап ден қою шарасын;- коллекторлық агенттіктерге қатысты 137,6 мың теңге сомасына 1 хаттама бойынша 1 әкімшілік жаза қолданды.Агенттік жалғыз баспананы сақтап қалуға және борыш жүктемесін төмендетуге бағытталған Ипотекалық тұрғын үй қарыздарын (ипотекалық қарыздарды) қайта қаржыландыру бағдарламасын (бұдан әрі – Бағдарлама) үш бағыт бойынша іске асыруда.Бағдарламаның 2004 – 2020 жылдар аралығындағы кезеңде ипотекалық қарыз алған қарыз алушылардың жалғыз баспанасын сақтауға бағытталған бірінші бөлігі шеңберінде 2025 жылғы 1 сәуірдегі жағдай бойынша банктер 206,1 млрд теңге сомаға 32,8 мың қарызды қайта қаржыландырды.Бағдарламаның 01.01.2016ж. дейін берілген валюталық ипотекалық қарыздарды конвертациялауға/қайта қаржыландыруға бағытталған екінші бөлігі шеңберінде банктер 114,0 млрд теңге сомаға 15,8 мың валюталық ипотекалық қарызды конвертациялауды/қайта қаржыландыруды жүргізді. Валюталық қарыздарды конвертациялау /қайта қаржыландыру 2025 жылғы 31 желтоқсанға дейін жүргізіледі.Бағдарламаның үшінші бөлігі шеңберінде 2025 жылғы 1 сәуірдегі жағдай бойынша банктер ХӘОТ санатындағы 10,6 мың қарыз алушыға 94,6 млрд теңге сомасына қосымша қаржылық қолдау шараларын көрсетті. Қосымша көмек 2025 жылғы 31 желтоқсанға дейін қарыз алушының берешегін азайту, өтеудің жеңілдетілген кестелерін белгілеу, сондай-ақ қарыз алушының банктің балансындағы жалғыз баспанасын меншігіне қайтару түрінде көрсетілуде. Сыртқы коммуникациялар басқармасыpress@finreg.kz  Ақпарат көзі : https://www.gov.kz/memleket/entities/ardfm/press/news/details/988373?lang=kk

2025 жылғы 1 сәуірдегі жағдай бойынша Қазақстан Республикасының сақтандыру секторында 25 сақтандыру ұйымы бар, оның 10-ы – өмірді сақтандыру бойынша.2025 жылғы наурыздың қорытындысы бойынша сақтандыру (қайта сақтандыру) ұйымдарының активтері 0,3%-ға 3,2 трлн теңгеге азайды (2025 жылдың басынан бері 3,5%-ға өсу), әділ құны бойынша бағаланатын бағалы қағаздардың құнын қайта бағалау нәтижесінде (1,4%-ға төмендету)2025 жылғы 1 сәуірде активтер құрылымында ең көп үлес бағалы қағаздарға – 73,7% (2,4 трлн теңге), екінші деңгейдегі банктердегі ақша қаражаты мен салымдарға – 6,2% (200 млрд теңге), сақтандыру дебиторлық берешекке – 4,6% (151 млрд теңге) тиесілі.Сақтандыру (қайта сақтандыру) ұйымдарының міндеттемелері негізінен негізінен тікелей РЕПО мәмілелерінің өтелуі мен көлемінің төмендеуі нәтижесінде 2025 жылғы наурызда 0,7%-ға 2,3 трлн теңгеге дейін азайды (2025 жылдың басынан бері 3,9%-ға өсу).Сақтандыру (қайта сақтандыру) ұйымдарының меншікті капиталы есепті кезеңдегі бөлінбеген пайданың төмендеуі нәтижесінде 2025 жылғы наурызда 0,4%-ға немесе 4,1 млрд теңгеге 959 млрд теңгеге дейін ұлғайды (2025 жылдың басынан бері 1,5%-ға өсу). 2025 жылғы наурызда сақтандыру ұйымдары негізінен 18,4 млрд теңге мөлшерінде пайда алды (2025 жылдың басынан бері таза пайда 18,1 млрд теңге).2025 жылдың басынан бері жеке және заңды тұлғалар бойынша жасалған сақтандыру шарттарының саны 6,0 млн шартты құрады, бұл 2024 жылдың осындай кезеңімен салыстырғанда 34,5%-ға көп. Негізгі өсім жазатайым оқиғалардан сақтандыру (1 437,4 мың шарт немесе 108,3% өсуі) бойынша шарттарға тиесілі.Сақтандыру шарттары бойынша қабылданған сақтандыру (қайта сақтандыру) сыйлықақылары 2025 жылы наурызда 109,3 млрд теңгені құрады. 2025 жылдың басынан бері сақтандыру сыйлықақылары 391,0 млрд теңгені құрады, бұл 2024 жылғы осыған ұқсас кезеңмен салыстырғанда 21,9%-ға артық.Ерікті жеке сақтандыру бойынша сақтандыру сыйлықақыларының көлемі 2025 жылғы наурызда 60,4 млрд теңгені, 2025 жылдан бастап 191,9 млрд теңгені құрады, бұл 2024 жылғы ұқсас кезеңмен салыстырғанда 50,4%-ға немесе 64,3 млрд теңгеге артық. Өсу негізінен жазатайым оқиғалардан сақтандыру бойынша 2,9 есе 48,4 млрд теңгеге дейін және зейнетақы аннуитеттік сақтандыру бойынша 1,7 есе немесе 67,4 млрд теңгеге дейін жиналған сыйлықақылар сомасының ұлғаюына байланысты.Ерікті мүліктік сақтандыру бойынша сақтандыру төлемдері ағымдағы жылғы наурызда 30,1 млрд теңгені, 2025 жылдың басынан бері 137,5 млрд теңгені құрады, бұл алдыңғы жылғы ұқсас кезеңмен салыстырғанда, 0,1%-ға артық. Өсу негізінен кәсіптік жауапкершілікті сақтандыру санаты бойынша жиналған сыйлықақылардың 4 есе 8,1 млрд теңгеге дейін өсуіне байланысты болды.Міндетті сақтандыру бойынша сақтандыру сыйлықақыларының сомасы 2025 жылғы наурызда 18,8 млрд теңгені, 2025 жылдың басынан бері 61,6 млрд теңгені құрады, бұл 2024 жылғы ұқсас кезеңмен салыстырғанда 10,2%-ға артық. Өсу негізінен көлік құралдары иелерінің азаматтық-құқықтық жауапкершілігін сақтандыру сыйлықақыларының 27,6%-ға 27,5 млрд теңгеге дейін ұлғаюымен байланысты.2025 жылғы наурыздағы сақтандыру төлемдері 29,3 млрд теңгені, 2025 жылдың басынан бері 90,3 млрд теңгені құрады, бұл 2024 жылғы ұқсас кезеңмен салыстырғанда 39,2%-ға артық, барлығы 124,4 мың төлем жасалды.   Сыртқы коммуникациялар басқармасы  press@finreg.kz Ақпарат көзі : https://www.gov.kz/memleket/entities/ardfm/press/news/details/988333?lang=kk