Қазақстандық Falcon EuroBus компаниясы Пәкістанға 600 дана электр автобусын жеткізбек. Бұл туралы Исламабадта өтіп жатқан «Қазақстан-Пәкістан» бизнес форумында екі елдің бизнес тараптары келісімге келді. Автобустардың алғашқы жеткізілімі биыл сәуірде басталады. Коммерциялық келісімнің құны 108 млн АҚШ долларын құрайды. 2027-2028 жылға қарай компания Пәкістан автобус экспортын 2000 данаға жеткізуге ниетті. 2018 жылы Алматы қаласында құрылған кәсіпорын бүгінде еуропалық стандартқа сай автобустардың кең түрін шығарады. Жылына 1500 дана автобус шығаратын кәсіпорын биыл өндіріс қуатын 3000 данаға жеткізуді көздеп отыр. Өйткені қазақстандық электр автобусына көршілес Өзбекстан, Маңғолия, Пәкістанда ғана емес, еуропа елдерінен де сұраныс жоғары. «Біз барлық циклдегі автобустарды шығарамыз. Бүгінгі «Қазақстан-Пәкістан» бизнес форумы аясында біз үшін үлкен нарықтың есігі ашылды. Қазіргі келісім бойынша жолаушылар тасымалына арналған 600 электр автобусын жеткіземіз. B2B кездесуде Пәкістанның білім министрігінің өкілдерімен кездесіп, алдағы уақытта оқушылар тасымалына арналған 2000 дана автобус жеткізуге келісіп отырмыз», - деді Falcon EuroBus директорлар кеңесінің төрағасы Мұрат Әділханов.Бизнес форум қорытындысы бойынша Falcon EuroBus пен транспорт саласына маманданған пәкістандық «OGCC International» компаниялары арасында коммерциялық құжатқа қол қойылмақ. Айта кету керек, «Қазақстан-Пәкістан» бизнес форумы ҚР Президенті Қасым-Жомарт Тоқаевтың Пәкістан Ислам Республикасына мемлекеттік сапары аясында ұйымдастырылып жатыр.Ақпарат көзі : https://www.gov.kz/memleket/entities/mti/press/news/details/1154610?lang=kk

Маңғыстау облысы бойынша Мемлекеттік кірістер департаменті әкімшілік құқық бұзушылықтар туралы істерді жүргізудің электрондық форматына көшуі көшу туралы хабарлайды.2025 жылғы 11 қарашадан бастап мемлекеттік кірістер органдары Әкімшілік құқық бұзушылықтар туралы кодекстің 737-1 және 743-баптарына сәйкес «Әкімшілік іс жүргізудің бірыңғай тізілімі» (ӘІБТ)  ақпараттық жүйесінде электрондық іс жүргізуге толығымен көшті. Бұл әкімшілік – деликтік процесті цифрландырудың бір бөлігіне айналды.Салық төлеушілерді уақтылы және ыңғайлы түрде хабардар ету мақсатында «Салықтық әкімшілендірудің интеграцияланған жүйесінде»  (СӘИЖ) жаңа функционал іске асырылды. Енді мемлекеттік кірістер органына келу туралы хабарламалар электрондық салық төлеушілер ретінде тіркелген тұлғаларға электрондық форматта жіберіледі.Хабардар ету:- СӘИЖ АЖ салық төлеушінің жеке кабинетіне;- электрондық үкіметтің веб-косымшасына;- қосымша 1414 нөмірінен салық төлеушінің ұялы телефонына SMS – хабарлама арқылы келіп түседі.1414 нөмірінен келген SMS – хабарлама тек ақпараттық сипатқа ие екеніне назар аударамыз.Мемлекеттік кірістер органдары азаматтар мен бизнес үшін мемлекеттік кірістер органдарымен өзара іс – қимылды жеңілдететін, ыңғайлы және қолжетімді ете отырып, цифрлық сервистерді кезең – кезеңімен кеңейтуді және жаңғыртуды жалғастыруда.Ақпарат көзі : https://www.gov.kz/memleket/entities/kgd-mangistau/press/news/details/1154555?lang=kk

Қазіргі уақытта БҚО бойынша МКД-да "Халық бухгалтері" акциясы іске асырылуда, оның шеңберінде жеке кәсіпкерлер мен шағын бизнес субъектілеріне тұрақты негізде тегін консультациялар беріледі.📢 2026 жылғы 5 қаңтардан бастап «Халық бухгалтері» акциясы басталадыҚР ҚМ жеке кәсіпкерлер мен шағын бизнес субъектілеріне арналған «Халық бухгалтері» акциясын іске қосады.🗓 Өткізу мерзімі:2026 жылғы 5 қаңтар – 30 маусым👥 Кімдерге арналған:Жеке кәсіпкерлер мен шағын бизнес субъектілеріне💬 Қандай көмек көрсетіледі:Келесі мәселелер бойынша түсінікті әрі практикалық кеңестер беріледі:• бухгалтерлік есеп;• салықтық есептілік;• ақпараттық жүйелерде жұмыс істеу.📍 Жұмыс форматы:Негізгі формат — қалалар мен облыс орталықтарындағы мемлекеттік кірістер басқармалары базасында офлайн қабылдау.⏰ Кеңес беру кестесі:▪️ 2026 жылғы қаңтар–ақпан — аптасына 3 рет (дүйсенбі, сәрсенбі, жұма) сағат 10:00–13:00▪️ 2026 жылғы наурыздан бастап — аптасына 2 ретҚабылдау орындары мекенжайы мен жұмыс кестесі көрсетілген «Халық бухгалтері» арнайы тақтайшаларымен белгіленеді.👨‍💼 Кеңес берушілер:• кәсіби бухгалтерлер мен аудиторлар;• бухгалтерлік қауымдастықтардың өкілдері;• заңнама нормаларын түсіндіру үшін мемлекеттік кірістер органдарының тәжірибелі қызметкерлері.🏙 География:• Астана, Алматы және Шымкент қалаларында — жеке кеңес беру алаңдары (мүмкіндікке қарай қаланың барлық аудандарында);• өңірлерде — аудандық деңгейде, қажет болған жағдайда мамандардың көшпелі қабылдауы ұйымдастырылады.📞 Қосымша мүмкіндіктер:• бейнекеңестер мен телефон арқылы байланыс;• ресми ресурстар арқылы онлайн кеңес беру;• вебинарлар (онлайн және офлайн);• есептілік кезеңдерінде тақырыптық кеңес беру сессиялары.📘 Сонымен қатар, заңнама нормаларын қарапайым тілмен түсіндіретін және ақпараттық жүйелерде жұмыс істеу бойынша қадамдық нұсқаулықтары бар буклеттер дайындалады, Call-орталыққа арналған материалдар жаңартылып, SalykBot Telegram-арнасы ақпаратпен толықтырылады.➡️ «Халық бухгалтері» акциясы — салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам.Алдағы уақытта құқық бұзушылықтардың алдын алуға және консультациялық қолдаудың сапасын арттыруға бағытталған қосымша шаралар іске асырылатын болады.Ақпарат көзі : https://www.gov.kz/memleket/entities/kgd-zko/press/news/details/1154497?lang=kk

Батыс Қазақстан облысы қорғаныс істері жөніндегі департаментінің басшылығы Ұлы Отан соғысының ардагері, Халық қаһарманы Иван Степанович Гапичті 103 жасқа толған туған күнімен құттықтап барды. Әскери қызметшілер қарт майдангерге Қазақстан Республикасы Қорғаныс министрі авиация генерал-лейтенанты Дәурен Қосановтың құттықтау жеткізді.1923 жылы 2 ақпанда Ақмолада дүниеге келген Иван Степанович соғыстың алғашқы күндерінде өз еркімен майданға аттанды. Ташкентте оқуын аяқтаған соң Батыс майдан штабының байланысын қамтамасыз ететін радиотелеграфист қызметін атқарды. Содан кейін диверсиялық бөлімшелер құрамында жау тылында жауынгерлік тапсырмаларды орындады.Ол Вязьма, Смоленск, Орша және Шығыс Еуропадағы ауыр ұрыстарға қатысып, контузия алса да қайтадан сапқа оралды. Жеңісті Шығыс Пруссияда қарсы алып, 1945 жылы 24 маусымда 1-ші Балтық майданы біріккен полкінің құрамында Қызыл Алаңдағы Жеңіс шеруіне қатысты.  Соғыстан кейін Иван Степанович өз ғұмырын мемлекет қызметіне арнады. Көп жылдар бойы Батыс Қазақстан облысының прокуратура органдарында қызмет етті. Қартайған шағында да соғыс жылдарындағы естеліктері жадынан өшкен емес. 2010 жылы Мәскеудегі Жеңіс шеруіне қатысты.2023 жылы Қазақстан Республикасының Президенті Қасым-Жомарт Тоқаевтың Жарлығымен Иван Степанович Гапичке Ұлы Отан соғысында көрсеткен ерлігі мен жанқиярлығы үшін Халық қаһарманы атағы берілді.Ақпарат көзі : https://www.gov.kz/memleket/entities/mod/press/news/details/1154498?lang=kk

Қазақстанның Пәкістанға экспорты 2025 жылы бірнеше есе өсіп, сыртқы сауданың ең серпінді бағыттарының біріне айналды. 2025 жылдың қаңтар-қараша айының қорытындысы бойынша екі ел арасындағы тауар айналымы 105,6 млн АҚШ долларына жетіп, 2024 жылдың сәйкес кезеңімен салыстырғанда 2,1 есеге ұлғайды. Өсімнің негізгі драйвері дәл экспорттық компонент болды, ол бірден 11,2-ден 56,4 миллион АҚШ долларына дейін бес есеге өсті. Бұл сауда балансын түбегейлі жақсартуға мүмкіндік берді.2025 жылы Пәкістанға қазақстандық экспорттың ұлғаюы ең алдымен тауар номенклатурасының кеңеюімен және бірқатар жаңа позициялар бойынша жеткізілімдердің басталуымен байланысты. Өсімге негізгі үлес 52,9 миллион АҚШ долларын құрайтын шикі мұнайға тиесілі. Агроөнеркәсіп кешені өнімдерді жеткізу айтарлықтай өсті. Бұршақ дақылдарының экспорты 280,3 мың АҚШ долларына, дәнекерлеуге арналған жабдықтар мен машиналар 64,1 мың АҚШ долларына, басқа кеңсе жабдықтары 48,1 мың АҚШ долларына, тоқуға арналған өсімдік тектес материалдар экспорты 33,1 мыңға АҚШ долларына жетті. Сондай-ақ тоқыма машиналарына арналған қосалқы жабдық экспорты 22,5 мың АҚШ доллары болды. Бидай экспорты 4,6 есеге артып, 55,1 мың АҚШ долларына жетті. Бұл Пәкістан нарығының қазақстандық ауыл шаруашылығы өніміне деген қызығушылығының өсуін көрсетеді.Пәкістаннан Қазақстанға импорт 2025 жылдың қаңтар-қараша айларында оң серпінді көрсетіп, 19,9% - ға өсті. Негізгі өсім азық-түлік тауарлары мен жеңіл өнеркәсіп өнімдеріне тиесілі. Өткен жылы картоп импорты 94 есеге жуық өсіп, 9,28 миллион АҚШ долларына жетті. Трикотаж киімдер жеткізу айтарлықтай өсті: өзге де трикотаж бұйымдарының импорты 125 есе артып, 663 мың АҚШ долларына дейін, әйелдер трикотаж киімдері 45,8% - ға 1,45 млн АҚШ долларына дейін, маяктар мен фуфайкалар 43,2% - ға 1,18 млн АҚШ долларына дейін өсті.Өткен жылдың өзара сауда нәтижелері Қазақстан мен Пәкістанның сауда-экономикалық қатынастарындағы сапалы өзгерісті айқын көрсетеді. Экспорттың бес есе өсуі және сауда теңгерімінің жақсаруы жеткізілімдерді одан әрі ұлғайту, өнеркәсіп және аграрлық кооперацияны тереңдету, сондай-ақ қазақстандық өндірушілердің Пәкістан нарығындағы позицияларын нығайту үшін тұрақты базаның қалыптасқанын айғақтайды.Ақпарат көзі : https://www.gov.kz/memleket/entities/mti/press/news/details/1154500?lang=kk

Вашингтон, Колумбия аумағы, 2026 жылғы 3 ақпан – Америка Құрама Штаттарына жасаған сапары аясында Қазақстан Республикасының Сыртқы істер министрі Ермек Көшербаев АҚШ Өкілдер палатасының Халықаралық қатынастар комитетінің төрағасы Брайан Мастпен және сенатор Стив Дэйнспен кездесулер өткізді.Тараптар қазақ-американ ынтымақтастығының қазіргі жағдайы мен даму перспективаларын талқылап, екіжақты күн тәртібінің негізгі басымдықтарына сәйкес сауда-экономикалық байланыстарды нығайтуға, саяси диалогты дамытуға және парламентаралық өзара іс-қимылды кеңейтуге ерекше назар аударды.Қазақстанның сыртқы саяси ведомствосының басшысы екі ел арасындағы қатынастардың стратегиялық сипатын атап өтіп, бірлескен бастамаларды ілгерілетудің тиімді тетігі ретінде заң шығарушы органдар арасындағы байланыстарды жандандырудың маңыздылығын атап өтті.Конгрессмен Б.Мастпен өткен кездесу барысында тараптар екіжақты өзара іс-қимылдың оң динамикасын жоғары бағалап, сауда-экономикалық ынтымақтастықты тереңдетуге бағытталған бастамаларды одан әрі қолдау мақсатында бірлескен жұмысты жалғастыруға уағдаласты. Атап айтқанда, аса маңызды минералдар бойынша жобалар қамтылды. Бұған қоса, биыл наурызда АҚШ конгрессмендері делегациясының Қазақстанға жоспарланған сапарына ерекше көңіл бөлінді.Сенатор С.Дэйнс өз кезегінде Қазақстанның салмақты әрі сындарлы сыртқы саяси бағытын атап өтіп, екіжақты іскерлік байланыстарды кеңейту үшін АҚШ Конгресінде қолайлы заңнамалық жағдайлар қалыптастырудың маңыздылығын, соның ішінде тұрақты қалыпты сауда қатынастары режимін енгізу арқылы қамтамасыз етудің қажеттігін ерекше атап өтті. Ол Джексон-Вэник түзетуін алып тастауға бағытталған қажетті заңнамалық шешімдерді қабылдау бойынша жұмыс жүргізіліп жатқанын хабарлады.Кездесулер қорытындысы бойынша Министр америкалық заң шығарушыларды Қазақстанға келіп, екіжақты ынтымақтастықты одан әрі дамыту перспективаларын практикалық тұрғыда талқылауға шақырды.Ақпарат көзі : https://www.gov.kz/memleket/entities/mfa-pretoria/press/news/details/1160260?lang=kk

Исламабадта Қазақстан-Пәкістан бизнес-форумы өз жұмысын бастады. Шара Қазақстан Республикасының Президенті Қасым-Жомарт Тоқаевтың Пәкістан Ислам Республикасына мемлекеттік сапары аясында өтуде. Бизнес форум екі елдің іскер топтары арасындағы сауда-экономикалық, инвестициялық және өнеркәсіп саласындағы ынтымақтастықты тереңдетуге бағытталған. Форум сапардың негізгі іскерлік алаңына айналады және Қазақстан мен Пәкістанның мемлекеттік органдары, квазимемлекеттік секторы мен бизнес өкілдері арасындағы тікелей диалогты қамтамасыз етпек.Форумда бейінді ведомстволардың, ұлттық компаниялардың, қаржы институттарының және ірі жеке компаниялардың басшылары қатысатын пленарлық сессия, B2B және B2C форматтарында кездесулер өткізу, сондай-ақ коммерциялық құжаттарға қол қою рәсімі өтеді.Бизнес-форумға қазақстандық тараптан барлығы 143 өкіл қатысады, оның 24-і квазимемлекеттік сектор және 119-ы бизнес-қоғамдастық өкілі. Пәкістан тарапынан іс-шараға 180 компания қатысуда.Форум аясында бірлескен инвестициялық платформалар құруды, Пәкістанның порт инфрақұрылымын пайдалана отырып, көлік-логистикалық маршруттарды дамытуды, электрондық коммерция мен почта логистикасын, банктік және исламдық қаржыландыруды, өнеркәсіптік кооперацияны, электр автобустарын, қантты, құрылыс материалдары мен лак-бояу өнімдерін өндіруді, сондай-ақ IT, GovTech, стартап-экожүйе, тоқыма өнеркәсібі, медицина және қорғаныс-өнеркәсіп кешені салаларында ынтымақтастықтың кең ауқымды бағытын қамтитын келісімдерге қол қою жоспарлануда.Ақпарат көзі : https://www.gov.kz/memleket/entities/mti/press/news/details/1154394?lang=kk

Қызылтөбе ауылдық округі бойынша жаяу жүргінші жолдарды қар, мұздан тазарту жұмыстары жүргізілуде.Ақпарат көзі : https://www.gov.kz/memleket/entities/mangystau-munaily-qyzyltobe/press/news/details/1154408?lang=kk

Өткен жылдың қорытындысы бойынша Қазақстан мен Пәкістан арасындағы тауар айналымы екі есеге жуық ұлғайып, 105,6 млн АҚШ долларына жетті. Өзара сауданың өсуі екі ел арасындағы сауда-экономикалық ынтымақтастықты одан әрі кеңейту үшін орнықты алғышарттардың бар екенін растап отыр.Орта мерзімді перспективада тараптар екіжақты тауар айналымы көлемін $1 млрд-қа дейін жеткізуге ниетті. Бұл туралы Қазақстан Республикасы Сауда және интеграция министрі Арман Шаққалиев Исламабадта өткен Пәкістан Ислам Республикасының Коммерция министрі Джам Камал Ханмен екіжақты кездесуі барысында талқылады.Келіссөздер барысында тараптар өзара сауда көлемін ұлғайтуға бағытталған жекелеген бастамалардан жүйелі жұмысқа көшуге мүдделі екендігін жеткізді. Арман Шаққалиев тауар айналымын ұлғайту бойынша экономиканың нақты секторларын айқындауды, сондай-ақ осы мақсатқа қол жеткізуге бағытталған іс-шаралар мен практикалық қадамдарды белгілеуді ұсынды.Аталған тетікті іске асыру ең жоғары сауда-экономикалық әлеуетке ие басым салаларға, соның ішінде агроөнеркәсіп кешені мен азық-түлік өнімдеріне, химия және мұнай-химия өнеркәсібіне, металлургияға, машина жасау мен фармацевтика саласына басымдықпен назар аударуды көздейді.«Өзара тауар айналымын 1 млрд АҚШ долларына дейін ұлғайту мақсатына қол жеткізу үшін QazTrade және TDAP бастамаларды іске асырудың негізгі операторлары ретінде айқындалады. Бұл бизнесті сүйемелдеу, тікелей B2B-контактілерді ұйымдастыру және бірлескен жобаларды жүзеге асыру бойынша жүйелі жұмысты қамтамасыз етуге мүмкіндік береді», – деп атап өтті Арман Шаққалиев.Өз кезегінде Пәкістан Ислам Республикасының Сауда министрі қазақстандық тараптың бастамасын қолдады. «Пәкістан Қазақстанмен сауда қатынастарын дамытуға ерекше мән береді. Қазақстан Орталық Азиядағы ең ірі экономика ғана емес, сонымен қатар өңірдегі Пәкістанның ең ірі экспорттық нарығы», – деді Джам Камал Хан.Кездесу қорытындысы бойынша хаттамаға қол қойылды. Онда ортадағы келісімді іске асыру бойынша QazTrade пен TDAP-қа тиісті міндеттер жүктелді.Ақпарат көзі : https://www.gov.kz/memleket/entities/mti/press/news/details/1154413?lang=kk

Оңтүстік Қазақстан медицина академиясында Қазақстан Республикасының жаңа Конституциясы жобасын талқылау және түсіндіру бойынша оқытушылар, студенттермен кездесу жиыны өтті. Іс-шарада Шымкент қаласы әкімінің орынбасары Сәрсен Құранбек еліміздің саяси жүйесін кешенді жаңғыртуға бағытталған маңызды құжат жөнінде кеңірек әңгімелеп берді.Жаңа редакциядағы Ата заң елімізде адам капиталын, білімді, ғылымды және инновацияны мемлекеттік қызметтің басты стратегиялық бағыты ретінде айқындайды. Сәрсен Абайұлы қазіргі жаһандық бәсеке мен әлемдік тұрақсыздық кезеңінде кез-келген елдің қуаты оның табиғи байлығымен емес, интеллектуалды әлеуеті, білім сапасы мен ғылыми жетістіктері арқылы өлшенетінін атап өтті.– Конституцияның жаңа редакциясында преамбула толығымен жаңадан жазылып, онда Ұла даланың мыңжылдық тарихына сүйеніп, Ата Заңның негізгі мақсат-мұраттары айқындалды.Сонымен қатар, Вице-Президент институты, Халықтық кеңес, Адвокатура және басқа да маңызды жаңа институттар мен ұғымдар енгізілді.Конституцияның жаңа редакциясын қабылдау заңды ұйғарым, бастысы қазіргі заман талаптарына, қоғамның сұранысына және мемлекеттің стратегиялық даму мақсаттарына толық сәйкес келеді. Жаңа Конституция – бұл елдің ұзақ мерзімді дамуын бағыттайтын темір қазық, мемлекеттің ішкі және сыртқы саясатын қалыптастыратын негізгі құжат, – деді қала әкімінің орынбасары.Сондай-ақ, іс-шарада оқу орнының ұстаздары, шәкірттері де өз ойларын ортаға салды. Жаңа редакциядағы Ата заң жөнінде сұрақ қоюшыларға жан-жақты жауап берілді. Жиынға қатысушылар жаңа Конституция жобасына толық қолдау білдірді.

📘 Корпоративтік табыс салығы (КТС): негізгі жаңашылдықтарСалық кодексіне КТС бойынша елеулі өзгерістер енгізілді. Негізгілеріне тоқталайық 👇👥 КТС төлеушілер кімдер?✔️ Қазақстан Республикасының резидент заңды тұлғалары✔️ Қазақстанда тұрақты мекеме арқылы қызмет ететін немесе Қазақстандағы көздерден табыс алатын резидент емес заңды тұлғалар❗️Мемлекеттік мекемелер КТС төлеуші емес,алайда орта білім беретін мемлекеттік оқу орындары жеңілдіктер тізбесінен алынып тасталды → енді КТС төлейді.📊 КТС-тің сараланған мөлшерлемелері🔹 20% — жалпы мөлшерлеме🔹 25% — банктік қызмет (бизнесті кредиттеуден басқа) және ойын бизнесі🔹 3% — өз өндірісіндегі ауыл шаруашылығы және аквакультура өнімдерін өндіру және өңдеу🔹 6% — ауыл шаруашылығы кооперативтері🔹 әлеуметтік сала (КЕҰ-дан басқа):• 2026 жылы — 5%• 2027 жылдан бастап — 10%📂 КТС бөлімі қайта құрылды— табыстар жеке қарастырылған— шегерімдер жеке көрсетілген— жылдық жиынтық табысқа кірмейтін кірістер бөлек белгіленген➡️ бұл нормаларды қолдануды жеңілдетеді🏗 Инвестициялық салықтық преференциялар✔️ қолдану — салық төлеушінің құқығы✔️ активті тануға дейін немесе кейін шегерімге жатқызуға болады✔️ бағдарламалық қамтамасыз ету енгізілді✔️ ғимараттардың «өндірістік мақсаты» талабы алынып тасталды✔️ активтерді жалға беру кезінде де қолдануға болады✔️ бақылау кезеңі енгізілді🧾 Тіркелген активтер— амортизация нормалары сақталды— жөндеу шығындары:🔹 бірден шегерімге жатқызу🔹 немесе капиталдандыру және амортизациялау (таңдау бойынша)💱 Міндеттемелер мен талаптарды индекстеуВалюта бағамының өзгеруінен туындайтын айырмалартабыс немесе шығыс ретінде танылады,бірақ сыйақы болып есептелмейді.🚫 Шегерімдерге шектеулер❌ оңайлатылған декларация негізіндегі СНР қолданатын контрагенттермен операциялар бойынша шығындар шегерімге жатқызылмайды♿ Мүгедектігі бар адамдар ұйымдары (2025 жылдан бастап)Шарттар:✔️ қызметкерлердің кемінде 51% — мүгедектігі бар адамдар✔️ еңбекақы қорының кемінде 51% — сол қызметкерлергеКТС бойынша жеңілдіктер:🔹 3–9 адам — КТС 50% азаяды🔹 10 және одан көп — КТС толық босатыладыСонымен қатар ҚҚС бойынша да жеңілдіктер бар.📑 Әртүрлі КТС мөлшерлемелері кезінде бөлек есеп✔️ табыстар мен шығыстарды әр мөлшерлеме бойынша бөлек есептеу міндетті💰 КТС бойынша аванстық төлемдер🔹 ЖЖТ шегі артты:• бұрын — 325 000 АЕК• қазір — 600 000 АЕК➡️ орта бизнес үшін жүктеме азайды🔹 1-тоқсанға аванстарды салық органы есептейді(өткен жылдағы КТС-тің 1/12 бөлігі)🧠 Жаңа табыс түрлері— цифрлық активтер және майнинг— құн өсімінен түсетін табыс— ұзақ мерзімді келісімшарттар— қаржы құралдары💡 КТС бойынша өзгерістер икемділікті арттырады, бірақ есеп пен талдауға мұқият қарауды талап етеді.Ақпарат көзі : https://www.gov.kz/memleket/entities/kgd-zko/press/news/details/1154317?lang=kk

Мемлекеттік қызметшілердің әдеп нормаларын сақтауға және сыбайлас жемқорлыққа күрес туралы жиналыс өткізілді.   Ақпарат көзі : https://www.gov.kz/memleket/entities/mangystau-munaily-qyzyltobe/press/news/details/1154321?lang=kk

ҚР «Қазақстан Республикасындағы кедендік реттеу туралы» Кодексіне (әрі қарай – Кодекс) сәйкес кедендік тексеру кедендік бақылау нысандарының бірі болып табылады.Кодекстің 420-бабында көшпелі кедендік тексеру жүргізу үшін Қазақстан Республикасының кеден және өзге де мемлекеттік органдарының лауазымды адамдарының тексерілетін тұлғалардың объектілеріне кіру тәртібі айқындалған.Тексерілетін тұлға кеден органының лауазымды тұлғалары көшпелі кедендік тексеру жүргізу туралы нұсқаманы, сондай-ақ қызметтік куәліктерін немесе сәйкестендіру карталарын көрсеткен кезде Қазақстан Республикасы кеден органының лауазымды тұлғалары мен өзге де мемлекеттік органдарының көшпелі кедендік тексеру жүргізуге қатысу үшін тартылатын лауазымды тұлғаларының көшпелі кедендік тексеру жүргізу үшін тексерілетін тұлғаның объектісіне (тұрғын үй-жайларды қоспағанда) кіруін қамтамасыз етуге міндетті.Қазақстан Республикасының заңнамасында жекелеген объектілерге ҚР мемлекеттік органдары лауазымды тұлғаларының кіруінің арнайы тәртібі белгіленген жағдайда ҚР заңнамасында белгіленген тәртіп сақтала отырып жүзеге асырылады.Тексерілетін тұлға көшпелі кедендік тексеруді жүргізуге қатысу үшін тартылатын Қазақстан Республикасының кеден органының лауазымды тұлғалары мен өзге де мемлекеттік органдардың лауазымды тұлғаларына тексерілетін тұлғаның объектісіне кіруінен мынадай жағдайларда бас тартуға құқылы:1) аталған лауазымды тұлғалар көшпелі кедендік тексеруді жүргізу туралы нұсқаманы және (немесе) қызметтік куәліктерін не сәйкестендіру карталарын көрсетпесе;2)ҚР кеден органдарының лауазымды тұлғалары және (немесе) өзге мемлекеттік органдарының лауазымды тұлғалары көшпелі кедендік тексеруді жүргізу туралы нұсқамада көрсетілмесе;3) егер аталған лауазымды тұлғалардың тексерілетін тұлғаның объектісіне кіруге арнайы рұқсаты ҚР заңнамасына сәйкес қажет болса, олардың мұндай рұқсаты болмаса.Тексерілетін тұлға көшпелі кедендік тексеруді жүргізетін кеден органы лауазымды тұлғаларының және көшпелі кедендік тексеру жүргізуге қатысу үшін тартылған Қазақстан Республикасының өзге мемлекеттік органдары лауазымды тұлғаларының тексерілетін тұлғаның объектісіне кіруін қамтамасыз етуден негізсіз бас тартқан жағдайда, уәкілетті орган бекітетін нысан бойынша тиісті хаттама толтырылады. Осы тармақтың бірінші бөлігінде көрсетілген лауазымды тұлғалардың тексерілетін тұлғаның объектісіне кіруіне кедергі келтіретін адамдар ҚР заңына сәйкес жауапкершілікке тартылады. Хаттамаға тексеруді жүргізетін лауазымды тұлғалар, тексерілетін тұлға не оның өкілі қол қояды. Тексерілетін тұлға көрсетілген хаттамаға қол қоюдан бас тартқан кезде бас тарту себебі туралы жазбаша түсініктеме беруге міндетті. Хаттаманың көшірмесі тексерілетін тұлғаға немесе оның өкіліне табыс етіледі.Ақпарат көзі : https://www.gov.kz/memleket/entities/kgd-vko/press/news/details/1154333?lang=kk

📢 Ашық есік күні өтеді!📅 2026 жылғы 6 ақпан📍 БҚО бойынша Мемлекеттік кірістер департаментіБатыс Қазақстан облысы бойынша Мемлекеттік кірістер департаментінде Ашық есік күні өткізіледі.🔍 Іс-шара аясында келесі мәселелер бойынша түсіндірмелер беріледі:✔️ Қазақстан Республикасының салық заңнамасын қолдану✔️ салықтық есептілікті ұсыну тәртібі✔️ келесі нысандарды толтыру және тапсыру:— 250.00 СЕН «Активтер мен міндеттемелер туралы декларация»— 270.00 СЕН «Табыстар мен мүлік туралы декларация»👨‍💼👩‍💼 Мемлекеттік кірістер органдарының мамандары барлық сұрақтарға жауап беріп, практикалық кеңестер береді.📌 Барша мүдделі азаматтарды қатысуға шақырамыз!Ақпарат көзі : https://www.gov.kz/memleket/entities/kgd-zko/press/news/details/1154334?lang=kk

Ауылдық округ бойынша тұрғындардың қауіпсіздігін қамтамасыз ету мақсатында жаяу жүргінші жолдарды қардан тазарту жұмыстары жүргізілуде.Ақпарат көзі : https://www.gov.kz/memleket/entities/mangystau-munaily-qyzyltobe/press/news/details/1154358?lang=kk

Маңғыстау облысы бойынша Мемлекеттік кірістер департаменті қоршаған ортаға теріс әсер еткені үшін төлем Бюджет кодексіне сәйкес арнайы түсімдерге жататынын хабарлайды.Осыған байланысты оны заңнамаға сәйкестендіру мақсатында Қаржы министрлігі бюджеттік сыныптама кодын 105316-дан 401101-ге өзгертті.Салық есептілігі нысаны 870.00 декларациясы бойынша төлемдерді бөлуге қатысты жаңарту 2026 жылғы 3 ақпаннан бастап қолданысқа енгізілді.Осыған орай, төлемдердің бюджетке дұрыс есептелуі үшін төлемді 401101 БСК бойынша жүзеге асыру қажет.Ақпарат көзі : https://www.gov.kz/memleket/entities/kgd-mangistau/press/news/details/1154365?lang=kk

2026 жылғы 3 ақпанда Өзбекстан Республикасының Сыртқы істер министрлігінде Қазақстан Республикасының Өзбекстан Республикасындағы Төтенше және Өкілетті Елшісі Бейбіт Атамқұлов пен Өзбекстан Республикасы Президентінің Ауғанстан жөніндегі Арнайы өкілі Исматулла Иргашевтің кездесуі өтті.Кездесу барысында тараптар Ауғанстанмен сауда-экономикалық және гуманитарлық салалардағы өзара іс-қимылдың қазіргі жай-күйі мен перспективаларын талқылап, инвестициялық жобаларды іске асыру мәселелері бойынша пікір алмасты.Елші Б. Атамқұлов Өзбекстанның Ауғанстанда ұзақ мерзімді бейбітшілік пен тұрақтылық орнатуға жәрдемдесу, сондай-ақ ауған халқына гуманитарлық көмекті жалғастыру бағытындағы күш-жігерін жоғары бағалады. Дипломатиялық миссия басшысы гуманитарлық қолдауды сақтаудың маңыздылығын және Ауғанстанды өңірдің сауда-экономикалық байланыстарына кезең-кезеңімен тарту қажеттігін атап өтті.Сонымен қатар ауған мәселесі бойынша Арнайы өкілдердің Байланыс тобы жұмысының тиімділігі ерекше атап өтілді. Аталған топтың келесі отырысы ағымдағы жылдың 16 ақпанында Астана қаласында өтеді.Өз кезегінде Арнайы өкіл И.Иргашев Өзбекстанның Ауғанстанға гуманитарлық көмек көрсету және экономикалық қолдау шаралары туралы ақпарат беріп, көлік-логистика және басқа да салалардағы ірі жобаларды іске асыру перспективаларына қатысты бағаларымен бөлісті.Сұхбат барысында өңірлік қауіпсіздік пен тұрақтылық мәселелері де қарастырылып, Ауғанстан бағыты бойынша қазақстандық-өзбекстандық ынтымақтастықты одан әрі дамытуға өзара дайындық білдірілді.Ақпарат көзі : https://www.gov.kz/memleket/entities/mfa-tashkent/press/news/details/1154276?lang=kk

Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен Кәсіпкерлік қызметті реттеу мәселелері жөніндегі ведомствоаралық комиссияның отырысы өтті.Отырысқа мемлекеттік органдардың, «Атамекен» ұлттық кәсіпкерлер палатасының және салалық бірлестіктердің өкілдері, сондай-ақ ҚР Парламенті Мәжілісінің депутаты Болатбек Нәжіметдинұлы қатысты.Күн тәртібіндегі негізгі мәселелердің бірі – жеке детективтік қызмет саласындағы реттеушілік әсерді талдау. Ішкі істер министрлігі жеке детективтерді лицензиялауды, олардың жұмыс орнына қойылатын талапты белгілеуді, сондай-ақ кәсіби жауапкершілікті міндетті сақтандыруды көздейтін реттеуші құралдарды енгізуді ұсынды.Қазіргі уақытта жеке детективтердің қызметі, соның ішінде жоғалған адамдарды іздеу, бақылау, азаматтық, әкімшілік іс бойынша дәлелдеме жинау іс жүзінде заңнамалық жағынан реттелмеген. Ұсынылып отырған шаралар азаматтардың құқығын қорғауға, білікті мамандардың қызмет көрсетуін қамтамасыз етуге, сондай-ақ мемлекеттік құпия және жеке өмірге қол сұқпау талабын сақтауға бағытталған. Бұл мәселелер бойынша реттеушілік әсерді талқылау өткен жылғы 27 қараша – 2 желтоқсанда ашық нормативтік құқықтық актілер порталында өткізілген. Оған жұртшылықтан ескертулер түскен жоқ.Ішкі істер министрінің орынбасары Санжар Әділов жеке детективтердің кәсіби жауапкершілігін лицензиялау мен сақтандыру азаматтардың жеке өміріне араласу тәуекелін азайту, осы сала қызметінің ашықтығын арттыру үшін қажетті шарт екенін атап өтті. Оның айтуынша, жеке сот орындаушылар институтымен ұқсастығы бойынша бұл шаралар азаматтардың мүддесін қорғауға бағытталған өркениетті детективтік қызмет нарығын қалыптастыруға ықпал етеді.Сондай-ақ мұнай базалары иелерінің резервуарларды есепке алатын бақылау құралдарымен (ЕБҚ) жарақтандыру жөніндегі міндетіне қатысты реттеушілік әсерді талдаудың нәтижесі қаралды. Энергетика вице-министрі Санжар Жәркешов еліміздегі мұнай өнімдерінің айналымын кезең-кезеңімен цифрландыру барысы туралы хабарлады. Осы жұмыс шеңберінде заңнамада мұнай өңдеу зауыттары мен автожанармай құю стансаларын есепке алатын бақылау құралдарымен жарақтандыру міндеттелген. Бұл ретте қолданыстағы нормада ЕБҚ қолданылмаса, мұнай өнімін өткізу және тиеп жөнелту үшін жауапкершілік белгіленгені, ал отынды сақтау және өткізу кезінде олардың мұнай базасында болмауы үшін жауапкершілік бекітілмегені атап өтілді. Осыған байланысты мұнай базасы иелерінің есепке алатын бақылау құралдарын орнату және пайдаланғану мәселесі бойынша жауапкершілік белгілеу ұсынылады.  ЕБҚ мұнай өнімінің түсуі мен жіберілуін, отын қалдығын, ЖЖМ қозғалысын нақты уақыт режимінде автоматты есепке алады. Қазіргі уақытта мұнай базалары көп жағдайда бірыңғай цифрлық есепке алу жүйесінен тыс қалып отыр. Бұл есепке алынбаған мұнай өнімі айналымы қаупін туғызады.Мұнай базаларын ЕБҚ міндетті жарақтандыруының болмауы ЖЖМ нарығының көлеңкелі тұстарын, сұр аймақтарды қалыптастырып, салық түсімінің алынбауына, әсіресе көрші елдермен 40-60% деңгейінде сақталып отырған баға диспаритетіне ықпал ететіні атап өтілді. Есепке алатын бақылау құралдарын енгізу мұнай өнімі айналымының барлық тізбегін жіті бақылауды қамтамасыз етуге, мемлекеттік бақылаудың тиімділігін арттыруға және нарықтағы барлық қатысушы үшін тең жағдай жасауға мүмкіндік береді.Отырыстың қорытындысында Ведомствоаралық комиссия қаралған мәселелер бойынша реттеушілік әсерді талдау нәтижелерін мақұлдады.Ақпарат көзі : https://www.gov.kz/memleket/entities/economy/press/news/details/1154164?lang=kk

Қазақстан Республикасы Сыртқы істер министрінің орынбасары Әлібек Қуантыров Қызылорда облысының Өңірлік инвестициялық штабының (ӨИШ) отырысына қатысты.Іс-шараны облыс әкімдігі ұйымдастырып, оған ҚР Президенті Әкімшілігінің, Бас прокуратураның және орталық мемлекеттік органдардың өкілдері шақырылды.«Бүгін Қазақстан экономикалық жаңғырудың жаңа кезеңіне қадам басуда. Капитал үшін жаһандық бәсекелестік күшейген қазіргі жағдайда біз инвестициялар тартуда пассивті күтуден проактивті модельге көшеміз», – деп атап өтті Ә.Қуантыров өз сөзінде.Ол мемлекет басшысы өңірлерге елдің экономикалық өсуі мен әртараптандыруының негізгі қозғаушы күші ретінде айрықша рөл жүктейтінін атап өтіп, ӨИШ-тердің Қазақстанның жаңа инвестициялық саясатын іске асырудағы маңызды тетік болып саналатынын айтты.Қызылорда облысының алғашқы өңірлердің қатарынан таңдалуы да кездейсоқ емес – соңғы жылдары өңір ірі жобаларды іске асыру үшін отандық және шетелдік инвесторларды тарта отырып, серпінді дамуды көрсетіп келеді. Бұл жобалар өңір экономикасын әртараптандыруға және жаңа жұмыс орындарын құруға бағытталған. Соңғы үш жылда өңірге шамамен 2 трлн теңге инвестиция тартылды. 2025 жылдың қорытындысы бойынша облыста 27 маңызды инвестициялық жоба іске асырылып, негізгі капиталға салынған инвестициялар көлемі 775 млрд теңгені құрады, бұл жылдық жоспардың 22,7 пайызға артығымен орындалуын қамтамасыз етті.Сапар аясында Ә.Қуантыров отандық және шетелдік инвесторлардың қатысуымен жүзеге асырылып жатқан бірқатар нысандарды аралады.Атап айтқанда, түркиялық «Aksa Energy» компаниясы салып жатқан қуаттылығы 240 МВт және жылу энергиясын өндіру көлемі 277 Гкал болатын бу-газ жылу электр станциясының құрылысы. Жобаның жалпы құны 215 млрд теңгені құрайды. Нысан жобалық қуатқа шыққаннан кейін Қызылорда облысының электр энергиясына деген қажеттілігі толықтай қамтамасыз етіліп, өңір импорттаушыдан экспорттаушыға айналады. Сонымен қатар министрдің орынбасары «Қызылорда-Нан» ЖШС-нің нан-тоқаш, кондитерлік және макарон өнімдерін шығаратын өндірістік кешенінде, сондай-ақ түркиялық «Orhun Medical» компаниясының медициналық орталығында болды.Сапар барысында Ә.Қуантыров Қызылорда облысының әкімі Нұрлыбек Нәлібаевпен кездесті. Кездесу барысында инвестициялар тарту, инвестициялық жобаларды сүйемелдеу және өңірдің өнеркәсіптік әлеуетін дамыту мәселелері талқыланды.Іс-шаралардың қорытындысы бойынша инвестициялық жобаларды сүйемелдеу жөнінде орталық және өңірлік мемлекеттік органдар арасындағы өзара іс-қимылдың алдағы бағыттары айқындалып, Қызылорда облысында жобаларды іске асырудың барлық кезеңдерінде инвесторларға жан-жақты қолдау көрсетуге дайын екендігі расталды.Ақпарат көзі : https://www.gov.kz/memleket/entities/invest/press/news/details/1154727?lang=kk

Парижде Қазақстан Республикасының Сыртқы істер министрінің орынбасары Арман Исетов пен Францияның Еуропа және сыртқы істер министрлігі Континенттік Еуропа департаментінің директоры Брис Рокфейдің қатысуымен қазақ-француз саяси консультацияларының           11-ші раунды өтті.Келіссөздер барысында тараптар Қазақстан мен Франция арасындағы стратегиялық серіктестікті одан әрі нығайту мәселелерінің кең ауқымын, сондай-ақ көпжақты өзара іс-қимылдың өзекті бағыттарын талқылады.А.Исетов Қазақстан мен Франция арасындағы саяси диалогтың тұрақты әрі сенімді сипатқа ие екенін және оның мемлекеттер басшылары деңгейіндегі жүйелі байланыстар арқылы қолдау табуда екенін атап өтті.Экономикалық бағыттағы мәселелерді талқылау барысында А.Исетов Францияның Қазақстанның жетекші еуропалық сауда-инвестициялық серіктестерінің бірі ретіндегі рөлін атап өтті. Францияның Қазақстан экономикасына салған жалпы инвестиция көлемі шамамен 21 млрд АҚШ долларын құрайды. Француз компаниялары энергетика, ауыл шаруашылығы, көлік инфрақұрылымы, өнеркәсіп, орнықты даму және денсаулық сақтау сынды Қазақстан үшін басым салалардың дамуына елеулі үлес қосуда.Гуманитарлық салада білім беру, ғылым және мәдениет салаларындағы ынтымақтастықты дамытуға өзара мүдделілік расталды.Тараптар көпжақты күн тәртібіндегі халықаралық бейбітшілік пен қауіпсіздікті нығайту мәселелеріне қатысты ұстанымдардың сәйкестігін, сондай-ақ халықаралық құқық пен БҰҰ Жарғысының қағидаттарына бейілділікті атап өтті.Экологиялық және климаттық күн тәртібі аясында қазақ тарапы 2026 жылғы 22–24 сәуір аралығында Қазақстанда өтетін БҰҰ-ның Өңірлік экологиялық саммитіне қатысты француздық серіктестердің белсенді ұстаным білідіретіндіктеріне үміт білдірді. Француз делегациясының қатысуы 2024 жылғы желтоқсанда Эр-Рияд қаласында Қазақстан мен Франция президенттерінің төрағалығымен өткен One Water Summit бастамасының логикалық жалғасы болмақ.Өз кезегінде Б.Рокфей Францияның Қазақстанмен жан-жақты ынтымақтастықты одан әрі дамытуға мүдделілігін тағы да растай отырып, мемлекет басшылары арасында қол жеткізілген уағдаластықтарды практикалық тұрғыда іске асырудың маңыздылығына назар аударды.Сонымен қатар А.Исетов Парижге сапары аясында Францияның Еуропа және сыртқы істер министрлігі Саяси және қауіпсіздік мәселелері жөніндегі бас директоры Фредерик Мондолонимен кездесті. Оның барысында екіжақты, өңірлік және халықаралық өзекті мәселелер талқыланды.  Ақпарат көзі : https://www.gov.kz/memleket/entities/mfa/press/news/details/1154178?lang=kk