Мемлекеттік кірістер органдарында сыбайлас жемқорлықтың алдын алу – мемлекеттік қызметтің тиімділігі мен қоғам сенімінің деңгейіне тікелей әсер ететін негізгі міндеттердің бірі болып табылады. Қазіргі уақытта халықаралық тәжірибені зерделеу мен сыбайлас жемқорлық тәуекелдерін азайтуға және ашықтықты арттыруға бағытталған озық тәжірибелерді енгізу ерекше маңызға ие.       Осы мақсатта, 2025 жылғы 25–26 қыркүйек күндері Астана қаласында ЕҚЫҰ Бағдарламалар офисінің қолдауымен «Мемлекеттік кірістерді басқару саласында сыбайлас жемқорлықтың алдын алу» тақырыбында тренинг-семинар өткізіліп отыр. Іс-шараға ҚР ҚМ Мемлекеттік кірістер комитетінің Орталық аппараты мен өңірлік департаменттерінің әдеп жөніндегі уәкілдері қатысты.       Семинардың ашылуында:     – Дощанова Салтанат Маратовна, ҚР ҚМ Мемлекеттік кірістер комитетінің Персоналды басқару және ішкі әкімшілік департаментінің директоры;     – Ерлен Бадыхан, ЕҚЫҰ Бағдарламалар офисінің экономика және экология мәселелері жөніндегі ұлттық үйлестірушісі сөз сөйледі.       Семинардың дәріскері – халықаралық сарапшы, құқық докторы, ISO 37001 және ISO 37301 стандарттары бойынша сертификатталған аудитор Раймундас Калесникас. Ол 22 жылдан астам уақыт бойы Еуропалық Одақ пен Орталық Азия елдерінде сыбайлас жемқорлыққа қарсы саясаттарды әзірлеу және енгізу саласында жұмыс істеп келеді.     Семинар бағдарламасы қатысушыларға кәсіби қызметінде сыбайлас жемқорлыққа қарсы стратегияларды тиімді қолдануға мүмкіндік беретін практикалық білім мен құралдарды ұсынуға бағытталған.      Бұл семинар – сыбайлас жемқорлыққа қарсы саясаттың өзекті мәселелерін талқылауға арналған алаң ғана емес, сонымен қатар тәжірибе алмасу, жаңа шешімдерді іздеу және ынтымақтастықты нығайту үшін тиімді платформа болып табылады.  Ақпарат көзі : https://www.gov.kz/memleket/entities/kgd/press/news/details/1075155?lang=kk

Ағымдағы жылдың 25 қыркүйегінде Аққайын ауданы бойынша МКБ алаңында бизнес өкілдеріне жаңа Салық кодексін түсіндіру бойынша семинар өткізілді.           Семинарға ауданның ірі агроқұрылымдары, орта және шағын бизнес өкілдері қатысты.           Кездесу барысында корпоративтік табыс салығы, қосылған құн салығы, жеке табыс салығы, салықтық тексерулер, салық берешегін мәжбүрлеп өндіріп алу, тәуекелдерді басқару жүйесі, арнайы салық режимдері және т.б. бойынша қабылданған нормалар талқыланды.                                      Салықтөлеушілер өздерін қызықтыратын сұрақтар қойды, мысалы:- 2026 жылы құн өсімінен түсетін табысты айқындау кезінде тұрғын үй объектілерінің меншік құқығында болу мерзімі ұлғайтыла ма;- тұрғын емес жылжымайтын мүлік объектілері бойынша қандай мерзім;- мүлікті бағалау қандай жағдайларда ескеріледі;- такси жүргізушілері өзін-өзі жұмыспен қамтығандар арнаулы салық режимінде жұмыс істей ала ма;- өзін-өзі жұмыспен қамтығандар салық есепті нысанын тапсыру бойынша міндеттеме бар ма, егер болса, қандай мерзімдер, сондай-ақ салықтар мен төлемдерді төлеу;- АСР қолданатын салық төлеушілермен өзара есеп айырысу бойынша шегерілімдерді КТС қолдануға бола ма;          Спикерлер: Аудит басқармасы басшысы Кұрмашев Е.Ж., түсіндіру жұмысы және байланыс орталығы басқарма басшысы Некрасова Н.В., өндірістік емес төлемдер басқармасы басшысы Қоспаев С.А., қосылған құн салығы әкімшілендіру бөлім басшысы  Белоусов А.О. Ақпарат көзі : https://www.gov.kz/memleket/entities/kgd-sko/press/news/details/1075163?lang=kk

2025 жылдың 24 қыркүйегінде депутат Б. Қ. Ыбырайдың төрағалық етуімен құқықтық тәртіп пен аграрлық мәселелер, шағын және орта бизнесті, өндірісті дамыту, бюджет пен жоспарлау, ауданның әлеуметтік -экономикалық даму мәселелері бойынша аудандық мәслихатының тұрақты комиссиясының кезекті отырысы болып өтті. Отырыста депутаттар Меңдіқара ауданының ТҮКШ ЖК ж АЖ бөлімінің басшысы А.З. Хасеновтың «Меңдіқара ауданы бойынша 2025 - 2026 жылдардың жылу маусымына әлеуметтік тұрғын үй қорының объектілері, коммуналдық қызметтерінің (жылу -  су жабдықтары, ҚТҚ дайындығының қорытындылары туралы (көшпелі отырысы). (Боровское ТКШ - 2016, Меңдіқара - 2011 ЖШС, МА ТҮКШ ЖК ж АЖ бөлімі) есебін және екінші сұрақ бойынша Меңдіқара ауданы ауылдық округтердің әлеуметтік - экономикалық дамуы туралы (көшпелі отырыс: Введен, Буденный және Михайлов ауылдық округтері) ауылдық округтердің әкімдерінің  есептерін тыңдады.Депутаттар белгіледі, Меңдіқара ауданының тұрғын үй - коммуналдық шаруашылық және әлеуметтік сала объектілерін 2025 - 2026 жылдарына жылыту маусымына дайындау Қостанай облысы әкімдігінің 2025 ж. 1.04. № 86 қаулысына сәйкес жүзеге асырылады.Осы қаулыға сәйкес жылу көздерін, электр, жылу және су құбыры желілерін, тұрғын үй және әлеуметтік сала объектілерін дайындау бойынша жөндеу жұмыстарының жоспарлары әзірленіп, бекітілді.Боровское ауылында жылу энергиясын өндірумен және берумен айналысатын ұйым «Боровское ТКШ - 2016» МКК болып табылады, оның балансында 10 қазандық бар: №1 қазандық (орталық қазандық). 2025 - 2026 жылдардағы жылыту маусымына дайындық мақсатында ағымдағы жылда орталық қазандықтың БМК (блоктық - модульдік қазандық) орнату бойынша ҚМЖ (құрылыс - монтаждау жұмыстары) жүргізілуде. Мердігер «Qostanaistroy» ЖШС болып табылады.Жұмыстар 90 % аяқталды.Ауданның қалған қазандықтар бойынша дайындық 100% құрайды.Қарастырылған сұрақтар бойынша комиссия сәйкес қаулылар қабылдады.Екінші сұрақ бойынша Меңдіқара ауданы ауылдық округтердің әлеуметтік - экономикалық дамуы туралы (көшпелі отырыс: Введен, Буденный және Михайлов ауылдық округтері) депутаттар округтерге барып шықты. Бірқатар әлеуметтік объектілерді көріп шықты, білім процессіне және жылу маусымына дайындығын тексерді. Кемшіліктерді жою бойынша бірқатар ұсыныстар берді.Қарастырылған сұрақтар бойынша комиссия сәйкес қаулылар қабылдады.Ақпарат көзі : https://www.gov.kz/memleket/entities/maslihat-mendikara/press/news/details/1075171?lang=kk

2025 жылдың 24 қыркүйегінде Меңдіқара аудандық мәслихатының кезектен тыс сессиясы болып өтті. Депутаттар бірінші сұрақ бойынша «Меңдіқара аудандық мәслихатының аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалау әдістемесін бекіту туралы» аудандық мәслихат төрағасының ақпаратын тыңдады, яғни мемлекеттік қызмет істері жөніндегі агенттігі төрағасының 2025 жылдың 28 шілдедегі бұйрығымен мемлекеттік әкімшілік қызметшілерінің  қызметін бағалау сұрақтарының бөлігінде өзгерістер енгізілді.Екінші сұрақ бойынша «Мәслихаттың 2014 жылғы 7 ақпандағы № 204 «Арнайы комиссияның құрамын құру туралы» шешіміне өзгерістер енгізу туралы» «Меңдіқара ауданының жұмыспен қамту және әлеуметтік бағдарламалар бөлімі» мемлекеттік мекемесінің басшысы В.Н. Гребенюктың ақпаратын тыңдады.Өзінің есебінде жұмыспен қамту және әлеуметтік бағдарламалар бөлімінің басшысы кадрлық өзгерістермен байланысты комиссия құрамына өзгерістер енгізілді.Ақпарат көзі : https://www.gov.kz/memleket/entities/maslihat-mendikara/press/news/details/1075179?lang=kk

2025 жылдың 24 қырқүйегінде Меңдіқара аудандық мәслихатының кезекті сессиясы болып өтті. Депутаттар бірінші сұрақ бойынша «Мәслихаттар алдында әкімдердің есеп берулерін өткізу туралы» Қазақстан Республикасы Президентінің 2006 жылғы 18 қаңтардағы Жарлығына сәйкес «Өзіне жүктелген функциялар мен міндеттерінің орындалуы туралы» Меңдіқара ауданының әкімі Ғ.М. Бекбаевтың есебін тыңдады. Депутаттар Меңдіқара ауданы әкімінің есебін бекітуді шешімін қабылдады. Аудан әкімі қойылған тапсырмаларды аяқтауда мемлекеттік мекемелердің басшыларына мен ауылдық округтердің әкімдеріне бірқатар ұсыныстар берді.Екінші сұрақ бойынша «2024 жыл бойынша Меңдіқара ауданының тұрғындарын сапалы медициналық қызметтермен қамтамасыз ету және дәрі - дәрмектермен қамтамасыз ету бойынша қабылданып жатқан шаралары мен 2025 жылға арналған жоспарлары туралы» аудандық ауруханасының бас дәрігерінің м.а. Е.В. Абрамованың ақпаратын тыңдады.Өзінің есебінде бас дәрігердің м.а. медициналық қызметтердің сапасын көтеру мен қол жетімділігін қамтамасыз ету бойынша шаралар қабылданып жатқандығын түсіндірді. Денсаулық сақтау жүйесі біздің ауданымыздың барлық тұрғындарына алғашқы медикалық - санитарлық көмекті беруге бағдарланды.Ақпарат көзі : https://www.gov.kz/memleket/entities/maslihat-mendikara/press/news/details/1075185?lang=kk

Қала әкімі Қонай шағынауданына барып, құрылыс және абаттандыру барысымен танысты. Қазір 10 көпқабатты тұрғын үй салынып жатыр, 124 жеке үй пайдалануға берілді. Жауапсыз мердігерлермен келісімшарттар бұзылып, жұмыстарды жергілікті компаниялар жалғастыруда.№103 автобус бағытына қосымша көліктер шығарылып, алғашқы рейс уақыты 6:15-ке ауыстырылды. Өрт сөндіру депосының құрылысына жобалық құжаттама 15 қазанға дейін дайындалады.Скверді абаттандыру басталды. Демалыс аймағы, балалар ойын алаңы, тренажерлар мен веложол салу жоспарланған.Ақпарат көзі : https://www.gov.kz/memleket/entities/kostanai-kalasy-akimat/press/news/details/1075197?lang=kk

25 қыркүйекте жаңа Qonaev Media телеарнасы өз жұмысын бастады. Арна еліміздің барлық өңіріндегі көрермендерге Alma TV және Otau TV платформалары арқылы қолжетімді. Телеарна күн сайын 08:00-ден 00:00-ге дейін хабар таратады.Qonaev Media өзін Алматы облысы мен жалпы Қазақстанның өміріне бағытталған заманауи медиаресурс ретінде таныстырады. Эфирде жаңалықтар, талдамалық бағдарламалар, ток-шоулар, сұхбаттар, деректі және ойын-сауық жобалар көрсетіледі. Әсіресе әлеуметтік бастамаларға, білім мен денсаулық сақтау саласының дамуына, бизнеске, мәдениетке, спорт пен экологияға ерекше назар аударылады.Телеарна басшысы Қымбат Хангелдинаның айтуынша, Qonaev Media-ның іске қосылуы отандық телевизия үшін жаңа мүмкіндіктер ашады: «Біздің мақсатымыз – халыққа жақын болып, өңір мен елдің келбетін қалыптастыратын шынайы оқиғаларды көрсету. Көрермен эфирден тек ақпарат қана емес, шабыт алып, айналасында болып жатқан оқиғаларға өзін тікелей қатысушы ретінде сезінуін қалаймыз», – деді ол.Qonaev Media өкілдерінің айтуынша, арна кең аудиторияға арналған контент әзірлеп, ақпараттылықты, қарқынды ырғақты және жеңіл жеткізу стилін үйлестіріп отыр.Ақпарат көзі : https://www.gov.kz/memleket/entities/almobl/press/news/details/1075213?lang=kk

1. Жаңа Салық кодексінде қандай ҚҚС мөлшерлемелері қарастырылған?Жауап:ҚҚС базалық мөлшерлемесі-16%.Бұл ретте сараланған мөлшерлемелер енгізілді.Шаруа қожалықтары үшін ҚҚС-тан босату сақталды.Заңды тұлғалар-ауыл шаруашылығы өндірушілері үшін есепке жатқызылатын ҚҚС қосымша сомасын 70% - дан 80% - ға дейін ұлғайту ұсынылады. Осылайша, ауыл шаруашылығы өнімдеріне бағаның өсуіне негіз алынып тасталады.Дәрілік заттарды, медициналық бұйымдар мен медициналық қызметтерді сату үшін ҚҚС төмендетілген мөлшерлемесі белгіленеді: 2026 жылдан бастап 5%, 2027 жылдан бастап 10% деңгейінде.Бұл ретте ҚҚС-тан босату ұсынылады:тегін медициналық көмектің кепілдік берілген көлемі және міндетті медициналық сақтандыру шеңберінде, сондай-ақ Үкімет айқындайтын тізбе бойынша орфандық және әлеуметтік маңызы бар ауруларды емдеу үшін дәрілік заттар мен медициналық көрсетілетін қызметтер; отандық басылымның кітаптары, баспа түрінде кітаптар шығару бойынша қызметтер;археологиялық жұмыстар.2. 2026 жылғы 1 қаңтарға дейін жасалған мемлекеттік сатып алу жөніндегі шарттар бойынша ҚҚС мөлшерлемесінің 16%-ға дейін ұлғаюына байланысты смета қайта есептеле ме?Жауап:ҚҚС ставкасы айналым жасалған күні қолданылатын Ставка қолданылады. Жаңа Салық кодексінде айқындалған айналым жасалған күнді айқындау тәртібі сақталды.Осылайша, егер 2026 жылға дейін жасалған мемлекеттік сатып алу шарты бойынша айналымның жасалған күні 2026 жылға келсе, онда мұндай айналымдарға 2025 жылдан кейін қолданылып жүрген мөлшерлеме бойынша, яғни 16% салық салынуға тиіс.Мемлекеттік сатып алу шеңберіндегі сметаны қайта есептеу мәселесі МКК құзыретіне кірмейді.3.  2026 жылдан бастап медициналық салаға ҚҚС қалай салынады?Жауап:Жаңа Салық кодексінде медицина саласына ҚҚС салу бөлігінде мыналар көзделген.1) ҚҚС-тан босатылады:- Медициналық қызметке лицензиясы бар денсаулық сақтау субъектісінің дәрілік заттар мен медициналық қызметтерді өткізуі:тегін медициналық көмектің кепілдік берілген көлемі (ТМККК) және міндетті медициналық сақтандыру (МӘМС)шеңберінде;жетім және әлеуметтік маңызы бар ауруларды емдеу үшін.Импорт кезінде ҚҚС-тан босату тізбесі мен тәртібін ҚР ДСМ әзірлейді.2) ҚҚС ставкасы 2026 жылғы 1 қаңтардан бастап 5%, 2027 жылғы 1 қаңтардан бастап 10% қолданылады%:- ҚҚС-тан босатылатын медициналық бұйымдардан, медициналық бұйымдардың жиынтықтауыштарынан, сондай-ақ техникалық көмекші (компенсаторлық) құралдардан басқа дәрілік заттарды өткізу кезінде.Тізбені ҚР ДСМ әзірлейді;- ҚҚС-тан босатылатындардан басқа, медициналық қызметке лицензиясы бар денсаулық сақтау субъектілеріне медициналық қызметтер көрсету кезінде.Ақпарат көзі : https://www.gov.kz/memleket/entities/kgd-kostanay/press/news/details/1075217?lang=kk

Алматы облысынан елордаға дәстүрлі ауыл шаруашылығы жәрмеңкесіне қатысу үшін шамамен 180 тонна ауыл шаруашылығы өнімі жеткізілді. Астаналықтар 40-тан астам түрлі азық-түлік өнімдерін сатып ала алады. Оның ішінде 13 тонна ет пен құс еті, 25 тонна көкөніс пен жеміс-жидек, сондай-ақ 21 тонна картоп пен табиғи өнімдер бар. Жәрмеңкедегі бағалар нарықтағыдан шамамен 15%-ға төмен болады.Алматы облысы әкімінің орынбасары Бақытнұр Бақытұлының айтуынша, өңірлер жыл сайын жәрмеңкеге қатысып, елорда тұрғындарына өз өнімдерін ұсынады.«Биыл біз негізгі басымдықты алма мен ет өнімдеріне бердік, сонымен қатар сүт өнімдерін де алып келдік. Бұл – біздің облыстың ерекшелігі», – деді ол.Барлық жүк көліктері міндетті техникалық тексерістен өтті, тасымалдау кезінде санитарлық талаптар мен қауіпсіздік шаралары толық сақталды.Ақпарат көзі : https://www.gov.kz/memleket/entities/almobl/press/news/details/1075223?lang=kk

2025 жылғы 24 қыркүйекте Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, Үндістан тағамдары фестивалі аясындағы Гала кешкі асқа қатысып, құттықтау сөз сөйледі.Іс-шара Үндістанның Қазақстандағы Елшілігі мен «InterContinental Almaty» қонақ үйінің бірлесіп ұйымдастыруымен өтті.Өз сөзінде Өкілдік Басшысы Қазақстан мен Үндістан арасындағы туризм және сауда салаларындағы ынтымақтастықты кеңейтуді, сондай-ақ екі халық арасындағы мәдени алмасуды нығайтуды атап өтті.Ақпарат көзі : https://www.gov.kz/memleket/entities/mfa-almaty/press/news/details/1075252?lang=kk

Бүгін Туризм және спорт министрі Ербол Мырзабосыновтың төрағалығымен өткен кеңесте жазғы туристік маусымның қорытындысы шығарылды.Жиынға облыс әкімдерінің орынбасарлары, Астана қаласының Инвестициялар және кәсіпкерлікті дамыту басқармасының басшысының орынбасары Қуаныш Сапаров пен өңірлік басқарма басшылары қатысты.Биыл туризм тақырыбы бірнеше рет көтеріліп, кеңінен талқыланды. Мемлекет басшысының тапсырмасын орындау мақсатында министрлік 2025-2028 жылдарға арналған курортты өңірлерді дамыту жөніндегі Жол картасының жобасын әзірледі.Кеңес 25 қыркүйекте Маңғыстау облысында өтетін Халықаралық туристік форум аясында ұйымдастырылды.Ақпарат көзі : https://www.gov.kz/memleket/entities/astana-uir/press/news/details/1075267?lang=kk

Астанада бақылау-қадағалау органдарының бизнес-қауымдастық алдындағы Бірыңғай есеп беру күні ұйымдастырылды.Шараның негізгі мақсаты – бизнес пен мемлекеттік органдар арасында тиімді диалог орнату, кәсіпкерлерге қолдау көрсету және құқықбұзушылықтардың алдын алу.Іс-шара барысында кәсіпкерлерге заңнамалардағы жаңалықтар, жиі кездесетін құқықбұзушылықтар және олардың алдын алу жолдары түсіндірілді. Мемлекеттік орган өкілдері құқықтық статистика, өрт қауіпсіздігі, санитарлық нормалар, салық салу және құрылыс саласындағы бақылау бағыттары бойынша баяндама жасады.Кездесу «ашық микрофон» форматында өтіп, кәсіпкерлер өзекті сұрақтарын қойып, ұсыныстарын жеткізді.Ақпарат көзі : https://www.gov.kz/memleket/entities/astana-uir/press/news/details/1075269?lang=kk

22 қыркүйек 2025 жылы, Caspian News арнасының тікелей эфирде «Әдеп кеңесі» бағдарламасына Атырау мемлекеттік мүлік және жекешелендіру департаменті басшысының орынбасары, әдеп жөніндегі уәкіл - Толқын Адилбекова «Мемлекеттік мүлік және жекешелендіру департаментіндегі әдеп өкілінің жұмысы» тақырыбында сұхбат берді.Сұхбат барысында мемлекеттік қызметшілердің әдеп нормаларын сақтау мәселелері және әдеп уәкілінің атқаратын жұмысы талқыланады.Толық нұсқасын томендегі сілтеме арқылы көре аласыздар: lang=ru https://beta.egov.kz/memleket/entities/gosreestr/press/media/details/73200?lang=ruАқпарат көзі : https://www.gov.kz/memleket/entities/gosreestr/press/news/details/1075041?lang=kk

Бүгін облыс әкімі Нұрлыбек Нәлібаев грек-рим күресінен Әлем чемпионы Айдос Сұлтанғалимен,жеке бапкері Ғабиден Райымбекпен кездесті.Әлем чемпионын жарқын жеңісімен құттықтау үшін басқосуға облыстың зиялы қауым өкілдері, құқық қорғау органдарының бірінші басшылары, спорт саласының ардагерлері, жаттықтырушылар мен жергілікті спортшылар қатысты.Аймақ басшысы бұл жеңіс Сыр өңірінің ғана емес, Қазақ елінің мәртебесін арттырғанын айтты.«Бүгін – біздің өңіріміз үшін ерекше қуанышты күн.Спорт әлеміндегі биік белесті бағындырып, Тәуелсіз Қазақстанымыздың атын төрткүл дүниеге танытқан жерлесіміз, мақтанышымыз Айдос Сұлтанғалиұлын грек-рим күресінен Әлем чемпионы атануымен құттықтау үшін арнайы бас қостық.Президентіміз Қасым-Жомарт Кемелұлы «Спортшыларымыздың ерлігі – ел рухын көтеретін, ұлт бірлігін нығайтатын маңызды фактор», – деп ерекше атап өткен болатын.Айдос Сұлтанғалиұлы жақында Хорватия астанасы Загреб қаласында өткен ересектер арасындағы грек-рим күресінен Әлем чемпионатында араға 26 жыл салып, қазақ спорты тарихындағы теңдессіз жетістікке қол жеткізді. Осы тарихи жеңіс барша Қазақ елінің, Сыр жұртшылығының мерейін үстем етті.Грек-рим күресінен Әлем чемпионатының алтын медалін елімізге соңғы рет 1999 жылы Грекияның Афины қаласында өткен дүбірлі додада Мхитар Манукян (63 кг) алып келген болатын.Араға ширек ғасыр салып, жерлесіміз Айдос Сұлтанғали әлемдік аренада топ жарды.Чемпионымызды Мемлекет басшымыз арнайы құттықтап «Айдос – грек-рим күресінен осы ғасырдағы тұңғыш жеңімпаз»,– деп жоғары бағалады.Бұл жеңіс – жас балуандарымызға үлгі-өнеге, еліміздің спортына серпін беретін жоғары жетістік.Айдос бауырымыздың жеңісіне бапкері Ғабиден Райымбекұлының сіңірген еңбегі зор. Ол тек спортшыны емес, нағыз батыр азаматты тәрбиелеп шығарды. Шәкіртінің әрбір жеңісі бапкерінің маңдай терінің жемісі деп санаймыз. Қос батырымызға қандай құрмет көрсетсек те лайықты.Айдосқа бұған дейін де мемлекет, облыс тарапынан қолдау көрсетіліп келеді. Өткен жылы еліміздің, өңіріміздің жанашыр азаматы Бақдәулет Еркінбекұлының демеушілігімен автокөлік табысталған. Бұдан бөлек, ай сайын 1 млн. теңге мемлекеттік стипендия беріледі. Бұл қолдау әрі қарай жалғасады.Біз батырымызды әрдайым бабында болуы үшін қолдап, қорғауымыз керек. Алдағы Олимпиада ойындарында жеңіс тұғырынан көрінуіне жан-жақты жағдай жасаймыз.Бүгінгі мерейлі сәтте барша Сыр жұртшылығының атынан Айдос бауырымызға жаңа автокөлік пен пәтер кілттерін, бапкері Ғабиденге де жаңа пәтер беру туралы шешім қабылдадық.Батырларымызға сый-сыяпаттарымызды табыстауға рұқсат етіңіздер», – деді Н.Нәлібаев.Жиында облыстық ардагерлер кеңесінің төрағасы Серік Дүйсенбаев, Қазақстан Республикасының еңбек сіңірген жаттықтырушысы Жұмағали Киікбаев сөз сөйлеп, құттықтау лебіздерін жеткізді.Басқосуда сөз алған грек-рим күресінен Қазақстан Республикасының еңбек сіңірген жаттықтырушысы, «Дене шынықтыру және спортты дамытуға сіңірген еңбегі үшін» төсбелгісінің иегері Ғабиден Райымбек, грек-рим күресінен спорт шебері, Қазақстан Республикасы ұлттық құрама командасының мүшесі, республикалық, халықаралық жарыстардың бірнеше дүркін жеңімпазы, Әлем чемпионы Айдос Сұлтанғалиұлы көрсетілген құрметке алғыс білдірді.Еске салайық, өңірде спорт саласын дамыту бағытында ауқымды жобалар қолға алынып, жүйелі жұмыс атқарылды. Өңірімізде соңғы 3 жылда 20 спорт кешені пайдалануға берілді, биыл тағы 6 нысан ел игілігіне табысталады.Ақпарат көзі : https://www.gov.kz/memleket/entities/kyzylorda/press/news/details/1075042?lang=kk

 БЖЗҚ туралы өзекті сауалдар Қазіргі уақытта Қазақстанда зейнетақының қай бөлігіне салық салынады, ал қайсысына салық салынбайды?Қазақстанда мемлекеттік бюджеттен берілетін зейнетақы төлемдеріне салық салынбайды, ал Бірыңғай жинақтаушы зейнетақы қорынан (БЖЗҚ) төленетін төлемдерге салық салынады. Қолданыстағы Салық кодексіне сәйкес БЖЗҚ-дан берілетін зейнетақы төлемдері төлем көзінен 10% мөлшерлеме бойынша жеке табыс салығы (ЖТС) салынатын кіріске жатады.  Яғни, зейнетақы жарналары жеке зейнетақы шоттарына салық салынғанға дейін аударылады. Ал ЖТС төлемдер жасалған кезде ұсталады. ЖТС міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) есебінен қалыптастырылған зейнетақы төлемдерінің барлық түрлерінен жиынтық түрде ұсталады. Бұл ретте түзету және салық шегерімдерінің сомалары ескеріледі.  Алайда, бұл норма тек 2025 жылдың соңына дейін күшінде болады. Естеріңізге сала кетейік, жаңа Салық кодексі 2026 жылдың 1 қаңтарынан бастап күшіне енеді және оған сәйкес БЖЗҚ-дан берілетін зейнетақы төлемдерінен ЖТС ұсталмайды. ҚР жаңа Салық кодексіне зейнетақы төлемдеріне салынатын жеке табыс салығына (ЖТС) қатысты қандай өзгерістер енгізілді?               ҚР жаңа Салық кодексіне сәйкес, алушы Қазақстан Республикасының резиденті болып табылмайтын жағдайларды қоспағанда, 01.01.2026ж. бастап жеке табыс салығы (ЖТС) зейнетақы төлемдерінің барлық түрлерінен, сондай-ақ тұрғын үйге және/немесе емделуге арналған біржолғы зейнетақы төлемдерінен (БЗТ) ұсталмайды. Сонымен қатар 2026 жылғы 1 қаңтардан бастап тұрғын үйге/емделуге БЗТ алып, одан ЖТС төлеу міндеттемесін кесте бойынша зейнетақы төлемдерін алғанға дейін кейінге қалдырғандар, ол міндеттемеден босатылады.2026 жылғы 1 қаңтарға дейін ұсталған ЖТС қайтарыла ма?              Жаңа Салық кодексінің ережелерінде бұрын ұсталған ЖТС-ты қайтару көзделмеген.Қолданыстағы Салық кодексіне сәйкес тұрғын үйге/емделуге біржолғы зейнетақы төлемдерін пайдалану кезінде ЖТС ұстау көзделген. Бұл ретте алушының таңдауына ЖТС ұстап қалудың екі жолы ұсынылады: БЗТ алған кезде бірден немесе зейнеткерлікке шыққанға дейін кейінге қалдыру. 01.01.2026 ж. бастап жаңа Салық кодексінің енгізілуіне байланысты салымшы ЖТС-ты бұған дейін төлеп қойған болса, ол қайтарылмайды. Ал кейінге қалдырылған ЖТС бойынша міндеттемелердің күші жойылады.   Айта кетейік, 2025 жылдың 31 желтоқсанына дейін БЖЗҚ-дан берілетін зейнетақы төлемдерінен және біржолғы зейнетақы төлемдерінен ЖТС есептеу, ұстап қалу және төлеу қолданыстағы режимде жүзеге асырылатын болады.Егер алушы зейнеткерлік жасқа жеткен және ЖТС төлеп отырған жағдайда, 2026 жылғы 1 қаңтардан бастап ЖТС ұстап қалу жалғастырыла ма?            Жаңа Салық кодексінің ережелері 2026 жылғы 1 қаңтардан бастап Қазақстан Республикасының бейрезиденттеріне БЖЗҚ-дан жүзеге асырылатын зейнетақы төлемдерін қоспағанда, БЖЗҚ-дан берілетін зейнетақы төлемдері, біржолғы зейнетақы төлемдері түріндегі кірістерді жеке табыс салығынан босатуды көздейді. Ерікті зейнетақы жарналары бойынша салық шегерімдері туралы норма қалай өзгереді?             Өзгерістер 2026 жылдың 1 қаңтарынан бастап өз пайдасына жасалған ерікті зейнетақы жарналары бойынша салық шегерімдерін жоюды қамтиды. Алайда, БЖЗҚ-дан берілетін төлемдердің басқа түрлері сияқты ЕЗЖ есебінен жасалатын төлемдер де ЖТС-тан босатылады. Бұл ретте салық агентінің БЖЗҚ-ға қызметкердің пайдасына аударған ерікті зейнетақы жарналары жеке тұлғаның табысы болып саналмайтындықтан, оған ЖТС салынбайды, ал жұмыс беруші үшін мұндай шығыстар корпоративтік табыс салығын есептеу кезінде шегерілуге жатады деген норма сақталады. Яғни, бұл жағдайда қызметкер де, жұмыс беруші де салық жеңілдіктерін алады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).       Ақпарат көзі : https://www.gov.kz/memleket/entities/abay-audany/press/news/details/1086616?lang=kk

Ауданның жергілікті атқарушы органдарының нашақорлық пен есірткі бизнесінің ескерту және алдын алуға бағытталған іс-шараларды өткізу шеңберінде 2025 жылғы 23 қыркүйекте аудан әкімдігінің ғимаратында Бейімбет Майлин ауданының нашақорлық пен есірткі бизнесіне қарсы іс-қимылға бағытталған мемлекеттік органдардың қызметін үйлестіру жөніндегі ведомствоаралық штабтың отырысы өтті. Отырыста каникул кезеңінде кәмелетке толмағандарды Еңбек және секциялық қызметке тарту жөніндегі жұмыстың қорытындысы, дәріхана пункттерінде прекурсорлар мен рецептуралық препараттардың заңсыз айналымын анықтау тұрғысында рейдтік іс-шаралар жүргізу және ҮЕҰ, нарколог-дәрігерлер мен психологтарды профилактикалық жұмысқа тарту сияқты мәселелер қаралды. Осы мәселелерді қарау жасөспірімдер мен олардың ата-аналары арасында ақпараттық-түсіндіру жұмыстарын күшейту, оның ішінде есірткі заттарын қолдану салдарын кеңінен жариялау үшін әлеуметтік желілер мен жергілікті БАҚ пайдалану жөніндегі шараларды әзірлеуге бағытталған. Сондай-ақ, ведомствоаралық өзара іс-қимылға, есірткі жарнамасы фактілерін анықтау тұрғысынан интернет-кеңістік мониторингінің тиімділігін арттыруға және жастарды спортқа және ерікті қызметке тартудың қосымша тетіктерін әзірлеуге ерекше назар аударылды. Отырыс қорытындысы бойынша ведомствоаралық штаб профилактика жүйесін нығайтуға, есірткі құралдарының айналымын бақылауды күшейтуге және жастармен жұмысты жетілдіруге бағытталған жауапты мемлекеттік органдарға нақты тапсырмалар әзірледі.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1075099?lang=kk

Шығыс Қазақстан облысы білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ 2025 жылдың 29 қыркүйек күні Абай Құнанбайұлының 180 жылдық мерейтойына орай «Үздік абайтану кабинеті-2025» облыстық байқауын өткізеді.Байқаудың мақсаты: абайтану кабинеттерінің жай – күйін бақылау, «Абайтану» вариативті сағатының маңыздылығын арттыру, мұғалімдердің педагогикалық тәжірибесімен бөлісу, іс-тәжірибелерін тарату.Байқауға Шығыс Қазақстан облысының жалпы орта білім беретін мектептерінің қазақ және орыс тілінде оқытатын «Қазақ тілі мен әдебиеті» пәндері мұғалімдері қатысады.Байқаудың деңгейі: облыстықФорматы: онлайн. Өткізу уақыты: 2025 жыл 29 қыркүйек.Облыстық кезеңге аудандық/қалалық деңгейде ұйымдастырылған байқау жеңімпаздары қатысады.Ақпарат көзі : https://www.gov.kz/memleket/entities/vko-bilim/press/news/details/1075118?lang=kk

Маңғыстау облысы бойынша Мемлекеттік кірістер департаментінде МКД басшысының орынбасары, Әдеп жөніндегі уәкіл Талғат Байсынның төрағалығымен Мемлекеттік қызмет саласындағы заңнаманы сақтау, мемлекеттік қызметшілердің қызметтік әдеп нормаларының талаптарын сақтау, сыбайлас жемқорлықтың алдын алу және людомания туралы кеңес өткізілді.Кеңеске Департаменттің басқарма және дербес бөлімдерінің басшылары қатысты.Кеңес барысында Т.Байсын ҚР Президентінің Жарлығымен бекітілген Мемлекеттік қызмет туралы заңнаманы және мемлекеттік қызметшілердің әдеп кодексін хабардар етіп, түсіндірді. Сыбайлас жемқорлық көріністеріне төзбеушілікті қалыптастыру мақсатында сыбайлас жемқорлық фактілері туралы хабарлаған адамдарды қорғаудың кешенді жүйесі құрылды. Құмар ойындарға тәуелділікпен күресу шаралары талқыланды. Қоғамда құмар ойындарға тәуелділік мәселесі өте өзекті, өйткені оның қарыз алу, отбасылық жанжал, қылмыс, өз-өзіне қол жұмсау сынды әлеуметтік салдары ауыр. Лудомания (құмар ойындар) әдеттер мен тартымдылықтардың бұзылуы ретінде танылғаны атап өтілді. Ойынға тәуелділікке қарсы іс-қимыл жөніндегі мүдделі мемлекеттік органдар іске асыратын негізгі шаралардың бірі – белсенді азаматтық позициясы бар адамдар тартылып, интернет-ресурстар мен әлеуметтік желілерге мониторинг жасалады.Кеңес қорытындысы бойынша тиісті салалардың басшыларына қолданыстағы заңнаманың қатаң сақталуын қамтамасыз ету және бұзушылықтардың алдын алу және алдын алу, Мемлекеттік қызметшілердің жұмыс және жұмыс уақытынан тыс уақытта қызметтік әдеп нормалары талаптарының сақталуын бақылау жөнінде нақты шаралар қабылдау жөнінде тапсырмалар жүктелді.Ақпарат көзі : https://www.gov.kz/memleket/entities/kgd-mangistau/press/news/details/1074834?lang=kk

ҚР Ұлттық қорғаныс университетінің бастығы генерал-майор Асқар Мұстабеков Алматы қаласына жұмыс сапары барысында еліміздегі жетекші ғылыми және білім беру мекемелерінің өкілдерімен кездесті.Ұлттық ғылым академиясының президенті Ақылбек Күрішбаевпен өткен келіссөздердің нәтижесінде меморандумға қол қою жөнінде алдын ала келісімге қол жеткізілді. Ынтымақтастық аясында бірлескен ғылыми зерттеулер жүргізу, ғылыми-техникалық сараптамалар жасау, идеялар мен технологиялар алмасу, конференциялар, симпозиумдар мен семинарлар ұйымдастыру көзделуде.Satbayev University басшылығымен өткен кездесуде әскери жоғары оқу орнының басшысы ұшқышсыз ұшу аппараттарын әзірлеу саласындағы бірлескен жобаларды іске асыру перспективаларын талқылады. Халықаралық ақпараттық технологиялар университетінде генерал-майор Асқар Мұстабеков робототехника және ұшқышсыз авиациялық жүйелер саласындағы ынтымақтастық туралы ұсыныстарын таныстырды.– Әскери-ғылыми әлеуетті дамыту елдің алдыңғы қатарлы академиялық және техникалық орталықтарымен күш біріктіруді талап етеді. Бірлескен жобаларды жүзеге асыру арқылы біз заманауи технологияларды енгізіп қана қоймай, цифрлық технологиялар мен жасанды интеллект саласында құзыретті жаңа буын офицерлерін дайындай аламыз, – деп әскери білім беруді жаңғыртудың маңыздылығын атап өтті генерал-майор Асқар Мұстабеков.Тараптар ғылым мен әскери білім берудің интеграциясы елдің ұлттық қауіпсіздігі мен технологиялық дербестігін нығайту жолындағы маңызды қадам болатынына сенім білдірді.Ақпарат көзі : https://www.gov.kz/memleket/entities/mod/press/news/details/1074845?lang=kk

Үкімет алдында 2029 жылға қарай экономиканың көлемін екі есеге арттыру міндеті тұр. Сондықтан Қазақстанда табысты инвестициялық қызмет үшін қолайлы жағдай жасауға ерекше көңіл бөлінеді. Мемлекет басшысы Қазақстан халқына Жолдауында жаңа инвестициялық циклды бастау қажеттігін атап өтті. Жаңа инвестициялық цикл шеңберінде технологиялардың Қазақстанға трансфертін жүзеге асыруға қабілетті, жергілікті персоналды оқытатын және қазақстандық тауарлар үшін жаңа сыртқы нарықтарға қолжетімділікті ашатын негізгі инвесторларды іздеу және тарту басымдыққа ие болады. Бұл туралы ОКҚ алаңында өткен баспасөз мәслихатында ҚР ұлттық экономика вице-министрі Арман Қасенов мәлімдеді.«Жаңа инвестициялық циклдің негізгі инвесторлары Үкімет айқындаған перспективалы тауашалардағы компаниялар болады — бұл машина жасау, мұнай-газ-химия, жаңартылатын энергия көздері, қазіргі заманғы АӨК, жоғары қайта бөлу металлургиясы, онда жоғары жаһандық бәсекеге қабілеттілігі бар экспорттық өндірістер құруға болады. Тек Қазақстанда ғана емес, бүкіл әлем бойынша осы салалардағы еңбек өнімділігінің деңгейі өңдеу өнеркәсібі бойынша өнімділіктің орташа деңгейінен едәуір асып түседі және тиісінше экономиканың өсуіне ықпал етеді», – деді Арман Қасенов.Спикер Үкімет қолайлы инвестициялық ахуал құру және инвесторлармен тиімді ынтымақтастықты одан әрі дамыту жөніндегі жұмысты жалғастыратынын атап өтті.Ақпарат көзі : https://www.gov.kz/memleket/entities/shymkent-ekonomika-karzhy/press/news/details/1076668?lang=kk