Қазақстан Республикасы Премьер-министрінің орынбасары – ұлттық экономика министрі Серік Жұманғарин Моңғолия Премьер-министрінің орынбасары Хассуурийн Ганхуягпен кездесті.Кездесу барысында Серік Жұманғарин сұхбаттасын жоғары мемлекеттік лауазымға тағайындалуымен құттықтап, табысты еңбек тіледі. Ол Моңғолия Қазақстанның Азия аймағындағы маңызды серіктесі екенін, ал екіжақты ынтымақтастық тарихи терең тамырлы өзара құрмет пен сенім рухында дәйекті түрде дамып келе жатқанын атап өтті.Қазақ-моңғол әріптестігінің негізі ретінде сауда-экономикалық өзара іс-қимылға басты назар аударылады. Мемлекет басшылары ортамерзімді перспективада екіжақты тауар айналымын $500 млн-ға арттыру мақсатын қойып отыр. Тараптар оған екі ел арасындағы жеткізу номенклатурасын кеңейту, кооперациялық жобаларды дамыту, сауда, әкімшілік кедергілерді кезең-кезеңімен жою есебінен қол жеткізілетініне сенім білдірді.2025 жылғы қаңтар-қарашадағы қорытынды бойынша Қазақстан мен Моңғолия арасындағы тауар айналымы $121,5 млн-ға (+5,5%), оның ішінде экспорт $113 млн-ға, импорт $8,6 млн-ға жетті. Қазақстан экспортының құрылымында темекі өнімі, рапс тұқымы, нан, ұн және кондитерлік өнім, тамақ өнімі, майлы дақыл, сондай-ақ қозғалтқыштар мен машина жасау өнімі басым. Моңғолиядан ет пен ет өнімі, кашемир, аяқ киім, кілем, жүннен жасалған бұйымдар импортталады.Тауар айналымын одан әрі арттыру мақсатында қазақстандық тарап тікелей іскерлік байланыс орнату, сондай-ақ Қазақстандағы индустриялық және еркін экономикалық аймақтар мен экспорттық әлеуетті таныстыру үшін Моңғолияға сауда миссиясын жіберуді жоспарлап отыр.Жиында ауыл шаруашылығы саласындағы жоғары ынтымақтастықтың әлеуеті де атап өтілді. Тараптар қазақстандық аграрлық өнім экспортын арттыру, сондай-ақ Моңғолия аумағында олардың өндірісін орнату мүмкіндігін, ветеринариялық вакциналарды жеткізу перспективасын талқылады.Өз кезегінде Хассуурийн Ганхуяг аймақтағы әріптес тұрғысында Қазақстанның Моңғолия үшін стратегиялық маңызын атап көрсетіп, биыл екіжақты ынтымақтастықты жандандыруға сенім білдірді. Ол Қазақстанның Моңғолия мен Орталық Азия елдері арасындағы дәнекер ретіндегі рөліне тоқталып, тарифтік емес кедергілерді анықтау және жою бойынша бірлескен жұмыс тобын құруға мүдделі екенін мәлімдеді. Моңғолия тарапы стандарттау, ветеринариялық қорғау және мал шаруашылығы саласындағы өзара іс-қимылды тереңдетуге қызығушылық білдірді.Кездесуді соңында тараптар сындарлы және өзара тиімді ынтымақтастықты одан әрі дамытуға ниеттестік білдірді.Ақпарат көзі : https://www.gov.kz/memleket/entities/economy/press/news/details/1147304?lang=kk

Эспоо, 2026 жылғы 23 қаңтар – Қазақстанның Финляндиядағы Елшісі Азамат Әбдіраимов «Fortum» Солтүстік Еуропаның жетекші энергетикалық компаниясының Вице-президенті Анни Яаариненмен кездесті.Кездесу барысында тараптар Қазақстандағы атом энергетикасын дамытуды, сондай-ақ тұрақты дамуды, таза энергияны және озық технологияларды енгізуді қоса алғанда, энергетика саласындағы ынтымақтастықты кеңейту жөніндегі қадамдарды талқылады. Бірлескен жобаларды іске асыру мүмкіндіктеріне ерекше назар аударылды.Қазақстан Елшісі елдің энергетика секторына озық халықаралық тәжірибені тартуға мүдделілігін атап өтіп, шетелдік инвесторлар үшін қолайлы жағдайларды атап өтті.Тараптар байланыстар мен ақпарат алмасуды жалғастыруға дайын екендіктерін растады. Ақпарат көзі : https://www.gov.kz/memleket/entities/mfa-helsinki/press/news/details/1147264?lang=kk

Афина, 2026 жылғы 23 қаңтар – Грекия Сыртқы істер министрлігінде Қазақстанның Грекиядағы Елшісі Тимур Сұлтанғожиннің Қазақстанмен және Орталық Азия елдерімен ынтымақтастық мәселелеріне жауапты Грекия Сыртқы істер министрлігінің «A5» саяси департаментінің жаңадан тағайындалған директоры Элени Триантафилумен кездесуі өтті.Келіссөздер барысында тараптар екіжақты қатынастарының қазіргі жай-күйі мен даму перспективалары жөнінде жан-жақты пікір алмасты. Биік және жоғары деңгейлерде қол жеткізілген уағдаластықтарды іске асыру мәселелеріне, сондай-ақ өзара сапарлар кестесіне және бейінді ведомстволар арасындағы байланыстарды кеңейтуге ерекше назар аударылды.Талқылаудың жеке блогы Қазақстан мен Грекия арасындағы ынтымақтастықтың орнықты және кезең-кезеңімен дамуын қамтамасыз етудің негізгі құралдарының бірі ретінде екіжақты шарттық-құқықтық базаны кеңейту мәселелеріне арналды. Сонымен қатар, Қазақстанның екі елдің іскер топтары арасындағы тікелей байланыстарды жандандыруға, грек инвестицияларын тартуға және перспективалы экономикалық жобаларды бірлесіп іске асыруға мүдделі екені атап өтілді.Елші Тимур Сұлтанғожин грек әріптесін Қазақстан Республикасының Президенті Қасым-Жомарт Тоқаевтың Ұлттық құрылтай отырысында жариялаған ауқымды саяси және конституциялық реформалары туралы хабардар етті.Өз кезегінде Элени Триантафилу Қазақстанның орнықты дамуын және жүргізіліп жатқан реформаларды жоғары бағалап, екіжақты қатынастардың жоғары деңгейін растады, сондай-ақ грек тарапының оларды одан әрі тереңдетуге және практикалық мазмұнмен толықтыруға жәрдемдесуге дайын екенін білдірді.Кездесудің соңында тараптар өңірлік және халықаралық күн тәртібіндегі өзекті мәселелер бойынша пікір алмасып, бірқатар негізгі тақырыптар бойынша ұстанымдарының сәйкес келетінін немесе жақындығын және сындарлы диалогты жалғастыруға өзара мүдделілігін растады.Ақпарат көзі : https://www.gov.kz/memleket/entities/mfa-athens/press/news/details/1147274?lang=kk

Исламабад, 2026 жылғы 23 қаңтар  -  Пәкістан Ислам Республикасының Сыртқы істер министрлігі жанындағы Аймақтық зерттеулер институтында Қазақстанның Пәкістандағы Елшісі Ержан Қыстафиннің қатысуымен Қазақстан Республикасы мен Пәкістан Ислам Республикасы арасындағы ынтымақтастықты дамыту мәселелеріне арналған семинар өтті.Іс-шараға академиялық орта өкілдері, сараптамалық орталықтардың мамандары, бейіндік мамандықтар бойынша білім алып жатқан студенттер, сондай-ақ дипломатиялық корпус өкілдері қатысты.Өз сөзінде Е. Қыстафин Астана мен Исламабад арасындағы ынтымақтастықты іске асырудың негізгі бағыттары мен практикалық тетіктеріне жан-жақты тоқталып, саяси диалогты дамыту, сауда-экономикалық байланыстарды нығайту, өңірлік өзара байланыстылық, қауіпсіздік саласындағы ынтымақтастық, мәдени алмасу және халықаралық алаңдардағы өзара іс-қимылдың маңыздылығын атап өтті. Сондай-ақ Орталық және Оңтүстік Азиядағы транзиттік көлік-логистикалық хабтар ретіндегі Қазақстан мен Пәкістанның рөліне, өңірлік интеграция аясында ынтымақтастықты кеңейту перспективаларына ерекше назар аударылды.Елші транзиттік-көлік күн тәртібінің басым маңыздылығына жеке тоқталып, осы тұрғыда Қызылорда қаласында өткен Ұлттық құрылтайдың V отырысының негізгі қорытындылары туралы баяндады. Атап айтқанда, Қазақстан Республикасының Президенті берген, Қазақстанды Шығыс-Батыс және Солтүстік-Оңтүстік бағыттары бойынша халықаралық деңгейдегі негізгі көлік-логистикалық хаб ретінде дамытуға бағытталған тапсырмаларға ерекше мән берілді.Іс-шараға қатысушылар екіжақты жобаларды іске асырудағы мүмкіндіктер мен сын-қатерлерді, сондай-ақ кеңірек өңірлік контексте өзара іс-қимылды одан әрі тереңдетудің ықтимал бағыттарын талқылады.Елші Аймақтық зерттеулер институтына және Институт басшысы, Елші Жохар Сәлімге іс-шараны жоғары деңгейде ұйымдастырғаны үшін алғысын білдіреді. Ақпарат көзі : https://www.gov.kz/memleket/entities/mfa-islamabad/press/news/details/1147280?lang=kk

Құрметті Талдықорған қаласының тұрғындары мен қала қонақтары! Сіздерді 27 қантар күні сағат 19.00-де өтетін Қазақстанның халық әртісі Дәнеш Рақышевтың 100 жылдық мерейтойы қарсаныңда Дәнеш Рақышев атындағы облыстық филармония «Ән салайын» атты дәстүрлі ән кешіне шақырамыз! Концертке қатысады: Дәнеш Рақышев атындағы филармонияның«Жетісу» би ансамблі «Жетісу сазы»фольклорлы-этнографиялық ансамбліФилармонияның беделді әншілеріӨтетін орны:Жетісу облысыныңДәнеш Рақышев атындағы филармониясы Абылай хан көшесі, 153Кіру тегінҰлттық өнерді ұлықтайтын әсерлі кештен қалып қалмаңыз!Баршаңызды күтеміз! Ақпарат көзі : https://www.gov.kz/memleket/entities/zhetysu-archive/press/news/details/1147209?lang=kk

Президент Қасым-Жомарт Тоқаев Давоста Армения Президенті Ваагн Хачатурянмен, Премьер-министр Никол Пашинянмен, Индонезия Президенті Прабово Субиантомен, Жаһандық өзгерістер институтының атқарушы төрағасы Тони Блэрмен, АҚШ Сауда министрі Говард Латникпен және ФИФА президенті Джанни Инфантиномен аз-кем әңгімелесті.Ақпарат көзі : https://www.gov.kz/memleket/entities/mfa-washington/press/news/details/1147286?lang=kk

Қостанай қалалық Горэлектр желісі ТОО «ЭПК-forfait» (ТОО «ЭПК форфайт») қаладағы жеке сектор, тұрғын үй аудандары және кейбір ұйымдар үшін электр энергиясын жоспарлы өшіру жұмыстары туралы хабарлайды.ТП 17 (әуе желісіндегі жұмыстар)26–30 қаңтар 2026 жыл, 10:00 – 18:00Жеке сектор: Дощанова, Бородина, Шаяхметова, Летунова, Павлова көшелері27 қаңтар 2026 жыл, 10:00 – 18:00Ұйымдар мен нысандар: «Күлкі» балабақшасы, ТОО «Темір-Желкен», ЖК Бондаренко, ЖК Максутов, «Автолюкс», «Эльдорадо» дүкендері, «Майами-Люкс» салоныТП 562 – ТП 563 (трансформаторлық қосалқы станциядағы жұмыстар)28 қаңтар 2026 жыл, 10:00 – 18:00Ұйымдар: «Меню» кафе, «Инструмент», «Грамада», «Интерком», «Ойл Центр» дүкендері, ТОО «Экос-Ан», ЖК Макян, ЖК Новосельцев, ЖК Кенжегулов, ЖК Аветисян, ЖК Неотерик, ЖК КаширинаКТП 570 (трансформаторлық қосалқы станциядағы жұмыстар)30 қаңтар 2026 жыл, 10:00 – 21:00Ұйымдар: «Ақшақар» балабақшасы, АЗС «Трудовая», АЗС «Гелиос № 6», ТОО «Цвет-Сервис», ТОО «ДК Жук Агро», «Росзапчасти» дүкені, «Пилот», «Рубин», «Авиатор» гараждарыТұрғын аудандары: Карбышева 43б, 43в, 45; жеке сектор: Челябинская 1–6 көшелеріТП Пионерлюкс (өндірістік аймақ, Складская көшесі)30 қаңтар 2026 жыл, 10:00 – 14:00Ұйымдар: ЖК Гареев, ЖК Пупырева, ЖК Галисултанова, ЖК Банников, ТОО «Анай», ТОО «ВАН», ТОО «Компани ДОСТ», «Балық лавкасы» дүкеніТұрғындар мен ұйымдарды алдын ала шара қабылдауға шақырамыз: тұрмыстық құралдарды пайдалану үшін электр энергиясының қосымша қорын дайындау және жабдық жұмысына сәйкес жоспарлау қажет.Ақпарат көзі : https://www.gov.kz/memleket/entities/kostanai-kalasy-akimat/press/news/details/1147144?lang=kk

Найроби, 2026 жылғы 23 қаңтар - Қазақстан Республикасының Кения Республикасындағы Елшісі Барлыбай Садықов екіжақты мәселелер мен сапарларды ұйымдастыру және өткізу жоспарларын талқылау үшін Кения Сыртқы істер министрлігінің Протокол қызметінің басшысы Северин Люяли ханыммен кездесті.Ақпарат көзі : https://www.gov.kz/memleket/entities/mfa-nairobi/press/news/details/1147157?lang=kk

Жаңаөзен қаласында аппараттық жиналыс өтті22 қаңтар күні Жаңаөзен қаласында қала әкімі Жансейіт Қайнарбаевтың төрағалығымен кезекті аппараттық жиналыс өтті.Жиналыстың күн тәртібіне сәйкес, алдымен Жаңаөзен қаласының білім саласы бойынша берілген хаттамалық тапсырмалардың орындалу барысы қаралды. Аталған мәселе бойынша Жаңаөзен қалалық білім бөлімінің басшысы Ғани Құрманғалиев баяндама жасап, тапсырмалардың орындалу деңгейі мен өзекті мәселелерге тоқталды.Сондай-ақ, облыс және қала әкімдерінің Жаңаөзен қаласы халқымен кездесуі барысында жасақталған іс-шаралар жоспарының орындалуы және азаматтарды қабылдау кезінде көтерілген мәселелердің шешілу барысы қаралды. Бұл мәселе бойынша Жаңаөзен қаласы әкімі аппаратының ұйымдастыру және бақылау бөлімінің басшысы Бауыржан Молдабеков, сондай-ақ құжаттамалық қамтамасыз ету және бақылау бөлімінің басшысы Айнұр Ақжігітқызы баяндама жасады.Жиын барысында қала әкімі сала басшыларына берілген тапсырмалардың уақтылы әрі сапалы орындалуын қамтамасыз етуді, халықпен кері байланысты күшейтуді және көтерілген мәселелерді жүйелі түрде шешуді тапсырды.Жиналыс қорытындысы бойынша жауапты бөлім басшыларына нақты тапсырмалар жүктеліп, олардың орындалуы қала әкімінің қатаң бақылауына алынды.Жаңаөзен қаласы әкімінің баспасөз қызметіАқпарат көзі : https://www.gov.kz/memleket/entities/akimat-goroda-zhanaozen/press/news/details/1147124?lang=kk

– Әр азаматымыздың жетістігі – Қазақстанның жетістігі. Әр спортшының абыройы – барша қазақтың беделі. Жеңіске жету үшін талап пен табандылық керек. Сіздер шеберліктеріңізді шыңдап, аянбай еңбек еттіңіздер. Соның арқасында дүбірлі додаға қатысуға мүмкіндік алдыңыздар. Олимпиада чемпионы болу – әр спортшының арманы. Осы мақсатқа бір табан жақын тұрсыздар. «Ел сенімі – ерге жүк» дейді халқымыз. Баптарыңыз және бақтарыңыз қатар шауып, жүлдемен келесіздер деп сенемін. Барша халқымыз Сіздерге жанкүйер, тілекші болады. Бәріңізге сәттілік, жеңіс тілеймін! Көк Туымыз әрдайым биікте желбірей берсін! – деді Мемлекет басшысы.Қасым-Жомарт Тоқаев Қазақстан Республикасының Мемлекеттік туын Ұлттық құраманың мүшелері Денис Никиша мен Аяулым Әмреноваға және Қазақстан паралимпиадалық командасының мүшесі Ербол Хамитовқа табыстады.

Қасым-Жомарт Тоқаев дүние жүзінің ең мықты спортшылары бақ сынайтын Италиядағы XXV Қысқы Олимпиада ойындары мен XIV Қысқы Паралимпиаданы айрықша маңызды оқиға деп атады.– Олимпиада ойындарына 40-қа жуық спортшымыз қатысады. Олар спорттың 10 түрінен жарысқа түседі. Ұлттық құрама мүшелерінің жартысынан көбі Олимпиадаға алғаш рет бара жатыр. Жаһандық бәсеке сіздер үшін зор мүмкіндік әрі үлкен сынақ болмақ. Қысқы Олимпиадаға жолдама алу үшін спортшыларымыз көптеген белестен өтті. Түрлі халықаралық жарыста табысты өнер көрсетіп, 17 алтын, 31 күміс және 21 қола медальға ие болды. Сонымен бірге біз Паралимпиада ойындарында ел абыройын қорғайтын спортшыларымызға зор сенім артамыз. Паралимпиадашылардың ерекше құлшынысы және мықты ерік-жігері көпке үлгі. Наурыз айының басында Италияда өтетін Паралимпиада ойындарына әзірге 10 лицензия алдық. Лицензия саны әлі де көбеюі мүмкін, – деді Президент.Мемлекет басшысы төрт жылда бір өтетін байрақты бәсекеге қазақстандық спортшылар тыңғылықты дайындалғанына тоқталып, Қысқы Олимпиада және Паралимпиада ойындарында шын мықтылар күш сынасатынын айтты.– Әрине, спортта жеңісті болжау мүмкін емес. Бірақ Сіздер қатаң іріктеулерден сүрінбей өтіп, Қазақстанның олимпиадалық құрамасына мүше болдыңыздар. Осының өзі, Сіздердің әлеуеттеріңізді, жеңіске деген ұмтылыстарыңызды танытады. Тәуелсіздік алған уақыттан бері спортшыларымыз Қысқы Олимпиада ойындарында шеберлік танытып, бірнеше мәрте жеңіс тұғырынан көріне білді. Владимир Смирнов, Людмила Прокашева, Елена Хрусталева, Денис Тен, Юлия Галышева сияқты Олимпиада жүлдегерлерінің есімдері отандық спорт тарихына алтын әріптермен жазылды. Әлемдік спорттағы ірі ареналарда топ жарған отандық атлеттердің құрметіне талай рет Әнұран шырқалып, еліміздің Туы көкте желбіреді. Алдағы уақытта да жарқын жеңістер күтіп тұрғанына сенімдімін. Жақында Ұлттық құрылтай отырысында атап өткенімдей, спорттағы жетістіктер тұтас еліміздің мәртебесін көтеріп, жалпыұлттық бірлікті және Қазақстан Республикасының қазіргі әлемдегі беделін нығайтады, – деді Қасым-Жомарт Тоқаев.

21-23 қаңтарда Ливанға Азық-түлік қауіпсіздігі жөніндегі Ислам ұйымының (АҚИҰ) Бас директоры Б.Арынның жұмыс сапары жүзеге асты. Сапар аясында Ливанның Ауыл шаруашылығы министрі Низар Ханимен және Сыртқы істер министрлігінің халықаралық ұйымдар мәселелері жөніндегі департаментінің бас директоры Салим Баддурамен кездесулер өтті.Кездесулер барысында Ливанның АҚИҰ-мен ықпалдастығын нығайту және елдің Ұйымға қосылу мәселелері талқыланды. Ливан тарапы АҚИҰ қызметіне жоғары қызығушылық білдіріп, ықтимал мүшеліктің практикалық нәтижелерін нақтылау, сондай-ақ Ұйыммен жобалық әріптестіктің басым бағыттарын айқындайтын тұжырымдамалық материалдарды әзірлеудің маңызын атап өтті.Сонымен қатар тараптар Қазақстан мен Ливан арасындағы аграрлық саладағы екіжақты ынтымақтастықты дамыту, ауыл шаруашылығы өнімдері бойынша өзара сауданы кеңейту мүмкіндіктерін қарастырды.   Ақпарат көзі : https://www.gov.kz/memleket/entities/mfa-beirut/press/news/details/1147075?lang=kk

Қаңтар айының ортасында Ұлттық ұлан Бас қолбасшылығында Бас басқармалар, басқармалар мен дербес қызметтердің басшылары арасында бильярдтан турнир ұйымдастырылды.Жарыс «бильярд» және «еркін пирамида» дисциплиналары бойынша өтті. Ойын екі рет жеңілгенге дейінгі жүйе бойынша жүргізілді. Ережелер қарапайым, соққы шарымен кез келген шарды көздеуге рұқсат етілді. Алғаш болып 8 ұпай жинаған қатысушы жеңімпаз деп танылды. Әр кездесуге бір жарым сағат бөлініп, уақыт аяқталған жағдайда ұпайы аз ойыншы жеңілген болып есептелді.Турнир барысында барлық бөлімшелердің әскери қызметшілері бильярд үстелінде жоғары белсенділік танытып, шешуші кезеңде финалистерге қызу қолдау көрсетті.Турнир қорытындысы бойынша жүлделі орындар төмендегідей бөлінді:І орынды техникалық пайдалануды ұйымдастыру және жоспарлау қызметінің бастығы подполковник Олжас Әлібеков иеленді;ІІ орынды 4-бөлімнің бастығы подполковник Ерлан Абельдинов алды;ІІІ орын басқарма бастығының орынбасары – құқық бұзушылықтардың алдын алу және профилактика бөлімінің бастығы полковник Қуандық Кульгажиновке бұйырды.Сондай-ақ турнир қатысушылары арнайы номинациялар бойынша да марапатталды.«Снайпер» номинациясымен Бас қолбасшылықтың мемлекеттік құпияларды қорғау басқармасының бастығы полковник Дінмұхамед Мырзатаев марапатталды;«Үздік техника үшін» грамотасы Әскери полиция басқармасының бастығы полиция полковнигі Ғалымжан Өсербайға табысталды;«Жеңіске деген жігері үшін» номинациясы техника және қару-жарақ басқармасының бастығы полковник Азамат Ғабдуллинге берілді;«Шебер» номинациясымен Бас қолбасшылықтың байланыспен қамтамасыз ету орталығының бастығы полковник Адай Апенов марапатталды.Жүлделі орындарға ие болған қатысушыларды Ұлттық ұлан Бас қолбасшысының орынбасары генерал-майор Бауыржан Әбжанов медальдармен және грамоталармен марапаттады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1147046?lang=kk

2026 жылдың 23 қаңтарында Қостанай қаласында республикалық «Таза Қазақстан» экологиялық акциясы аясында онлайн-кездесу және қала тұрғындары үшін экологиялық интерактив өткізілді. Іс-шараға үш өңірдің өкілдері мен қала тұрғындары қатысып, қоршаған ортаны қорғауда жеке жауапкершілік мәселесіне назар аударды.Іс-шара Достық үйінде өтті. Оған Қостанай облыстық ҚХА «Ассамблея жастары» мүшелері, этномәдени бірлестіктердің жастар қанаттары, Солтүстік Қазақстан облысының Ассамблея жастары, сондай-ақ Павлодар қаласының Студенттік Ассамблеясы қатысты.Акция екі кезеңде ұйымдастырылды. Бірінші кезең — Zoom платформасында онлайн-кездесу болды. Кездесуге Қостанай және Солтүстік Қазақстан облыстарының жастар ұйымдары мен Павлодар қаласының Студенттік Ассамблеясының өкілдері қатысты. Қатысушылар өңірлерде «Таза Қазақстан» акциясын іске асыру тәжірибелерімен бөлісті, үздік жобалар мен бастамаларды таныстырды, 2026 жылға арналған жоспарларды талқылады. Қостанай облығы атынан спикерлер ретінде «Ассамблея жастары» жастар қозғалысының мүшелері және этномәдени бірлестіктердің жастар қанаттарының жетекшілері сөз сөйледі. Кездесу соңында сұрақ-жауап сессиясы, ашық пікірталас және қорытынды жасалды.Екінші кезең - қала тұрғындары үшін интерактив - ТРЦ ЦУМ және ТРЦ MART сауда орталықтарында өтті. Жастар қала тұрғындарымен «ВАЛЛ·И» анимациялық фильмінің тақырыбына негізделген интерактивтік форматта әңгімелесті. Сондай-ақ акция шеңберінде экология және республикалық «Таза Қазақстан» акциясы бойынша ақпараттық буклеттер таратылды.Іс-шара ұйымдастырушысы Қостанай облысы әкімдігі қоғамдық даму басқармасының «Қоғамдық келісім» КММ жетекшісі Наталья Рамазанова атап өткендей:«Экологиялық мәдениет жеке жауапкершілік пен бірлескен әрекет арқылы қалыптасады. Біз үшін маңыздысы — тек іс-шара өткізу емес, жастар мен қала тұрғындарын қоршаған ортаны қорғауға нақты іс-қимылға тарту. «Таза Қазақстан» бастамасы өңірлерді біріктіріп, экологияның болашағы біздің қолымызда екенін көрсетеді».Өткізілген акция өңірлер арасындағы байланыстарды нығайтып, жастар қозғалысын әрекетке шақырып, қоғамның экология мәселелеріне назарын аударды.Ақпарат көзі : https://www.gov.kz/memleket/entities/kostanay/press/news/details/1147044?lang=kk

Тараз қаласындағы «Оңтүстік» өңірлік қолбасшылығына қарасты 5513 әскери бөлімінде қатардағы Нұрдәулет Жалиев қызмет атқарады. Ол әскерге саналы түрде, нақты мақсатпен келді. Оның бала кезден бергі арманы - музыка әлемінде өз орнын тауып, әскери оркестр құрамында өнер көрсету.Өнерге деген құштарлық Нұрдәулетті ерте жастан жетеледі. Мектеп қабырғасынан бастап ол көпшілік алдында ән айтып, баян аспабында еркін ойнады. Көпбалалы отбасында тәрбиеленген оның бойында жауапкершілік және табандылық секілді қасиеттер қалыптасты.Абай атындағы Жамбыл гуманитарлық жоғары колледжін тәмамдаған соң, оның алдында екі таңдау тұрды. Бірі – музыка пәнінің мұғалімі ретінде еңбек ету. Екіншісі – бала күнгі арманынан бас тартпай, дара жол салу. Нұрдәулет жүрегі қалаған бағытты таңдады.Арман жолында ол тынымсыз еңбектеніп, кәсіби тұрғыда дамып, әскери оркестрге қабылдану үшін қажетті құжаттарды жинады. Алайда оған өз арманына жету жолында  әскери билетінің болмауы кедергі болды.Бұл жағдай жас музыканттың жігерін жасытпады. 21 жасында ол әскерге бару жөнінде шешім қабылдап, мақсатына бір қадам жақындай түсті. Ата-анасы ұлының болашағына қатысты таңдауын қолдады. Себебі өздері де шығармашыл жандар бұл шешімнің "жеті рет өлшеп, бір рет кесілгенін" түсінді.Мерзімді әскери қызметтегі алты айда қатардағы Жалиев өзін жауапты әрі тәртіпті әскери қызметші ретінде көрсетті және келісімшарт негізінде қызметін жалғастыру құқығына ие болды. Әскери бөлімнің табалдырығын аттағаннан бастап бөлім командирлері Нұрдәулеттің әскери оркестрде өнер көрсетуге деген ниетін білді. Оның талабы, тәртібі мен қызметке деген жауапкершілігі назардан тыс қалған жоқ.Қазіргі уақытта қатардағы Нұрдәулет Жалиев 5513 әскери бөлімінің  оркестрі құрамында өнер көрсетіп жүр. Ол жаңа музыкалық аспаптарды меңгеріп, кәсіби шеберлігін арттырып, шығармашылық тұрғыда дамуын жалғастырып жатыр.Арманға жету үшін әр адам табандылық танытып, кездескен қиындықтарды еңсеру қажет. Алайда кей жағдайда жалғыз жігердің өзі жеткіліксіз болып, арманын орындау үшін мүмкіндік сыйлайтын орта керек болады. Нұрдәулет үшін дәл осындай мүмкіндік, арманын жүзеге асыруға жол ашатын орта Ұлттық ұландағы мерзімді әскери қызметтен табылды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1147013?lang=kk

Қорғаныс ведомствосының ақпараттық-түсіндіру тобы Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабековтің басшылығымен Қарағанды облысында бірқатар кездесулер өткізді.Генерал-майор Асқар Мұстабеков Қарағанды облысының әкімі Ермағанбет Бөлекпаевпен және Парламент Сенатының депутаты Ғалиасқар Сарыбаевпен кездесу өткізді. Кездесу барысында тараптар өзара іс-қимыл тетіктерін, гарнизон инфрақұрылымын одан әрі дамыту, әскери-патриоттық тәрбие, сондай-ақ әскери қызметшілер мен олардың отбасы мүшелерін әлеуметтік қамтамасыз ету мәселелерін талқылады.Қарағанды гарнизоны әскери бөлімдері мен мекемелерінің қолбасшылық құрамымен өткен кездесуде Қорғаныс министрінің орынбасары ел Президентінің V Ұлттық құрылтайда көтерген негізгі бастамаларына тоқталды.– Өткен форум қоғамды топтастыруға және мемлекеттілікті нығайтуға бағытталған стратегиялық шешімдерді әзірлеуге арналған маңызды алаңға айналды. Қарулы күштер үшін бұл, ең алдымен, тәрбие жұмысын күшейту, патриотизм мен ел қауіпсіздігі үшін жауапкершілікті арттыру, – деп атап өтті генерал-майор А. Мұстабеков.Сондай-ақ ол тәрбие жұмысы нәтижеге бағытталған модельге көшуі тиіс екенін атап өтті. Оның негізгі өлшемі өткізілген іс-шаралардың саны емес, қойылған міндеттерді орындау барысында тәртіптің нығаюы, жауапкершіліктің артуы және әскери ұжымның бірлігі болмақ.31775 әскери бөлімінде Қорғаныс министрінің орынбасары қызмет жағдайымен танысып, казармаларды, монша-жуу кешенін және өзге де инфрақұрылым нысандарын қарап шықты.Ол бөлімшелердегі моральдық-психологиялық қамтамасыз ету ісінің ұйымдастырылуына ерекше назар аударды. Мерзімді қызмет жауынгерлерімен өткен кездесуде генерал-майор Асқар Мұстабеков олардың жауынгерлік даярлық деңгейінің жоғары екенін атап өтті. Әскери-есептік мамандықты меңгерудегі үздік нәтижелері үшін ол қатардағы жауынгер Дамир Жолтайға қолсағат табыс етті. Сондай-ақ сарбаздармен бірге түскі ас ішіп, тамақ рационының сапасын бағалады.Сол күні Қорғаныс министрінің орынбасары Нұркен Әбдіров атындағы Қарағанды авиациялық базасына барды. Әскери бөлімде ол мерзімді әскери қызметшілердің тұрмыс жағдайының ұйымдастырылуын тексеріп, ұшуға дайындық үдерісімен танысты. Ұшқыштармен және инженерлік-техникалық құраммен әңгіме барысында кәсіби даярлық пен ұшу қауіпсіздігін қамтамасыз ету мәселелерін талқылады.Ақпараттық-түсіндіру тобының Қарағанды облысындағы жұмысы жалғасуда. Қорғаныс істері жөніндегі департаментте, «Аналар жүрегі» сарбаз аналары комитетінің өкілдерімен, жалпы білім беретін мектеп оқушыларымен және Талғат Бигелдинов атындағы әскери колледж кадеттерімен кездесулер жоспарланған.Ақпарат көзі : https://www.gov.kz/memleket/entities/mod/press/news/details/1146923?lang=kk

Техногендік минералдық түзілімдердің (ТМТ) құрамынан алынған пайдалы қазбаларға пайдалы қазбаларды өндіру салығын 10 есе төмендету.Салық Кодексінің ескі басылымына сәйкес, ТМТ-дан алынатын қатты пайдалы  қазбалардың салық салу бойынша жеке бап және есептеу тәртібі көзделмеген.Сонымен, Салық кодексінің 783-ші бабына сәйкес техногендік минералдық түзілімдерден алынған пайдалы қатты қазбалар бойынша пайдалы қазбаларды өндіру салығын есептеу кезінде жер қойнауын пайдаланушы осы Кодекстің 781-бабында белгіленген мөлшерлемелерге 0,1 төмендету коэффициентін қолданады.Өндіру көлемін және уран концентратының әлемдік бағасын ескеретін өндірілген уран үшін гибридті шкаланы енгізу (бұрын тіркелген мөлшерлеме қолданылған).Уранға арналған Салық кодексінің ескі басылымның нормаларына сәйкес (өнімді ерітінділерден алынған, шахта әдісі) ТКС есептеу кезінде салық базасына 6% мөлшерінде мөлшерлеме қолданылды.Жаңа Кодекс бойынша 781-бапқа сәйкес мөлшерлемелер көзделген және жылдық өндіру көлеміне және табиғи уран концентратының орташа өлшенген бағасына байланысты болады.Өндірілген алтын мен күміске ТКС-ге прогрессивті салық салу, әлемдік бағаларға байланысты 7,5% - дан 11% - ға дейін.Ескі кодекс бойынша Алтын мен күміске ТКС есептеу кезінде 7,5% бірыңғай мөлшерлеме қарастырылған.Жаңа Салық кодексінің нормаларына сәйкес мөлшерлеме орташа биржалық бағаға байланысты белгіленеді және 7,5% - дан 11% - ға дейін өзгереді.Мысалы, егер алтынның орташа биржалық бағасы троя унциясы үшін 2800 долларға дейін болса, 7,5% мөлшерлеме қолданылады.Троя унциясы үшін орташа биржалық бағасы 3800 доллар болса, мөлшерлеме 11% құрайды.Сол сияқты күмісте, мысалы, егер күмістің орташа биржалық бағасы троя унциясы үшін 28 долларды қосқанда мөлшерлеме 7,5% құрайды, егер орташа биржалық баға троя унциясы үшін 30 долларды қосқанда мөлшерлеме 8% болады және т. б.Тау-кен саласында қолданыстағы капиталды көп қажет ететін жобаларды 5 жылға  пайдалы қазбаларды өндіру салығынан босату. Бұл норма Салық кодексінің жаңа басылымының 782-бабында регламенттелген. Осы баптың нормаларына сәйкес пайдалы қазбаларды өндіру салығынан  босатуды қолдану үшін 3 Шартты бір мезгілде сақтау қажет.1)жер қойнауын пайдалануға арналған бір келісім шарт бойынша кен орындары тобы бойынша минералдық шикізатты өнеркәсіптік өндіру, кен орнының бір бөлігі Қазақстан Республикасының Үкіметі айқындаған шарттар сақталған кезде 2022 жылғы 31 желтоқсаннан кейін басталды;2)жер қойнауын пайдалануға арналған бір келісімшарт бойынша кен орындары тобы бойынша рентабельділіктің ішкі нормасының деңгейі кен орнының бір бөлігін 15 пайызды және одан азды құрайды.3)жер қойнауын пайдалануға арналған бір келісім шарт бойынша кен орындары тобы бойынша жер қойнауын пайдалану құқығы, осы тармақта көрсетілген пайдалы қазбаларды өндіруге салынатын салық ставкасы қолданылған кен орнының бір бөлігі, өзара байланысты тараптың пайдасына иеліктен шығаруды қоспағанда, осы тармақтың ережелерін қолдану кезеңі ішінде иеліктен шығарылуға жатпайды.Ақпарат көзі : https://www.gov.kz/memleket/entities/kgd-vko/press/news/details/1146893?lang=kk

Баянды ауылының аумағында атына автокөлік тіркелген тұрғындарға көлік салығы бойынша ескерту қағаздары таратылды.Ескерту құжаттарында көлік салығын белгіленген мерзімде төлеу қажеттілігі көрсетілген. Салық берешегі өтелмеген жағдайда, заңнамаға сәйкес берешек сомасы сот тәртібімен өндіріліп, банк шоттарына шектеу қойылатыны туралы хабарланған.Ауыл тұрғындарын берешектерінің бар-жоғын тексеріп, көлік салығын уақытылы төлеуге шақырамыз.Ақпарат көзі : https://www.gov.kz/memleket/entities/mangystau-munaily-bayandy/press/news/details/1146854?lang=kk

 Fabe Polska компаниясы Қазақстанда құны 69 млрд теңге болатын жылыжай кешенін салады Ауыл шаруашылығы министрі Айдарбек Сапаров пен Fabe Polska компаниясының басқарма төрағасы Фатих Будан жылыжай саласын дамытуға бағытталған ірі жобаны іске асыру жөніндегі инвестициялық келісімге қол қойды. Жоба аясында Шымкент қаласында жылына 38 мың тонна қызанақ өндіретін заманауи жылыжай кешенін салу жоспарлануда. Жобаның жалпы инвестиция көлемі шамамен 69 млрд теңгені құрайды. Кездесу барысында Айдарбек Сапаров жобаның агроөнеркәсіптік кешенді дамытудағы стратегиялық маңызын атап өтті.Ақпарат көзі : https://www.gov.kz/memleket/entities/shymkent-auyal-zharuazhalyk/press/news/details/1146818?lang=kk

2026 жылғы 23 қаңтарда Өскемен қаласы бойынша Мемлекеттік кірістер басқармасының алаңында республикалық «Халықтық бухгалтер» акциясы аясында Шығыс Қазақстан облысы тұрғындары үшін Ашық есік күні өткізілді.Мемлекеттік кірістер органдарының мамандары жаңа Салық кодексінің ережелерін, салықтық есептілікті тапсыру тәртібін, арнайы салық режимдері бойынша өтпелі нормаларды, ҚҚС бойынша тіркеу және тіркеуден шығару мәселелерін, сондай-ақ ақпараттық жүйелерде жұмыс істеу ерекшеліктерін түсіндірді.Акция 2026 жылғы 30 маусымға дейін жалғасады. Салық төлеушілерге арналған консультациялар бекітілген кестеге сәйкес тұрақты түрде өткізіледі:қаңтар–ақпан айларында — дүйсенбі, сәрсенбі және жұма күндері сағат 10:00-ден 13:00-ге дейін; наурыз айынан бастап — аптасына екі рет.Консультациялар мына мекенжай бойынша өткізіледі:Өскемен қ., Н. Назарбаев даңғылы, 86, 3-қабат, Өскемен қаласы бойынша Мемлекеттік кірістер басқармасы. Облыстың басқа қалалары мен аудандарының салық төлеушілері үшін бейнебайланыс арқылы консультация алу мүмкіндігі қарастырылған. Байланыс нөмірі: 8 771 123 80 84.Ақпарат көзі : https://www.gov.kz/memleket/entities/kgd-vko/press/news/details/1146787?lang=kk