2026 жылғы 15 сәуірде Душанбеде «Rectors’ Club: Central Asia+» ректорлар клубының 7-отырысы өтті. Бұл жиын жаһандық сын-қатерлер жағдайында жоғары білімнің болашағын талқылау үшін университет басшыларын, мемлекеттік органдар өкілдерін, халықаралық сарапшылар мен практиктерді біріктірді. Отырыс Тәжікстанның Халықаралық туризм және кәсіпкерлік университеті ұйымдастырған «Тұрақты даму жолындағы серіктестік: Green. Digital. Smart» халықаралық форум аясында өтті.Іс-шараға Әзербайжан, Қазақстан, Малайзия, Ресей, Өзбекстан, Тәжікстан, Қырғызстан, Ұлыбритания, Буркина-Фасо, Индонезия және Үндістан университеттерінің президенттері, ректорлары, проректорлары мен профессорлары қатысты. Қатысушылардың жалпы саны 80 адамнан асты.Құттықтау сөз сөйлегендер қатарында: Тәжікстанның Халықаралық туризм және кәсіпкерлік университетінің ректоры Асрорзода Убайдулло Саттор, Тәжікстан Республикасы білім және ғылым министрінің орынбасары Абдухоликзода Лутфия Абдухолик, аталған университеттің стратегиялық даму және сапаны басқару жөніндегі проректоры Курбонзода Зульфия Махмаднаби, Almaty Management University президенті және “Rectors’ Club: Central Asia+” жобасының негізін қалаушы Асылбек Кожахметов (бейнеқұттықтау), сондай-ақ Almaty Management University ректоры Тимур Булдыбаев болды.Құттықтау сөздерде академиялық қауымдастық пен білім беру органдарының өкілдері өңірлік ынтымақтастықты нығайтудың маңыздылығын және университеттердің әлеуметтік-экономикалық әрі экологиялық мәселелерді шешудегі рөлін атап өтті.Клубтың 7-отырысының тақырыбы — Орталық Азиядағы тұрақты даму және еңбек нарығының трансформациясы. Кездесу үш негізгі спикердің баяндамаларымен жалғасты.Лондондағы University College London (UCL IOE) Білім институтының профессоры, халықаралық мәселелер жөніндегі декан орынбасары Тристан МакКоун «жасыл» университетті интернационалдандыру тәсілін таныстырып, халықаралық ынтымақтастықты тұрақты даму міндеттерімен ұштастыру қажеттігін атап өтті. Оның айтуынша, университеттер өз ықпалын қайта қарастырып, тек академиялық көрсеткіштерге ғана емес, қоғам мен экологияға қосатын нақты үлесіне де назар аударуы тиіс. Профессор интернационалдандырудың екіжақты рөліне назар аударды: бір жағынан, студенттер мен академиялық қауымдастықтың халықаралық мобильдігі көміртек ізінің артуына әкеледі, ал екінші жағынан, дәл осы халықаралық ынтымақтастық арқылы климаттық дағдарыспен күреске қажетті білім мен шешімдер таралады. Ол университеттердің ықпалы тек білім беру үдерісімен шектелмейтінін, ең үлкен әсер олардың түлектері арқылы жүзеге асатынын атап өтті. Осыған байланысты дәстүрлі рейтингтер университеттердің тұрақты даму мен қоғамдық өзгерістерге қосқан нақты үлесін толық көрсетпейтінін айтып, бағалау тәсілдерін қайта қарауға шақырды.Университеттердің практикалық рөлі Алматы қаласын дамыту орталығы жобаларының бас менеджері, «КОМУНИТИПЛЮС» қорының тең құрылтайшысы және «Комунити» ЖШС бас директоры Эльмира Карманованың баяндамасында ашылды (Алматы, Қазақстан). Ол университеттердің қалалық қауымдастықтармен өзара әрекеттесу тәжірибелерін ұсынды. Ерекше назар нақты өңірлік мәселелерді шешуге негізделген жобалық оқытуға және университеттер, мемлекет пен қоғам арасындағы тұрақты серіктестіктерді қалыптастыруға аударылды. Оның айтуынша, білім беру жобалары нақты тапсырыс беруші мен айқын міндет болған жағдайда ғана тиімді болады, әйтпесе олар формалды оқу жаттығулары деңгейінде қалып қояды. Сонымен қатар, қауымдастықтар ішіндегі сенімнің маңызы ерекше аталып өтті — дәл осы фактор бірлескен бастамаларды табысты жүзеге асырудың негізгі шарты болып табылады.Болашақ білім беру саласының сарапшысы, Global Education Futures негізін қалаушы, Learning Planet Institute (Франция) қауымдастырылған зерттеушісі және World Academy of Art and Science (АҚШ) мүшесі Павел Лукша жасанды интеллекттің дамуына байланысты жүйелік сын-қатерлерді атап өтті. Оның пікірінше, дәстүрлі жоғары білім моделі өзектілігін тез жоғалтып келеді, ал университеттер практикалық құзыреттерді, ойлау икемділігін және белгісіздік жағдайында жұмыс істеу қабілетін дамытуға көшуі тиіс. Ол университеттердің адам мен технологиялар арасындағы өзара әрекеттесудің жаңа үлгілерін қалыптастыратын кеңістік ретіндегі рөлінің артып келе жатқанын ерекше атап өтті. Сарапшының айтуынша, бүгінде кәсіби міндеттердің 40–80%-ы автоматтандыру аймағында, әсіресе бастапқы деңгейдегі мамандар мен «кеңсе» қызметкерлері үшін. Осы жағдайда білім беру бағдарламалары технологиялардан қалып қойып, тез ескіреді. Нәтижесінде білім жинақтаудан гөрі практикалық дағдыларды көрсету маңыздырақ бола түсуде. Жұмыс берушілер үшін дипломның өзі емес, нақты міндеттерді шешу қабілеті шешуші факторға айналуда. Осыған байланысты университеттер жобалық оқытуға, пәнаралық тәсілге және тез өзгеретін ортаға бейімделу дағдыларын дамытуға негізделген жаңа модельдерге көшуі қажет. Сонымен қатар, тұрақты даму мақсаттарының жеткіліксіз қаржыландырылуы мен геосаяси белгісіздік жағдайында университеттер шешімдер генерациялайтын және болашақ мамандарды даярлайтын маңызды орталықтарға айналып отырғаны атап өтілді.Спикерлердің баяндамалары Орталық Азия университеттері ауқымды трансформация кезеңінде тұрғанын көрсетті — дәстүрлі білім беру институттарынан технологиялық, әлеуметтік және экологиялық өзгерістердің белсенді драйверлеріне айналу үдерісі жүріп жатыр.Форсайт-сессия барысында Орталық Азия университеттерінің ректорлары білім беру үдерісінде жасанды интеллектті қолдану перспективаларын және оның тұрақты даму мақсаттарына жетудегі әлеуетін талқылады. Қатысушылар университетаралық ынтымақтастықты күшейту, тәжірибе алмасу және бірлескен бастамаларды дамыту қажеттігі жөнінде ортақ пікірге келді.Отырыс қорытындысы бойынша өңір университеттері қоғам трансформациясының белсенді қатысушыларына айналуы тиіс екені атап өтілді. Негізгі басымдықтар ретінде халықаралық серіктестіктерді дамыту, инновациялық білім беру модельдерін енгізу және университеттердің тұрақты дамуға қосатын үлесін арттыру белгіленді.Almaty Management University «Тұрақты даму жолындағы серіктестік: Green. Digital. Smart» халықаралық форумының ұйымдастырушыларына, әсіресе Тәжікстанның Халықаралық туризм және кәсіпкерлік университетіне және Тұрақты даму мен жасыл экономика ғылыми-зерттеу институтының командасына жоғары деңгейдегі ұйымдастыру, мазмұнды күн тәртібі және кәсіби диалогқа ашық алаң құрғаны үшін алғыс білдіреді. Форумның өтуі халықаралық академиялық ынтымақтастықты дамытуға және өңірде тұрақты даму қағидаттарын ілгерілетуге бағытталған серіктестіктерді нығайтуға маңызды үлес қосты.“Rectors’ Club: Central Asia+” ректорлар клубы — Орталық Азия мен серіктес елдерде жоғары білімнің болашағын қалыптастыруға бағытталған стратегиялық диалогтың өңірлік алаңы. Ол университет президенттері, ректорлар, проректорлар мен сарапшыларды біріктіріп, теңдік, сенім және ынтымақтастық қағидаттарына негізделген әріптестікті дамытуға ықпал етеді. 2023 жылдың маусым айынан бері Қазақстанда (Алматы), Өзбекстанда (Бұхара, Ташкент), Қырғызстанда (Бішкек) және Әзербайжанда (Баку) алты кездесу өткізілді.

– Біз өңірлік және жаһандық қақтығыстарды талқылаймыз. Алайда Сіз Түркияның бұрынғы сыртқы істер министрі ретінде келіссөздер БҰҰ мен басқа да ірі халықаралық ұйымдар алаңында емес, одан тысқары жерлерде өтіп жатқанын аңғарған шығарсыз. Тараптар БҰҰ-да емес, белгілі бір елдердің астаналарында, жекелеген конференц-залдарда кездеседі. БҰҰ жоғары өкілдерінің қақтығыстарға араағайындық жасағанын көре бермейміз. Бұл ойланатын мәселе. Демек БҰҰ-ның рөлі төмендеп кетті деген сөз. Мен оған қатты алаңдаймын. Өйткені өзім де БҰҰ мен басқа да халықаралық ұйымдарда қызмет еттім. Қазір жұрт келесі БҰҰ Бас хатшысы кім болады деген тақырыпты талқылап жатыр. Менің ойымша, бұл аса маңызды емес. Ең басты түйткіл, ұйым қазіргі күйінде әрі қарай қызметін жалғастыра ала ма? – деді Президент.Қасым-Жомарт Тоқаев жасанды интеллектінің халықаралық ұйымдар қызметіне ықпалын зерделеуге шақырып, жаһандық Ұйымды түбегейлі реформалау қажет екеніне тоқталды.– Әлгінде айтқанымдай, өте өзекті халықаралық мәселелердің шешілуіне Қауіпсіздік Кеңесінің өзі кедергі келтіріп отыр. Бұл оғаш, бәлкім, ақылға сыймайтын жағдай. Адамдар, дипломаттар мен саясаткерлер басқа алаңдарда келіссөз жүргізуге мәжбүр. Айтпақшы, бұл проблеманы былтыр қыркүйек айында өткен БҰҰ Бас ассамблеясының кезекті сессиясында Президент Дональд Трамп дәл сипаттады. Мен онымен толық келісемін. Ол БҰҰ штаб-пәтеріндегі бұзылған телесуфлер мен эскалаторды сынға алып, «БҰҰ-да бәрі істен шыққан!» деді. Алайда ең маңызды мәселе – Біріккен Ұлттар Ұйымында және басқа да халықаралық құрылымдарда бейбітшілікті сақтау үдерісі тоқырап тұр.  Мен – көпжақты дипломатияның жақтаушысымын. Бейбітшілікке бастайтын әділдік идеясының төңірегіне топтасқан адамзаттың жарқын болашағына әлі де сенемін, – деді Мемлекет басшысы.

Сонымен қатар Қауіпсіздік Кеңесі тұрақты мүшелерінің ұстанымын Ұйымдағы дағдарыстың басты себептерінің бірі ретінде атады– Біріккен Ұлттар Ұйымын реформалау туралы айтқанда, барынша прагматикалық көзқарас ұстануымыз керек деп санаймын. Әйтпесе, алдағы уақытта да жолайрық, стратегиялық құндылықтар мен басқа мәселелер жайында айта береміз. Біз жаһандық, өңірлік кездесулер, конференциялар мен түрлі жиындар өткіземіз. Қазақстан және Түркия сияқты орта державалардың маңызы мен оң ықпалын атап өткім келеді. Әрине, әлемде бізге ешкім тең келмейді деп мақтанудан аулақпын. Бірақ жаһандық үдерістерде жоғары деңгейде жауапкершілік танытып жүрміз. Мұны дипломатиялық іс-әрекетіміз көрсетіп отыр. Сондықтан жаһандық мәселелердің шешіміне жиі қарсы келетін Қауіпсіздік Кеңесіндегі ірі державалардан гөрі орта державалардың жауапкершілігі жоғары десек, артық болмайды, – деді Мемлекет басшысы.Келесі сұрақты қояр алдында Мевлют Чавушоғлы Қасым-Жомарт Тоқаевтың дипломатиядағы тәжірибесінің мол екеніне назар аударды.– Президент Тоқаев – халықаралық жүйені, соның ішінде Біріккен Ұлттар Ұйымын өте жақсы білетін әлемдік көшбасшылардың бірі. Ол БҰҰ Бас хатшысының орынбасары лауазымында қызмет еткенін білесіздер. Сол уақытта мен Еуропа Кеңесі Парламенттік ассамблеясының төрағасы болдым. Қасым-Жомарт Тоқаев бауырлас Қазақстан халқының игілігі жолында аянбай еңбек ете жүріп, халықаралық жүйенің тиімділігін барынша арттыруға үлес қосып келеді, – деді модератор.

– Жаһандық көшбасшылар, әлемнің әр қиырындағы жекелеген мемлекеттердің жетекшілері, ең алдымен, халықаралық қауіпсіздік пен бейбітшілік мәселелеріне жауапкершілікпен қарауы қажет деп санаймын. Қазіргі сәтте стратегиялық ұстамдылық өте маңызды. Менің ойымша, бүгінгі күрделі әрі қарама-қайшылыққа толы әлемдегі шиеленістердің түйінін тарқату аса қиын емес. Жай ғана жауапкершілік танытып, сабырлы болу қажет, – деді Қазақстан Президенті.Мемлекет басшысы Таяу Шығыстағы ахуалға қатысты пікірін жеткізді. Президент келіссөздер барысында басты мәселелерге ден қою керек деп санайды.– Әлемде орын алған жағдайларға байыппен қарауға кеңес берер едім. Мәселен, бәрі Иранды талқылап жатыр. Әрине, бұл елдегі ахуал өте күрделі. Оған қатысты қандай да бір пікір айту қиын. Қазақстан Шығанақтағы елдерге тілектестігін білдірді. Біз тараптарды стратегиялық ұстамдылыққа және әскери іс-қимылды тоқтатуға шақырдық. Бұл қақтығыстың ауыр салдарын бәрі сезінді. Ең әуелі экономика құлдырады. Бүгінде Ормуз бұғазында кемелердің еркін жүзуіне қойылған тосқауыл туралы айтылып жатыр. Бірақ дәліздің қақтығысқа дейін еркін сауда жасауға ашық болғанын ескеру қажет. Сондықтан мәселенің мәніне үңілгеніміз жөн. Ал түйткіл ядролық технология мен ядролық қарудың таралуында еді. Бұл Иран төңірегіндегі қақтығысқа қатысты келіссөздердің басты тақырыбына айналуы керек. Бірақ қазір жаһандық сауда мәселесін талқылауға көшіп кеттік. Қиындықтарға қарамастан, ғаламдық сауда-саттық көлемі өсіп келеді. Былтырдың өзінде өсім 2,5 пайызды құрады. Яғни әлемдік саудадағы жағдай жаман емес. Алайда сауда-саттықтың сапасы мен мазмұны – үлкен проблема, – деді Қасым-Жомарт Тоқаев.

– Ең алдымен, көреген көшбасшы Режеп Тайип Ердоғанның жетекшілігімен Түркияның осы аймақта зор рөл атқаратынын айтқым келеді. Өңір әлсін-әлсін бетпе-бет келіп отырған өзекті мәселелердің шешімін табуға елдеріміз айтарлықтай атсалыса алады деп ойлаймын. Орайлы сәтті пайдалана отырып, Президент Ердоғанның келесі айда Қазақстанға жасайтын мемлекеттік сапарына ерекше мән беріп отырғанымызды жеткізгім келеді, – деді Қасым-Жомарт Тоқаев.Содан кейін Қазақстан Президенті биыл әлемдік қоғамдастық алдында тұрған және жақын перспективадағы халықаралық күн тәртібін қалыптастыратын негізгі сын-қатерлер мен үрдістер жөніндегі ой-пікірімен бөлісті.– Дипломаттар мен саясаткерлер адамзат жолайрықта тұр дегенді мысал етеді. Біріккен Ұлттар Ұйымының бұрынғы Бас хатшысы Кофи Аннанның: «Біз әлі де жолайрықта тұрмыз» деп жиі айтатыны есімде. Халықаралық шиеленісті азайтуға қатысты айтар болсақ, бұл жағдай ешқашан өзгермейді. Қазіргі қақтығыстар өңірлік ауқымнан шығып, жаһандық сипатқа ие болды. Әрине, БҰҰ – баламасы жоқ әмбебап ұйым, сондықтан әрбір мемлекетке белгілі бір жауапкершілік жүктеледі. Біріккен Ұлттар Ұйымына қолдау көрсету керек екенін жұрттың бәрі айтады. Бұл – факт. Бірақ Ұйымға қолдау көрсетіп қана қоймай, оған реформа жасау керек. Бұл да шындық. Ашығын айтқан жөн, «Ұйымға тез арада реформа жасалады» дегенге ешкім сенбейді. Өйткені БҰҰ-ны реформалау, өзгерту, қызметін қайта қарау мәселесін көптен бері көтеріп жүрміз. Одан ешқандай нәтиже шыққан жоқ. Біріккен Ұлттар Ұйымын реформалау, ең алдымен, Қауіпсіздік Кеңесінен басталуы керек екенін мойындауымыз қажет, – деді Мемлекет басшысы.

✅ Маңғыстау облысы бойынша Мемлекеттік кірістер департаменті басшысының орынбасары - Әдеп жөніндегі уәкіл Утегенов Ертуған Кеңесұлы Мунайлы ауданы бойынша Мемлекеттік кірістер басқармасына барды.Сапар барысында Ертуған Кеңесұлы қызметкерлердің жұмыс жағдайларымен танысты, мемлекеттік қызметшілердің қызметтік этикасын сақтау және сыбайлас жемқорлық құқық бұзушылықтардың алдын алу мәселелері бойынша кеңес өткізді.Сондай-ақ ауданның салық төлеушілері мен басқарма қызметкерлеріне жеке қабылдау жүргізді.Мұндай кездесулер туындаған мәселелерді жылдам шешуге, тәртіпті нығайтуға және азаматтардың мемлекеттік органдарға деген сенімін арттыруға көмектеседі.📌 Маңғыстау облысы бойынша Мемлекеттік кірістер департаменті этикалық нормаларды сақтау және сыбайлас жемқорлықтың алдын алу бағытында жүйелі жұмысты жалғастыруда.Ақпарат көзі : https://www.gov.kz/memleket/entities/kgd-mangistau/press/news/details/1203492?lang=kk

  Ақсай қаласындағы теміржол вокзалының  жөндеу жұмыстарымен танысу мақсатында аудандық мәслихаттың тұрақты комиссиясының көшпелі отырысы ұйымдастырылды.  Комиссия жұмысына мәслихат төрағасы К.Ермекбаев, аудан әкімінің орынбасары М.Нурмаков, облыстық және аудандық мәслихатының депутаттары, «Қазақстан» теміржол вокзалының директоры Б.Темиргалиева қатысты. Депутаттар жөндеу жасап жатқан мердігер «Альтаир» ЖСШ учаске бастығымен кездесіп, жұмыс барысымен  танысты.  Қазіргі таңда «Қазақстан» теміржол вокзалында күрделі жөндеу жұмыстары қарқынды жүргізілуде. Вокзал ғимараттарының сырты және іші жаңартылып, күту залдары, билет сату орындары, шатырды ауыстыру және сыртқы абаттандыру жұмыстары қолға алынған. Сонымен қатар, инженерлік желілер, жолаушыларға арналған платформалар, поездардың кірме жолдары, жаяу жүргіншілер көпірі жаңартылып, ағымдағы жөндеуден өттіАқпарат көзі : https://www.gov.kz/memleket/entities/burlin-maslihat/press/news/details/1203521?lang=kk

2026 жылғы 17 сәуірде облыстың Мемлекеттік қызмет істері департаменті өкілдерінің қатысуымен мемлекеттік қызмет көрсету сапасын арттыру мәселелері бойынша семинар-кеңес өткізілді. Іс-шараға мемлекеттік органдардың жауапты қызметкерлері қатысып, халыққа көрсетілетін қызметтердің тиімділігін арттыру бағыттары жан-жақты талқыланды.Кездесу барысында «Мемлекеттік көрсетілетін қызметтер туралы» Заңның негізгі нормаларына ерекше назар аударылды. Қатысушылар мемлекеттік қызметтерді көрсету кезінде заң талаптарын сақтау, қызмет алушылардың құқықтарын қорғау, сондай-ақ қызмет көрсету мерзімдері мен сапа стандарттарын қатаң ұстану мәселелерін қарастырды.Сонымен қатар, мемлекеттік қызмет көрсету үдерісін жетілдіру, әкімшілік кедергілерді азайту, қызметтердің қолжетімділігі мен ашықтығын арттыру бағытындағы өзекті мәселелер қозғалды. Қызмет алушылармен кері байланысты күшейту, олардың өтініштері мен ұсыныстарын уақтылы қарау қажеттігі атап өтілді.Семинар қорытындысы бойынша мемлекеттік қызмет көрсету кезінде қызмет алушылардың құқықтарын бұлжытпай сақтау, заң талаптарын қатаң орындау және қызмет көрсету сапасын жүйелі түрде арттыру бойынша нақты ұсынымдар қабылданды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1203529?lang=kk

2026 жылы 16 сәуір күні Қазақстан Республикасы Оқу-ағарту министрлігінің қолдауымен Шығыс Қазақстан облысы білім басқармасы Тарбағатай аудандық білім бөлімінің ұйымдастыруымен «Ауыл мектебі – жаңа мүмкіндіктер арнасы» республикалық әдістемелік интенсив өткізді.Іс-шараның негізгі мақсаты – білім беру сапасын арттыру, тірек және шағын жинақты мектептер арасында озық педагогикалық тәжірибе алмасу, сондай-ақ педагогикалық тәсілдер мен оқыту әдістерін жетілдіру болды.Бағдарлама аясында Қазақстан Республикасында ауылдық білім беруді дамытуға бағытталған «Ауылдық жерлердегі тірек мектептердің әлеуетін арттыру» жобасын іске асыру мақсатында Тарбағатай ауданы білім бөлімінің КММ «Абай атындағы орта мектебі» тірек мектебінің базасында жеті секциялық отырыс пен пленарлық отырыс ұйымдастырылды.Секция жұмысы білім сапасын басқарудың өзекті мәселелерін қарастыруға, тиімді білім беру технологиялары мен инновациялық шешімдерді енгізуге, цифрлық трансформацияға, көшбасшылық пен кәсіби ынтымақтастықты дамытуға, педагогтердің, оның ішінде «Балалар өнер мектебі» мамандарының біліктілігін арттыруға, сондай-ақ инновациялық бастамаларды іске асыруға бағытталды.Жұмыс барысында қатысушылар практикалық кейстерді ұсынып, ауыл мектептеріндегі цифрлық теңсіздікті азайтуға, жасанды интеллект құралдарын енгізуге, STEM-білім беруді дамытуға, заманауи басқару модельдерін бейімдеуге, сондай-ақ жайлы әрі қауіпсіз білім беру ортасын құруға бағытталған ұсыныстар әзірледі.Әдістемелік интенсивтің қорытындысы бойынша ауыл мектептерінің тұрақты дамуын қамтамасыз етуге, педагог кадрлардың кәсіби әлеуетін арттыруға және білім алушылардың сапалы білімге қолжетімділігін кеңейтуге бағытталған ұсыныстар жинақталып, жүйелендірілді.Іс-шараға білім беру ұйымдарының басшылары, оқу-тәрбие ісі жөніндегі директор орынбасарлары, сондай-ақ еліміздің барлық өңірлерінен педагогтер қатысты. Қатысушылардың жалпы саны 210 адамды құрады.Ақпарат көзі : https://www.gov.kz/memleket/entities/vko-bilim/press/news/details/1203444?lang=kk

      Қазақстанның халық әртісі, әнші, композитор Дәнеш Рақышевтың 100 жылдығына орай Алматы қаласы мультимедиялық музейі «Ұлы Дәнеш музыкасы - ұлт рухының айнасы» атты концерт өтті. Шара барысында Мұхамеджан Тынышбайұлы атындағы тарихи-өлкетану музейі «Дәнеш салған әуен» атты жылжымалы көрме ұйымдастырды. Көрмеде әншінің ғибратты ғұмыры мен шығармашылығынан сыр шертетін өзі қолданған жеке заттары, фотосуреттері мен құжаттары көрермен назарына ұсынылды. Солардың ішінде әндерінің тізімі жазылған өзінің қолжазбасы, баяны, өзінің дауысын жазған радиола, патефоны көпшіліктің қызығушылығын тудырды. Көрмені Дәнеш Рақышевтың шәкірті,                           Т. Жүргенов атындағы Қазақ Ұлттық өнер академиясының «Дәстүрлі музыкалық өнер» кафедрасының аға оқытушысы, Қазақстан Республикасының еңбек сіңірген қайраткері Нұржан Жанпейіс, әншінің ұрпағы Гүлнар Дәнешқызы, зиялы қауым өкілдері, өнерпаздар, студенттер қатысты. Ақпарат көзі : https://www.gov.kz/memleket/entities/zhetysu-archive/press/news/details/1203429?lang=kk

Астанада Қорғаныс министрлігі, Бас штаб және Қарулы күштер құрылымдық бөлімшелері арасындағы XVI Спартакиада аясында табельдік қарумен атудан чемпионат өтті.Қорғаныс министрлігінің Спорт комитеті – Армия орталық спорт клубы ұйымдастырған жарысқа құрамында 246 әскери қызметші бар 40 команда қатысты. Чемпионат ережесіне сәйкес, мергендер Макаров тапаншасы мен Калашников автоматынан дәлдеп ату бойынша екі топта өзара сынға түсті.Алғашқы топта Қорғаныс министрлігі мен Бас штаб құрылымдық бөлімшелерінің өкілдері бақ сынасты. Бұл топта жалпы командалық есепте бірінші орынды Ақпараттық технологиялар департаменті иеленсе, екінші орын Әкімшілік департаментіне бұйырды. Ал үшінші орынды Жауынгерлік дайындық департаменті мен Сержанттар құрамымен жұмыс басқармасының біріккен командасы еншіледі.Екінші топта Қарулы күштердің бас басқармалары, басқармалары, әскери бөлімдері мен мекемелерінің әскери қызметшілері сынға түсті. Нәтижесінде 14776 әскери бөлімі бірінші орынға ие болды. Ұлттық қорғаныс университетінің командасы екінші орынға тұрақтаса, үшінші орын Құрлық әскерлері бас қолбасшысы басқармасына бұйырды.Жеңімпаздар мен жүлдегерлер кубоктармен, грамоталармен және бағалы сыйлықтармен марапатталды. Сонымен қатар,ерлер мен әйелдер арасындағы үздік мергендер анықталып, олардың кәсіби шеберлігі ерекше аталып өтті.Мұндай жарыстар әскери қызметшілердің жауынгерлік әзірлігін арттырып қана қоймай, бөлімшелер арасындағы ынтымақтастықты нығайтуға ықпал етеді. Қатысушылардың айтуынша, чемпионат тәжірибе алмасуға және өзара бәсекелестікті дамытуға жақсы мүмкіндік болды.Ақпарат көзі : https://www.gov.kz/memleket/entities/mod/press/news/details/1203434?lang=kk

СҚО бойынша ҚАЖ департаментінің №51 мекемесінің қызметкерлері тыйым салынған заттарды әдеттегі сәлемдеме арқылы жеткізу әрекетінің жолын кесті.Сотталғандардың біріне арналған сәлемдемені тексеру барысында қызметкерлердің назарын карамель кәмпиттері аударды. Мұқият тексеру кезінде екі тәттінің ішінен қоңыр түсті ұнтақ тәрізді зат салынған орамалар табылды.Сараптама нәтижесі бойынша анықталғандай, тәркіленген зат — опий. Есірткі затының жалпы салмағы 0,9 граммды құрады.Аталған факті бойынша Қазақстан Республикасы қылмыстық кодексінің 297-бабының 1-бөлігіне сәйкес қылмыстық іс қозғалды — есірткі құралдарын заңсыз дайындау, алу, сақтау, тасымалдау немесе өткізу.СҚО бойынша ҚАЖ департаментінде атап өткендей, бұл — ағымдағы жылдың басынан бері тіркелген алғашқы осындай әрекет. Сонымен қатар, өткен жылы №48 мекеме қызметкерлері тыйым салынған заттарды жеткізудің үш ұқсас әрекетінің алдын алған.Мекемелер аумағына тыйым салынған заттардың өтуіне жол бермеу және құқықтық тәртіпті қамтамасыз ету бағытындағы жұмыстар тұрақты түрде жалғасуда.Ақпарат көзі : https://www.gov.kz/memleket/entities/duissko/press/news/details/1203367?lang=kk

2026 жылғы 17 сәуірде Шығыс Қазақстан облысының білім басқармасы «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы мен Шығыс Қазақстан облысы дене шынықтыру және спорт басқармасының «Спортта дарынды балаларға арналған Шығыс Қазақстан облыстық олимпиада резервінің мамандандырылған мектеп-интернат-колледжі бірлесіп, «Спорт мектебі жағдайындағы білім беру жүйесіндегі жаңа талаптарды еңсеру тәжірибесі» тақырыбында облыстық семинар өткізді.Семинардың мақсаты — спорт мектептері педагогтерінің озық іс-тәжірибесін жинақтау, жүйелеу және тарату болып табылады. Семинарға облыс орталығы мен аудандардан 50-ден астам педагог қатысты.Семинардың теориялық бөлімінде спикерлер қазіргі заманғы білім беру талаптары мен спорт мектептеріндегі оқыту ерекшеліктері бойынша өздерінің үздік іс-тәжірибелерімен бөлісті.Практикалық «Инновациялық панорама» бөлімінде пән мұғалімдері ашық сабақтар мен шеберлік сыныптарын өткізіп, оқытудың жаңа әдіс-тәсілдерін іс жүзінде көрсетті.Қатысушылардың пікірінше, мұндай тәжірибе алмасу алаңдары кәсіби өсу мен жаңа ақпарат алу үшін өте тиімді. Семинар соңында ұстаздар бұл іс-шараның практикалық маңыздылығы жоғары екенін атап өтті.Ақпарат көзі : https://www.gov.kz/memleket/entities/vko-bilim/press/news/details/1203368?lang=kk

    Қазақстанда бухгалтерлік есеп, аудиторлық және бағалау қызметі саласындағы мемлекеттік бақылау тетіктерін жетілдіру жұмыстары жалғасуда.    Уәкілетті орган ашықтықты арттыруға, қызмет көрсету сапасын жақсартуға және бизнеске түсетін әкімшілік жүктемені азайтуға бағытталған өзгерістерді енгізуде.    2026 жылғы 12 қаңтардан бастап бухгалтерлік есеп саласындағы тәуекел дәрежесін бағалау критерийлері мен тексеру парақтарын реттейтін Қаржы министрі мен Ұлттық экономика министрінің бірлескен бұйрығына енгізілген өзгерістер күшіне енді.    Жаңа редакцияда бұзушылықтардың деңгейлері нақтыланып, тәуекелдерді бағалау критерийлері жаңартылды және тексеру парақтары өзектендірілді. Бұл профилактикалық бақылаудың тиімділігін арттыруға және адал субъектілерге қойылатын талаптарды азайтуға мүмкіндік береді.    Ұқсас өзгерістер бағалау және аудиторлық қызмет салаларында да енгізілді. Жаңа тәсілдер тәуекелдерді бағалау негізінде неғұрлым кешенді және жүйелі бақылауды көздейді.   Маңызды бағыттардың бірі бақылауды цифрландыру. Атап айтқанда, Қаржылық есептілік депозитарийінде деректер алмасу құралдары жетілдірілуде, бұл мониторингтің тиімділігін арттырып, сапасын жақсартуға мүмкіндік береді.    Сонымен қатар, жария ұйымдардың құжаттарын ұсыну қолжетімді әрі сенімді бола түсуде. Бұл өз кезегінде жекелеген ұйымдардың ғана емес, тұтастай алғанда елдің инвестициялық тартымдылығына оң әсер етеді.    Жалпы алғанда, қабылданып жатқан шаралар әкімшілік жүктемені азайтуға және Қазақстандағы іскерлік ортаны дамытуға бағытталған мемлекеттік бақылаудың икемді әрі заманауи жүйесін қалыптастыруға мүмкіндік береді. Ақпарат көзі : https://www.gov.kz/memleket/entities/kvga/press/news/details/1203372?lang=kk

Әлеуметтік медициналық сақтандыру қоры азаматтардың МӘМС жүйесіндегі медициналық көмекке үздіксіз қол жеткізуінің негізі – аударымдар мен жарналарды уақтылы төлеудің маңыздылығын еске салады.     «Сақтандырылған» мәртебесі тек соңғы 12 ай ішінде төлемдер үзбей жүргізілген жағдайда ғана беріледі. Ал үзіліс болған жағдайда мәртебе уақытша тоқтатылады, бұл МӘМС жүйесіндегі медициналық көмекке қолжетімділікті шектейді.     Жарналар мен аударымдар ай сайын төленуі тиіс. Олардың толық әрі уақтылы төленуін мемлекеттік кірістер органдары бақылайды. Мерзімдер бұзылған жағдайда өсімпұл есептеледі, сондай-ақ салықтық әкімшілендіру шаралары қолданылады.      Мемлекеттік кірістер комитеті Әлеуметтік медициналық сақтандыру қорымен бірлесіп, МӘМС жүйесіне аударымдар мен жарналарды төлеу бойынша міндеттемелердің орындалуын тұрақты түрде мониторингтен өткізеді.      2025 жылдың қорытындысы бойынша жұмыс берушілер, жеке кәсіпкерлер және жеке практикамен айналысатын тұлғалар арасында жарналар мен аударымдарды уақтылы төлемеу жағдайлары жиі тіркелген.      Шектеулердің алдын алу және медициналық көмекке қолжетімділікті сақтау үшін төленбеген кезеңдердің бар-жоғын тексеріп, қажет болған жағдайда өткізіп алған айлар үшін төлем жасаған жөн. Ақпарат көзі : https://www.gov.kz/memleket/entities/kgd-akmola/press/news/details/1203395?lang=kk

  Құрметті ауыл тұрғындары!Тұрғындардың өтінішіне сәйкес, ауыл аумағында иесіз, қараусыз жүрген иттерді аулау жұмыстары жүргізілетінін хабарлаймыз.Осыған байланысты, өз иеліктеріңіздегі иттерге жауапкершілікпен қарап, оларды қараусыз жібермеулеріңізді сұраймыз.Түсіністік танытқандарыңыз үшін рахмет⚜️Баянды ауылы әкімі аппаратының баспасөз қызметіАқпарат көзі : https://www.gov.kz/memleket/entities/mangystau-munaily-bayandy/press/news/details/1203409?lang=kk

Браззавиль, 2026 жылғы 16 сәуір – Қазақстан Республикасының Кения Республикасындағы Төтенше және Өкілетті Елшісі, Найробидегі БҰҰ жанындағы ҚР Тұрақты өкілі  Барлыбай Садықов Конго Республикасының жаңадан сайланған президенті Денис Сассу Нгессоның салтанатты ұлықтау рәсіміне қатысты.Ұлықтау рәсіміне Браззавильдегі бірқатар елдердің мемлекет және үкімет басшылары, халықаралық ұйымдар мен дипломатиялық корпус қатысты.Салтанатты рәсім барысында Барлыбай Садықов Қазақстан басшылығынан жылы лебіздерін білдіріп, Денис Сассу Нгессоны ресми қызметке кірісуімен құттықтады, мемлекеттік құрылыста және Конгоның одан әрі дамуында табыс тіледі.Елші Қазақстанның Конгомен саяси диалог пен сауда-экономикалық ынтымақтастықты одан әрі кеңейтуге және тереңдетуге мүдделілігін растап, Президент Денни Сассу Нгессоның Қазақстанға сәтті сапарын атап өтті, оның қорытындысы бойынша тараптар қаржы, АКТ, ғарыш және т. б. салалардағы бірқатар екіжақты құжаттарға қол қойды.Инаугурациялық іс-шаралар аясында қазақстандық дипломат Конго Республикасының ресми тұлғаларымен бірқатар кездесулер өткізіп, аймақтық және халықаралық күн тәртібінің өзекті мәселелерін талқылады. Атап айтқанда, Конго Республикасы Президентінің стратегиялық мәселелер және халықаралық ынтымақтастық жөніндегі жеке өкілі Франсуаза Жолимен және Конго Республикасы Сыртқы істер министрлігінің, франкофония және шетелдегі конголездіктер ісі жөніндегі Бас хатшысы Гай Нестор Итуамен кездесті. Тараптар Қазақстан мен Конго Республикасы арасындағы екіжақты ынтымақтастықтың нақты мәселелерін талқылады.Ұлықтау іс-шаралар шеңберінде қазақстандық дипломат Конго Республикасының ресми тұлғаларымен бірқатар кездесулер өткізіп, өңірлік және халықаралық күн тәртібіндегі өзекті мәселелерді талқылады. Атап айтқанда, Конго Республикасы Президентінің стратегиялық мәселелер және халықаралық ынтымақтастық жөніндегі жеке өкілі Франсуаза Жолимен және Конго Республикасының Сыртқы істер, франкофония және шетелдегі конголездер істері жөніндегі министрлігінің Бас хатшысы Гай Нестор Итуамен кездесті. Қазақстан мен Конго Республикасы арасындағы екіжақты ынтымақтастықтың жекелеген мәселелері талқыланды.Ақпарат көзі : https://www.gov.kz/memleket/entities/mfa-nairobi/press/news/details/1203348?lang=kk

Алматы облысының әкімі Марат Сұлтанғазиев оңалту орталығындағы ерекше балалардың тұсауын кесті. Бүлдіршіндер Талғар ауданындағы «Ақжол-М» орталығында ем қабылдайды. Олар өмірге деген құштарлығы мен табандылығының арқасында, тиімді ем шараларының нәтижесінде алғашқы қадамдарын жасап, өмірдің жаңа кезеңіне аяқ басты, – деп хабарлайды Алматы облысы әкімінің баспасөз қызметі.Шараға мемлекет және қоғам қайраткері Болат Жәмішев, «Қазақстан халқына» қорының төрайымы Ләззат Шыңғысбаева және өзге де қоғамдық қор өкілдері қатысып, бүлдіршіндер қадамының нық болуын тіледі. Сондай-ақ тілашар дәстүрінің куәсі болып, балалардың өнерін тамашалады.Аймақ басшысы өз сөзінде бұл кездесудің жөні де, мәні де бөлек екенін атап өтті. «Бүгінгі тілашар – ұзақ уақыт бойғы қажырлы еңбектің жемісі. Бабалардың шешендік қасиеті балаларымыздың бойына дарып, келешекте елінің мақтанышына айналатын қадірлі азамат болуын тілеймін. Тұсаукесер рәсімі – бала қадамының оң болуын тілеп, жолының ашық болуына ниет ететін маңызды жоралғы.Орталық жәрдем сұрап келген әр баланың өміріне сенім ұялатып, үміт отын жағуда. Алдағы жоспарларында қызмет сапасын бұдан да жоғары деңгейге көтеру міндеттері тұр. Біз өз тарапымыздан осы бағыттағы кез келген игі бастаманы әрдайым қолдауға дайынбыз», – деген аймақ басшысы орталық мамандарына ризашылығын білдіріп, тәрбиеленушілерге ізгі тілегін арнады.Мамандардың айтуынша, мұндай шаралар орталықта дәстүрлі түрде өткізіліп тұрады. Қазіргі таңда 275 балаға көмек көрсетілуде. 2014 жылдан бері мұнда 1000-нан астам бала тегін ем қабылдаған.Өмір жолында кездескен қиын жағдайға мойымай, өмірге құштарлықтың үлгісін көрсеткен жандарға қолдау көрсету облыс әкімдігінің негізгі міндеттерінің бірі болып қала береді.Ақпарат көзі : https://www.gov.kz/memleket/entities/almobl/press/news/details/1203354?lang=kk

Қостанай облысының әкімі Құмар Ақсақалов Қазақстан Республикасы Президентінің атынан ел өміріндегі қоғамдық жұмыстарға елеулі үлес қосқан азаматтарға мемлекеттік наградаларды тапсырды. Бұл – жерлестеріміздің еңбегіне берілген жоғары баға әрі қоғам алдындағы жауапкершіліктің айқын көрінісі.Қазақстан Республикасы Президентінің 2026 жылғы 7 сәуірдегі №1221 Жарлығына сәйкес мемлекеттік наградалармен марапатталғандар: «Парасат» орденімен:Махаббат Сағынбайұлы ЖутаевҚостанай облыстық мәслихатының әлеуметтік сала және үкіметтік емес ұйымдармен өзара іс-қимыл мәселелері жөніндегі тұрақты комиссиясының төрағасы. «Ерен еңбегі үшін» медалімен:Рафаил Сададдин оглы ГаджибалаевҚостанай облыстық «Бірлік» «Әзірбайжан қауымдастығы» қоғамдық бірлестігінің төрағасы;Дәмер Елтайұлы Қалқаев«Облыстық халық шығармашылығы және кино-бейнеқор орталығы» коммуналдық мемлекеттік қазыналық кәсіпорнының басшысы;Сәкен Балғабайұлы ҚоқышевҚостанай облысы әкімдігі «Қоғамдық даму басқармасы» мемлекеттік мекемесі басшысының орынбасары;Диана Болатқызы РақпановаАхмет Байтұрсынұлы атындағы Қостанай өңірлік университеті коммерциялық емес акционерлік қоғамы Жастар істері жөніндегі комитетінің төрағасы;Наталья Сергеевна Рамазанова«Қоғамдық келісім» коммуналдық мемлекеттік мекемесінің басшысы;Александра Кабдуллақызы Сергазинова«ТоболИнфо» ақпараттық агенттігі жауапкершілігі шектеулі серіктестігінің бас редакторы;Мәжит Мақсұтұлы ШүленовҚостанай қаласы әкімінің орынбасары. Ақпарат көзі : https://www.gov.kz/memleket/entities/kostanay/press/news/details/1203344?lang=kk

Қазақстан Еуразиялық экономикалық одақ аясындағы техникалық саясатты қалыптастырудағы өз позицияларын сенімді түрде күшейтіп келеді. Бұл бағытта отандық бизнесті қорғау мен оның дамуын қолдауға басымдық беріледі.Бұл туралы Еуразиялық экономикалық комиссия өкілдерінің қатысуымен өткен кеңейтілген кеңес қорытындысында мәлім болды. Кеңеске Қазақстан Республикасының Сауда және интеграция министрі Арман Шаккалиев төрағалық етті.Ұлттық экономиканың бәсекеге қабілеттілігіне тікелей әсер ететін техникалық реттеудің негізгі бағыттары жан-жақты талқыланды. Бүгінде Қазақстан интеграциялық үдерістерге қатысып ғана қоймай, олардың күн тәртібін қалыптастырып отыр. Қазақстан бес маңызды құжатты әзірледі. Олардың қатарында үш техникалық регламент пен екі өзгерістер пакеті бар.Барлық бағыттар бойынша жұмыстар белгіленген тәртіпте жалғасуда. Атап айтқанда, осы жылдың 13 наурызында Еуразиялық экономикалық комиссия кеңесі мақұлдаған лак-бояу материалдарына қатысты ЕАЭО техникалық регламентінің жобасы қазір одаққа мүше мемлекеттердің қол қою сатысында. Сонымен қатар, мал азығы мен жемдік қоспаларға арналған техникалық регламент жобасы бойынша Ресей Федерациясында ішкі келісу рәсімі әлі аяқталған жоқ. Қалған бастамалар бойынша талқылаулар Еуразиялық экономикалық комиссия алаңында жалғасуда, бұл ұйым ЕАЭО мүше мемлекеттердің өзара іс-қимылын үйлестіруде маңызды рөл атқарады.Министрдің айтуынша, интеграциялық үдерістер ұлттық басымдықтарға қайшы келмеуі тиіс.«Өткен жылдың қорытындысы бойынша Қазақстан мен ЕАЭО елдері арасындағы тауар айналымы 31 млрд доллардан асып, 16,2%-ға өсті. Бұл сауда қатынастарын одан әрі кеңейту әлеуетінің жоғары екенін көрсетеді. Осындай жағдайда техникалық реттеу құралдары мен санитарлық-фитосанитарлық шаралар тек нарықты дамыту мен бизнесті қолдауға қызмет етуі тиіс. Тауарлардың еркін қозғалысын шектеуге әкелетін кез келген бастамалар біз үшін қабылданбайды», – деп атап өтті Арман Шаққалиев.Қазақстанда ЕАЭО техникалық регламенттері жобаларын ішкі мемлекеттік келісу рәсімдері ұлттық заңнамаға сәйкес жүзеге асырады және оған мемлекеттік органдар, «Атамекен ұлттық кәсіпкерлер палатасы», сондай-ақ реттеуші әсерді талдау кіреді.ЕАЭО техникалық регламенттері жобалары міндетті түрде реттеуші әсерді талдаудан өтеді. Бұл талдау бизнес пен мемлекет үшін пайда мен шығын арақатынасын бастапқы кезеңде бағалауға мүмкіндік береді. Осы жұмысқа мемлекеттік органдарды, «Атамекен ұлттық кәсіпкерлер палатасы» мен басқа да мүдделі тараптарды тарту ұлттық экономиканың дамуына бағытталған тиімді әрі теңгерімді реттеуші шешімдер қабылдауға ықпал етеді.Ақпарат көзі : https://www.gov.kz/memleket/entities/mti-ktrm/press/news/details/1203282?lang=kk