Қазақстан Республикасы Сауда және интеграция министрлігінің Қостанай облысы бойынша Сауда және тұтынушылардың құқықтарын қорғау Департаментінің атына Қостанай облысының тұрғындарынан массаж накидкасын сатып алғаны үшін ақшалай қаражатты қайтару бойынша сотқа дейінгі наразылық жасауға көмек көрсету бойынша өтініш жасау жағдайы жиілеп кетті.Азаматтардың өтініштерінен көшеде оларға жақындаған адам шаңсорғыш, микротолқынды үтіктер және т. б. сияқты түрлі сыйлықтардың ұтыс лотереясы бар конвертті тартуды ұсынады. Сыйлық алу үшін сізді қаладағы дәмханалар мен мейрамханаларға шақырады.Сәнді мейрамханалар мен кафелерде "тегін" сыйлықтар беріледі, содан кейін массаж накидкасы қосымша ұсынылады.Тұсаукесерде қайырымды акцияны ұйымдастырушылар, егер ақша болмаса, бірден Каспий, Халық банкі қосымшасы арқылы несие рәсімдейді.Сонымен қатар, сатушы мен сатып алушы арасында келісім-шарт жасалады. Несие несие тарихына байланысты әртүрлі мерзімге беріледі.Нәтижесінде "Тегін сыйлықтар" акциясы тұтынушыларға шамамен 1000 000 (миллион) теңгеден астам шығын әкеледі.  Ал үйінде ғана, өтініш білдірген азаматтардың айтуынша, нарық құнынан ондаған есе жоғары бағаға массаждық накидканы сатып алып, келісім-шартқа отырып, несие алғанын түсінеді.Егер сіз осындай жағдайға тап болсаңыз және сатушымен келісім жасасып, сіз тауарды сатып алу үшін несие алсаңыз.«Тұтынушылардың құқықтарын қорғау туралы» Қазақстан Республикасы Заңының 14-бабына сәйкес сатып алушы азық-түлік емес тауарды өткізген күннен бастап он төрт күн ішінде ақшаны қайтаруға құқылы.Тиісінше, ақшаны қайтару туралы наразалыкпен сатушыға сотқа дейінгі талапты өзіңіз жазуыңыз қажет немесе Қостанай қ., Әл-Фараби даңғылы, 115/1 мекенжайы бойынша немесе e-otinish.kz арқылы құқықтық көмек алу үшін департаментке хабарласыңыз.Өз кезегінде сатушы 10 күнтізбелік күн ішінде сатып алушының шағымына жауап беруге міндетті. Сонымен қатар, сізге тауарлар мен сыйлықтарды сатушыға қайтару қажет болады.Сонымен қатар, сатушы агрессивті маркетингті қолданып, 100% үстеме бағамен, гипноз элементтері бар және эйфория тудыратын химиялық заттарды бүрку арқылы сататыны туралы банкке жазбаша мәлімдеме жіберіңіз. Өйткені банк жосықсыз сатушылар санатына жататындардың тізімін жүргізіп, кейін банк шоттарын жауып тастайды.Сатушы шартта көрсетілген заңды мекен-жайда болмаған кезде болады, бұл жағдайда шартты бұзып, ақшаны қайтару үшін сотқа жүгіну керек.Қостанай облысының сауда және тұтынушылардың құқықтарын қорғау департаменті мұндай жағдайларды болдырмау үшін күмәнді іс-шараларға қатыспауды ұсынады.Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1070611?lang=kk

Қазақстан Республикасының Қаржы вице-министрі Дәурен Кеңбеил бастаған еліміздің делегациясы Мәскеуде «Манеж» орталығының көрме залында өткен X Мәскеу қаржы форумына қатысты.Аталған форум – макроэкономикалық саясат пен қаржылық даму, сондай-ақ инвестициялық ынтымақтастықтың өзекті мәселелерін талқылауға арналған кәсіби пікірталас алаңы болып саналады.Дәурен Маратұлы қаржы жүйесінің алдында тұрған сын-қатер мен міндеттеріне арналған пленарлық және сараптамалық сессияларға қатысты. Оның барысында халықаралық қаржы, инвестиция тарту, мемлекеттік сатыпалым мен қаржылық бақылауды цифрландырудың жаңа бағыттары, сол секілді экономикалық өсімнің өңірлік аспектілері қаралды.Форум аясында ТМД-ға мүше мемлекеттердің қаржы министрліктері мемлекеттік қаржы саласын басқару бағытындағы ынтымақтастық туралы меморандумға қол қойды. Оның мақсаты – қаржы қызметіндегі өзара іс-қимылды нығайту, мамандар арасында тәжірибе алысу арқылы экономикалық дамуға қолғабыс ету.Сонымен қатар форум кезінде ведомство өкілі Ресей Федерациясының Қаржы министрінің орынбасары И.Чебесковпен кездесіп, өзара тиімді байланысты дамыту мәселелері мен ынтымақтастықты одан әрі кеңейту жолдарын пысықтады.Ақпарат көзі : https://www.gov.kz/memleket/entities/minfin/press/news/details/1070630?lang=kk

         Кеше «Балапан Көлігі» ЖШС-де Қазақстан Республикасы Президенті Жолдауының негізгі ережелерін талқылау өтті. Кездесу сындарлы жағдайда өтіп, еліміздің болашақтағы дамуы және осы мақсаттарға жетудегі әрбір азаматтың рөлі туралы пікір алмасу алаңы болды. Кәсіпорынның кадр бойынша маманы А.А. Сергазинова Жолдаудың негізгі бағыттарына кеңінен тоқталды. Ол құжатта экономикаға, әлеуметтік салаға, халықтың өмір сүру сапасын арттыруға қатысты стратегиялық басымдықтар көрсетілгенін атап өтті. Жұмыспен қамту, жастарды қолдау, кәсіби біліктілігін арттыру мәселелеріне ерекше көңіл бөлінеді. Кездесуге қатысушылар Мемлекет басшысы белгілеген міндеттерді дәйекті жүзеге асыру ұлттық деңгейде де, жекелеген кәсіпорындарда да дамудың маңызды серпіні болатынына сенім білдірді. Шара қорытындысы бойынша әрбір қызметкер жалпы нәтиже үшін өзінің жауапкершілігін сезінуі керектігі, Жолдауды жүзеге асыруға еңбек ұжымдарының қосқан үлесі ерекше екендігі баса айтылды.Ақпарат көзі : https://www.gov.kz/memleket/entities/abay-kurchatov/press/news/details/1070240?lang=kk

2025 жылғы 17-18 қыркүйекте Қазақстан Республикасы Қаржы министрлігінің Әдеп жөніндегі уәкілі Арыстанбекова Кәмшат Болатқызы және Қазақстан Республикасы Қаржы министрлігі Мемлекеттік кірістер комитетінің Әдеп жөніндегі уәкілі Ақбаев Тасқын Тұрағалдыұлы Ақмола облысына жұмыс сапарымен келді.Сапар барысында Қазақстан Республикасы Қаржы министрлігінің аумақтық департаментінің басшыларымен және ұжымдарымен кездесу өтті.Өз сөзінде Кәмшат Болатқызы мемлекеттік қызметті атқару қоғам мен мемлекет тарапынан ерекше сенім білдіру болып табылатынын және мемлекеттік қызметшілердің қызмет этикасына жоғары талаптар қоятынын атап өтті. Мемлекеттік қызметшілер қызметтік әдептің белгіленген стандарттарын сақтауға міндетті.Тасқын Тұрағалдыұлы қатысушыларға іскерлік этикетті және ресми мінез-құлық ережелерін сақтау мәселелері бойынша ақпаратты жеткізіп, мемлекеттік қызметшілер үшін белгіленген қолданыстағы шектеулер мен қоғамдық тәртіп пен имандылыққа қол сұғатын бұзушылықтар туралы айтып берді.Кездесу қорытындысы бойынша аумақтық департаменті қызметкерлерінің сұрақтарына жауап беріп, Этикалық кодекс пен мемлекеттік қызмет, сыбайлас жемқорлыққа қарсы іс-қимыл саласындағы заңнаманың талаптарын сақтауға шақырды.Ақпарат көзі : https://www.gov.kz/memleket/entities/kgd-akmola/press/news/details/1070278?lang=kk

Международный театральный фестиваль  «BIKEN FEST» III, ставший настоящим праздником многообразного искусства и сценического мастерства подошёл к завершению. Творческое состязание, посвящённое увековечению имени великой актрисы сцены, Народной артистки Казахстана, лауреата Государственных премий СССР и Казахстана Бикен Римовой, прошло при поддержке акимата области Жетісу и было организовано драматическим театром имени Бикен Римовой.Фестиваль нынешнего года приобрёл особое значение, так как совпал с 50-летним юбилеем театрального коллектива. С 13 по 17 сентября он покорил сердца зрителей и придал новый импульс культурной жизни региона. На сцене выступили театральные коллективы из разных уголков Казахстана, а также из ближнего и дальнего зарубежья, представив свои лучшие постановки.Жюри фестиваля возглавил Народный артист Казахстана, мастер сцены и экрана Досхан Жолжаксынов.По решению жюри главный приз 1 миллион тенге был присуждён Абайскому областному казахскому музыкально-драматическому театру за спектакль «Абай айтқан Еңлік-Кебек» созданный на основе наследия великого поэта. Коллектив показал искусство, достойное высокого статуса фестиваля.В номинации «Лучшая пластическая режиссура» Государственный драматический и комедийный театр имени Азербайджана Мамбетова был отмечен  за  постановку «Чарли Чаплин» и получил премию в размере 600 000 тенге. Актёр  Акмолинского  областного  драматического театра Толебек Конбай  за мастерское воплощение нескольких персонажей в спектакле «Путь в Киото» завоевал номинацию «Лучший мужской образ» и 500 000 тенге. Азербайджанская актриса Оксана Расулова за роль в спектакле «Письмо незнакомки», передавшей тонкие чувства и глубокие переживания, стала  лауреатом  в номинации «Лучший женский образ» и также получила 500 000 тенге. Бухарский государственный музыкально-драматический театр (Узбекистан) был отмечен за выдающуюся ансамблевую игру и получил приз «Лучший актёрский ансамбль» с премией 500 000 тенге. Кыргызский актёр Нурлан  Салидинов  и грузинская  актриса Кристине Беруашвили удостоились награды за лучшие роли второго плана и были премированы по 300 000 тенге. Театры Шымкента и Восточного Казахстана, покорившие зрителей сценическими решениями, завоевали номинации «Лучшее музыкальное  оформление» и «Лучшая сценография», каждая с премией 200 000 тенге.Высокий уровень организации фестиваля, верность сценических мастеров искусству и их творческий поиск не только расширили горизонты казахского театрального искусства, но и вновь возвысили имя Бикен Римовой в памяти народа. Таким образом, «BIKEN FEST» стал ярким свидетельством духовного обновления и надолго сохранится в сердцах любителей искусства.Ақпарат көзі : https://www.gov.kz/memleket/entities/zhetysu-archive/press/news/details/1070282?lang=kk

17.09.2025 жылы Департаменттің Заң басқармасының басшысы М.Р. Жанғұрчинова мен бас маманы А.Г. Ибрагимова Департаменттің, аумақтық басқармалар мен кеден бекеттерінің ұжымына әкімшілік заңнама бойынша техникалық оқу өткізді.Ақпарат көзі : https://www.gov.kz/memleket/entities/kgd-vko/press/news/details/1070287?lang=kk

Алматы қаласында Қаржы нарығын реттеу және дамыту агенттігі мен Ұлттық Банк басшылығының Қазақстан қаржыгерлері қауымдастығының, сондай-ақ екінші деңгейдегі банктердің басшыларымен кезекті кездесуі өтті.Кездесуге қатысушылар қаржы секторын дамытудың өзекті мәселелерін, оның ішінде Банктер және банк қызметі туралы жаңа заң жобасы бойынша нарыққа қатысушылардың ұсыныстарын талқылады.Бұдан басқа, тұтынушылық кредит беру қарқындары, борыш жүктемесін болғызбау және экономикаға кредит беруді ынталандыру жөніндегі шаралар талқыланды.Тараптар цифрлық қаржы активтерін енгізудің маңыздылығын атап өтіп, цифрлық теңгені пайдалану тетіктеріне егжей-тегжейлі тоқталды.Сонымен бірге қаржы секторының өкілдері қаржы нарығындағы алаяқтықтың алдын алу бойынша қабылданған шараларды, алаяқтық қарыздарды соттан тыс және сот арқылы есептен шығару үшін негіздерді қарады. Сыртқы коммуникациялар басқармасыpress@finreg.kz  Ақпарат көзі : https://www.gov.kz/memleket/entities/ardfm/press/news/details/1070318?lang=kk

Загреб, 2025 ж. қыркүйек – Қазақстанның Хорватиядағы Елшісі Д. Батырашев инновациялық экожүйенің жетекші хорват компанияларының басшылығымен бірқатар кездесулер өткізді. Келіссөздер цифрландыру, жасанды интеллект және тұрақты технологиялық даму саласындағы ынтымақтастықты дамытуға бағытталған қадамдардың бір бөлігі болды.Cro AI жасанды интеллект қауымдастығы басқармасының мүшесі Томислав Ваздармен кездесу барысында тәжірибе алмасу және хорват AI-стартаптарының қазақстандық жобаларға, соның ішінде Alatau Digital City құруға қатысу әлеуеті талқыланды.Verne компаниясының вице-президенті Горан Даутович қазақстандық дипломатқа автономды көлік қызметін іске қосу жоспарларын таныстырды. «Ақылды қалаларды» дамыту аясында роботакси жобасы ерекше қызығушылық тудырды.Ауыл шаруашылығындағы цифрлық шешімдерді енгізу мүмкіндіктері, оның ішінде өнімділікті бақылау және егіншілік процесін басқару жүйелері Agrivi компаниясымен келіссөздерде қарастырылды. Д. Батырашев пен компания басқармасының төрағасы Матия Жуль Қазақстанның аграрлық аймақтарында бірлескен жобаларды жүзеге асыру әлеуетін атап өтті.Velebit AI компаниясының басқарма төрағасы Давор Аничич машиналық оқыту, деректерді талдау және компьютерлік көру саласындағы әзірлемелерін таныстырып, бұл технологияларды Қазақстандағы денсаулық сақтау, ауыл шаруашылығы және ақылды қала жобаларында қолдануға қызығушылық білдірді.Кездесулердің қорытындысы бойынша өзара практикалық іс-қимыл форматтарын пысықтау жөнінде уағдаластыққа қол жеткізілді. Д. Батырашев Қазақстан Хорватияны инновациялар мен цифрлық технологиялар саласында перспективті серіктес ретінде қарастыратынын және жетекші компаниялармен ынтымақтастық екі елдің технологиялық әлеуетін нығайтуға мүмкіндік беретінін атап өтті.Өз кезегінде Хорватия Даму және қайта құру банкінің (HBOR) басқарма төрағасы Хрвое Чувало қазақстандық серіктестермен ынтымақтастықты тереңдетуге мүдделілік білдіріп, хорват компанияларының еліміздегі жобаларына қаржылық қолдау көрсетуге дайын екенін жеткізді.Ақпарат көзі : https://www.gov.kz/memleket/entities/mfa-zagreb/press/news/details/1070331?lang=kk

Қазақстан әлемдегі халал өнімдер мен қызметтерді ілгерілетуге арналған ең ірі халықаралық платформа саналатын Malaysia International Halal Showcase (MIHAS) көрмесіне алғаш рет қатысып отыр. Көрмеде Қазақстанның ұлттық павильонында 20 отандық компанияның өнімі қойылған. Бұл еліміздің халал сегментіндегі экспорттық зор әлеуетінің көрінісі. MIHAS көрмесі жыл сайын Куала-Лумпур қаласында өтеді және халал өнімдерді халықаралық нарықтарға шығару, тәжірибе алмасу мен іскерлік байланыстар орнатуға арналған жаһандық алаң саналады. Қазақстанның бұл көрмеге қатысуы елдің халал индустриясының жаһандық экожүйесіне белсенді қатысуға және Оңтүстік-Шығыс Азия елдерімен экономикалық байланыстарды нығайтуға деген ұмтылысын көрсетеді. Малайзияға сапарының алғашқы күнінде Қазақстан Республикасының Сауда және интеграция министрі Арман Шаққалиев MIHAS-2025 халықаралық көрмесінің ашылуына қатысып, экономикалық әріптестікті дамыту және негізгі салалардағы ынтымақтастықты тереңдетуге бағытталған бірқатар екіжақты кездесулер өткізді. Қазақстан Республикасының Сауда және интеграция министрі мен Малайзияның Ауыл шаруашылығы және азық-түлік қауіпсіздігі министрі Мохамад Сабу арасында екіжақты кездесу өтті. Кездесу барысында тараптар агроөнеркәсіп кешені, азық-түлік қауіпсіздігін қамтамасыз ету және өнімдерді жаңа нарықтарға шығару салаларындағы ықпалдастықтың перспективаларын талқылады. Сондай-ақ агроөнеркәсіп кешенін дамыту және Қазақстанның экспорттық мүмкіндіктерін кеңейту мәселелеріне ерекше назар аударылды. Қазақстан тарапы ауыл шаруашылығы өнімдерін бәсекеге қабілетті бағамен Малайзия нарығына экспорттауға дайын екенін мәлімдеп, JAKIM ұйымының қазақстандық халал стандарттарын мойындауын ерекше атап өтті. Сонымен қатар, санитарлық және ветеринарлық келісімдер, жаңа экспорттық бағыттарды ашу және өнімді қайта өңдеу саласындағы бірлескен инвестициялар мәселелері қарастырылды. Интеграцияланған логистикалық дәліздерді дамыту, соның ішінде Транскаспий халықаралық көлік бағдары мен екі ел арасында тікелей әуе қатынасын орнату мүмкіндіктері басты назарда болды. Малайзия тарапы ауыл шаруашылығы саласындағы инновациялар мен технологиялар алмасуға, сондай-ақ академиялық және ғылыми-зерттеу бағдарламаларын дамытуға қызығушылық білдірді. «Азық-түлік қауіпсіздігіне қатысты жаһандық сын-қатерлер жағдайында Қазақстан мен Малайзияның бірлескен күш-жігері екі ел үшін де орнықты даму мен тұрақтылықтың кепілі болмақ», - деп атап өтті министрлер. Сол күні ҚР Сауда және интеграция министрі Малайзияның Ұлттық сауда және өнеркәсіп палатасы (NCCIM) президенті Н. Гобалакришнанның басшылығымен ұйым өкілдерімен кездесу өткізді. Кездесу барысында сауда айналымын ұлғайту, логистиканы дамыту, цифрландыру, жасыл энергетика, химия өнеркәсібі мен тамақ өнеркәсібі сияқты ынтымақтастықтың негізгі бағыттары талқыланды. Халал өнімдерін ілгерілету перспективаларына және бірлескен инвестициялық жобаларды жүзеге асыруға ерекше назар аударылды. Қазақстан тарапы Малайзияның Оңтүстік-Шығыс Азия нарығына шығу үшін стратегиялық хаб ретіндегі рөлін атап өтіп, малайзиялық компаниялардың Қазақстан мен Еуразиялық экономикалық одақ елдеріндегі жобаларға қатысу мүмкіндіктерін ұсынды. Тараптар Қазақстан-Малайзия іскерлік кеңесінің жұмысын қайта жандандыру және оның келесі отырысын 2026 жылы Қазақстанда өткізу туралы келісімге келді. Бұл отырыста жаңа бірлескен жобалар ұсынылатын болады. «Біз NCCIM ұйымы Қазақстан мен Малайзия іскер топтарының арасындағы маңызды көпірге айналып, сауда мен инвестиция үшін жаңа мүмкіндіктерге жол ашады деп сенеміз», - деді Қазақстан Республикасының Сауда және интеграция министрі Арман Шаққалиев.Ақпарат көзі : https://www.gov.kz/memleket/entities/mti/press/news/details/1070341?lang=kk

Астана, 2025 ж. 17-18 қыркүйек – Эфиопия Дінаралық кеңесінің Бас хатшысы Лике Тигухан Тагай Таделе мырза Астанада өтіп жатқан VIII Әлемдік және дәстүрлі діндер лидерлерінің съезіне қатысып жатыр.​Форум бағдарламасы аясында ол «Дін – әлемді тұрақты дамыту факторы» атты 2-секцияда сөз сөйлеп, діни қауымдастықтар арасындағы диалогтың сенімді нығайтуда, бейбітшілік пен келісім идеяларын ілгерілетуде, сондай-ақ заманауи жаһандық сын-қатерлерді шешуде шешуші рөл атқаратынын атап өтті.​VIII Әлемдік және дәстүрлі діндер лидерлерінің съезі Қазақстан астанасына әлемнің 60 елінен 700-ден астам адамды жинап, жаһандық дінаралық диалог алаңы мәртебесін растады. Анықтама: Эфиопия – әлемдегі ең көне елдердің бірі, бай мәдени және діни мұраға ие (христиан діні IV ғасырдан, ислам VII ғасырдан бері ұстанылады). Бүгінде ел халқы 125 миллионнан асады, оның 44%-ы христиандар (негізінен Эфиопия православие шіркеуінің өкілдері), 34%-ы мұсылмандар және 23%-ы евангелистер. Негізгі діни топтарды біріктіру мақсатында 2010 жылы Эфиопияның дінаралық кеңесі (IRCE) құрылды – діни бостандықты, үйлесімділікті және өркендеуді қолдау мақсатында елдің негізгі діни қауымдастықтарын біріктіретін ұйым.Ақпарат көзі : https://www.gov.kz/memleket/entities/mfa-addis-ababa/press/news/details/1070349?lang=kk

2025 жылғы 17 қыркүйекте Қазақстан Елшісі Қанат Тумыш Вьетнамның Мәдениет, спорт және туризм министрлігінің Халықаралық ынтымақтастық департаментінің Бас директоры Нгуен Фыонг Хоа ханыммен кездесті.Тараптар, 2025 жылғы 4-5 қазанда Ханой қ. өтетін 1-ші Дүниежүзілік мәдениет күндер туралы пікір алмасты, оның барысында Елшіліктер өздерінің ұлттық тағамдары, костюмдері, фильмдері, өнер және мәдениет заттарын көрсетуге мүмкіндік алады.Қазақстан Елшілігі осы маңызды іс-шараға қосылу құрметіне ие болып, қазақ мәдениетін насихаттауға және Қазақстан мен Вьетнам арасындағы мәдени алмасуды одан әрі нығайтуға бағытталған өзінің қатысуын ресми тіркеді. Ақпарат көзі : https://www.gov.kz/memleket/entities/mfa-hanoi/press/news/details/1070351?lang=kk

«Шығыс Қазақстан облысының білім басқармасы» мемлекеттік мекемесі 2025 жылғы 02 қазаннан 03 қараша аралығында сыбайлас жемқорлық тәуекелдеріне ішкі талдау жүргізілетінін хабарлайды.Сұрақтар мен ұсыныстар туындаған жағдайда берілген телефон нөмірлері немесе электронды пошта арқылы хабарласа аласыз: тел. 8(7232) 702-361, 8(7232) 702-362, эл. пошта bilim@akimvko.gov.kz  , Өскемен қ., Қазақстан к-сі, 59/1Басқарманың қызметіндегі сыбайлас жемқорлық тәуекелдеріне ішкі талдау келесі бағыттар бойынша жүргізіледі:1) талдау объектісінің қызметіне қатысты нормативтік-құқықтық  актілерде сыбайлас жемқорлық тәуекелдерін анықтау;2) талдау объектісінің ұйымдастырушылық-басқарушылық қызметінде сыбайлас жемқорлық тәуекелдерін анықтау.Ақпарат көзі : https://www.gov.kz/memleket/entities/vko-bilim/press/news/details/1070365?lang=kk

18-19 қыркүйек күндері  Астанада «Архив: Жаңа дәуір, Жаңа мүмкіндіктер» атты «ASTANA ARCHIVE FEST» халықаралық архившілер форумы және де ғылыми-практикалық конференциясы өтеді. Форумда қазіргі қоғамдағы архивтың рөлі, сонымен қатар қазіргі ақпараттық қоғам жағдайында архив ісінің даму тенденциялары мен трансформациясы талқыланады.Халықаралық ғылыми-тәжірибелік конференцияға Жетісу өңірінен қатысушылар - облыстық мемлекеттік архивінің бас директоры Истанбекова Гүлжихан Жұмаханқызы мен архивист Айтбекова Гүлназ Сейкенқызы.Осы іс-шараның өзекті мәселелері электронды құжат айналымы жүйесінің бөлігі ретінде электрондық архивтерді құру және басқару, олардың қолжетімділігі мен сақталуын қамтамасыз ету үшін архивтік қорларды цифрлық форматқа көшіру, архив  деректерін талдау және өңдеу үшін жасанды интеллект, машиналық оқыту және басқа да озық технологияларды қолдану, сондай-ақ бизнес, ғылым және мемлекеттік басқарудағы өзекті мәселелерді шешу үшін архивтік деректерді пайдалану болып табылады.Конференция Ресей Федерация, Татарстан, Әзірбайжан, Өзбекстан, Қырғызстан архив саласының өкілдерінің қатысуымен өтеді.Ақпарат көзі : https://www.gov.kz/memleket/entities/zhetysu-archive/press/news/details/1070398?lang=kk

Бангкок, 2025 жылғы 17 қыркүйек – Таиланд астанасында Қазақстан Республикасының Елшілігі мен Таиландтың Сыртқы істер министрлігінің бірлескен ұйымдастыруымен алғаш рет Орталық Азия күні өткізілді. Іс-шара елдің жетекші оқу орны – Чулалонгкорн Корольдік университетінде өтті.Басты жаңалық университет басшылығының Орталық Азияны зерттеу бөлімін ашатыны туралы мәлімдеуі болды. Өнер факультетінің деканы, профессор Сурадетч Чотиудомпанттың айтуынша, жаңа бөлім Таиланд пен Орталық Азия елдері арасындағы академиялық ынтымақтастыққа, ғылыми зерттеулерге және мәдени алмасуға арналған алаңға айналмақ.Таиланд СІМ-нің Ерекше тапсырмалар жөніндегі елшісі Понгпрах Макчан Тай делегациясының Қазақстанға мақсатты сапарын дайындау туралы хабарлады, оның шеңберінде университеттер мен мемлекеттік құрылымдардың өкілдерімен кездесулер жоспарланған.Мерекелік шарада Қазақстан, Қырғызстан, Тәжікстан, Түрікменстан және Өзбекстан ұлттық павильондары жұмыс істеді. Қазақстан екі павильон ұсынды: біріншісі қонақтарды мәдени мұра, дәстүрлі кәдесыйлар және тұрмыс элементтерімен таныстырды, ал екіншісі, «Air Astana» әуе компаниясы мен «Pearl Vacation» туристік агенттігімен бірлесіп дайындалған, елдің туристік әлеуетін және жаңа саяхат мүмкіндіктерін таныстырды.Қонақтар қазақ халқының мәдениетімен, дәстүрлерімен жақынырақ танысып, ұлттық тағамдардан дәм татуға мүмкіндік алды. Концерттік бағдарламада жергілікті халық шығармашылығы ансамблі «Катюша» орындаған «Аққу», «Арулар», «Көшбазар» билері және университет студенттері шырқаған Серік Мұсалимовтың «Менің Қазақстаным» әні ұсынылды.Орталық Азия күніне шамамен 300 адам қатысты. Олардың қатарында дипломаттар, Таиландтың мемлекеттік органдарының өкілдері, академиялық және іскер топтар, сондай-ақ кең жұртшылық болды.Ұйымдастырушылардың айтуынша, мұндай іс-шара мәдени байланыстарды нығайтуға, ғылыми-білім беру жобаларын дамытуға, гуманитарлық және туристік ынтымақтастықты кеңейтуге, сондай-ақ Қазақстан мен бүкіл Орталық Азия өңірінің Таиландтағы оң имиджін ілгерілетуге маңызды алаңға айналды.Анықтама үшін: Чулалонгкорн университеті (Chulalongkorn University) – Таиландтың ең көне әрі жетекші университеттерінің бірі. 1917 жылы король Рама VI әкесі, король Чулалонгкорнның (Рама V) құрметіне негізін қалаған. Бүгінде бұл елдегі ең ірі ұлттық зерттеу орталығы, халықаралық рейтингілерде тұрақты түрде жоғары орындарға ие. Университет білім беру бағдарламаларының кең спектрін ұсынып, халықаралық ынтымақтастықты белсенді дамытады, Таиландтың академиялық және ғылыми прогресінің флагманы болып саналады.2024 жылы Таиланд пен Қазақстан арасындағы тауар айналымы 237 млн. АҚШ долларын құрады, бұл Таиландтың Орталық Азия елдерімен жалпы сауда айналымының (шамамен 340 млн. АҚШ доллары) 70%-ына тең.Ақпарат көзі : https://www.gov.kz/memleket/entities/mfa-thailand/press/news/details/1070422?lang=kk

2025 жылғы 11 қыркүйекте облыс Жамбыл облысының әкімі Е.Ш.Қарашөкеевтің төрағалығымен уәкілетті органдардың қатысуымен жергілікті бюджеттің қосымша резервтерін қамтамасыз ету жол картасының ағымдағы орындалу барысы туралы кеңес өтті.Жол картасының ағымдағы орындалу барысы туралы Жамбыл облысы бойынша Мемлекеттік кірістер департаментінің басшысы Т.Қ. Сарсембаев баяндады.Мемлекеттік бюджет бойынша 2025 жылдың 8 айының жоспары 102,7 пайызға орындалды, жоспар 188,2 млрд. теңге болса, нақты түскені 193,3 млрд. теңгені құрады, немесе 5,0 млрд. теңгеге артты. Өсу қарқыны 114,8 пайыз немесе  24,9 млрд. теңгеге артты.Жергілікті бюджет бойынша болжам 104,9 пайызға орындалды, жоспар 136,9 млрд. теңге болса, нақты түскені 143,6 млрд. теңгені құрады, немесе 6,7 млрд. теңгеге артты. Өсу қарқыны 118,7 пайыз немесе  22,7 млрд. теңгеге артты.Жеткізілген болжамды орындау мақсатында барлығы 8,9 млрд. теңге қосымша түсімдер қамтамасыз етілген. Оның ішінде: камералдық бақылау шеңберінде -2,5 млрд.теңге, аудит бойынша-1,1 млрд. теңге, өндірістік емес төлемдер бойынша-1,5 млрд. теңге, басқа да бағыттар бойынша-0,9 млрд.теңге, сонымен қатар, уәкілетті органдармен іс-шаралар жоспары бойынша жол картасын іске асыру аясында оң нәтижеге қол жеткізіліп, бюджетке қосымша 2,9 млрд.теңге түсімдер қамтамасыз етілді.Баяндамамен келесі бағыттар қамтылды: берешектер, мемлекеттік сатып алу, басқа аумақтардың мердігерлері, инвестициялық жобалар, субсидиялар туралы ақпарат, берілген рұқсаттар, сауда қызметін бақылау, базар қызметі, сауда орындарын жалға алушылар, рейдтік іс-шаралар, мүліктік кіріс, еңбек мигранттарын анықтау және заңдастыру, жер, мүлік салығы, су пайдаланғаны, қоршаған ортаға теріс әсер еткені және сыртқы жарнама орналастырғаны, жануарлар дүниесін ормандарды пайдалану үшін төлемақылар бойынша салық салынатын базаны ұлғайту шаралары, салық мөлшерлемелерің ұлғатуы, жер қойнауын пайдалану, акцизделетін өнімдерді бақылау және т.б.Т.Сарсембаев өз баяндамасында уәкілетті органдардың салықтық әкімшілендіруге қажетті мәліметтерді ұсынбауын және Жамбыл облысында қызметін (инвестициялық жобаларды) жүзеге асыратын салық төлеушілерді басқа өңірлерде тіркеуде тұрса да Жамбыл облысына тіркеуді қамтамасыз ету қажеттігін атап өтті. Ол жол картасын жүзеге асырумен айналысатын барлық органдарды тиісті ақпаратты жедел және толық беруге, күш-жігерін күшейтуге және жол картасының белгіленген бағыттарын жүзеге асыруға белсенді қатысуға шақырды.Облыстың мемлекеттік кірістер органдары жол картасын үнемі түрде жүзеге асыратындығын және алдағы уақытта да жалғасады.Жалпы алғанда, ағымдағы жағдай жол картасының белгіленген бағыттарын жүзеге асыруда оң нәтижелер көрсетіп отыр.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1070423?lang=kk

Оңтүстік Корея, Мажарстан және Германия туроператорлары іссапармен Шымкент қаласына келді. Сапар аясында Шымкенттің туроператорларымен туризм саласындағы ынтымақтастық туралы Меморандумға қол қойылды.Құжаттың мақсаты – жаңа тікелей әуе рейстерінің ашылуына байланысты туристік байланысты дамыту және Шымкенттің халықаралық туристік әлеуетін арттыру.Қонақтарға қаланың басты туристік нысандары таныстырылды. Делегациялар «VisitShymkent» туристік ақпараттық орталығында, «Shymkent Creative Hub» алаңында, тарихи-мәдени кешен «Shym-Qala» цитаделінде, «Алтын Орда» галереясында және «Сейтжан Қари Есжанұлы» мешітінде болды. Сонымен қатар, Шымкент ипподромында ұлттық ойындар – «Көкпар» мен «Қыз қуу» ұсынылды.Бұл келісім Шымкенттің халықаралық серіктестіктерін кеңейтіп, туризм мен мәдени байланыстарды дамытуға тың серпін береді.Ақпарат көзі : https://www.gov.kz/memleket/entities/shymkent-turizm/press/news/details/1070064?lang=kk

2025 ж.15.09. Солтүстік-Қазақстан облысы Әділет департаментінің сот орындаушыларының қызметін реттеу және бақылау бөлімі Аграрлық несие корпорациясы АҚ СҚО филиалында «Мемлекеттік органдардағы сыбайлас жемқорлықтың алдын алу» тақырыбына дәріс оқылды.Ақпарат көзі : https://www.gov.kz/memleket/entities/adilet-sko/press/news/details/1070068?lang=kk

Абу Даби, 2025 жылғы 17 желтоқсан – Қазақстан Республикасының Біріккен Араб Әмірліктеріндегі Елшісі Рауан Жұмабек Халықаралық жаңартылатын энергия көздері агенттігінің (IRENA) Бас директоры Франческо Ла Камераға сенім грамоталарын тапсырды.Кездесу барысында тараптар ынтымақтастықтың перспективалық бағыттарын, оның ішінде климаттың өзгеруімен бірлескен күресті және жаңартылатын энергетиканы адамзаттың орнықты болашағының аса маңызды факторы ретінде дамыту мәселелерін талқылады.Қазақ дипломаты IRENA жаңартылатын энергия көздерін ілгерілетуде мемлекеттерді біріктіретін беделді халықаралық алаң ретіндегі маңызды рөлін атап өтіп, Қазақстанның Агенттік жұмысына белсенді қатысуға, сондай-ақ екіжақты және көпжақты әріптестік байланыстарды нығайтуға дайындығын растады.Өз кезегінде Ф. Ла Камера ү.ж. 2–4 қазанда Астанада өтетін «KazEnergy Week – 2025» халықаралық форумының жұмысына қатысатынын растады.Кездесу қорытындысы бойынша тараптар ынтымақтастықты одан әрі тереңдетуге өзара мүдделі екендіктерін білдірді.IRENA 2009 ж. 26 қаңтарда Бонн қаласында құрылған. Құрылтайшылар конференциясы барысында Агенттік Жарғысына әлемнің 75 мемлекетінің ресми өкілдері қол қойды. Бүгінде IRENA құрамына 169 мемлекет пен Еуропалық одақ мүше .Ақпарат көзі : https://www.gov.kz/memleket/entities/mfa/press/news/details/1070121?lang=kk

«Шығыс Қазақстан облысы Самар ауданы әкімінің аппараты» мемлекеттік мекемесі сыбайлас жемқорлық тәуекелдерін ішкі талдауды жүргізу басталғаны туралы хабарлайды.Ақпарат көзі : https://www.gov.kz/memleket/entities/vko-samar/press/news/details/1070124?lang=kk

Облыс әкімі Нұрлыбек Нәлібаевтың қатысуымен облыстық мәслихаттың кезекті XXV сессиясы өтті. Басқосуға құқық қорғау органдарының, облыстық басқармалар мен департамент басшылары, қала және аудан әкімдері, мәслихат депутаттары қатысты. Күн тәртібінде 9 мәселе қаралды.Аймақ басшысы өңірде ауқымды жұмыстың жүзеге асырылуына қатысты мәселелерді қозғап, ұсыныстарын жеткізді.«Мемлекет басшымыз Қасым-Жомарт Кемелұлы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын жариялады.Ендігі кезекте Сіздермен бірлесіп, Президентіміздің Жолдауынан туындайтын міндеттерді сапалы әрі мерзімінде жүзеге асыруымыз қажет.Баршаңызды ел игілігі жолындағы жұмысты ауызбірлікпен, асқан жауапкершілікпен атқаруға шақырамын.Бүгінде аймағымызда Мемлекет басшымыздың, Үкіметтің ерекше қолдауымен ауқымды инвестициялық жобалар қарқын алды. Өткен 8 айдың қорытындысымен негізгі макроэкономикалық көрсеткіштердің өсімі қамтамасыз етілді.Биыл облыс бюджеті 829 млрд. 200 млн. теңге болды, 2022 жылдан бері 228 пайызға өсті. Оның 477 млрд. 600 млн. теңгесі (58%-ы) әлеуметтік саланың үлесінде.Даму бюджетінің көлемі 2022 жылғы 62 млрд.теңгеден 214 млрд.теңгеге дейін артты (3,5 есе). Бұл қаражат аймағымыздың ең өзекті деген мәселелерін шешуге, тұрғындардың өмір сүру сапасын жақсартуға, ауқымды инфрақұрылымдық жобаларды іске асыруға бағытталды.Бүгінде өңірде қолайлы инвестициялық климат қалыптасып, ірі жобалар жүзеге асырылуда. Биылға 631 млрд. 400 млн. теңгеден астам инвестиция тарту жоспарланса, жаңа жобаларды іске қосу есебінен жоспар 716 млрд. теңгеге дейін артығымен орындалады. Қазіргі таңда 408 млрд. 200 млн. теңге инвестиция тартылды.Биыл құны 302 млрд. 500 млн. теңге болатын 27 жоба іске қосылады. Облыста 166 млрд. 800 млн. теңгеге 96 жобаның құрылысы жүруде.Соңғы үш жылда қаржыландырудың барлық көзінен 2 млн. 500 мың шаршы метр тұрғын үй пайдалануға берілді. Қаламыздағы 623 көпқабатты тұрғын үй ыстық сумен қамтамасыз етіледі. Жыл соңына дейін газдандыру деңгейін 83 пайызға жеткіземіз.Биыл 189 600 гектарға ауыл шаруашылығы дақылдары, оның ішінде 80 900 гектарға күріш егілді. Президентіміздің тапсырмасына сәйкес су үнемдеу технологияларын қолдану, суды аз қажет ететін дақылдар көлемін ұлғайту үшін кешенді шаралар атқарылуда», – деді Н.Нәлібаев.Сессияда қоғамдық қауіпсіздікті қамтамасыз ету, құқық бұзушылықтың алдын алу үшін бейнекамералар орнату, алдағы жылу беру маусымын іркіліссіз өткізу, халықтың әлеуметтік осал топтары үшін тұрғын үй сатып алу, Қызылорда қаласының архитектуралық-сәулеттік келбеті мен туристік әлеуетін арттыру, тұрғындарды ауыз сумен жабдықтау, кәріз желілерін жүргізу, «Сабалақ» елді мекенін газдандыру және басқа да ауқымды жұмыстарды жүзеге асыру үшін облыстық мәслихат сессиясының қарауына 2025 жылға арналған облыстық бюджетті нақтылау туралы ұсыныс енгізілді.Бұл қаражат облыстық бюджеттің өз кірістерін ұлғайту, бюджеттік бағдарлама әкімшілерінен үнемделген қаржыны қысқарту есебінен қалыптасқан.Сондай-ақ, сессияда облыстық жолаушылар көлігі және автомобиль жолдары басқармасының басшысы Жәнібек Сыздықов, облыстық полиция департаментінің бастығы Серік Ергешов баяндама жасады.Мәслихат депутаттары ұсыныстарға қолдау білдіріп, олардың барлығы кезек күттірмейтін маңызды мәселе екенін айтты.Ақпарат көзі : https://www.gov.kz/memleket/entities/kyzylorda/press/news/details/1070125?lang=kk