Қазақстан Республикасы Адам құқықтары жөніндегі уәкілінің Алматы облысы бойынша өкілінің міндетін атқарушы М.Ж. Мағжанов, Д.Б. Жамбыл аудандық прокуратурасының прокуроры Ботай жұмыс сапары аясында Жамбыл АІІБ-нің No1, 4, 19 учаскелік полиция бөлімшелеріне жоспарлы мониторинг жүргізді.Іс-сапар барысында учаскелік полиция бөлімшелерінің қызметтік үй-жайлары тексеріліп, учаскелік полиция инспекторларының жұмысын ұйымдастыру, олардың есебін жүргізу, профилактикалық бақылау, есепте тұрған тұлғалармен жеке профилактикалық жұмыстар жүргізілді.Ішкі істер министрінің 2015 жылғы 29 желтоқсандағы № 1095 бұйрығына сәйкес барлық учаскелік инспекторлар өздерінің әкімшілік учаскелерінің ерекшеліктері туралы толық ақпараттандыруды қамтамасыз ету үшін тіркеуге және бақылауға жататын тұлғалардың тиісті тізімдерімен және еңбек кітапшаларымен бірге өздері қызмет көрсететін әкімшілік учаскелердің электрондық есебін жүргізеді.Жалпы, аталған учаскелік полиция пункттерінің жұмысы құқық бұзушылықтың алдын алу шаралары бойынша белгіленген талаптарға сай.Іссапар қорытындысы бойынша учаскелік полиция қызметкерлерімен кездесетін түйткілді мәселелер талқыланып, тиісті ұсыныстар берілді.Ақпарат көзі : https://www.gov.kz/memleket/entities/ombudsman-almaty-oblysy/press/news/details/1083851?lang=kk

Астана, 2025 жылғы 9 қазан – Қазақстан Республикасы Сыртқы істер министрінің бірінші орынбасары Ақан Рахметуллиннің Есірткі құралдарының, психотроптық заттардың және олардың прекурсорларының заңсыз айналымына қарсы күрес жөніндегі Орталық Азия өңірлік ақпараттық үйлестіру орталығының жаңадан тағайындалған директоры Махмұд Хамидовпен кездесуі өтті.Тараптар одан әрі ынтымақтастықтың перспективаларын талқылап, есірткінің заңсыз айналымына қарсы күрес саласындағы өзара іс-қимылды нығайтуға мүдделілігін растады.Орталық Азия өңірлік ақпараттық үйлестіру орталығы – 2009 жылы Әзербайжан, Қазақстан, Қырғызстан, Ресей, Өзбекстан, Тәжікстан және Түрікменстан мемлекеттерімен, БҰҰ Есірткі және қылмыс басқармасының қолдауымен құрылған, Алматы қаласында штаб-пәтері орналасқан халықаралық ұйым.Орталық Азия өңірлік ақпараттық үйлестіру орталығының негізгі міндеттеріне қатысушы мемлекеттердің есірткінің заңсыз айналымына қарсы іс-қимылдағы құзыретті органдарының күш-жігерін үйлестіру, келісілген бірлескен халықаралық операцияларды, оның ішінде бақыланатын жеткізілімдерді ұйымдастыруға, жүргізуге және үйлестіруге жәрдемдесу, трансшекаралық есірткі қылмысы бойынша ақпарат жинауды, сақтауды, қорғауды, талдауды және алмасуды қамтамасыз ету кіреді.Ақпарат көзі : https://www.gov.kz/memleket/entities/mfa/press/news/details/1083867?lang=kk

Ұйғыр ауданында заманауи цифрлық халыққа қызмет көрсету орталығы пайдалануға берілді.Жаңа кеңсе 600-ден астам мемлекеттік қызмет түрін ұсынады. Бұған дейін аудан тұрғындары құжат рәсімдеу үшін көрші аудандарға баруға мәжбүр болса, енді барлық қажетті қызметтер бір жерден қолжетімді болып отыр.Аудан тұрғыны Селимам Варисова жаңа кеңсенің ашылуы тұрғындар үшін үлкен жеңілдік болғанын айтады: «Бұрынғы орталық ескі, тар әрі суық болатын. Қазір кеңсе кең, жарық, өте ыңғайлы. Бір апта бұрын паспортқа өтініш берген едім, дәл бүгін дайын болыпты. Ресми ашылу күніне тап келгеніме қуаныштымын», – дейді ол.Жаңа кеңседе қызмет көрсету процесі бірнеше функционалды аймаққа бөлінген. Мұнда АХАЖ бөлімі, жер кадастры, зейнетақы мен әлеуметтік төлемдерге қатысты қызметтер, сондай-ақ басқа да мемлекеттік бөлімдер орналасқан.Бұл жүйе келушілер ағынын тиімді реттеуге, қызмет көрсету уақытын қысқартуға және кезек күтуді азайтуға мүмкіндік береді.Ұйғыр ауданының әкімі Бота Елеусізова бұл нысанның ашылуын өңірдің цифрлық даму бағытымен тікелей байланыстырады: «Президентіміздің цифрландыру бағытында берген тапсырмасының бірден-бір көрінісі – осы орталық. Барлық қызмет интернет желісімен толық қамтылған. Келешекте музей салу жоспарда бар. Сондай-ақ кезең-кезеңімен тұрғын үйлер де салынып жатыр», – деді әкім.Аудан тұрғындары үшін бұл жаңа кеңсе маңызды әлеуметтік жобалардың бірі болып отыр. Бұрын күрделі құжат рәсімдеу үшін Еңбекшіқазақ ауданына баруға тура келетін. Енді негізгі қызметтердің барлығы өз ауданында көрсетілмек.Жаңа ғимараттың жалпы ауданы 2000 шаршы метрді құрайды. Құрылысына 1 миллиард теңгеден астам қаражат жұмсалған. Кеңсе заманауи талаптарға сай жабдықталып, тұрғындарға қолайлы жағдай жасалған.Жаңа цифрлық кеңсе – Ұйғыр ауданы тұрғындарының өмір сапасын арттыруға, мемлекеттік қызметтерді ашық әрі тиімді ұсынуға бағытталған тағы бір нақты қадам.Ақпарат көзі : https://www.gov.kz/memleket/entities/almobl/press/news/details/1083871?lang=kk

Бүгін 2025 жылдың 9 қазанында Алматы облысының әкімі Марат Сұлтанғазиев Алатау қаласының тұрғындарымен кездесу өткізді. Іс-шараға қала тұрғындары, облыстық мәслихаттың төрағасы, басқарма басшылары, құқық қорғау органдарының өкілдері, жергілікті атқарушы органдар мен қоғамдық ұйымдардың төрағалары және мүшелері қатысты.Кездесу барысында облыс басшысы ауданның әлеуметтік-экономикалық даму барысына тоқталып, атқарылған жұмыстар мен алдағы жоспарлар жайында баяндады. Баяндамадан кейін Марат Елеусізұлы азаматтардың сұрақтарына жауап беріп, олардың өтініш-тілектерін тыңдады.  2 сағаттан аса уақытқа созылған жиында жалпы саны – 17-ге жуық мәселе бойынша талап-тілек пен өтініштер қаралды. Облыс әкімі жауапты басқармалармен және жергілікті атқарушы органдармен бірлесе, сұрақтардың жауабын қарастырып, тиісті мекемелерге бірқатар шешімдер ұсынып, тапсырмалар берді. Көтерілген мәселелер: жол, көше жарығы, жер, баспана, жол белгілері мен бағдаршамның жоқтығы жайлы болды. Сонымен қатар, тұрғындар қалаға мәдениет үйі мен жастарға арналған спорт кешенін салып беруді сұрады. Одан бөлек Алатау қаласының құрылуымен байланысты туындаған спецификалық мәселелер де айтылды.Атап өтсек, бұрынғы Жетіген қазіргі Алатау қаласында қырық жылдан аса уақыт тұрып келе жатқан қала тұрғыны Құралай Малдыбаева жол мәселесін көтерді. Оның айтуынша, әр жылы жолдың жартысы ғана салынады екен, сондықтан облыс басшысынан қала бойынша толықтай қашан жол төселетіні жайлы сұрады.Бұл сұраққа Алатау қаласының әкімі Аркен Утенов жауап берді. «Жолды салу үшін бірінші қаражат керек, сосын жоба керек. Бүгінгі күні Алатау қаласының 102 көшенің жобалық сметалық құжаттамасы дайындалып, мемлекеттік сараптамада қаралып жатыр. Жыл соңына дейін сараптамадан шықса, келесі жылы қаражаттың бөлінуіне қарай қалған көшелерге жол төселеді», - деді ол.Сонымен қатар, тұрғын қала болғалы жағдайдың біршама жақсарғанын да жасырмады. Мысалы, бұрын инфрақұрылым тұрмақ, ұялы байланыстан да мақұрым болғандарын алға тартты. Қазіргі уақытта, бұл мәселе өз шешімін тауыпты.Тағы бір көтерілген мәселе, жер мәселесі болды. Бұл жолы тұрғындардың атынан олардың заңгер кеңесшісі Махаббат Тұрысбекқызы сауал жолдады. Оның айтуынша, Алатау қаласы құрылмай тұрып 35 тұрғын Іле ауданының аумағынан жеке шаруашылығын жүргізуге әкімдіктен жер алған. Бірақ құжаттарын рәсімдеп үлгермеген. Соған облыстың деңгейде көмек көрсетуді сұрады.Өз кезегінде Марат Елеусізұлы қала болған соң, шаруашылық жер деген болмайтынын сондықтан құжаттардың негізі мен заңдылығын тексеру қажет екенін айтты. Сондықтан, Алматы облысының жер қатынастары басқармасының басшысы Аманжол Абдрахмановқа мәселені қолға алуды тапсырды.Ал мәдениет үйі мен спорт кешеніне келсек, олардың жобасы дайын және қазіргі уақытта мемлекеттік сараптамадан өтіп жатқанын айтты. Сараптамадан сәтті өтсе, келесі жылы конкурсқа өтінім береміз деп халықты жақсы жаңалықпен қуантты.Сонымен қатар, Жаңаарна ауылының тұрғыны тас жолдың бойында адам жүрер жолдың жоқтығын, сол себепті көпір немесе жерасты жолын салып беруді сұрады. Бұл сұраққа қала әкімі Аркен Хамитұлы жобаның дайын және жақын арада көпір салынады деп жауап берді.Жиында баспана мәселесіне қатысты жеке сауалдарын да көтерген әлеуметтік осал топтар санатына жататын тұрғындар да болды. Оларға облыс әкімі үйдің тек кезекпен берілетінін жеткізді.Кездесу соңында Марат Сұлтанғазиев бүгінгі күнге дейін қала мен облыстың күшімен біраз жұмыстардың атқарылғанын және алдағы уақытта арнайы заң қабылданған соң барлық сұрақтар республикалық деңгейде шешілетініне сенімді екенін айтты. Бұл жылдар бойы жиналған мәселелердің жылдам қаралуына ықпал етеді деген үмітте екенін де жасырмады. «Құрметті Алатау қаласының тұрғындары біраз сұрақты талқыладық, біраз жұмыстар жасалды. Қаланың бюджеті үш есе артты. Қазіргі уақытта, атқарылып жатқан жұмыстарға өзіміздің күшімізбен жеттік. Енді заң шыққан соң қаржыландыру тез шешілетін болады. Бұл үшін арнайы қор да құрылады, инвесторлар саны артады. Сол кезде коммерциялық жобалардан бөлек, әлеуметтік жобаларды да енгізуге тырысамыз. Алдағы уақытта, өндіріс ошақтары салынса, жұмысшы мамандықтарға сұраныс артады. Сондықтан жастарды жұмысқа баулиық. Әрине мәселелер де бар оның барлығы бірте-бірте кезең-кезеңімен шешілетін болады. Бүгінгі кездесуден біраз мағлұмат алдық енді сол бағытта жұмыс істейтін боламыз», - деді облыс әкімі.Әкім тұрғындардың әрбір сұрағы назардан тыс қалмайтынын айтып, тиісті сала басшыларына нақты тапсырмалар жүктеді.Айта кетейік, кездесу ашық форматта өтті және бастан-аяқ тікелей эфирде жүріп отырды. Яғни қаланың кез келген тұрғыны келіп қатысып, өзінің сұрағын облыс әкіміне қоюға құқылы болды. Ал кездесуге келе алмағанда сауалдарын тікелей эфир арқылы жолдады. Кей тұрғындар күйбең тіршілікпен облыс әкімінің қабылдауына жете алмай жүргендерін айтып, өңір басшысының өзі келгеніне ризашылықтарын да білдірді.Ақпарат көзі : https://www.gov.kz/memleket/entities/almobl/press/news/details/1083876?lang=kk

Мехико, 2025 жылғы 30 қыркүйек – Қазақстан Республикасының Мексика Құрама Штаттарындағы Елшілігі Мексика Бас конгресі Депутаттар палатасының 66-шы шақырылымы аясында құрылған жаңа «Қазақстан – Мексика» парламенттік Достық тобының салтанатты ашылу рәсіміне қатысты.Іс-шара барысында Достық тобының төрайымы, мексикалық депутат Марибель Мартинес Руис және Қазақстанның Мексикадағы Елшісі Алмұрат Тұрғанбеков сөз сөйледі.Спикерлер Қазақстан-Мексика қатынастарының тұрақты дамып келе жатқанын атап өтіп, екіжақты ынтымақтастықты саяси, сауда-экономикалық, мәдени, білім беру, туризм және спорт салаларында кеңейту үшін зор әлеует бар екеніне сенім білдірді.Екі ел арасындағы байланыстарды нығайтудың маңызды механизмдерінің бірі ретінде парламентаралық диалогты дамыту мәселесіне ерекше назар аударылды. Бұл өз кезегінде екіжақты өзара іс-қимылға қосымша серпін беретін болады.А.Тұрғанбеков Достық тобын құру бастамасы үшін мексикалық тарапқа алғысын білдіріп, бұл қадам екі елдің ынтымақтастықты нығайтуға бейілділігінің айқын дәлелі екенін баса айтты.Қазақ дипломаты Мемлекет басшысы Қасым-Жомарт Тоқаевтың Қазақстан халқына арнаған қыркүйектегі Жолдауының негізгі ережелерімен мексикалық парламентарийлерді таныстырды. Жолдауда «күшті Президент – ықпалды Парламент – есеп беретін Үкімет» формуласын басшылыққа алған саяси өзгерістердің қорытындысы жасалғанын атап өтті. Сондай-ақ 2027 жылы бір палаталы парламентке көшу және ұлттық референдум өткізу жоспарлары туралы хабардар етті.Қазақстан мен Мексиканың даму стратегияларының ұқсастығына тоқтап, Елші Қазақстан Үкіметінің цифрлық технологиялар саласындағы басымдықтары, ІТ және жасанды интеллект бағытындағы ынтымақтастықтың мүмкіндіктері туралы хабарлады. Ол алдағы үш жылда еліміз цифрлық мемлекетке айналуды көздеп отырғанын: Цифрлық кодекс әзірлеуді, жасанды интеллектіні экономиканың және мемлекеттік басқарудың барлық саласына енгізуді жоспарлап отырғанын атап өтті. Осы міндеттерді іске асыру үшін ҚР Жасанды интеллект және цифрлық даму министрлігі құрылғанын жеткізді.Сонымен қатар мексикалық тарапқа Қазақстанның іскерлік және инвестициялық әлеуеті таныстырылып, «Kazakhstan: Born Bold» атты халықаралық имидждік науқан туралы бейнеролик көрсетілді.Іс-шара қорытындысы бойынша тараптар тұрақты әрі тығыз байланыстарды қолдап, парламентаралық өзара іс-қимыл аясында екіжақты ынтымақтастықты нығайту үшін бірлесіп жұмыс істеуге уағдаласты.Ақпарат көзі : https://www.gov.kz/memleket/entities/mfa-mexico/press/news/details/1083889?lang=kk

Беллинцона, 9 қазан – Қазақстанның Швейцариядағы Елшісі Қайрат Саржанов Тичино кантонына ресми сапармен барып, оның шеңберінде Тичино Мемлекеттік кеңесінің төрағасы Норман Гоббимен және кантондық үкіметтің басқа да мүшелерімен кездесті.Тараптар Қазақстан мен Швейцария арасындағы сауда-экономикалық және мәдени-гуманитарлық ынтымақтастықты нығайту үшін өңіраралық байланысты дамытудың маңыздылығын атап өтті, және бұл салаларда нақты жобаларды жүзеге асыру мүмкіндіктерін талқылады. Осы тұрғыда Алматы және Лугано қалалары, Алматы облысы мен Тичино кантоны арасында өңірлік және муниципалдық деңгейде өзара іс-қимылдың институционалдық негізін құрайтын ынтымақтастық туралы меморандумдарға қол қойылғаны атап өтілді.Қазақстандық дипломат Мемлекет басшысы Қ.К. Тоқаевтың Қазақстан халқына Жолдауының негізгі тұстарына тоқталып, Қазақстанда жүргізіліп жатқан реформалар технология, көлік-логистика, энергетика және басқа да салаларда Швейцариямен өзара тиімді серіктестік үшін кең перспективалар ашатынын атап өтті. Аймақтық технологиялық және өндірістік хабты құруға бағытталған стратегиялық «Alatau City» жобасы ортақ негіздің үлгісі ретінде атап өтілді.Швейцария кантонының басшылығы ынтымақтастықты тереңдетуге, сондай-ақ Тичино тәжірибесі мен жасанды интеллект, криптовалюта енгізу және басқа да озық технологиялар салаларындағы ғылыми әлеуетін пайдалану мүмкіндіктерін талқылау үшін Қазақстанға сапармен баруға дайын екендігін білдірді. Ақпарат көзі : https://www.gov.kz/memleket/entities/mfa-bern/press/news/details/1083890?lang=kk

Брно, 2025 жылғы 9 қазан – Қазақстан Республикасы Өнеркәсіп және құрылыс министрлігінің Өнеркәсіп комитетінің төрағасы Азамат Панбаев бастаған қазақстандық делегация Орталық Азияның әлеуетіне арналған бизнес-форумға қатысты. Форум 2025 жылғы 7-9 қазан аралығында Орталық Еуропадағы ең ірі алаңдардың бірі болып табылатын Брно қаласындағы 66-шы Халықаралық өнеркәсіп көрмесінің аясында өтті.Іс-шараға Қазақстан, Өзбекстан, Тәжікстан, Қырғызстан және Чехия елдерінің мемлекеттік органдарының өкілдері, бизнес қауымдастықтары мен кәсіпкерлері қатысты. Қазақстандық делегация құрамында «Өнеркәсіпті дамыту қоры» АҚ, Қазақстан машина жасаушылар одағы, Батыс Қазақстан облысының кәсіпкерлік басқармасы және бірқатар жеке өндірістік компаниялар болды.Форумның ашылуында сөз сөйлеген А.Панбаев Қазақстанның өнеркәсіптік даму саласындағы жетістіктері мен ҚР Президенті Қасым-Жомарт Тоқаевтың Жолдауы аясында қолға алынған шаралар туралы баяндады. Ол Қазақстанның технология трансфері, инновацияларды дамыту және өңірдің инвестициялар үшін тартымды орталық ретіндегі рөлін нығайту бағытында жаңа мүмкіндіктер қалыптастыруға ниетті екенін атап өтті.Форумның екінші бөлігінде Қазақстан мен Чехия кәсіпкерлері арасында B2B форматындағы кездесулер өтіп, ынтымақтастықты кеңейту және бірлескен жобаларды жүзеге асыру перспективалары талқыланды. Қатысушылар машина жасау, цифрландыру және өндірісті автоматтандыру салаларындағы бірлескен бастамаларға ерекше қызығушылық білдірді.Сапар аясында Қазақстан делегациясы Чех Республикасы Өнеркәсіп және сауда министрлігінің, сондай-ақ салалық бірлестіктердің басшылығымен келіссөздер жүргізді. Кездесулер барысында өндірісті жергіліктендіру, технологиялар трансфері және бірлескен индустриялық жобаларды іске асыруды қамтитын өзара іс-қимылды тереңдетудің нақты қадамдары талқыланды.Тараптар Қазақстан мен Чехия арасындағы өнеркәсіптік саладағы іскерлік байланыстарды одан әрі дамыту және әріптестіктің жаңа формаларын іздестіру жөніндегі өзара қызығушылықтарын растады.Бұдан бөлек, қазақстандық делегация Omnipol a.s. компаниялар тобына кіретін Aircraft Industries қысқа қашықтықтағы ұшақтар өндіретін кәсіпорнында болды. Кездесу барысында делегация мүшелері өндіріс үдерісімен танысып, Қазақстанда шағын авиацияны дамыту саласындағы ынтымақтастық мүмкіндіктерін талқылады.Ақпарат көзі : https://www.gov.kz/memleket/entities/mfa-prague/press/news/details/1083892?lang=kk

Алматы облысында «Таза Қазақстан» экологиялық акциясы аясында жиде мен Шренк шыршасының тұқымын жинау апталығы басталды. Шараның негізгі мақсаты – орман қорын толықтыру, табиғи тұқым қорын қалыптастыру және жастардың экологиялық мәдениетін арттыру.7 қазанда Бақанас орман шаруашылығында өткен іс-шараға орманшылармен қатар колледж студенттері мен мектеп оқушылары қатысты. Нәтижесінде бір күн ішінде 200 келіден астам жиде тұқымы жиналды.Облыстық табиғи ресурстар және табиғат пайдалануды реттеу басқармасының мәліметінше, биыл өңірде шамамен 1,5 тонна жиде мен Шренк шыршасының тұқымын жинау жоспарланған. «Әрбір жиналған тұқым – ертеңгі жасыл орманның бастауы. Бұл – өңірдің экологиялық әлеуетін арттыруға бағытталған маңызды қадам», – деп атап өтті басқарма басшысы Қанат Нүсіпбаев.Жиналған тұқымдар көктемде облыстық орман тұқымбақтарына жеткізіліп, көшеттерге айналдырылмақ. Кейін олар орман қоры жерлеріне отырғызылып, өңірдің жасыл аймағын кеңейтуге қызмет етеді.2021 жылдан бері Алматы облысында 17,4 мың гектар аумаққа 38,3 миллион ағаш отырғызылды. Бұл – Мемлекет басшысының 2 миллиард ағаш отырғызу жөніндегі тапсырмасын орындаудағы өңірдің нақты үлесі саналадыАқпарат көзі : https://www.gov.kz/memleket/entities/almobl/press/news/details/1083915?lang=kk

Қабылдау барысында кепілдендірілген мемлекеттік заң көмегін көрсету мәселелері түсіндірілді.Ақпарат көзі : https://www.gov.kz/memleket/entities/adilet-sko/press/news/details/1083917?lang=kk

 Өскемен қаласында ауыл балалары мен жасөспірімдер арасында өткен «AUYL SPORT – 2025» өңірлік турнирі салауатты өмір салтын насихаттау мен ауыл спортының дамуына серпін берді.Самар балалар-жасөспірімдер спорт мектебінің волейбол командасы тамаша ойын көрсетіп, чемпион атанды.Жаттықтырушысы — Поляков Геннадий Анатольевич.Амангельды орта мектебінің оқушылары үстел теннисінен жоғары нәтиже көрсетті:1 орын — Қабдрахманов Мансұр, чемпион;2 орын — Бөлекбай Дина;3 орын — Бейсен Салауат;3 орын — Марат Мөлдір.Жаттықтырушысы — Барбосынов Қайрат Түркестанович.Қыздар баскетбол командасы 2 орын иеленді.Қатысушылар — Абай атындағы орта мектептің оқушылары.Жаттықтырушысы — Раздыкова Гаухар Жұмановна, дене шынықтыру пәнінің мұғалімі.Ж. Болғанбаев атындағы Самар орта мектеп-лицейінің оқушылары күрес бойынша жақсы нәтиже көрсетті:2 орын — Бекенов Алан (2011 ж.);3 орын — Есбол Нартай (2011 ж.).Жаттықтырушысы — Мухамадиев Еркебулан Жалелханұлы.Бұл жеңістер – еңбекқорлықтың, табандылықтың және ауыл спортының дамуының айқын дәлелі.Ақпарат көзі : https://www.gov.kz/memleket/entities/vko-samar/press/news/details/1083921?lang=kk

Ұлттық ұланның авиациялық базасы бір күнге жас патриоттардың армандары бұлттан биік көтерілген орынға айналды. «Жас сарбаз» әскери-патриоттық қозғалысының елу қатысушысы 3656 әскери бөліміне келіп, көк жүзін бағындыратын алып күштің қалай туатынын өз көздерімен көрді. Бұл экскурсия балалар үшін авиация әлеміне нағыз саяхат болды. Олар елді биіктен қорғайтын әскери қызметшілердің өмірімен танысып, аңызға айналған ұшақтар мен тікұшақтарды көрді. Сондай-ақ қызметтері жайлы шынайы әрі мақтанышпен баяндаған ұшқыштармен тілдесті.— Біз балаларымызға Отанға деген сүйіспеншілік — жай сөз емес екенін көрсеткіміз келді. Бұл — таңдау, жол және қызмет ету. Ұлттық ұланның авиаторлары – ерлік пен тәртіптің, іске адалдықтың жарқын үлгісі, — деді қозғалыстың астаналық филиалының төрағасы Айдархан Маханбет.Оқушылардың ерекше қызығушылығын қуатты Y8 әскери-көлік ұшағы тудырды. Олар ұшқыш кабинасын көріп, құрал-жабдықтарға қол тигізіп, ұшқыштардың әр сөзін ынтамен тыңдады.— Мен алғаш рет әскери ұшақтарды осыншалық жақыннан көріп тұрмын! Бұл керемет әсер. Осындай кездесулерден кейін армияның бір бөлігіне айналғың келеді, — деп өз әсерімен бөлісті М. Мақатаев атындағы мектеп-гимназиясының оқушысы Диляра Тлеукенова.Айта кету керек, мұндай кездесулер жас ұрпақтың патриоттық рухын нығайтып, Отан қорғаушылар қызметіне деген құрметті қалыптастырады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1083928?lang=kk

Балқаш ауданындағы елдімекендер жоспарға сәйкес кезең-кезеңімен көгілдір отынға қол жеткізіп келеді. Жыл соңына дейін Бақанас ауылындағы жаңа шағынаудан мен Ақжар ауылында газ құбырын орнату жұмыстары толық аяқталмақ.– 2019 жылдан бері Балқаш ауданында газбен қамту ісі жүйелі түрде жүргізіліп келеді. 2023 жылы Миялы, Бақбақты, Бірлік, Бақанас, Ақдала және Бояулы ауылдарындағы 1500 тұрғын үйге газ берілді. Қазіргі таңда тұрғындар көгілдір отынның игілігін көруде. Биыл «ТурГаз» ЖШС-мен Ақжар ауылына газ тарту үшін 809 миллион теңгеге келісімшарт жасалды. Сондай-ақ, Бақанас ауылындағы жаңа ықшамауданды газбен қамтамасыз етуге 414 миллион теңге бөлінген. Жыл соңына дейін осы екі жоба толығымен аяқталады. Сонымен қатар, Береке ауылына газ құбырын тарту үшін жобалық-сметалық құжаттама әзірленіп, 1 миллиард 199 миллион теңгеге мердігермен келісімшарт жасалды. Бұл жоба келесі жылға жоспарланған. Бұған қоса, Бура, Үшжарма және Ақкөл ауылдарын газбен қамту 2026–2027 жылдарға арналған бюджет жоспарына енгізілді. Осылайша, 2027 жылға дейін аудандағы 20 елдімекеннің 11-і, яғни 55 пайызы газ желісіне қосылады. Қалған ауылдар 2030 жылға дейінгі бас жоспарға енгізілген, – деді Балқаш ауданының әкімі Азат Құтпанбетов.Бақанас ауылының тұрғыны, көпбалалы ана Үміт Байдабекова газ желісіне былтыр қосылғанын айтты.– Бұған дейін жыл сайын 4–5 тонна көмір жағып, қатты отын дайындау үлкен шығын мен күшті талап ететін. Қазір үйіміз жылы, балалар да қауіпсіз. Газ қосылған соң тұрмысымыз жеңілдеді, – деді ол.Ал Ақжар ауылының тұрғыны Гүлмария Шопанбаева: – Қазір үйлерімізді пеш жағу арқылы жылытып отырмыз. Бір тонна көмірдің бағасы 35–40 мың теңге тұрады. Бұл – едәуір шығын. Газ құбыры орнату жұмыстары аяқталып, көгілдір отынға тезірек қол жеткізсек деген үміттеміз, – дейді ауыл тұрғыны.Бүгінгі таңда Ақжар ауылында жоғары қысымды 5397 метр, орташа қысымды 1127 метр және төмен қысымды 6715 метр газ құбыры тартылып, 46 үйге газ есептеуіш орнатылған. Құрылыс жұмыстары жалғасуда.Ақпарат көзі : https://www.gov.kz/memleket/entities/almobl/press/news/details/1083949?lang=kk

Премьер-министрдің орынбасары – ұлттық экономика министрі Серік Жұманғарин Торғай өңірін дамытуға және оның әлеуметтік-экономикалық дамуы жөніндегі іс-шаралар жоспарына енгізу үшін перспективалық жобаларды қарауға арналған жиын өткізді. Оған Қостанай облысының әкімі Құмар Ақсақалов, «Атамекен» ұлттық кәсіпкерлер палатасы төралқасының төрағасы Райымбек Батталов, мемлекеттік органдардың вице-министрлері, бизнес-қоғамдастық өкілдері және тағы да басқалар қатысты.Серік Жұманғарин Мемлекет басшысының Жолдауда Торғай өңірін дамытуға басымдық беру қажеттігін ерекше атап өткенін еске салды.Вице-премьер айтқандай, бұл мәселе орнықты экономикалық өсуді қамтамасыз ету мен халықтың өмір сүру сапасын арттыруға қатысты болғандықтан, үнемі Үкіметтің назарында. Өңірдің тарихи, стратегиялық және әлеуметтік-демографиялық маңыздылығын ескере отырып, даму жоспарын дайындау жұмысы басталды.Талқылау барысында Торғай өңірінің келешегіне арналған ұсыныстар мен жобалар айтылды. Қостанай облысының әкімі Құмар Ақсақалов қолайлы географиялық жағдай облысты Еуропа мен Азия арасындағы негізгі транзиттік буынға айналдыратынын атап өтті. «Орталық-Батыс» автожолын салу және Арқалық қаласындағы әуежайды қалпына келтіру сияқты инфрақұрылымдық бастамаларды жүзеге асыру инвестиция мен бизнеске жаңа мүмкіндік береді. Оның айтуынша, экономикалық жоспарда 400-ге жуық жұмыс орны ашылатын 62 млрд теңгеден аса соманың 11 инвестициялық жобасы қарастырылған. АӨК дамытуға, ауыл шаруашылығы өнімін қайта өңдеуге, қайта өңдейтін 15 сою пунктін салуға басты назар аударылады. Осы мақсаттарға арнап, жылдық 2,5%-бен (СҚО тәжірибесі бойынша) 5,6 млрд теңге қарастырылған, көмірсутек өндіру мен қатты пайдалы қазбаны барлау жобасы жасалды.Бизнес өкілдері де өз бастамаларын ұсынды. «Arkalyq Qus» ЖШС басшысы Максим Божко 2008 жылы құрылған кәсіпорын бүгінде 140 млн-ға жуық жұмыртқа өндіретінін хабарлады. Компания зауыт қуатын екі есе арттыруды жоспарлап отыр. Құрылыс 2026 жылғы көктемде басталады. Сондай-ақ құрама жем зауыты мен органикалық тыңайтқыш өндіру зауытын салу жобасы жүзеге асырылуда. «Ұрпақ Агро» ЖШС құрылтайшысы компанияның етті мал шаруашылығы мен қайта өңдеуді одан әрі дамыту үшін 10 мың басқа дейін ұсақ мал сатып алу ниеті туралы хабарлады. «Zengi Group» ЖШС бас директоры Жәнібек Кенжебаев «Консорциум 20+1» жобасын ұсынды. Оған 12 инвестор тартылған. Бұл – 20 шағын фермасы мен басқарушы компаниясы бар, етті мал шаруашылығын орнықты дамытудың пилоттық моделі. Жәнібек Кенжебаевтың айтуынша, компания жобаны жүзеге асыруға шамамен 1,1 млрд теңге инвестиция салуға дайын. Бұл ретте қосымша қаржыландыру көзі пысықталуда. Вице-премьердің тапсырмасы бойынша, жобаны қолдау мәселесін Ұлттық экономика министрлігі Ауыл шаруашылығы министрлігімен бірлесіп қарайды.Сондай-ақ жол инфрақұрылымын дамыту мәселесі де талқыланды. Атап айтқанда, Астана – Ырғыз тас жолында жанармай құю стансаларын салу туралы. Қазіргі уақытта бұл учаскеде екі станса жұмыс істегенмен, жолдың ұзақтығын ескерсек, Егіндікөл мен Торғай аудандарында қосымша кешен салу қажет.Осы бағытта жұмыс істеп жатқан «PetroRetail» компаниясы желіні дамыту және көбейту бойынша өз ұсыныстарын жеткізді. Жанармай құю стансалары желісін көбейтумен қатар, компания Keruen Inn брендімен жол бойындағы қызмет көрсетуді де дамытуда. Мұндай алғашқы қонақ үй Жамбыл облысының Мерке ауданында ашылғаны белгілі. Осындай нысанды Торғай өңірінде де салу ұсынылып отыр.Жиынды қорытындылай келе, Серік Жұманғарин барлық айтылған ұсынысты ескере отырып, жоспар жобасын пысықтауды және мәдениет, туризм, халықты жұмыспен қамту салаларын дамыту шараларын қарауды тапсырды. Өнеркәсіп және құрылыс министрлігі әкімдікпен бірлесіп, Арқалық, Амангелді және Жангелді ауданында жер қойнауын геологиялық зерттеуді жүргізуі тиіс. Бұл инвестиция тарту және бизнесті дамыту үшін жаңа мүмкіндік. «Негізгі жобаларды анықтау, қаржыландыру үшін арнайы шарт жасау маңызды. Ұлттық экономика министрлігі өңірдің орнықты және кешенді дамуының драйвері болатын “Өрлеу-Торғай” жеке бағдарламасын бекітеді», — деп атап өтті вице-премьер.https://www.gov.kz/memleket/entities/economy/press/news/details/1083852?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1083971?lang=kk

01.10.2025 жылы Самаp ауданы бойынша Мемлекеттік кірістер басқармасында салық төлеушілер үшін Ашық есік күні ұйымдастырылды. Іс-шараның мақсаты – халықтың салықтық сауаттылығын арттыру және салық органдары мен салық төлеушілер арасындағы өзара байланысты нығайту.Іс-шара барысында басқарма мамандары ағымдағы жылы күшіне енген жаңа Салық кодексі бойынша түсініктемелер берді. Сондай-ақ, қатысушыларға салық жүйесінің негізгі қызмет бағыттары, оның ішінде салық әкімшілендіру, салық жеңілдіктерін қолдану және электрондық сервистер туралы ақпарат ұсынылды.Келген азаматтар өздерін қызықтырған барлық сұрақтарға толық жауап алды, оның ішінде салық есептілігін тапсыру, салық мөлшерлемелерін қолдану және салық заңнамасындағы өзгерістер бар.Мұндай іс-шараларды өткізу салық органдары қызметінің ашықтығын арттырып, азаматтар мен кәсіпкерлердің салық тәртібін жақсартуға ықпал етеді.Ақпарат көзі : https://www.gov.kz/memleket/entities/kgd-vko/press/news/details/1082625?lang=kk

Бүгін біз Қазақстан Республикасының VI Жастар спорт ойындарын қорытындылайтын боламыз. Төрт жылда бір рет өтетін біріншілік сәуір айында Түркістанда басталды. Барлық облыстардың, Алматы, Шымкент және Астана құрамалары олимпиадалық  34 спорт түрінен жеңіске жету үшін күресті. Жарысқа 2000-нан астам спортшы қатысты. Жастар ойындары Қарағандыда өз мәресіне жетті! Бұл ауқымды әрі маңызды оқиға, еліміздің ең перспективалы жас спортшылары қатысуға ұмтылатын жарыс. Олардың ішіндегі ең үздіктері Қазақстанның намысын әлемдік ареналарда қорғайтын болады.Қарағанды облысы құрамасының қоржынында әр түрлі дәрежедегі 159 (56 - алтын, 42 - күміс, 61- қола) медаль  бола тұра,  Қазақстанның барлық қалалары мен облыстары арасында төртінші орынға ие болып, Алматы, Астана және Шымкент қалаларынан жеңіліп қалды. Біздің спортшыларымыз командалық есепте дзюдо, батут гимнастикасы, үстел теннисі және жеңіл атлетика сияқты түрлерде үздік атанды. Гандболдан ерлер командасы, аймақтың өкілдері ескек есуден, е байдарка және каноеден екінші орынға ие болды. Гандболдан әйелдер командасы үшінші орынды иеленді. Қазақстанның жастар ойындарында Қарағанды облысы алғаш рет осындай жоғары нәтижеге қол жеткізді.Жастар ойындарының жабылу және марапаттау рәсіміне ҚР Туризм және спорт министрлігі Спорт және дене шынықтыру істері комитеті төрағасының орынбасары Нұрлан Есембаев, Қарағанды облысы дене шынықтыру және спорт басқармасының басшысы Серік Сәпиев және облыстық мәслихат депутаты Ерден Халилин қатысты.Ақпарат көзі : https://www.gov.kz/memleket/entities/karaganda-sport/press/news/details/1082639?lang=kk

Біздің Алан Құрманғалиев үстел теннисінен Бейжіңдегі «China Youth Smash» халықаралық турнирінде үздік өнер көрсетіп, қола медаль жеңіп алды. Қарағандылық спортшы Сингапур, Корея және Қытайдан келген мықты, титулды қарсыластарын жеңді. Сарапшылар мен жанкүйерлердің айтуынша, Алан ширек финалда 4-3 есебімен жастар арасындағы әлем және Азия чемпионы Ли Хеченді (Қытай) - жеке және жұптық разраядтарда жеңіп, керемет матч өткізді. Бізді өзінің жетістіктерімен таң қалдыруды тоқтатпайтын Аланды, оның тұрақты тәлімгері Эльмира Әлиеваны және үстел теннисінен Қарағанды ОРОМБЖМ басшысы, жаттықтырушы Тоқтамыс Хасеновті құттықтаймыз!Алда Үндістанның Бхубанешвар қаласында 11-15 қазан аралығында өтетін 28-ші Азия чемпионаты тұр. Оған құрлықтың Бангладеш, Гонконг, Үндістан, Иран, Қазақстан, Катар, Қытай, Корея, ҚХДР, Қырғызстан, Макао, Малайзия, Мальдив, Моңғолия, Непал, Оман, Сингапур, Таиланд, Тайбэй, Өзбекстан, Шри-Ланка, Жапония елдерінен мықты теннисшілері қатысады. Біздің құрамада төрт қарағандылық - Алан Құрманғалиев, Зәуреш Ақашева, Жанерке Қошкумбаева және Альбина Жақсылықова өнер көрсететін болады. Балаларымызға сәттілік пен жеңіс тілейміз!Фото https://ttfrk.kzАқпарат көзі : https://www.gov.kz/memleket/entities/karaganda-sport/press/news/details/1082641?lang=kk

Әзірбайжанның ежелгі де сонымен бірге қазіргі қаласы-Гянджа – посткеңестік кеңістіктегі ең беделді спорттық іс-шаралардың бірі-ТМД елдерінің III ойындарының (29 қыркүйек-4 қазан) өтетін орнына айналды. Турнирге Әзербайжан, Ресей, Қазақстан, Өзбекстан, Беларусь, Тәжікстан, Түрікменстан және Қырғызстаннан 1840 спортшы қатысты. Ашылу салтанаты өте әдемі де жарқын болды, халықаралық біріншілікті Әзірбайжан Республикасының Президенті Ильхам Әлиев пен бірінші ханым Мехрибан Әлиева ашты.Жарыс тек Гянджада ғана емес, елдің басқа аймақтарында да өтті. Шекиде жеті елден 43 батутист медаль үшін күресті. Әлбетте, құрама құрамында қарағандылықтар өнер көрсетіп, медаль жеңіп алды!- Жарыс өте қиын болды, себебі оларға ең мықты спортшылар қатысты, мысалы, Беларусьтік Олимпиада чемпионы Иван Литвинович қатысты, - деді Қазақстан құрамасының бас тәлімгері және батут гимнастикасынан Қарағанды облысының аға жаттықтырушысы Сергей Вертянкин. – Дегенмен де біздің командадағы ең жасымыз Никита Тумаков керемет нәтиже көрсетіп, қола медаль жеңіп алды, бұған қоса алдын ала кезеңде  ол үздік болды.Бұл Никитаның жеке секіруден халықаралық деңгейдегі алғашқы марапаты. Осының алдында қарағандылық дуэт Мұсабаев-Тумаков әлем кубогының «күмісін» алғанын хабарлаған болатынбыз.Жарыста Қарағанды гимнастика мектебінің тағы бір тәрбиеленушісі, ал қазір жоғары спорт шеберлігі мектебінің өкілі – Ерлан Тасмағамбетов ерекше көзге түсті. Келешегінен үміт күттіретін бұл  талантты жігіт синхронды секіруден үшінші орынға ие болды. Жарайсыңдар!Ақпарат көзі : https://www.gov.kz/memleket/entities/karaganda-sport/press/news/details/1082650?lang=kk

Кеден одағы Комиссиясының 2009 жылғы 27 қарашадағы №130 Шешімінің (бұдан әрі – №130 Шешім) 7-тармағының 7.1.38-тармақшасына сәйкес электр қозғалтқышымен жабдықталған көлік құралдарын (СЭҚ ТН коды 8703 80 000 2) Қазақстан Республикасының аумағына әкелуге тарифтік жеңілдік көзделген.Сонымен қатар, аталған Шешіммен тарифтік жеңілдік бойынша  енгізуге болатын 15 000 бірлік электромобиль мөлшерінде квота белгіленген.2025 жылғы 25 қыркүйектегі (сағат 15:00-дегі) жағдай бойынша елге 13 081 электромобиль әкелінді, бұл белгіленген квотаның 87,2%-ын құрайды.Осылайша, қазіргі уақытта жеңілдік шарттары бойынша 1 919 электромобильдерді әкелу мүмкіндігі қалуда.Маңызды: электромобиль сатып алып, елге әкелуді жоспарлап отырған азаматтарға әрекет ететін жеңілдетілген тарифті пайдалану үшін квотаның қалған көлемін ескеру ұсынылады. Павлодар облысы бойынша МКД«Павлодар кедендік ресімдеу орталығы» кеден бекеті Ақпарат көзі : https://www.gov.kz/memleket/entities/kgd-pavlodar/press/news/details/1082653?lang=kk

Құрметті салық төлеушілер және сыртқы экономикалық қызметке қатысушылар! Ақмола облысы бойынша мемлекеттік кірістер Департаментінде ашықтықты және жедел өзара әрекет етуді жоғарылату мақсатында "Instagram" әлеуметтік желісінде "Салық және кеден мәселелері бойынша Кері байланыс" айдарының ашылғандығын еске салады. Аталған айдардың шеңберінде сіздер салық және кеден заңнамасы бойынша сұрақтарыңызға жауап ала аласыздар.Егер ақпараттық жүйелермен өзара іс-қимыл кезінде қандай да бір мәселелер туындаса немесе жедел шешілуі қажет басқа да мәселелер болса, онда сіздер осы айдарға жүгіне аласыздар. Кері байланысу үшін деректеріңізді: БСН/ЖСН, заңды тұлғаның немесе жеке тұлғаның орналасқан орнын (немесе тұрғылықты жерін), сонымен қатар электрондық поштаның мекен-жайын көрсетулеріңізді сұраймыз.Құрметті салық төлеушілер және сыртқы экономикалық қызметке қатысушылар! Сіздер өз сұрақтарыңызды Instagramда сәйкес жарияланымдардың астындағы пікір қалдыру жолында қалдыра аласыздар. Ақпарат көзі : https://www.gov.kz/memleket/entities/kgd-akmola/press/news/details/1084236?lang=kk

Сұрақ: Қол жүктерін тасымалдаудың қандай нормалары бар? Жауап: Қол жүктерінде жолда жүргенде қажет болатын жеке заттарды, сондай ақ Duty Free-ден сатып алған заттарды тасымалдауға болады. Ұшу алдында  белгілі бір авиакомпанияның қол жүгін тасымалдау ережелерімен танысу қажет, өйткені қол жүгін тасымалдау нормалары  авиакомпания мен қызмет көрсету классына байланысты өзгешеленуі мүмкін. Келесілер бойынша шектеулердің барына назар аударыңыздар:- қол жүгінің салмағы мен мөлшері;- рұқсат етілетін тауарлардың түрлері;- сұйықтық және басқа да арнайы тауарларды өткізу. Қызықтыратын сұрақтарыңызға жауаптарды жедел алу үшін Сіз біздің Telegram-арнамыздың Salyg Bot қойындысында «Кедендік сұрақтар» айдарын қолдана аласыз. Павлодар облысы бойынша МКДкедендік әкімшілендіру басқармасыАқпарат көзі : https://www.gov.kz/memleket/entities/kgd-pavlodar/press/news/details/1082670?lang=kk