10тамыз Ұлы ақын Абай Құнанбайұлының туған күніне орай Бастаушы ауылдық кітапханасында “Абай - ұлы даласының данасы” атты тәрбие сағаты өтті. Бұл тәрбиғе сағатында ақының өмірбаяны және шығармашылығы туралы мәліметтер айтылды. “Асыл сөзді іздесең, Абайды оқы таңырқа” кітаптар көрмесіне шолу жасалды және Болатканов Бекжан,Болатбек Айым Абайдың өлеңдерін өленің мәнерлеп оқыды.Ақпарат көзі : https://www.gov.kz/memleket/entities/vko-samar-bastaushy/press/news/details/1271642?lang=ru

Қазақстан Республикасы Қаржы министрлігінің Мемлекеттік кірістер комитетінде алкоголь өнімдерін ірі өндірушілермен және салалық қауымдастықтар өкілдерімен жұмыс кездесуі өтті.Кеңес МКК Төрағасының орынбасары С. Ахметовтің төрағалығымен өтті. Талқылауға «Бахус» АҚ, «Көкшетау минералды сулары» АҚ, «Петропавл арақ зауыты» ЖШС және саланың басқа да кәсіпорындарының өкілдері қатысты.Кездесудің негізгі мәселелерінің бірі өзара сауданы дамыту және қазақстандық өнімді шетелдік нарықтарға жеткізу көлемін кеңейту болды. МКК және бизнес өкілдері алкоголь өнімдерінің экспортына байланысты практикалық мәселелерді, отандық кәсіпорындардың жеткізу көлемін ұлғайтуға дайындығын, сондай-ақ қолданыстағы кедергілер мен сыртқы сауданы одан әрі дамыту жөніндегі ұсыныстарды талқылады.Отандық өндірушілердің шетелдік нарықтарға шығу үшін қосымша мүмкіндіктерді пайдалануына жағдай жасау мақсатында мемлекет пен бизнестің тиімді өзара іс-қимылын қалыптастыру қажеттілігіне ерекше назар аударылды.Кездесудің жеке блогы алкоголь өнімдерін міндетті таңбалау мен қадағалап отыруды енгізуге арналды. Жаңа тәртіпке дайындық аясында пилоттық жоба өткізілді. Оны іске асыру барысында нормативтік және техникалық шешімдер пысықталып, өнімнің қадағалануын қамтамасыз ету тәсілдері қалыптастырылды.Алкоголь өнімдерін міндетті таңбалауды 2027 жылдан бастап енгізу жоспарлануда. Оны іске қосқанға дейін қажетті техникалық пысықтауларды аяқтап, таңбалау кодтарын енгізу, есепке алу және олардың қозғалысы процестерінің тұрақты жұмысын қамтамасыз ету қажет.Кездесу барысында сала өкілдері таңбалауға дайындық кезінде туындайтын практикалық мәселелерді атап өтіп, техникалық шешімдерді жетілдіру жөнінде ұсыныстар енгізді.Кездесу қорытындысы бойынша тараптар екі негізгі бағыт – қазақстандық экспорт мүмкіндіктерін кеңейту және саланы алкоголь өнімдерін міндетті таңбалауға дайындау бойынша одан әрі сындарлы диалог жүргізудің маңыздылығын атап өтті.Ақпарат көзі : https://www.gov.kz/memleket/entities/kgd/press/news/details/1271579?lang=ru

Ұлы ақын және ойшылдың шығармашылығы бізге басты нәрсені үйретеді: жүректері таза адам болу, жақсылыққа ұмтылу және өз халқының игілігі үшін еңбек ету.Сіздердің отбасыларыңызда әрдайым бейбітшілік, келісім және өзара түсіністік орнасын, ал Абайдың дана сөздері қиын жағдайларда дұрыс шешім табуға көмектесін! Өскемен қалалықмәслихатының төрағасы                                                            А. Светаш Ақпарат көзі : https://www.gov.kz/memleket/entities/ukmaslihat/press/news/details/1271571?lang=ru

Сіздердің шеберліктеріңіздің, жауапкершіліктеріңіздің және өз істеріңізге адалдықтарыңыздың арқасында Өскеменнің заманауи тұрғын аудандары, әлеуметтік мекемелері, инженерлік және көлік инфрақұрылымдары салынуда. Сіздердің еңбектеріңіз қаланың заманауи келбетін қалыптастырып, өмір сүруге қолайлы жағдайлар жасайды және одан әрі өсу үшін берік негіз қалайды.Сіздерге мықты денсаулық, амандық, жаңа кәсіби жетістіктер, жоспарланған жобалардың сәтті жүзеге асуы және еңбектеріңіздің лайықты бағалануын тілеймін!Әрбір салынған нысан адамдарға ұзақ жылдар бойы қызмет етсін, Өскеменнің сенімділігінің, құрылысшылардың жасампаздығы мен өркендеуінің символына айналсын, ал сіздердің білімдеріңіз бен шеберліктеріңіз әрдайым сұранысқа ие болсын.Өскемен қалалықмәслихатының төрағасы А. СветашАқпарат көзі : https://www.gov.kz/memleket/entities/ukmaslihat/press/news/details/1271564?lang=ru

Алматы облысында өткен Basqaru Race Nation Kazakhstan 2026 жарысына елімізден және басқа да мемлекеттерден келген шамамен 1800 адам қатысты. Олар арқанмен өрмелеп, биік қабырғалардан асып, лай мен суды еңсеріп, күш-жігерді талап ететін түрлі кедергілерден өтті. Сайыс биік өрлері бар таулы жерде ұйымдастырылды.Алматы облысының еріктілері мен белсенді жастары трассаның жекелеген учаскелерінде кезекшілік етіп, күрделі кедергілерден өткен спортшыларға көмектесті. Қажет болған жағдайда қатысушылардың жағдайы туралы ақпаратты медицина қызметкерлеріне хабарлап, оларды ауыз сумен қамтамасыз етті.Айта кетейік, ауыз су бөтелкелерінде 23 тамызда Құрылтай депутаттарының сайлауы өтетіні туралы ақпарат орналастырылған. Еріктілер жарысқа қатысушылар мен іс-шара қонақтардың сайлауға қатысты сұрақтарына да жауап берді. Осылайша, ауқымды спорттық шара тұрғындарды Құрылтай депутаттарының сайлауы туралы ақпараттандыруға арналған қосымша алаңға айналды.Жарыс барысында қатысушылар мен қонақтарға 23 тамызда өтетін Құрылтай депутаттарының сайлауы туралы ақпарат басылған ауызсу таратылды. Осылайша бұқаралық спорттық іс-шара өңір тұрғындары мен қонақтарын дауыс беру күнінен хабардар етті.Жарыс 5 және 10 шақырымдық қашықтықтар бойынша ұйымдастырылды. Ең күрделі сынақтар 10 шақырымдық трассада жалғасты, мұнда спортшылар 50-ге жуық түрлі кедергіден өтуге тиіс болды.Балалар үшін де жеке кедергілер жолағы ұйымдастырылды. 7-10 жас аралығындағы қатысушылар 1 шақырым, ал 11-14 жастағылар күрделірек элементтері бар 2 шақырымдық қашықтықты еңсерді. 15 жастан асқан жасөспірімдер 3 шақырымдық ересектерге арналған дистанцияға шыға алды. Ұйымдастырушылар ата-алалардың келісімімен дайындығы жақсы бүлдіршіндердің де жарысқа қатысуына мүмкіндік берді. Осылайша, ең жас қатысушысы шамамен бес жаста болды.Бұл жарыс өңірдің туризм саласы үшін де маңызды оқиғаға айналды. Алматы облысының Туризм басқармасы мұндай ауқымды спорттық іс-шаралар өңірдегі спорттық және оқиғалық туризмнің дамуына серпін беретінін атап өтті. Өйткені жарысқа спортшылармен бірге олардың отбасы мүшелері мен жанкүйерлері де турист ретінде келеді.Жарыста 5 және 10 шақырымдық қашықтықтар бойынша жеңімпаздар анықталды. «Elite 10» санатында 18-39 жас аралығындағы ерлер арасында бірінші болып 1:16:39 уақытта Ресейден келген Дмитрий Горев мәреге жетті. Одан қазақстандық Алмас Рахымбаев небәрі 59 секундқа қалып, 1:17:38 нәтижесімен екінші орын алды. Үшінші орынға Әли Рахметов ие болды, ол 1:19:54 уақытта келді. Әйелдер арасында ең үздік нәтижені Анастасия Алексеева көрсетті, ол 2:10:25 уақытта жарыс мәресін сызды.«Elite 5» санатында ерлер арасында Қырғызстан өкілі Арсений Шашичев 59:55 нәтижесімен жеңіске жетті. Қазақстандық Дархан Сүйімбаев 1:00:53 нәтижесімен екінші орын алса, Әшім Жұмабеков 1:03:20 нәтижесімен үшінші орыннан көрінді. Әйелдер арасында қашықтықты ең жылдам бағындырған қазақстандық Олеся Грязнова болды, ол 2:17:25 уақытта келді.«Elite 10 (40+)» санатында ерлер арасында жеңісті Ильназ Басыров 1:25:31 нәтижесімен жеңіп алды. Әйелдер арасында Анастасия Цехотская 2:34:37 нәтижесімен үздік атанды. 5 шақырымдық командалық жарыста Sprint Club Almaty, ал 10 шақырымдық командалық сайыста Jaubasar Almaty жеңімпаз болды.Basqaru Race Nation Kazakhstan 2026 жарысының жалпы жүлде қоры 3 миллион теңгені құрады. Іс-шараны «Экстремалды атлетика» қоғамдық бірлестігі ұйымдастырды.Жалпы Race Nation жарысы Қазақстанда 2017 жылдан бері өткізіліп келеді. Осы уақыт ішінде кейбір қатысушылар балалар арасындағы жарыстардан бастап, толыққанды ересектер арасындағы бәсекелі қашықтықтарға дейінгі жолдан өтті.Еске салайық, 23 тамызда Қазақстанда еліміздің жаңа Парламенті — Құрылтай депутаттарының сайлауы өтеді.Ақпарат көзі : https://www.gov.kz/memleket/entities/almobl/press/news/details/1271530?lang=ru

2026 жылғы 11 тамызНысан: КСМК-ТҚ Қазандық ТП (ТҚ-дағы жөндеу жұмыстары)Жұмыс уақыты: 09:00 – 17:00Кәсіпорындар мен заңды тұлғалар: «Тен» ЖК, ГЭК-15, «Автосервис-Қостанай» ЖШС, «Goldmen Астана» ЖШС, «Тайжанова» ЖК, «Бримжанов» ЖК, «Moldex» ЖШС, Вадиса М, «BrothersAgro Co» ЖШС.🗓 2026 жылғы 12 тамызНысан: №58 ТҚ (ТҚ-дағы жөндеу жұмыстары)Жұмыс уақыты: 09:00 – 18:00Ұйымдар мен коммерциялық нысандар: «Қостанай облысы әкімдігінің жұмыспен қамтуды үйлестіру және әлеуметтік бағдарламалар басқармасы» ММ, Энергетика басқармасы, «Шаян» бизнес-орталығы, «Перекресток» дәріханасы, «Золотая рыбка» кафесі, «Дастархан» базары, «Глобус» дүкені, Гоголь көш., 64 мекенжайындағы «Тігін цехы», Нотариус Н.П. Довбня, «Палетто» дүкені, Толстой көш., 53 мекенжайындағы «Цветная» дәріханасы, «Сезон» дүкені, «Айдана-Плаза» кафесі, Ломбард (Абай даңғ., 153), «Прически» шаштаразы, «Сапожок» дүкені, «Сударушка» дүкені, «Восход» ПИТК, МИБ (ОСИ), «Ковалевская И.А.» ЖК.Көппәтерлі тұрғын үй секторы:Абай даңғылы: 151, 153Толстой көшесі: 51, 53Гоголь көшесі: 44, 64Қасымханов көшесі: 34, 36Инфрақұрылым: Абай – Гоголь қиылысындағы бағдаршам.🗓 2026 жылғы 13 тамызНысан: №6 ТП (ТҚ-дағы жөндеу жұмыстары)Жұмыс уақыты: 09:00 – 18:00Мекемелер мен коммерциялық нысандар: «Қостанай қаласы әкімдігінің білім бөлімінің №19 жалпы білім беретін мектебі» КММ, №27 балабақша, №55 дүкен, «Алла» ЖШС, «Победа» ПИТК, Автожуу (Мирошниченко көш., 1А), «Утаров» ПИТК, «Меркурий» дүкені, «Партнер» ПИК, «СДС-Қостанай», «Твой стиль» шаштаразы, Стоматология (Волынов көш., 14), «Фармаком» дәріханасы, мектеп-балабақша (Гашек көш., 2), Сыбайлас жемқорлыққа қарсы іс-қимыл департаменті, интернат-үйі (Волынов көш., 1).Көппәтерлі тұрғын үй секторы:Ворошилов көшесі: 9, 9/1, 50, 52, 54, 56, 60, 62, 64Кочубей көшесі: 1Мирошниченко көшесі: 3Волынов көшесі: 3, 5, 7, 13, 14Инфрақұрылым: Маяковский – Волынов қиылысындағы бағдаршам.Нысан: №118 ТҚ (ТҚ-дағы жөндеу жұмыстары)Жұмыс уақыты: 09:00 – 18:00Мекемелер мен коммерциялық нысандар: «Славэкс-Азия» ЖШС, «Абвгдейка» балабақшасы (Мәуленов көш., 35), «СТО-Карина» ЖШС, Қостанай қаласы бойынша Мемлекеттік кірістер басқармасы, «Бабушкина» ЖК, «Қостанай-Кама», «Қостанайсужоба», «Зерек» колледжі, «Pandok» кафесі, «Строн-холдинг» ЖШС, «Рыцарь» дүкені, «Қазақтелеком» АҚ, «Рутали» ПИТК, «Бірлік» ПИК, «Дошколенок» ЖШС, «Атамекен» ЖШС, Пьянников ЖК, «2030 Отан» ЖШС.Көппәтерлі тұрғын үй секторы: Мәуленов көшесі, 33/7, 35М.Жеке тұрғын үй секторы: Леонид Беда көшесі, 235, 237, 237/1.Ақпарат көзі : https://www.gov.kz/memleket/entities/kostanai-kalasy-akimat/press/news/details/1271531?lang=ru

10 тамыз — қазақ халқының ұлы ойшылы, ақыны және жазба әдебиетінің негізін салушы Абай Құнанбайұлының туған күні.Абай — тек өткеннің тұлғасы емес, бүгінгі күннің де тағылымы. Оның еңбек пен білімге, рухани дамуға шақырған сөздері қазір де маңызын жойған жоқ. «Қара сөздер» арқылы ол әрбір ұрпаққа адал да парасатты болуды үйретті.Бүгін біз де осы ұлы мұраны есте сақтап, жаңа буынға жеткізуге тырысамыз.Абай күні құтты болсын!Ақпарат көзі : https://www.gov.kz/memleket/entities/kgd-astana/press/news/details/1271538?lang=ru

Бүгінгі таңда халықаралық қылмыстық топтар жұмыс іздеу үшін цифрлық технологияларды, әлеуметтік желілерді және интернет-платформаларды белсенді қолданады. Жоғары ақы төленетін жұмыс орындарының атын жамылып, адамдарды жаңылыстырады, бас бостандығынан айырады және заңсыз әрекеттерге қатысуға мәжбүрлейді.Қанаудың бұл түрі трансұлттық ұйымдасқан қылмыстың ең тез таралатын қауіптерінің біріне айналуда. Адам саудасының құрбандары әр түрлі жастағы, кәсіптегі және білім деңгейіндегі адамдар болуда.Қазіргі заманғы адам саудасы тек жыныстық қанау немесе мәжбүрлі жұмыс емес. Барған сайын адамдарды алаяқтық, киберқылмыс, заңсыз көші-қон, есірткі саудасы, ұрлық және басқа да қылмыстарға қатысуға мәжбүрлейді.Сондықтан алдын-алу қылмыстың осы түріне қарсы тұрудың ең тиімді құралдарының бірі болып қала береді. Адам саудасына қарсы іс – қимыл жөніндегі халықаралық күш-жігерді қолдау мақсатында Қазақстан Республикасы Ішкі істер министрлігі 2026 жылғы 24-30 шілде аралығында «Адам саудасы – ауыр қылмыс!» атты республикалық ақпараттық науқан өткізеді.   Науқанның басты мақсаты – қоғамның назарын ұйымдасқан қылмыстың осы қауіпті түріне аудару, халықтың құқықтық сауаттылық деңгейін арттыру, адамдарды тартудың заманауи тәсілдері және зардап шеккендерді мемлекеттік қорғау шаралары туралы айту.​Науқанға мемлекеттік, жергілікті атқарушы органдар, полиция бөлімшелері, халықаралық және үкіметтік емес ұйымдар қатысады. Апта ішінде бүкіл ел бойынша халықпен кездесулер, құқықтық консультациялар, профилактикалық материалдарды тарату және адам саудасының алдын алуға бағытталған басқа да науқандар өтеді. Қазақстан Республикасы Ішкі істер министрлігі азаматтарды жұмысқа орналасу туралы ақпаратты мұқият тексеруге шақырады, әсіресе ол ақпарат шетелде жұмыс істеу туралы болса, құжаттарды бейтаныс адамдарға бермеуге, күмәнді ұсыныстарға келіспеуге және адам саудасының ықтимал жағдайлары туралы құқық қорғау органдарына хабарлауға шақырады. Әрбір адам қырағылық таныту, сенімді ақпарат тарату және қиын өмірлік жағдайға тап болғандарды қолдау арқылы бұл қылмыстың алдын алуға үлес қоса алады.Адам саудасы қазіргі заманның маңызды сын-қатері болып қала береді, алайда мемлекеттің, қоғамның және әрбір азаматтың бірлескен күш-жігерімен адамның қадір-қасиетін, бостандығын және әрбір адамның қауіпсіз өмір сүру құқығын қорғауға болады. Жыл сайын 30 шілдеде Біріккен Ұлттар Ұйымының бастамасымен Дүниежүзілік адам саудасына қарсы күрес күні атап өтілетінін айта кету керек.Биыл ол қанаудың жаңа түрі адам саудасының құрбандарын ең алдымен онлайн-алаяқтық саласында қылмыс жасауға мәжбүрлеу нысанына назар аударуға арналған «Алаяқтық тұзағында» ұранымен өтеді. Адам саудасы – ауыр қылмыс. Бей-жай қарамаңыз.Ақпарат көзі : https://www.gov.kz/memleket/entities/tourism-vko/press/news/details/1271524?lang=ru

2026 жылғы 7 тамызда Астана қаласы бойынша Департаментінің қызметкерлері Мемлекеттік кірістер комитеті аумақтық департаменттер үшін, оның ішінде Ақмола, Ұлытау және Қарағанды облыстары бойынша МКД үшін ұйымдастырған «Заңды тұлғалар мен дара кәсіпкерлердің салықтық берешегін өндіріп алудың жаңа тәсілі» тақырыбындағы семинарға қатысты.Семинар шеңберінде салық және кеден заңнамасын қолданудың практикалық әрі методологиялық мәселелері қарастырылды. Ерекше атап айтқанда, процедураларды әкімшілендіру бағыттары, сот практикасын талдау, Салық және Кеден кодекстерінің нормаларын түсіндіру, сондай-ақ цифрландыру және бақылау мәселелері талқыланды.Ақпарат көзі : https://www.gov.kz/memleket/entities/kgd-astana/press/news/details/1271526?lang=ru

Мемлекеттік кірістер органы уәкілетті органнан сомаларды қайтаруға және/немесе есепке жатқызуға қорытынды алған кезден бастап 5 жұмыс күні ішінде төлем тапсырмасын жасайды және қазынашылықтың аумақтық бөлімшелеріне жібереді.📌 Негіздеме құжат:Қазақстан Республикасы Қаржы министрінің 2025 жылғы 27 маусымдағы № 328 «Бюджеттің атқарылуын және оған кассалық қызмет көрсетуді, қазынашылық есепке алу мен мониторинг жүргізу рәсімдерін бекіту туралы» бұйрығы.📄 Уәкілетті орган 68-қосымшаға сәйкес нысан бойынша қорытынды жасап, түсімдерді қайтаруға және/немесе есепке жатқызуға төлем тапсырмасын қалыптастыру үшін оны мемлекеттік кірістер органдарына жібереді.❗ Не істеу қажет?Бюджетке түсімдерді алуға жауапты уәкілетті органға төлем жасалған жері бойынша төлемді растайтын төлем құжатының көшірмесін қоса бере отырып, жазбаша өтінішпен жүгіну қажет.Төлеуші – заңды тұлғаның, жеке тұлғаның (жеке кәсіпкердің) қайтару және (немесе) есепке жатқызу туралы өтінішінде мынадай мәліметтер көрсетіледі:Өтініш берушінің атауы (заңды тұлғалар, құрылымдық бөлімшелер, филиалдар үшін) немесе тегі, аты және әкесінің аты (жеке тұлғалар, жеке кәсіпкерлер, адвокаттар және жеке нотариустар үшін);Жеке сәйкестендіру нөмірі/бизнес-сәйкестендіру нөмірі (бейрезидент болған жағдайда көрсетеді), банктік сәйкестендіру коды, жеке сәйкестендіру коды (олар бар болған жағдайда); Өтініш берушінің мекенжайы;Жеке куәлігінің, төлқұжатының немесе оларды алмастыратын құжаттың нөмірі және оның кіммен берілгені (жеке тұлғалар, жеке кәсіпкерлер, адвокаттар және жеке нотариустар үшін);Артық (қате) төленген сома түскен, уәкілетті органдар әкімшілік ететін түсімнің атауы;Қайтарылуға және (немесе) есепке жатқызылуға тиіс сома;Есепке жатқызылған жағдайда – бюджеттік сыныптаманың коды, артық (қате) төленген сома есепке жатқызылатын бюджетке түсетін түсімнің атауы, мемлекеттік кірістер органының бизнес-сәйкестендіру нөмірі және атауы;Бюджетке төленгені туралы төлем құжаттарының деректемелері – төлем құжатының нөмірі мен күні;Бюджетке іс жүзінде енгізілген сома;1 Банк шоттарына қайтарылған жағдайда – алушының банк шотының нөмірі және банктің немесе банктік операциялардың жекелеген түрлерін жүзеге асыратын ұйымның атауы, банктік сәйкестендіру коды, жеке сәйкестендіру коды. Ақпарат көзі : https://www.gov.kz/memleket/entities/kgd-zhetysu/press/news/details/1271491?lang=ru

Егер сіз мемлекеттік тіркеу нөмірлік белгілері (МТНБ) үшін мемлекеттік бажды төлеп, бірақ мемлекеттік қызмет көрсетілмесе, төленген соманы қайтаруға құқығыңыз бар.Қайтару үшін:✔️ мемлекеттік қызметтің көрсетілмегені туралы растайтын құжат алыңыз;✔️ салық органына қайтару туралы салықтық өтініш беріңіз;✔️ растайтын құжатты қоса тіркеңіз;✔️ банк деректемелерін көрсетіңіз;✔️ өтінішке ЭЦҚ арқылы қол қойып, мемлекеттік баж төленген жердегі мемлекеттік кірістер органына жолдаңыз.❗ Маңызды: мемлекеттік бажды қайтару салықтық өтініштің негізінде мемлекеттік кірістер органдары арқылы жүзеге асырылады.⚠️ Назар аударыңыз: e-Otinish платформасы арқылы мемлекеттік бажды қайтару қызметі көрсетілмейді.Ақпарат көзі : https://www.gov.kz/memleket/entities/kgd-zhetysu/press/news/details/1271483?lang=ru

Қазақстан Республикасы Цифрлық даму, инновациялар және аэроғарыш өнеркәсібі министрлігінің 2020 жылғы 31 қаңтардағы № 39/НҚ «Мемлекеттік көрсетілетін қызметтер тізілімін бекіту туралы» бұйрығына сәйкес мемлекеттік кірістер органдары «Қазақстан Республикасы Қаржы министрлігінің құрылымдық бөлімшелерінен және (немесе) олардың аумақтық бөлімшелерінен шығатын ресми құжаттарға апостиль қою» мемлекеттік қызметін көрсетеді.2026 жылғы 1 қаңтардан бастап аталған мемлекеттік қызметті көрсету тәртібі Қазақстан Республикасы Қаржы министрлігінің 2025 жылғы 11 қарашадағы № 689 «Мемлекеттік кірістер органдарының резиденттікті растауға және ресми құжаттарға апостиль қоюға байланысты кейбір мәселелер туралы» бұйрығымен реттеледі.Осы бұйрықпен мемлекеттік қызмет көрсету қағидалары бекітілген. Апостиль – мыналарды куәландыратын арнайы мөртаңба:лауазымды тұлғаның қолының түпнұсқалығын;құжатқа қол қойған тұлғаның өкілеттігін;мемлекеттік органның мөрінің немесе мөртаңбасының түпнұсқалығын.  Апостиль құжаттың мазмұнын растамайды, тек оның ресми шығу тегін куәландырады.Мемлекеттік қызметті алушылар:жеке тұлғалар;заңды тұлғалар;сенімхат немесе өкілеттігін растайтын өзге де құжаттар негізінде әрекет ететін өкілдер болып табылады.Мемлекеттік қызмет:көрсетілетін қызметті беруші арқылы;«Азаматтарға арналған үкімет» мемлекеттік корпорациясы арқылы көрсетіледі. Мемлекеттік қызметті алу үшін:апостиль қойылатын құжат;мемлекеттік баждың төленгенін растайтын құжат ұсынылады.Қазақстан Республикасы Салық кодексінің 667-бабы 3-тармағының 6) тармақшасына сәйкес апостиль қою үшін әрбір ресми құжатқа 0,5 АЕК мөлшерінде мемлекеттік баж алынады. 2026 жылғы 1 қаңтардағы жағдай бойынша 1 АЕК – 4 325 теңге. Сәйкесінше, мемлекеттік баж мөлшері әрбір ресми құжат үшін 2 162,5 теңгені құрайды. Төлем 108126 БСК - апостиль қою үшін мемлекеттік баж бойынша жүргізіледі.Мемлекеттік қызмет көрсету мерзімі - 3 жұмыс күні, қосымша тексеру қажет болған жағдайда - өтініш тіркегелген күннен бастап 5 жұмыс күнін құрайды.Өтінішті қарау нәтижелері бойынша өтініш берушіге:апостиль қойылған ресми құжат;немесеқағидаларда көзделген негіздер бойынша мемлекеттік көрсетілетін қызметті көрсетуден бас тарту беріледі.Ақпарат көзі : https://www.gov.kz/memleket/entities/kgd-vko/press/news/details/1271462?lang=ru

Хельсинки, 2026 жылғы 10 тамыз – Қазақстанның Финляндиядағы Елшілігінде «Сәуле» мәдени орталығының қолдауымен қазақтың ұлы ақыны, ойшылы әрі ағартушысы Абай Құнанбайұлының күніне орай дәстүрлі «Абай оқулары» өтті.Кештің ерекшелігі – Абай шығармаларының фин тілінде орындалуы болды. Қазақ және ағылшын тілдерімен қатар фин тілінің қолданылуы финляндиялық көрермендерге қазақ әдебиетінің бай мұрасымен танысуға мүмкіндік беріп, ақын шығармашылығын түрлі мәдениет өкілдеріне одан әрі жақын әрі түсінікті ете түсті.Бағдарлама аясында қатысушылар Абайдың таңдаулы өлеңдері мен шығармаларынан үзінділерді қазақ, фин және ағылшын тілдерінде оқып, жоғары дайындық деңгейін, көркем әрі мәнерлі орындаушылық шеберлігін және ақын шығармашылығына деген шынайы сүйіспеншілігін көрсетті.Іс-шара барысында Абайдың әдеби мұрасы Қазақстанның рухани мәдениетінің аса маңызды бөлігі болып қала беретіні, оның адамгершілік құндылықтарды қалыптастырып, ұрпақтар сабақтастығын нығайтудағы маңызы зор екені атап өтілді.Байқау нәтижелері бойынша қатысушылар «Сахналық шеберлігі үшін», «Мәтінді терең түсінгені үшін», «Көрермен көзайымы» сияқты номинациялармен марапатталып, естелік сыйлықтар табысталды.Абай оқулары Хельсинкиде қазақ әдебиетін, мәдениетін және тілін шетелде танытудың жарқын үлгісіне айналды.Ақпарат көзі : https://www.gov.kz/memleket/entities/mfa-helsinki/press/news/details/1271464?lang=ru

Құрметті отандастар! Баршаңызды Абай күнімен шын жүректен құттықтаймын! Ұлы ойшылдың шығармашылық әрі зияткерлік мұрасы әлемдік және ұлттық мәдениеттің асыл қазынасы қатарынан айрықша орын алады. Абай ілімі – рухани шамшырағымыз, айнымас темірқазығымыз. Ақын жұртшылықты толғандыратын көкейкесті мәселелерді бүкпесіз айтып, халқымызды бейқамдық пен жалқаулықтан аулақ болуға шақырды. Хакімнің «Толық адам» идеясы – әрбір азаматты рухани кемелденуге үндейтін және ешқашан өзектілігін жоғалтпайтын мазмұны терең тұжырым.Биыл Абай күні елімізде жүргізіліп жатқан ауқымды өзгерістермен тұспа-тұс келіп отыр. Қазақстанның Халық Конституциясы заңды күшіне еніп, биліктің барлық институттарын түбегейлі жаңғырту үдерісі басталды. Бұл – шын мәнінде, ұзақ мерзімге арналған даму бағдарымызды айқындайтын ерекше кезең. Көп ұзамай ел тарихында алғаш рет Құрылтай сайлауы өтеді. Бір палаталы Парламент реформаларды сапалы әрі тиімді жүзеге асыруға тың серпін беретіні сөзсіз.Бұл өзгерістердің түпкі мәні – жасампаздық құндылықтарын азаматтардың санасына сіңіріп, Қазақстанның тың қарқынмен дамуына жол ашу. Біз қоғамда жаңа этиканы қалыптастыру, ұлттық бірегейлікті нығайту және гуманистік идеалдарды дәріптеу барысында әрдайым Абайға жүгінеміз. Ұлы ақын халықтың болашағы үшін білімпаздық, еңбекқорлық, жауапкершілік сынды қасиеттер өте маңызды екенін ұғындырды, көрегендік танытып, жұртты бірлік пен келісімді сақтауға шақырды. Абай қара сөздерінің тағылымы қазіргі Қазақстанның құндылықтарымен толық үндеседі. «Адал Азамат», «Таза Қазақстан», «Заң мен Тәртіп» тұғырнамалық идеялары – Абай армандаған берекелі қоғамның берік негізі. Сондықтан, біз Әділетті, Озық әрі Қуатты Қазақстанды құрып жатырмыз.Ұлы ойшылдың мол мұрасы алдағы уақытта да өскелең ұрпақты шынайы отаншылдық пен туған елге сүйіспеншілік рухында тәрбиелеу ісінде рухани азық болады деп сенемін.Баршаңызға амандық және табыс тілеймін!Абай күні құтты болсын! Ақпарат көзі : https://www.gov.kz/memleket/entities/mfa-bucharest/press/news/details/1271673?lang=ru

Баянды ауылының әкімі аппаратының әкімі Қадырбек Құдабайұлы мекеме қызметкерлеріне сыбайлас жемқорлықтың алдын алу, мемлекеттік қызметшілердің әдеп нормаларын сақтау және қызметтік тәртіпті күшейту мәселелері бойынша түсіндірме жиналысы өткізді.Жиналыс барысында сыбайлас жемқорлыққа қарсы іс-қимыл талаптарын қатаң сақтау, азаматтармен қарым-қатынаста әдептілік таныту және қызметтік міндеттерді сапалы орындау қажеттігі атап өтілді.Ақпарат көзі : https://www.gov.kz/memleket/entities/mangystau-munaily-bayandy/press/news/details/1271433?lang=ru

ҚР Премьер-Министрінің 2025 жылғы 31 желтоқсандағы № 205-ө өкімімен бекітілген Халықпен кездесу кестесіне сәйкес, ҚР Еңбек және халықты әлеуметтік қорғау вице-министрі Б.Б. Жазықпаев а.ж. 7 тамызда жұмыс сапарымен Қостанай қаласына келді.Сапар аясында Бақтияр Жазықпаев өңір халқымен және жұртшылығымен, еңбек ұжымдарымен және үкіметтік емес ұйымдармен кездесті, азаматтарды жеке қабылдап, бірқатар маңызды әлеуметтік объектілерді араладыАқпарат көзі : https://www.gov.kz/memleket/entities/kostanai-zhumys-aleumettik-korgau/press/news/details/1271414?lang=ru

2026 жылғы 7 тамызда ҚР Еңбек және халықты әлеуметтік қорғау вице-министрі Бахтияр Жазықбаев жұмыс сапарымен Қостанай облысына барады. Сапар барысында өңір жұртшылығымен кездесу өткізіп, азаматтарды жеке мәселелері бойынша қабылдайды, сондай-ақ әлеуметтік маңызды  мекемелерді аралайды.Жұмыс сапары аясында өңір тұрғындарымен әлеуметтік-еңбек саласындағы өзекті мәселелер талқыланып, олардың түйткілді проблемалары қарастырылатын болады.Вице-министрге жолданған сұрақтар мен ұсыныстарды келесі байланыс арналары арқылы жіберуге болады: ҚР ЕХӘҚМ-нің ресми интернет-ресурсы (www.gov.kz), Egov.kz электрондық үкімет порталы, «E-Өтініш» азаматтардың өтініштерін қабылдау және өңдеудің бірыңғай платформасы (suraktar.kz).Сонымен қатар төмендегі телефон нөмірлері арқылы да хабарласуға болады: 8 (7172 74 37 23, 74 36 79).Ақпарат көзі : https://www.gov.kz/memleket/entities/kostanai-zhumys-aleumettik-korgau/press/news/details/1271390?lang=ru

Арқалық қаласының 70 жылдық мерейтойы аясында 39-шы жазғы облыстық Спартакиада жоғары деңгейде ұйымдастырылды. Дәстүрлі спорт додасының алауы 20 жылдан кейін қайтадан Арқалықта жағылды. Бүгінде Арқалықтың жаңа тынысы ашылып, қала қайта түлеп келеді. Мемлекет басшысы Қасым-Жомарт Тоқаевтың қолдауымен Арқалық пен бүкіл Торғай өңірін әлеуметтік-экономикалық дамытуға бағытталған жүйелі жұмыстар жүзеге асырылуда. Спорт – ұлт денсаулығының кепілі. Сондықтан облыста бұқаралық спортты дамытуға және спорт инфрақұрылымын жаңғыртуға ерекше мән берілуде.«Соңғы 3 жылда облыста 30-дан астам спорт нысаны салынды. Оның ішінде 18 дене шынықтыру-сауықтыру кешені, 8 спорт залы, 2 стадион, 6 жабық хоккей корты, ат манежі мен бассейн бар. Қазір тағы 7 спорт нысанының жобасы іске асырылуда. Аулаларда 47 спорт алаңы салынды», деді аймақ басшысы Құмар Ақсақалов.Арқалықта өткен жылы күрес залы, дарынды балаларға арналған мектеп-интернат, «Қазақстан» спорт кешені пайдалануға беріліп, «Жігер» стадионы жаңғыртылды. Қазір қалада жабық хоккей корты мен дене шынықтыру-сауықтыру кешенінің құрылысы жүріп жатыр.Облыста бұқаралық спортты дамыту мақсатында мектеп және студенттер лигалары тұрақты өткізіледі. Көптеген спортшыларымыздың үлкен жетістіктерге бастар жолы дәл осындай аудандық және облыстық жарыстардан басталған.Ақпарат көзі : https://www.gov.kz/memleket/entities/kostanay/press/news/details/1271398?lang=ru

Арқалық қаласының 70 жылдығы жоғары деңгейде өтті. Мерейтой барысында өткен үлкен салтанатты шараның бірі – қайта жаңғыртудан кейін ашылған теміржол вокзалы.Мемлекет Басшысының тапсырмасы бойынша елімізде 125 теміржол вокзалын ауқымды жаңғырту жұмыстары жүргізілуде. Облыста Қостанай қаласы, Арқалық, Тобыл, Железорудный, Аманқарағай, Кұсмұрын бекеттерінде 6 теміржол вокзалы қайта жаңғыртылуда. Осыған дейін Аманқарағай, Құсмұрын, Рудный теміржол вокзалдары ашылған болатын.«Ал, бүгін біз Арқалық қаласы үшін өте маңызды да қуанышты оқиғаның куәсі болып отырмыз. Қаланың 70-жылдық мерейтойында жаңарған, заманауи теміржол вокзалы өз есігін айқара ашып отыр. Бұл тек инфрақұрылымдық жоба емес, бұл Арқалықтың өркендеуінің, Мемлекет басшысы жүргізіп отырған өңірлерді дамыту саясатының жарқын көрінісі!», – деді Қостанай облысының әкімі Құмар Ақсақалов құттықтау сөзінде.Жаңарту жұмыстарына 1,3 млрд теңге жұмсалды. Ғимарат 1972 жылы салынған. Соңғы жөндеу 2015 жылы өткізілген. Биыл ғимараттың сәулеттік келбеті толық жаңарып, инженерлік желілері жөнделді. Күту залы, билет кассалары мен санитарлық тораптар заманауи талаптарға сәйкес жабдықталды. Вокзал маңындағы алаң абаттандырылды.Теміржол вокзалының ауданы 1 772-ден 2 400 шаршы метрге дейін ұлғайды.Станция арқылы 8 пойыз, оның ішінде Астана, Қостанай және Шұбаркөл бағытында 4 қала маңы пойызы қатынайды.«Қаламыздың 70 жылдық мерейтойына орай, күнара қатынайтын, жаңа вагондардан тұратын «Нұрлы жол – Арқалық» жолаушылар пойызы іске қосылды. Мұның маңызы өте зор. Жаңа бағыт өңірдің қатынас мүмкіндігін едәуір жақсартты. Бұл жоба –  ең алдымен халыққа сапалы, жайлы әрі қауіпсіз қызмет көрсету үшін жүзеге асырылды», – деді Құмар Ақсақалов.Вокзал тәулігіне 428 адамды қабылдай алады. Мүгедектігі бар азаматтар, қарт адамдар және балалары бар жолаушылар үшін кедергісіз орта қалыптастырылды.Жаңартылған вокзал жолаушылар ағынын және іскерлік белсенділіктің артуына ықпал етеді. Атап айтсақ, өңірдің көлік-логистикалық әлеуеті артып келеді. Аймақ басшысы көлік қатынасын дамытпай, ел экономикасын көтеру мүмкін емес екенін жеткізді.Арқалық өңірінің экономикасына жаңа серпін беру мақсатында екі маңызды жол жаңаруда. Біріншісі – «Жезқазған-Арқалық» автожолы. Арқалықтан Жезқазғанға дейін 309 шақырым. Біздің облыс бойынша өтетін  71 шақырым жөнделді. Биыл 8 шақырымның жөндеу жұмыстары аяқталуға жақын. Ұлытау облысы бойынша өтетін жолдың жөндеуі де биыл аяқталады. Арқалықтан Есілге дейін облыс бойынша өтетін жолдың жөндеуі толық аяқталды. Оның арқасында бұл бағыт 500 шақырымға қысқарады.Екіншісі – Мемлекет Басшысының тапсырмасымен салынып жатқан, Арқалық және Торғай арқылы өтетін жаңа «Орталық-Батыс» жолы.«Жаңартылған әуежайды жақын арада ашамыз. Жоба өңір мен жергілікті тұрғындар үшін үлкен маңызға ие. Нәтижесінде, Арқалық еліміздің солтүстігін, орталығын, батысы мен оңтүстігін өзара жалғайтын маңызды көлік және логистикалық хабқа айналады. Көліктік логистиканың дамуы Арқалықтың экономикасына серпін береді, сондай-ақ кәсіпкерлік пен ішкі туризмді жандандырады», – деп атап өтті облыс әкімі.  Ақпарат көзі : https://www.gov.kz/memleket/entities/kostanay/press/news/details/1271360?lang=ru

Қазақтың ұлы ақыны, ойшылы, философы Абай Құнанбайұлының туған күніне орай, Абай саябағында ұлы ақынның ескерткішіне гүл шоқтарын қою рәсімі ұйымдастырылды. Салтанатты шараға Шымкент қаласы әкімінің орынбасары Сәрсен Құранбек, зиялы қауым өкілдері, ақын-жазушылар, бұқаралық ақпарат құралдарының өкілдері мен қала тұрғындары қатысты.Гүл шоқтарын қою барысында Абай мұрасының қазақ руханиятындағы орны мен оның шығармаларындағы адамгершілік, білім, ғылым, еңбек, елдік құндылықтардың маңызы сөз болды.Шарада сөз алған Шымкент қаласы әкімінің орынбасары Сәрсен Абайұлы Құранбек хакім мұрасының уақыт өткен сайын құндылығы арта түсетінін атап өтті.   - Абай атамыз соқтықпалы, соқпақты заманда өмір сүріп, қазақ қоғамының санасына сәуле түсіретін, уақыт өткен сайын қадірі арта беретін мәңгілік мұра қалдырды. Ол өз дәуірінің ғана емес, кейінгі ұрпақтың да қамын ойлап, қазақ қоғамын білімге, ғылымға, адамгершілікке шақырды. Абайдың әрбір сөзі, әрбір ойы – адамды кемелдікке, елді өркениетке бастайтын рухани бағдар. Сондықтан хакімнің мұрасы бүгінгі күні де өзектілігін жоғалтпай, ұрпақтан ұрпаққа жалғасып келеді, – деді ол.Расында, Абайдың өмір сүрген кезеңі қазақ қоғамы үшін күрделі уақыт болғанымен, ақын елдің ертеңін білім мен ғылымнан, адал еңбек пен адамдық қасиеттен іздеді. Ол халықтың бойындағы кемшіліктерді сынап қана қоймай, одан арылудың жолын да көрсетті. Ақынның өлеңдері мен қара сөздеріндегі тағылымды ойлар адамды өзін-өзі жетілдіруге, білім іздеуге, еңбек етуге, әділет пен ар-ұятты биік қоюға үндейді.Абай мұрасының өміршеңдігі де осында. Хакімнің адам болмысы, мінез-құлық, білім мен ғылым, ел бірлігі мен қоғам жауапкершілігі туралы ойлары бүгінгі заманмен де үндесіп жатыр. Сондықтан Абайды дәріптеу – ұлы тұлғаның есімін ұлықтаумен ғана шектелмей, оның аманат еткен құндылықтарын кейінгі ұрпақтың санасына сіңіру.Шараның жалғасы «Хәкім Абай» музейінде өрбіді. Қатысушылар музейге экскурсия жасап, ақынның өмірі мен шығармашылық жолына қатысты құнды жәдігерлермен танысты.Сонымен қатар, «Абай әлемі» ашық есік күні ұйымдастырылып, келушілер назарына «Абайдың асыл мұрасы», «Көркем әлемдегі Абай» және «Абайды оқы, таңырқа!» атты көрмелер ұсынылды. Көрмелерде ақынның әдеби мұрасы, шығармашылығы мен рухани әлемін танытатын құнды дүниелер көпшілік назарына ұсынылды.Мәдени-танымдық шара барысында Абайдың өлеңдері мен қара сөздеріндегі терең философиялық ойлар, адамгершілік қағидалар мен ұлттық құндылықтар кеңінен насихатталды.Хакім Абайдың мұрасы – бір дәуірдің еншісінде қалған рухани қазына емес, ұлтпен бірге жасайтын мәңгілік құндылық. Оны оқу, түсіну және кейінгі ұрпаққа жеткізу – бүгінгі қоғамның да ортақ міндеті.